Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ԶԱՆԱԶԱՆ


Մեր խնդիրը լուծեցինք միայն անհատական ցատկերում

Ինչպես արդեն տեղեկացրել ենք, ջրացատկորդներ Լեւ Սարգսյանը եւ Վլադիմիր Հարությունյանը մրցանակային տեղեր են գրավել Կիեւում անցկացված Ուկրաինայի գավաթի բաց խաղարկության սինքրոն ցատկերի եւ աշտարակացատկի մրցումներում՝ նվաճելով երկու ոսկե եւ մեկ բրոնզե մեդալ։ Սակայն, Հայաստանի հավաքականի գլխավոր մարզիչ Հրաչյա Չանդիրյանը միայն մասամբ է գոհ արդյունքից։ Պատճառները նա մանրամասնեց «ՀՀ»—ին տված հարցազրույցում։
—Ի՞նչ եզրակացությունների հանգեցիք մրցաշարից։
—Ճիշտն ասած, մեդալների քանակի առումով արդյունքը վատ չէ. երկու մասնակից՝ 3 մրցանակ։ Սակայն, դժգոհ եմ, որ չհաջողվեց նախատեսված ծրագիրն իրականացնել ողջ ծավալով։ Նպատակս էր բարդացնել սինքրոն ցատկերը, ինչը, խոշոր հաշվով, չստացվեց։ Փոխարենը, անհատական մրցումներում կարողացանք լուծել այդ խնդիրը եւ մեր երկու մարզիկներն էլ կատարեցին 4,5 պտույտով ցատկեր։
—Նկատի ունեք, որ չհասցրեցի՞ք տեղում հղկել սինքրոն ցատկերը։
—Այո, քանի որ այդ մրցաձեւի մրցումն ավելի շուտ անցկացվեց։ Իհարկե, փորձեցինք որոշ չափով ներդաշնակեցնել, բայց ժամանակը չբավարարեց։ Եվ դա դժգոհությանս պատճառներից մեկն է։ Իսկ անհատական ցատկերին տղաները կարող էին ավելի լավ մասնակցել։ Մասնավորապես, Լեւ Սարգսյանն առաջին արդյունքով անցավ եզրափակիչ փուլ, բայց այնտեղ կոպիտ սխալ կատարելով՝ հայտնվեց 3—րդ տեղում։
—Առհասարակ, եզրափակչում հետաքրքիր պատկեր ունեցանք՝ Լեւի միավորները նվազեցին, իսկ Վլադիմիրինը հակառակը՝ ավելացան։ Դա պայմանավորված էր միայն ցատկերի որակո՞վ, թե՞ նաեւ ծրագրի բարդությամբ։
—Միմիայն որակով։ Թեպետ, որակավորման փուլի համեմատ Վլադիմիրն ավելի շատ միավոր վաստակեց, բայց միեւնույն է, հնարավորություններից բավականին ցածր մասնակցեց։ Իսկ պատճառը զուտ անբավարար ֆիզիկական պատրաստականությունն էր, որը շատ կարեւոր էր այս մրցաշարում։ Նա մարզվել էր փոքր ծանրաբեռնվածությամբ, ինչի արդյունքում մկանային զանգվածը չէր բավարարում ավելի բարդ ցատկեր կատարելուն։ Դա ակնհայտորեն դրսեւորվեց հենց սինքրոն ցատկերում։ Ամեն դեպքում, որոշակի պատասխաններ ստացանք մեզ հետաքրքրող հարցերին։ Մնում է համապատասխան եզրակացություններ անենք եւ շարժվենք առաջ։
—Եզրակացությունները դրսեւորվելու են մարզումների ծանրաբեռնվածությունը բարձրացնելո՞ւ տեսքով։
—Հիմա ժամանակային առումով հայտնվել ենք շատ բարդ իրավիճակում։ Մայիսի կեսերին անցկացնելու ենք Հայաստանի առաջնությունը, իսկ հունիսի սկզբին նախատեսել էինք մասնակցել Մադրիդի «Գրան պրի» մրցաշարին։ Արտագնա այդ մրցմանը մասնակցելու հարցում վերջնականապես կկողմնորոշվենք մոտ օրերս։ Այս ընթացքում Հարությունյան եզբայրներն ունեցան անձնական խնդիր եւ ժամանակավորապես չեն մարզվում։
—Լեւի մարզավիճակը նո՞ւյնպես մտահոգում է։
—Ավելի քիչ, բայց անիմաստ է մեկ մարզիկ ներկայացնել նման կարգի միջազգային մրցմանը, որովհետեւ ցանկանում եմ երկու ջրացատկորդներին փորձել եÕւ անհատական, եÕւ սինքրոն ցատկերում։ Չեմ բացառում, որ նրան գործուղենք մասնակցելու նաեւ Ռուսաստանի բաց առաջնությանը։
—Իսկ Վարդան Բայանդուրյանին մտադիր չե՞ք ներգրավել։
—Պարզապես չեմ հասցնի նրան բերել անհրաժեշտ մարզավիճակի։ Առայժմ նա կշարունակի ինքնուրույն մարզվել Ռուսաստանում։ Հնարավոր է նրան պատրաստենք Եվրոպայի առաջնությանը։ Բացի այդ, Վարդանը Լեւի կամ Վլադիմիրի հետ սինքրոն ցատկերի մասնակցելու մեծ փորձ չունի։ Իսկ Ազատ Հարությունյանին հնարավոր է փորձենք աշխարհի եւ Եվրոպայի առաջնություններում՝ ոստնակացատկերի եւ սինքրոն ցատկերի մրցումներում։

Հրայր ՆԱԶԱՐՅԱՆ

26-04-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO