Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.10.2019
ԼՂՀ


Կիրագործվեն վերաբնակեցմանը խթանող ծրագրեր

ԼՂՀ կառավարությունը նոր արտոնություններ է սահմանում

Գործադիրի վերջերս կայացած նիստում սոցիալական որոշ խմբերի համար սահմանվել են մի շարք նոր արտոնություններ։ Կառավարությունը մասնավորապես հավանության է արժանացրել 2019թ. պետական բյուջեով նախատեսված՝ վերաբնակիչների ու փախստականների սոցիալական խնդիրների լուծմանը միտված միջոցառումների, երկկողմանի ծնողազուրկ երեխաների բնակարանային խնդիրների լուծմանն առնչվող եւ սեզոնային զբաղվածության խթանման միջոցով գյուղացիական տնտեսությանն աջակցության տրամադրման նոր կարգը։
Ըստ աշխատանքի, սոցիալական հարցերի եւ վերաբնակեցման նախարար Սամվել Ավանեսյանի, տարվա կտրվածքով վերաբնակիչների ու փախստականների սոցիալական խնդիրների լուծման նպատակով պետական բյուջեով 256 միլիոն դրամ է նախատեսված, եւ, համապատասխանաբար, ութ ծրագիր կիրագործվի։ Վերաբնակիչներին կտրամադրվի միանվագ դրամական օգնություն, գույքի տեղափոխման փոխհատուցում, ճանապարհածախսի փոխհատուցում, բյուջետային վարկ՝ շենք—շինությունների ընթացիկ վերանորոգման եւ կառուցման աշխատանքների, ինչպես նաեւ կենցաղային կահույքի եւ սարքավորումների ձեռքբերման համար։ Նախարարի խոսքով, ընդհանուր ծրագիրը հաշվարկված է 180 վերաբնակ ընտանիքների աջակցության նպատակով։ Առայժմ վերաբնակչի կարգավիճակ ստացել է 54 ընտանիք։ Ս. Ավանեսյանը կարծում է, որ ծրագիրը պիտի վերանայվի, մանավանդ որ կառավարության վերաբնակեցման գործընթացը կարգավորող վերջին որոշումներն ընդունվել են 2003 թվականին։
Դրա անհրաժեշտությունը կարեւորվում է եւ այն տեսանկյունից, որ նվազագույն աշխատավարձի չափը եւ նվազագույն սպառողական զամբյուղի արժեքը մի քանի անգամ փոփոխվել են։ Նախարարությունը ձեռնամուխ լինելով ուսումնասիրություններին, մշակում է համապատասխան հայեցակարգ, որով փորձ կարվի տալ մտահոգիչ խնդիրների պատասխանները։
«Անցյալ տարվանից սկսած քննարկումներ են տեղի ունեցել շահագրգիռ մարմինների հետ։ Փորձում ենք հասկանալ, թե ինչ նոր մոտեցումներ պետք է որդեգրվեն, որպեսզի այդ ծրագրերն արդյունավետ լինեն։ Ոլորտի պատասխանատուները վերաբնակեցումը դիտարկում են որպես երեք մասից բաղկացած գործընթաց՝ ներքին տեղաշարժ, ՀՀ—ից եւ արտերկրից շարժ՝ դեպի Արցախի Հանրապետություն եւ արտերկրից դեպի Արցախ՝ վերաբնակեցում։ Այդ ուղղություններից յուրաքանչյուրի հանդեպ տարբեր մոտեցումներ են պահանջվում։ Գործող ծրագրով ենթադրվում է կացարանի տրամադրում եւ որոշակի գումար՝ սկզբնական շրջանի համար։ Ներկայումս ուսումնասիրվում է հայրենադարձության, միգրացիայի ոլորտում հաջողություններ գրանցած երկրների փորձը,–տեղեկացնում է նախարարը։–Ուսումնասիրությունները ցույց են տվել, որ հաջողում են այն երկրները, որոնք առաջին հերթին կարեւորում են աշխատանքը եւ ներկայացվող առաջարկությունների մեջ շեշտը դնում են հենց այս հանգամանքի վրա»։
Ինչպես ակնհայտ դարձավ կառավարության որոշումից, բնակարանային հարցերի հասարակական հանձնաժողովն իր գործունեությունը նույնպես կիրականացնի նոր կարգի համաձայն։ Բնակարանային պայմանների բարելավման կարիք ունեցող առանձին սոցիալական խմբերում ընդգրկված քաղաքացիների հաշվառման եւ նրանց բնակարանների կամ բնակելի տների տրամադրման կամ վերանորոգման կարգի (նախագծի) ներկայացումը պայմանավորված էր մի շարք հանգամանքներով։ Պատահական չէ, որ քննարկումները կայացել են տարբեր գերատեսչությունների եւ կառույցների պատասխանատուների, այդ թվում եւ պետնախարարի մասնակցությամբ։
Հատկանշական է, որ նոր տարվանից բարեփոխումներ են ենթադրվում առանց ծնողական խնամքի մնացած երեխաների բնակարանային ապահովման բնագավառում։ Մասնավորապես՝ մեկսենյականոց բնակարանների փոխարեն նրանց պետք է տրամադրվի առնվազն երկսենյականոց բնակարան, որի մակերեսը որոշվելու է կառավարության համապատասխան որոշմամբ սահմանված կարգով, ընտանիքի յուրաքանչյուր անդամի հաշվով առնվազն 9 քառ. մետր տարածքի հաշվարկմամբ։ Նոր նախագծով առաջարկվում է առանց ծնողական խնամքի մնացած երեխային տրամադրած բնակելի տարածությունն անհատույց օգտագործման իրավունքով, ժամկետը լրանալուց հետո սեփականության իրավունքով փոխանցել նրան, իսկ վերջինիս ամուսնացած լինելու դեպքում ընտանիքին՝ համատեղ սեփականության իրավունքով։ Ա. Ավանեսյանի հավաստմամբ՝ «մեկսենյականոց բնակարանի տրամադրմամբ, փաստորեն, վերջնական լուծում չի տրվում երկկողմանի ծնողազուրկ երեխայի բնակարանային խնդրին, եւ այդ իրավունքը կիրացվի 18—20 տարեկան երեխաների համար»։
Կառավարությունը մտադիր է աջակցել եւ շուկայում անմրցունակ գյուղատնտեսական նշանակության հողի սեփականատեր հանդիսացող անձանց՝ նրանց համար ապահովելով ժամանակավոր զբաղվածություն եւ աշխատանքի նորմալ պայմաններ։ «Ծրագիրն առաջնահերթության կարգով նախատեսվում է իրականացնել գյուղացիական տնտեսությանը բնական պատճառներով հասցված վնասների վերականգնման համար,–պարզաբանման կարգով հիշեցնում է նախարարը։–Մեկ ծրագրի առավելագույն արժեքը սահմանվել է 700 հազար դրամ, իսկ առավելագույն տեւողությունը որոշվում է գյուղատնտեսական մշակաբույսերի մշակման աշխատանքների իրականացման ժամկետներին համապատասխան։ Հողօգտագործողի հետ կկնքվի աջակցության պայմանագիր, որը նրան հնարավորություն կտա որպես վարձու աշխատող ծրագրում ընդգրկելու նաեւ նախարարության ենթակայությամբ գործող աշխատանքի եւ զբաղվածության գործակալությունում հաշվառված՝ աշխատանք փնտրող անձանց»։ Ս. Ավանեսյանը նշեց, թե նախկինում էլ նմանատիպ պիլոտային ծրագիր իրականացվել է շրջաններում, եւ ոչ մի խնդիր չի առաջացել։ Նախապես կատարվել է աշխատանքի բաժանում, եւ բոլոր պահանջներն իրականացվել են պատշաճ մակարդակով։
Նախարարը եւս մի կարեւոր հավելում կատարեց. «2018թ. բյուջեն քննարկելու ժամանակ առաջարկություններ եղան վերականգնել ծրագիրը, քանի որ այն բնական աղետներից տուժած կամ ինչ—ինչ պատճառներով իրենց հողը չմշակող հողատերերին հնարավորություն է ընձեռում առավել արդյունավետ ու լիարժեք օգտագործելու աշխատանքների կազմակերպման ողջ ներուժը»։
Դ. ՄԻՔԱՅԵԼՅԱՆ

13-04-2019





19-10-2019
Հայաստանն ընտրվել է ՄԱԿ-ի մարդու իրավունքների խորհրդի անդամ
Ի՞նչ անելիք ունենք այդ կարգավիճակում

Թամարա ՄՈՒՐԱԴՅԱՆ
t.muradyan@hhpress.am


Մեր ...


19-10-2019
Լրագրողական կրթության խոստումնալից ընթացքը
Նշվեց ԵՊՀ ժուռնալիստիկայի ֆակուլտետի 20-ամյակը

Լուսինե ՄԽԻԹԱՐՅԱՆ
l.mkhitaryan@hhpress.am


ԵՊՀ գիտական ...


 
19-10-2019
ԱՌՁԵՌՆ ԱՌԱԾԱՆԻ
«Աղբը քանի իրար տաս՝ հոտը կելնե»

Իմաստուն խորհուրդ ...


19-10-2019
Նոր ու ժամանակակից գրապահարաններ թանգարան-ինստիտուտին
Հայ բարեգործի շնորհիվ Հայոց ցեղասպանության պատմությունը ամփոփող գրականությունն ...


19-10-2019
Չկենտրոնացնել, չկուտակել ամեն ինչ մեկ վայրում եւ մեկ ձեռքում
Էրեբունի-Երեւանի տոնակատարությունների կազմակերպման տրամաբանությունը փոխվել է

Լիանա ՍԱՐԳՍՅԱՆ
l.sargsyan@hhpress.am


Դժվարին ...


19-10-2019
Զգացմունքների մաքրությունը...
Օրերս ՀԲԸՄ համերգասրահում ՀՀ կրթության, գիտության, մշակույթի եւ սպորտի ...


19-10-2019
Լրագրողական կրթության խոստումնալից ընթացքը
Նշվեց ԵՊՀ ժուռնալիստիկայի ֆակուլտետի 20-ամյակը

Լուսինե ՄԽԻԹԱՐՅԱՆ
l.mkhitaryan@hhpress.am


ԵՊՀ գիտական ...



19-10-2019
Գյումրիի թանգարաններն էլ կոտրեցին կարծրատիպերը
Շիրազի հուշատուն-թանգարանը՝ որպես ...

19-10-2019
«Կուզենայի, որ երեւանցիներն ավելի շատ զբաղվեն սպորտով»
«Էրեբունի-Երեւան» տոնից ավանդաբար անմասն չեն ...

19-10-2019
Երջանկության բանաձեւը
Հայը, hայերենն ու Հայաստանը անխզելի միասնություն ...

19-10-2019
Այն, ինչ անվերահսկելի է, միշտ վտանգավոր է
Թուրքիան տոնայնությունը փոխելով՝ ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO