Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.10.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Ցեղասպանության անժամկետ խարանը

Թուրքիան վաղ թե ուշ ճանաչելու է Հայոց ցեղասպանությունը

«Մարդկության դեմ գործած հանցագործությունը, մանավանդ երբ խոսքը վերաբերում է ցեղասպանությանը, վաղեմության ժամկետ չունի։ Բնականաբար, նմանատիպ ոճրագործությունները պետք է հիշվեն, եւ այսօր մենք մեր հանգանքի տուրքն ենք մատուցում Հայոց ցեղասպանության անմեղ զոհերի հիշատակին»,–«ՀՀ»—ի հետ զրույցում ասաց ՀՀ ԱԺ արտաքին հարաբերությունների մշտական հանձնաժողովի անդամ Գոռ Գեւորգյանը։
Միջազգային հարաբերություններում հատուցման երկու ընդունված ձեւ կա, դրանք են՝ բարոյական եւ նյութական փոխհատուցումները։ Պատգամավորի համոզմամբ, ցեղասպանությունը վերապրած ժողովրդի համար թերեւս չի գտնվի որեւէ հարթակ, որը կարողանա ամբողջությամբ փոխհատուցել կատարվածը եւ թեթեւացնել հիշողության ծանր բեռը։ Մեր ակնկալիքն է, որ տարբեր երկրների կողմից ճանաչվի ցեղասպանության փաստը միջազգային չափանիշներին համապատասխան։ «Այն պետությունները, որոնք դեռ չեն ճանաչել, իրականում ընդունում են, որ այն եղել է, պարզապես ամեն մեկն ունի քաղաքական իր նկատառումները եւ շահերը, այդ իսկ պատճառով պետականորեն չեն ճանաչում»,–ասաց Գեւորգյանը՝ վստահեցնելով, որ դա ժամանակի խնդիր է, եւ վաղ թե ուշ բոլորն էլ կճանաչեն Հայոց ցեղասպանությունը, անգամ՝ Թուրքիան։
Ճանաչումից առավել պատգամավորը կարեւորում է այն հանգամանքը, որ մենք՝ հայերս, այլեւս միջազգային հանրությանը ներկայանանք ոչ որպես խեղճ ժողովուրդ, այլ՝ այնպիսին, որն ունի խիղճ, բայց հաստատ խեղճ չէ։ «Ցանկացած պահի, երբ մեր առջեւ կհայտնվի որեւէ թշնամի, մենք պատասխանելու ձեւն էլ գիտենք, հնարավորությունն էլ ունենք։ Միաժամանակ մենք այն ազգն ենք, որը որեւէ մեկ այլ ժողովրդի չի ցանկանա վերապրել նման ողբերգություն, քանի որ կարեւորում ենք խաղաղ համակցությունը պետականության կայացման եւ առհասարակ մեր պետության զարգացման եւ ծաղկման շրջանակներում»,–ընդգծեց նա։
Անդրադառնալով այն հարցին, թե տեսնո՞ւմ է արդյոք օրվա խորհրդի վերաբանաձեւման անհրաժեշտություն, որպեսզի այսուհետեւ ներկայանանք ոչ թե որպես զոհ, այլեւ ինքնապաշտպանության դիմած եւ ողբերգությունը հաղթահարած ազգ։ Զրուցակիցս նկատեց, որ մենք ինքնապաշտպանության դիմել ենք հայկական առաջին պետականության ստեղծման շրջանից, մշտապես եղել ենք մարտչնողի կարգավիճակում, որովհետեւ մեր աշխարհագրական դիրքը, կարգավիճակը, կեցության ձեւը մշտապես ուշադրություն է գրավել՝ պահելով մեզ թիրախի կենտրոնում։ Այդ ամենից ելնելով՝ պայքարը, որպես մարտնչելու տեսակ, հայի ինքնության բաղկացուցիչն է եղել դարերի ընթացքում։ «Ապրիլի 24—ը մեզ համար կարեւորագույն օր է այն իմաստով, որ այսուհետ պետք է բացառենք որեւէ այլ պետության, ժողովրդի, պետության ներկայացուցչի կամ խմբի կողմից մեր եւ առհասարակ այլ ժողովուրդների նկատմամբ նման ոճրագործության իրագործումը։ Այդ օրվա խորհուրդն է՝ առաջին հերթին հիշել, թե որտեղից ենք եկել, վերարժեւորենք, թե ուր ենք գնում, եւ միաժամանակ վերագնահատենք, թե ով ենք այսօր»,–ընդգծեց Գեւորգյանը։
Հայոց ցեղասպանության զոհերի հիշատակին իրենց հարգանքի տուրքը մատուցելու առաքելությամբ Հայաստան է ժամանել Իրաքյան Քուրդիստանի պատվիրակությունը։ Վերջիններս երեկ հանդիպում են ունեցել ՀՀ ԱԺ պատգամավոր, խորհրդարանում եզդիական համայնքի ներկայացուցիչ Ռուստամ Բաքոյանի հետ, որի ընթացքում պայմանավորվածություն է ձեռք բերվել համատեղ քայլեր իրականացնել ցեղասպանությունների դեմ պայքարում։
Մեզ հետ զրույցում Բաքոյանն ասաց, որ անդրադարձել են մինչ օրս տեղի ունեցող ցեղասպանություններին, մասնավորապես նա ներկայացրել է 2014 թվականին Սինջարում եզդիների ցեղասպանությունը եւ կոչ արել, որ իբրեւ մտավորականներ եւ հասրակության կարեւոր շերտի ներկայացուցիչներ անհրաժեշտության դեպքում միջամտեն՝ կանխելու եզդիների նկատմամբ ցեղասպանական գործողությունները, ցեղասպանությունը։ Քննարկվել են նաեւ Իրաքում եզդիների այսօրվա վիճակը եւ հնարավոր տարբերակները հետագայում նմանատիպ ոճիրները բացառելու համար։ «Կարեւորել ենք հատկապես անվտանգության գոտու ստեղծումը, որի առկայության պայմաններում Իրաքի ազգային փոքրամասնությունները, այդ թվում՝ քրիստոնյաները եւ մյուսները, պաշտպանված եւ ապահով լինեն Սինջարի շրջանում։ Հյուրերը խոստացան իրենց հնարավորությունների սահմաններում անել ամեն հնարավորը օգտակար լինելու համար»,–ասաց Բաքոյանը։ Պատգամավորը տեղեկացրեց, որ Իրաք այցելության հրավեր է ստացել։
Պատվիրակության ղեկավար, Քուրդիստանի Չամչամալի քաղաքապետ Ռամիկ Ռամազան Կադիրն էլ խոսել է 1988 թվականին Սամադ Հուսեյնի կողմից Իրաքյան Քուրդիստանում իրականացված «Անֆալ» օպերացիայի մասին, որի հետեւանքով շուրջ 50.000 մարդ է ցեղասպանվել։ Չի շրջանցվել նաեւ նույն թվականին Իրաքի Հալաբչե քրդական քաղաքի վրա քիմիական զենքի կիրառումը, որին զոհ են գնացել մեծաթիվ մարդիկ։
Լուսինե ՄԽԻԹԱՐՅԱՆ

24-04-2019





17-10-2019
Էթնիկ զտումների քաղաքականությունը շարունակվում է
«Թուրք զինվորները դեռ ծարավ են արյան...»

Արմենուհի ՄԵԼՔՈՆՅԱՆ
a.melqonyan@hhpress.am


Չնայած ...


17-10-2019
Երբ դժվար իրացվող գույքը էժան էլ չի վաճառվում
Օտարման ինչ փուլեր է առաջարկում պետգույքի կառավարման կոմիտեն

Արմենուհի ...


17-10-2019
Գայթակղությունները բազում էին, իսկ ինքը մենակ էր
Տիգրանը պատրանքներ չուներ, այլ ստեղծում էր պատրանքներ
 
Թադեւոս ԽԱՉԱՏՐՅԱՆ
t.khachatryan@hhpress.am




17-10-2019
Սիրիահայերի հնարավոր վերադարձը Հայաստան կանխատեսելի է
Ամեն ինչ արվելու է մեր հայրենակիցների պատշաճ ընդունելության ...


17-10-2019
Թարգմանությունը՝ որպես մշակույթ եւ լեզվի մարզանք
Հայ ժողովուրդն իրավամբ պարծենալու տեղ ունի աշխարհում

Հայ ...


17-10-2019
Անհրաժեշտ փորձ ձեռք բերելու հրաշալի հարթակ
«Գիտական աստիճաններ. դեպի եվրոպական ստանդարտներ»

Լիանա ՍԱՐԳՍՅԱՆ
l.sargsyan@hhpress.am


Բարձրագույն կրթության ...


17-10-2019
«Երբ ասում ենք ինովացիա, առաջին հերթին պետք է նկատի ունենանք մտքի, մտածողության ինովացիա, որը եւ իրականում փոխում է աշխարհը»
Վարչապետը մասնակցել է «Գլոբալ ինովացիոն ֆորումի» բացմանը

Վարչապետ ...



17-10-2019
Համանախագահները հանդիպել են Արցախի ղեկավարի հետ
Երեւանյան քննարկումները շարունակվել են ...

17-10-2019
Աղջիկ չունենալու վատ սովորույթը տեղի է տալիս
Հայաստանը դեռեւս սեռով պայմանավորված ...

17-10-2019
...Ասադը նույնպես վայելում է ՌԴ նախագահի աջակցությունը
Թուրքիայի նախագահը Մոսկվա է գնալու՝ ...

17-10-2019
Հաջողությունը պետք է վաստակել
Հայաստանի ֆուտբոլի ազգային հավաքականը, ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO