Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԶԱՆԱԶԱՆ


Կրքեր սեւ-սպիտակ խաղատախտակին

Ապրիլյան այս օրերը հագեցած են մեր շախմատիստների մասնակցությամբ միջազգային մրցաշարերով։ Նրանց երկրպագուների ուշադրությունն, անշուշտ, ամենից առաջ սեւեռված է գերմանական Կարլսրուե քաղաքում մեկնարկած դասական շախմատի «Գրենկե» գերմրցաշարում Լեւոն Արոնյանի ելույթին, սակայն մյուս մրցումներն էլ զերծ չէին հետաքրքիր իրադարձություններից։
Սկսենք գերմրցաշարին զուգահեռ գերմանական այդ նույն քաղաքում անցկացված բաց մրցաշարից, որում իրեն գերազանց դրսեւորեց վանաձորցի Սամվել Տեր—Սահակյանը։ Նա 7,5 միավորով բաժանեց 1—8—րդ տեղերը, սակայն լրացուցիչ ցուցանիշներով ճանաչվեց 4—րդը։ Գլխավոր մրցանակին արժանացավ գերմանացի Դանիել Ֆրիդմանը, որը համանուն գերմրցաշարին մասնակցելու իրավունք ստացավ։ Մեր մյուս գրոսմայստեր Արամ Հակոբյանը 7 միավորով 21—րդն էր 904 մասնակիցների հաշվարկում։ Ի դեպ, սա եվրոպական ամենաներկայացուցչական մրցաշարն էր։
Հայաստանի ներկայացուցիչներն անմասն մնացին նաեւ Թուրքիայում վերջնագիծը հատած Եվրոպայի կանանց անհատական առաջնության մեդալներից։ Մեր հինգ մասնակիցներից 4—ը ելույթն ավարտեցին 6,5 միավորով, ինչը շատ քիչ էր մրցանակային տեղերի համար պայքարին միջամտելու համար։ Արդյունքում՝ Էլինա Դանիելյանը լրացուցիչ ցուցանիշներով հանգրվանեց 29—րդ, Սիրանուշ Ղուկասյանը՝ 31—րդ, Հայաստանի գործող չեմպիոնուհի Մարիա Գեւորգյանը՝ 32—րդ, իսկ Լիլիթ Մկրտչյանը՝ 35—րդ հորիզոնականին։ Աննա Սարգսյանն էլ 4 միավորով 130 մարզուհիների աղյուսակում 105—րդն է։ Ուկրաինայից հանդես եկող մեր հայրենակցուհի Եվգենիա Դոլուխանովան իր հաշվին գրանցելով 5,5 միավոր՝ նշվեց 68—րդ տեղում։ Մասնակիցների թվում էր նաեւ Թուրքիան ներկայացնող Նելլի Ալեքսանյանը, որը 3,5 նիշով գրավեց 119—րդ տեղը։
Հարկ է նշել, որ Ղուկասյանը եւ Գեւորգյանը համապատասխանաբար 54 ու 43 միավորով բարելավեցին իրենց անհատական վարկանիշը։ Ընդ որում, վերջինիս միայն 1 վարկանիշային միավոր չբավարարեց 3—րդ անգամ կանանց գրոսմայստերի նորման լրացնելուն։
Իսկ մրցանակային տեղերը բաշխվեցին լրացուցիչ ցուցանիշների հաշվարկի արդյունքում։ Առավել հաջողակ գտնվեց ռուսաստանցի Ալինա Կաշլինսկայան, որն առաջ անցնելով 8 միավոր վաստակած մյուս չորս շախմատիստուհիներից՝ հռչակվեց Եվրոպայի չեմպիոնուհի։ Արծաթե ու բրոնզե մեդալները բաժին հասան ֆրանսուհի Մարի Սեբագին եւ գերմանուհի Ելիզաբեթ Պաետցին։
Հայ մեկ այլ շախմատիստ՝ Գեւորգ Հարությունյանը, 5—րդը ճանաչվեց Իսպանիայի Սան Սեբաստիան քաղաքում կայացած ներկայացուցչական մրցաշարում։ Նա 9 հանդիպումներում ազգանվան դիմաց գրանցեց 7 միավոր եւ լրացուցիչ ցուցանիշներով դուրս մնաց մրցանակային եռյակից։ Կես միավորի առավելությամբ մրցաշարի հաղթող դարձավ տեղացի գրոսմայստեր Ռենիեր Վասկեսը։
Այդ ընթացքում Լեւոն Բաբուջյանն ու Սուսաննա Գաբոյանը փոփոխակի հաջողությամբ են մասնակցում Իրանում ընթացող «Ղաեմի գավաթ» միջազգային մրցաշարին։ Առավել հաջող է հանդես գալիս Բաբուջյանը, որը 5 հանդիպումներում վաստակած 3,5 միավորով հաստատվել է 13—րդ տեղում։ Մեր գրոսմայստերը կես միավոր է զիջում 7 առաջատարներին։ Մինչդեռ, Գաբոյանը 2 միավորով 51 խաղացողների պայքարում 34—րդն է։
Հայաստանի վետերանների հավաքականն էլ անհաշտ պայքար է մղում 50 տարեկաններից բարձր շախմատիստների աշխարհի թիմային առաջնությունում, որն անցկացվում է ՖԻԴԵ—ի հովանու ներքո։ 7 տուրից հետո մեր ընտրանին՝ Ռաֆայել Վահանյան, Արտաշես Մինասյան, Կարեն Մովսիսյան, Արշակ Պետրոսյան, Նորայր Քալանթարյան կազմով, 9 միավորով ընթանում է 5—րդ տեղում։ Մերոնք հաղթել են Իռլանդիայի, Ավստրիայի, Իսրայելի եւ Գերմանիայի հավաքականներին, պարտվել ամերիկացիներին եւ իսլանդացիներին ու ոչ—ոքի խաղացել Անգլիայի առաջին հավաքականի հետ։ Առաջին չորս տեղերում են ԱՄՆ—ի (13 միավոր), Իտալիայի (11), Իսլանդիայի առաջին (10) եւ Գերմանիայի (10) հավաքականները։ Իսկ մրցում են 26 թիմեր։
Վերջապես անդրադառնանք Լեւոն Արոնյանին, որը երեկ կայացած 4—րդ տուրում սպիտակ խաղաքարերով 38—րդ քայլին պարտության մատնեց ռուսաստանցի Պյոտր Սվիդլերին։ Սա նրա առաջին հաղթանակն էր այս մրցաշարում՝ նախորդած 3 ոչ—ոքիներից հետո։ Այդպիսով, Լեւոնը վաստակելով 2,5 միավոր՝ հավասարվեց աղյուսակը գլխավորող Սվիդլերին եւ աշխարհի չեմպիոն նորվեգացի Մագնուս Կարլսենին։ Վերջինս հրապարակման պատրաստման պահին դեռ չէր ավարտել հերթական պարտիան։ Մասնակցում է 10 գրոսմայստեր։ Այսօր Արոնյանը սեւերով մրցելու է ֆրանսիացի Մաքսիմ Վաշիե—Լագրավի հետ։

Հրայր ՆԱԶԱՐՅԱՆ

24-04-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO