Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.10.2019
ԶԱՆԱԶԱՆ


Մխիթարյանը չի մեկնի Բաքու

Լոնդոնի «Արսենալը» պաշտոնական հայտարարությամբ վերջնականապես ցրել է մայիսի 29—ին Բաքվում կայանալիք ֆուտբոլի Եվրոպայի լիգայի եզրափակիչ խաղին Հենրիխ Մխիթարյանի մասնակցության վերաբերյալ բոլոր պատրանքները։ Նշվում է, որ հայ կիսապաշտպանին այդ հանդիպմանը չընդգրկելու որոշումն ընդունվել է նրա ընտանիքի հետ խորհրդակցելուց հետո։ Մինչդեռ ՈւԵՖԱ—ն պնդում է, որ մեր հավաքականի ավագի համար անվտանգության երաշխիքներ էր ստացել Ադրբեջանի իշխանություններից։ Այդ դեպքում, ի՞նչն է անհանգստացրել ֆուտբոլիստին, նրա ընտանիքին եւ հենց անգլիական ակումբին։
Քանի դեռ կողմերը չեն պարզաբանել այդ հարցը՝ մնում է ենթադրել, որ «Արսենալի» եւ ՈւԵՖԱ—ի հայտարարություններն ամբողջությամբ չեն բացահայտում խնդրի էությունը։ Ամենայն հավանականությամբ, այնուհանդերձ եղել են ռիսկային գործոններ, որոնք բրիտանական ակումբին մղել են ոչ միայն հրաժարվելու նման կարեւոր խաղում իրենց առանցքային ֆուտբոլիստներից մեկի ծառայություններից, այլեւ քննարկելու այդ խնդիրը նրա ընտանիքի հետ։ Դա այնքան արտառոց մոտեցում է պրոֆեսիոնալ ֆուտբոլում, որ միանգամից նույնիսկ դժվար է ասել, թե արդյոք ունեցե՞լ է նախադեպեր։ Մինչդեռ բժշկական պրակտիկայից հայտնի է, որ սովորաբար այցելուի ընտանիքի հետ խորհրդակցում են ծայրահեղ վտանգավոր իրավիճակներում։ Եվ, ուրեմն, իրականում ինչի՞ մասին են լռում շահագրգիռ կողմերը։
Մինչ այդ ներկայացնենք «Արսենալի» պաշտոնական կայքում զետեղված հայտարարությունը. «Խոր հիասթափությամբ հայտարարում ենք, որ Հենրիխ Մխիթարյանը թիմի հետ չի մեկնի «Չելսիի» դեմ Եվրոպայի լիգայի եզրափակիչ խաղին։ Մենք մանրակրկիտ ուսումնասիրել ենք թիմում Միկիին ընդգրկելու բոլոր տարբերակները, սակայն քննարկելով այդ հարցը նրա ընտանիքի հետ՝ պայմանավորվեցինք, որ նա չի ուղեկցի մեզ։ Այդ իրավիճակի վերաբերյալ մեր խոր մտահոգությունն ենք հայտնել ՈւԵՖԱ—ին։ Միկին մեր առանցքային խաղացողներից էր եզրափակիչի ճանապարհին, ուստի նրա բացակայությունը մեծ կորուստ է մեր թիմի համար։ Շատ տխուր ենք, որ մարզիկը նման հանգամանքներում բաց կթողնի եվրոպական խոշոր եզրափակիչը, որին մասնակցելու հնարավորություն հազվադեպ է ընձեռվում ֆուտբոլիստներին։ Միկին կշարունակի մասնակցել մեր թիմի նախապատրաստությանը, մինչեւ հանգստյան օրերին չմեկնենք Բաքու»։ Այստեղ աչքի է զարնում հատկապես «մանրակրկիտ ուսումնասիրել ենք թիմում Միկիին ընդգրկելու բոլոր տարբերակները» արտահայտությունը, որն էլ, հավանաբար, պարունակում է այն հարցի պատասխանը, թե ինչու է բացակայելու Մխիթարյանը։
Ինքը՝ ֆուտբոլիստը, «Ինսթագրամում» թողել է հետեւյալ գրառումը. «Դա հեշտ որոշում չէր։ Ամեն օր չի վիճակվում մասնակցելու նման մասշտաբի խաղի։ Շատ ցավալի է, բայց միեւնույն է՝ երկրպագելու եմ թիմակիցներիս։ Արսենա՛լ», եկեք տուն բերենք մրցանակը»։
Հարկ է նշել, որ այս մրցաշրջանում Մխիթարյանը երկրորդ անգամ է բաց թողնելու Բաքվում խաղալու հնարավորությունը, քանի որ չէր կարողացել օգնել իր թիմին նաեւ Եվրոպայի լիգայի խմբային փուլի «Ղարաբաղ»—«Արսենալ» մրցավեճում։ Իսկ 2015—ին համանման իրավիճակում էր հայտնվել ադրբեջանական «Գաբալայի» հետ Դորտմունդի «Բորուսիայի» մրցելու ընթացքում։
Վերադառնանք ներկայիս իրավիճակին։ ՈւԵՖԱ—ն մեկնաբանելով այն՝ նշել է. «Մենք այդ հարցով համագործակցել ենք «Արսենալի» հետ եւ աշխատանքի արդյունքում Ադրբեջանի տարածքում ֆուտբոլիստի անվտանգության վերաբերյալ երաշխիքներ ենք ստացել երկրի իշխանություններից։ Այդ երաշխիքների շնորհիվ կարողացել ենք մշակել Բաքվում ֆուտբոլիստների եւ ակումբի մյուս ներկայացուցիչների անվտանգ կեցության ծրագիր։ Ակումբը տեղյակ էր ՈւԵՖԱ—ի եւ Ադրբեջանի կառավարության գործադրած ջանքերի մասին, սակայն որոշեց խաղացողին չտանել եզրափակիչ հանդիպման մրցավայր։ Մենք պետք է հարգենք ֆուտբոլիստի եւ ակումբի որոշումները»։
Խնդրին երեկվա ասուլիսում անդրադարձել է նաեւ Հայաստանի ԱԳՆ խոսնակ Աննա Նաղդալյանը՝ նշելով, որ ադրբեջանական կողմից Մխիթարյանին եւ նրա թիմին բավարարող համապատասխան երաշխիքների առկայության դեպքում արտաքին գործերի նախարարությունը որեւէ առարկություն չի ունենա Բաքվում կայանալիք խաղին հայ ֆուտբոլիստի մասնակցության վերաբերյալ։
«Գիտեք, մենք կողջունեինք, եթե ադրբեջանական կողմը հավատարիմ մնար այն սկզբունքներին, որ սպորտը վեր է քաղաքականությունից։ Ավելին, սպորտում ռասիզմի եւ այլատյացության դրսեւորումները որեւէ տեղ չպետք է ունենան, եւ այս առումով Ադրբեջանի կողմից նման երաշխիքներ չտրամադրելը ու ենթադրյալ հայկական ծագում ունեցող երկրպագուների մուտքի արգելքը ոչ այլ ինչ են, քան ռասիստական նոր դրսեւորում։ Այս ամենը կասկածի տակ է դնում Ադրբեջանում նման կարգի միջազգային միջոցառումների անցկացումը։ Այս խաղով Ադրբեջանը հնարավորություն ուներ ցույց տալու, թե որքան է իրապես պատրաստ աշխատելու ժողովուրդներին խաղաղության նախապատրաստելու ուղղությամբ, սակայն մենք չտեսանք Ադրբեջանի որեւէ ներդրում այս ուղղությամբ։ Բնականաբար, մեր կողմից այս հանգամանքը բարձրացվելու է մեր միջազգային գործընկերների առաջ, բայց ինքնին փաստը ցավալի է»,–նշել է խոսնակը։

Հրայր ՆԱԶԱՐՅԱՆ

22-05-2019





12-10-2019
Արցախի բարեկամները՝ Ստեփանակերտում
Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում ...


12-10-2019
Պաշտպանե՛լ Սիրիան՝ հաջորդող պատերազմները կանխելու համար
Այլապես Թուրքիայի ախորժակը անհնար կլինի զսպել

Արմենուհի ՄԵԼՔՈՆՅԱՆ
a.melqonyan@hhpress.am


Մենք՝ ...


12-10-2019
Վարչապետի հանդիպումները Թուրքմենստանում
Մեկնարկել է վարչապետ Նիկոլ Փաշինյանի աշխատանքային այցը Թուրքմենստան, հայտնում ...


12-10-2019
«Պետք է կարողանանք գտնել մեր ժողովուրդների միջեւ երկխոսության, փոխադարձ զիջման, վստահության եւ հարգանքի ուղիներ»
Վարչապետը մասնակցել է ԱՊՀ մասնակից պետությունների ղեկավարների խորհրդի ...


12-10-2019
«Սեւան» ՄՀԿ
Աշտարակի մանկապատանեկան մարզադպրոցի գործունեությունը Արագածոտն մարզում

«Սեւան» գյուղական ...


12-10-2019
Արտասահմանյան երկրների, միջազգային կազմակերպությունների հետ համագործակցությունը
Արագածոտնի մարզպետարանը գործընկերային հարաբերություններ ունի տարբեր միջազգային կառույցների (ՄԱԿ, ...


12-10-2019
Պատմական ակնարկ
Արագածոտնի մարզը հիմնադրվել է 1996 թ.։ Մարզի տարածքը 2753 ...



12-10-2019
Կարեւոր է հասկանալ՝ ինչ դասեր է քաղում Ադրբեջանը
Իսկ Փաշինյանի նվերը Պուտինին ...

12-10-2019
Կենսական պահանջ եւ ոչ թե նպատակ
Շմավոն Շմավոնյանը նկարի պատմություն չի ...

12-10-2019
Յուրաքանչյուր հայ պետք է կարողանա սեփական քրտինքով սեփական հացը վաստակել
Ճանաչված բարերար ու գործարար Հրաչյա ...

12-10-2019
Հաղթեցին, բայց չտպավորեցին
Մինչեւ 21 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO