Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.07.2020
ԱԶԳԱՅԻՆ ԺՈՂՈՎ


Բենզինի շուկայում հնարավոր է հայտնվի նոր ընկերություն

Կայացավ ԱԺ-կառավարություն հերթական հարց ու պատասխանը

Հայաստանի եւ Չինաստանի միջեւ օրակարգը չափազանց լայն է եւ ընդգրկում է նաեւ տնտեսական ոլորտը։ Երկու երկրների միջեւ ձեւավորվել է բավականին կանոնավոր երկխոսություն։ Այդ մասին հայտարարեց ՀՀ արտաքին գործերի նախարար Զոհրաբ Մնացականյանը երեկ Ազգային ժողով—կառավարություն հարց ու պատասխանի ժամանակ՝ անդրադառնալով «Իմ քայլը» խմբակցության անդամ Արմեն Փամբուխչյանի այն հարցին, թե ինչ ձեռքբերումներ եւ ակնկալիքներ կան ՀՀ վարչապետի Չինաստան այցի եւ այդ երկրի արտգործնախարարի այցի արդյունքում։ «Հայ—չինական հարաբերություններն այս շրջանում արտահայտվեցին երկու կարեւոր այցով, բայց սա շարունակական գործընթաց է։ Բարձր մակարդակի քաղաքական երկխոսության շղթան շարունակվելու է։ Այս ընթացքում կարողացանք ունենալ շոշափելի արդյունք՝ վիզաների ազատականացման պայմանագիրը, որը դեռ պետք է անցնի որոշ ընթացակարգ՝ ուժի մեջ մտնելու համար»,–ասաց նախարարը՝ շեշտելով, որ այդ քայլը դյուրին կդարձնի շփումները բոլոր մակարդակներում բոլոր շերտերի համար, այդ թվում՝ մեր երկրի համար հետաքրքրություն ներկայացնող տնտեսական համագործակցության առումով։
Մնացականյանը նշեց, որ Չինաստանի հետ ունենք առեւտրաշրջանառության ընդլայնվող ծավալ, նաեւ ավելի շատ հնարավորություններ են բացվում հայկական արտադրանքը Չինաստան արտահանելու համար։ Կան նաեւ ենթակառուցվածքների զարգացմանն ուղղված ծրագրեր։
«Իմ քայլը» խմբակցության անդամ Նիկոլայ Բաղդասարյանը հետաքրքրվեց, թե հնարավո՞ր է արդյոք Հայաստանում նույնպես ներդնել Ռուսաստանում գործող այն ծրագրային համակարգը, որտեղ, նախապես գրանցվելով, նշված ժամին գնում են ՔԿՀ—ներ տեսակցության կամ հանձնուք տալու համար։ Արդարադատության նախարար Արտակ Զեյնալյանը հետաքրքիր համարեց այդ լուծումը՝ նշելով, որ մեր երկիրը նույնպես այդ համակարգը կներառի մեր թվային ծրագրում։ «Այս ոլորտում նախատեսվում են բավականին մեծ բարեփոխումներ, մշակվում է հայեցակարգ։ Մենք գնում ենք այն ճանապարհով, որ սննդի որակն այնքան լավ պետք է լինի, որ հանձնուքներ տալու անհրաժեշտությունն առհասարակ վերանա։ Նաեւ պետք է գնանք այն ճանապարհով, որ հնարավորինս քիչ ապրանք թույլատրվի տալ դատապարտյալին կամ կալանավորված անձին, եթե դա առաջին անհրաժեշտության ապրանք չէ»,—մանրամասնեց նախարարը։
Զեյնալյանը տեղեկացրեց, որ կառավարությունը կրկնապատկել է տեսակցությունների քանակը, սակայն բոլորը չէ, որ օգտվում են այդ հնարավորությունից։ Երկարատեւ տեսակցության սենյակներ լինելու պարագայում նրանց կտրամադրվեն նաեւ արտահերթ տեսակցություններ, սակայն ներկա դրությամբ հերթերի վերաբերյալ արտառոց արձանագրումներ չկան։
Պատասխանելով «Լուսավոր Հայաստան» խմբակցության անդամ Կարեն Սիմոնյանի հարցին՝ ՀՀ փոխվարչապետ Տիգրան Ավինյանը նշեց, որ Հայաստանում մոտակա մեկ տարվա ընթացքում բենզինի շուկայում կլինեն կառուցվածքային փոփոխություններ, եւ հնարավոր է նոր ընկերություն մտնի այս շուկա։ Դա բնականաբար կթուլացնի որոշ ընկերությունների գերիշխող դիրքը։ Անդրադառնալով պատգամավորի այն դիտարկմանը, թե կառավարության կամ տարբեր գերատեսչական մարմինների կողմից ներկայացված տարբեր փաստեր եւ տվյալներ չեն համապատասխանում իրար, Տիգրան Ավինյանը համաձայնեց, որ վիճակագրության հավաքագրման հետ կապված միանշանակ կա խնդիր, ինչը կապված է կիրառվող մեթոդաբանության հետ։
«Իմ քայլը» խմբակցության անդամ Արմեն Խաչատրյանն անդրադարձավ հանքարդյունաբերության թիրախային համայնքների բնակչության առողջապահական խնդիրներին։ «Գաղտնիք չէ, որ հանքարդյունաբերության ազդակիր համայնքներում հանքարդյունաբերության հետեւանքով աղտոտվում է օդը, ջուրը, հողը, ինչն ազդեցություն է ունենում տվյալ համայնքի բնակիչների առողջության վրա։ Բերեմ միայն մեկ օրինակ՝ Կապան քաղաքի հարակից տարածքներում հողի մեջ պղնձի թույլատրելի սահմանը 40—50 անգամ գերազանցում է թույլատրելի սահմանը, իսկ ցինկինը՝ մոտ տասը անգամ»,–ասաց պատգամավորը՝ հետաքրքրվելով, թե ի՞նչ միջոցներ են ձեռնարկվում բնակչության առողջության վերականգնման եւ հիվանդացության մակարդակի կանխարգելման ուղղությամբ, եւ ի՞նչ արդյունքներ կան ներկայումս։
Բնապահպանության նախարար Էրիկ Գրիգորյանը տեղեկացրեց, որ հանքարդյունաբերության գնահատման շրջանակներում այժմ իրականացվում է երկու ախտորոշիչ հետազոտություն՝ մեկը՝ տնտեսական ազդեցության մասով, մյուսը՝ բնապահպանական եւ առողջապահական։ Դրանց արդյունքում ավելի կհստակեցվեն նորմայից ավելի աղտոտման ծավալները։ Բնապահպանական տեսչական մարմինն էլ կուսումնասիրի եւ կպարզի աղտոտման ծավալները՝ իրականացնելով որոշակի գործողություններ վնասի հատուցման համար։ «Հանքարդյունաբերության ոլորտում առկա մոտեցումը հիմնված էր փոխհատուցման սկզբունքի վրա, երբ հանքարդյունաբերողները, տնտեսավարողներն աղտոտում էին իրականցնում եւ գումար վճարում։ Հիմա նոր քաղաքականության շրջանակներում այդ մոտեցումը փոխվելու է, եւ կանխարգելման քաղաքականություն է իրականացվելու»,–ասաց Գրիգորյանը։
Լուսինե ՄԽԻԹԱՐՅԱՆ

30-05-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO