Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

13.12.2019
ԶԱՆԱԶԱՆ


«Բանանցը» հրաժարվեց. ի՞նչ սպասել հաջորդիվ

Խորը հիասթափություն էր սպասում այն մի քանի տասնյակ հանդիսականներին, որոնք չնայած աննպաստ եղանակային պայմաններին նախօրեին եկել էին Վանաձորի ֆուտբոլի ակադեմիա՝ հետեւելու Հայաստանի գավաթի խաղարկության կիսաեզրափակիչ փուլի «Լոռի»—«Բանանց» պատասխան հանդիպմանը։ Այն ավարտվեց դեռ չսկսված, քանի որ երեւանյան ակումբի ղեկավարությունը իր թիմին հրահանգեց հեռանալ խաղադաշտից։ Արդյունքում՝ լոռեցիներն անկախ Հայաստանի ֆուտբոլային պատմությունում առաջին անգամ անցան գավաթային մրցաշարի եզրափակիչ, իսկ տեղի ունեցածն առաջացրեց մի շարք հարցեր, որոնք առնվազն հրապարակման պատրաստման պահին մնում էին անպատասխան։
«Բանանց» ակումբը զարմանալի լռություն է պահպանում միջադեպի վերաբերյալ, թեպետ տրամաբանորեն պետք է անհապաղ հիմնավորեր իր որոշումը կամ գոնե հանդես գար պաշտոնական հայտարարությամբ։ Սակայն խաղից հրաժարվելուց երեք ժամ անց որեւէ արձագանք չկար։ Անպատասխան էր մնում նաեւ մեկնաբանության վերաբերյալ մեր հարցումը։ «Բանանցի» կողմից միակ քայլը եղել էր խաղի մեկնարկի նախանշված ժամից րոպեներ առաջ ակումբի սեփականատեր Ջեւան Չելոյանցի ելույթը մարզադաշտում, որի ընթացքում նա տեղեկացրել է հանդիպման չկայանալու մասին եւ մրցակցին շնորհավորել եզրափակիչ անցնելու կապակցությամբ։
Միջադեպին գրեթե անմիջապես արձագանքեց Հայաստանի ֆուտբոլի ֆեդերացիան, որի մամուլի ծառայության տարածած հաղորդագրությունից հետեւում է, որ բողոքի գործողությունն ուղղված էր մրցավարների դեմ։ Չելոյանցը պարզապես չի ցանկացել, որ իրենց մասնակցությամբ խաղը սպասարկի Գեւորգ Եղոյանի գլխավորած մրցավարական անձնակազմը։ Նման տրամադրվածությունը նախապատմություն ունի։ Դեռ մարտի 31—ին տեղի ունեցած երկրի բարձրագույն խմբի առաջնության 24—րդ տուրի «Բանանց»—«Փյունիկ» (1։1) հանդիպումից հետո առաջինը նշված ակումբի ղեկավարությունն այդ խաղը սպասարկած Եղոյանի աշխատանքի վերաբերյալ 9 կետից բաղկացած բողոք էր ներկայացրել ՀՖՖ, որոնցից միայն երկուսն էին համարվել հիմնավոր։ Ըստ ամենայնի, «Բանանցում» անթույլատրելի են համարել այդքանից հետո իրենց մասնակցությամբ խաղին նույն մրցավարին նշանակելը։ Բայց, արդյո՞ք բոյկոտելը սեփական տեսակետը առաջ մղելու լավագույն միջոցն է։ Ֆուտբոլային նորմալ մրցաշարերում դժվար է պատկերացնել նման իրավիճակ։ Վերջիվերջո, նմանատիպ խնդիրները լուծելու տարբեր գործիքներ եւ ատյաններ կան։ Անշուշտ, ՀՖՖ—ն էլ հանգամանքներից ելնելով՝ կարող էր երեկվա խաղին այլ մրցավարների նշանակել, եթե Եղոյանին առնչվող այդպիսի լուրջ խնդիր կար։ Երեկվա միջադեպը ապացուցեց, որ ոչ միայն կար, այլեւ շատ խորն էր։ Վերջիվերջո, նման իրավիճակներում առաջնային պետք է լինի մարզաձեւի, թիմերի եւ երկրպագուների շահը, այլ ոչ թե սկզբունքներ բանեցնելը։
Ինչեւէ, ՀՖՖ—ն այսպես է արձագանքել միջադեպին. «Հայաստանի ֆուտբոլի ֆեդերացիան խստորեն դատապարտում է Ջեւան Չելոյանցի վարքագիծը։ Որեւէ ակումբ կամ անձ իրավունք չունի պայմաններ թելադրելու Հայաստանի ֆուտբոլի ֆեդերացիային։ Որեւէ մեկը նաեւ իրավունք չունի խաթարելու ՀՖՖ հովանու ներքո անցկացվող միջոցառումների բնականոն կազմակերպումն ու ընթացքը։ Մրցավարների ընտրությունը եւ նրանց գործողություններին գնահատական տալը բացառապես Հայաստանի ֆուտբոլի ֆեդերացիայի իրավասությունն է։ Համապատասխան պատժամիջոցները կսահմանվեն ՀՖՖ Կարգապահական կոմիտեի կողմից՝ գործող կանոնակարգի համաձայն»։
Անկեղծ ասած, հայտարարությունն իր հերթին հարուցում է հարցեր։ Առաջին հերթին այն մասին, թե ինչու է ֆեդերացիայի եւ ակումբների միջեւ գործընկերային հարաբերությունների փոխարեն տակավին գործում ուղղահայաց ենթակայության համակարգ։ Չէ՞ որ, երկու կողմերն էլ հասարակական կազմակերպություններ են, որոնք ունենալով տարբեր գործառույթներ՝ ծառայում են նույն նպատակին։ Երկրում ֆուտբոլը զարգացնելու նպատակին։ Ասել է թե, խնդիրներն էլ պետք է փոխհամաձայնեցված լուծվեն։ Թեպետ, չշտապենք եզրակացություններ անել, քանի դեռ վերջնականապես չենք պարզաբանել խնդրի բոլոր մանրամասները։ Օրինակ, արդյոք «Բանանցը» եւ ՀՖՖ—ն նախապես քննարկել կամ շփվե՞լ են այդ մրցավարի նշանակման հարցով եւ ունեցե՞լ են դրա վերաբերյալ պայմանավորվածություն։
Անորոշ են մնում նաեւ մայրաքաղաքային ակումբի հետագա գործողությունները եւ քայլերը։ Ինչպե՞ս են վարվելու, եթե նույն մրցավարը նշանակվի Հայաստանի առաջնությունում իրենց հերթական խաղին։ Կան նաեւ դրանից բխող այլ հարցեր։ Իսկ առայժմ իրականությունն այն է, որ «Բանանցին», ամենայն հավանականությամբ, կգրանցվի 0։3 հաշվով տեխնիկական պարտություն, որը եզրափակիչ դուրս կբերի «Լոռիին», քանի որ թիմերի մասնակցությամբ կիսաեզրափակիչի առաջին խաղում դարպասները մնացել էին անառիկ։
Հարցեր չի հարուցում միայն, կիսաեզրափակչի մյուս զույգի դիմակայության ելքը։ «Ալաշկերտը» 0։0 հաշվով բաժանվելով «Արարատ Արմենիայից»՝ երկրորդ տարին անընդմեջ կխաղա եզրափակիչում։ Այս թիմերի նախորդ հանդիպումը, որում «Ալաշկերտը» հանդես էր եկել հյուրի կարգավիճակում, ավարտվել էր 2։2 արդյունքով։ Ուշագրավ է, որ գավաթի եզրափակիչը տեղի է ունենալու մայիսի 8—ին՝ «Բանանցի» մարզադաշտում։

Հրայր ՆԱԶԱՐՅԱՆ

23-04-2019





12-12-2019
Էլեկտրաէներգետիկական շուկայի ազատականացումը մի քանի փուլով կլինի
Գիշերային սակագնի հետագա կիրառության նպատակահարմարությունը կքննարկվի

Արմենուհի ՄԵԼՔՈՆՅԱՆ
a.melqonyan@hhpress.am


Վերջերս ...


12-12-2019
Ո՞ր երկրներում են ավելի քիչ հիվանդանում քաղցկեղով
Ինչ կարող է տալ Հայաստանին միջուկային բժշկությունը

Լուսինե ՆԱԶԱՐՅԱՆ
l.nazaryan@hhpress.am




12-12-2019
Ուրախություն. ախտանի՞շ, թե՞ մշակույթ
Ուրախությունը բավականության ու բավարարվածության, երջանկության զգացողության, ներքին դրական մոտիվացիաների ...


12-12-2019
«Ուզում ենք այս ներդրմամբ ավելի խթանել տուրիստների ներհոսքը»
Դա հատկապես կարեւոր է ձմռանը, երբ զբոսաշրջիկների հոսքը ...


12-12-2019
Միքայել Նալբանդյան-190
«Լուսավորության տաճարը պիտի կառուցանվի ամբողջ ազգի ձեռքով»

«Ազգության ...


12-12-2019
Հրաչյա Հովհաննիսյանն իմաստուն էր
Եվ հավատում էր մեր ժողովրդի հաղթանակին

Դավիթ ՄԻՔԱՅԵԼՅԱՆ
d.miqayelyan@hhpress.am


1990-ի ...


12-12-2019
Արցախը նախապատրաստվում է Ամանորի եւ Սուրբ Ծննդյան տոներին
Մայրաքաղաք Ստեփանակերտը լույսերի եւ գույների պակաս չի զգա

Դավիթ ...



12-12-2019
Իրաքում վարչապետի ընտրության շուրջ բանակցություններն սկսվել են
Երկրի նախագահի վստահեցմամբ՝ ժողովուրդը ...

12-12-2019
Քարե մասունքներ
Խորհրդային տարիներին «եղբայր» կոչված ...

12-12-2019
Միջուկային երկիր լինելն արդեն իսկ ինքնապաշտպանական հիմք ունի
ՆԱՏՕ-ն թաքնված վտանգներ է տեսնում ...

12-12-2019
Հավաքականում ձեւավորվել է աննախադեպ մրցակցություն
Հայաստանի սպորտային մարմնամարզության տղամարդկանց ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO