Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

01.06.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Ադրբեջանական կողմը հարվածներ է ուղղում նաեւ Ռուսաստանին

ՀՀ ԱԺ պատվիրակները ՆԱՏՕ-ի ԽՎ-ում հանդես կգան սեփական օրակարգով

Լուսինե ՄԽԻԹԱՐՅԱՆ
l.mkhitaryan@hhpress.am


Սլովակիայի մայրաքաղաք Բրատիսլավայում մայիսի 31–ից հունիսի 3-ը տեղի է ունեցել ՆԱՏՕ-ի խորհրդարանական վեհաժողովի գարնանային նստաշրջանը, որի աշխատանքներին մասնակցել է ՀՀ Ազգային ժողովի պատվիրակությունը։ Նստաշրջանի ընթացքում պատվիրակության անդամները մասնակցել են քաղաքական խմբերի նիստերին, որտեղ ներկայացվել են Եվրախորհրդարանի՝ վերջերս տեղի ունեցած ընտրությունների արդյունքները եւ քաղաքական խմբերի մասնակցությունը դրանց։ Վեհաժողովի հիմնական հանձնաժողովների նիստերի ընթացքում ՆԱՏՕ—ի քաղաքականության տրամաբանության եւ աշխատանքների շրջանակներում քննարկվել են, թե ինչպիսի մարտահրավերների առջեւ է կանգնած այսօր աշխարհը։
ՀՀ ԱԺ պատվիրակության ղեկավար, ԱԺ պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանի խոսքով, քանի որ պատվիրակությունն այդ կազմով առաջին անգամ էր մասնակցում վեհաժողովի աշխատանքներին, այն կրում էր ճանաչողական բնույթ։ «Դա չի նշանակում, որ պարզապես մասնակցել ենք այդ աշխատանքներին, մենք դրսեւորել ենք որոշակի ակտիվություն, երբ Ադրբեջանի եւ նրան աջակցող Թուրքիայի պատվիրակությունների անդամները փորձում էին այդ հարթակն օգտագործել տարածաշրջանային խնդիրներն ի նպաստ իրենց հնչեցնելու համար»,–ասաց նա երեկ հրավիրված ասուլիսի ժամանակ։ Բոլոր զեկույցներում անդրադարձ է եղել շարունակվող հակամարտություններին, ինչպես օրինակ՝ Ուկրաինայի եւ դրանց Ռուսաստանի մասնակցությանը։ Բնականաբար զեկույցների տրամաբանության մեջ եղել են դրվագներ, երբ Ադրբեջանի պատվիրակությունը փորձել է ճեղքեր գտնել եւ Արցախի հակամարտության թեմայով հարցեր հնչեցնել։ Հայկական կողմը բնականաբար հակազդել է Ադրբեջանին, որի բարձրացրած հարցադրումները չեն համապատասխանել զեկույցների տրամաբանությանը, սակայն Քոչարյանի կարծիքով, աշնանային նստաշրջանին պատվիրակությունը պետք է որդեգրի առավել բարձր նախաձեռնողականություն եւ չմնա զուտ հակազդողի դերում։ «Մենք այս հարթակն ավելի լուրջ ձեւով ենք օգտագործելու։ Մեր նախաձեռնողականությունը վերաբերելու է Հայաստանի արտաքին քաղաքականության առաջնահերթություններին։ Աշնանային նստաշրջանին օգտագործելու ենք հնարավորությունների ամբողջ ծավալը՝ մեր տեսակետները ճիշտ կառուցելու համար եւ միգուցե գտնենք անվտանգությանը եւ տարածաշրջանային խաղաղությանը վերաբերող այն հիմնական, վերջնական գաղափարը, որը կլինի ոչ միայն Հայաստանի, այլեւ բոլորի համար ցանկալի եւ ընդունելի։ Դա նշանակում է, որ մեր խորհրդարանական եւ ԱԳՆ համապատասխան ստորաբաժանումները պետք է շատ արդյունավետ համագործակցեն մեր պատվիրակության հետ»,–շեշտեց պատգամավորը՝ նկատելով, որ այս անգամ թերացումներ եւ բացթողումներ են եղել՝ իրենց զեկույցների եւ դրանց փորձագիտական եզրակացությունների տրամադրման առումով։
«Լուսավոր Հայաստան» խմբակցության անդամ, ՆԱՏՕ—ի ԽՎ—ում հայկական պատվիրակության անդամ Գեւորգ Գորգիսյանը նկատեց, որ մասնակից երկրները հիմնականում հոգնել են Ադրբեջանի առաջ քաշած դիսկուրսից, երբ անընդհատ փորձում է օրակարգ մտցնել Արցախի հարցը՝ վերածելով այն Հայաստան—Ադրբեջան հակամարտության։ «Մենք ցույց ենք տալիս, որ այդ հարցի տեղը ԵԱՀԿ Մինսկի խումբն է, եւ բարեբախտաբար ՆԱՏՕ—ի գործընկերներն ընկալում են այդ ամենը։ Սեպտեմբերին պատրաստվում ենք հանդես գալ սեփական օրակարգով»,–ասաց Գորգիսյանը՝ նշելով, որ ամենայն հավանականությամբ հաջորդ տարի Հայաստանում կացնկացվի ՆԱՏՕ—ի Ռոզ—Ռոթ սեմինարը։ Հայկական կողմն արդեն առաջարկն արել է՝ ստանալով նախնական համաձայնություն։
«Իմ քայլը» խմբակցության անդամ Վիկտոր Ենգիբարյանի խոսքով, Ադրբեջանի մարտավարությունն է Արցախի հակամարտությունը նույն հարթության վրա դնել Ուկրաինայի եւ Վրաստանի տարածքային ամբողջականության խնդրի հետ եւ այդ հարաբերությունները մանիպուլացնելու միջոցով սեփական հետաքրքրությունները առաջ տանել։ «ՆԱՏՕ—ի անդամ պետությունները բնականաբար աջակցում են Վրաստանի եւ Ուկրաինայի տարածքային ամբողջականությանը, եւ Արցախի հակամարտությունը դրանց հետ միեւնույն հարթության վրա դնելով՝ փորձում են միջազգային կառույցներից, այս դեպքում՝ ՆԱՏՕ—ից ստանալ որոշակի աջակցություն։ Դա չի ստացվում։ Այս հարթակն օգտագործելու ենք Հայաստանի համար դրական հարաբերություններ կառուցելու համար»,–ասաց պատգամավորը։
Անդրանիկ Քոչարյանը նկատեց, որ Ադրբեջանի պատվիրակությունը փորձելով լուծել իր խնդիրները, փաստացի կատարել է դա Ռուսաստանի հաշվին, քանի որ զեկույցները վերաբերում էին Ուկրաինայի եւ Վրաստանի հետ Ռուսաստանի հարաբերություններին։ «Մեր պատվիրակության խնդիրը չէ դրա դեմն առնելը, եւ այստեղ մտածելու տեղ ունի նաեւ Ռուսաստանը։ Մենք պաշտպանում ենք մեր երկրի շահերը, բայց դա չի նշանակում, որ ամեն պատեհ կամ անպատեհ առիթով մեր գործընկերների դեմ ուղղված զեկույցների մեջ պետք է կարողանանք մեր ինքնության անվտանգության եւ պաշտպանության խնդիրը լուծել։ Ռուսաստանն էլ անելիք ունի. պետք է տեսնի, որ Ադրբեջանը այն զեկույցների մեջ է մտնում, որոնք հիմնականում ուղղված են ՌԴ—ի դեմ։ Դա այն երկիրն է, որից Ադրբեջանը կարողանում է սպառազինություններ ձեռք բերել եւ օգտագործել մեր տարածաշրջանային հակամարտության շրջանակներում»,–մեկնաբանեց պատվիրակության ղեկավարը։
Կարեւոր քննարկումներ են եղել ԽՎ—ի տնտեսական եւ անվտանգության հանձնաժողովի շրջանակներում, որտեղ հիմնականում խոսվում էր արեւմտյան պետությունների կողմից Ռուսաստանի եւ Իրանի նկատմամբ կիրառվող տնտեսական պատժամիջոցների մասին։ Ենգիբարյանի դիտարկմամբ, այդ կապակցությամբ որոշակի անհամաձայնություններ են երեւացել եվրոպական պետությունների անհատ պատվիրակների շրջանում, որոնց համոզմամբ՝ Միացյալ Նահանգների կողմից պատժամիջոցների կիրառման ազդեցությունը տարածվում է նաեւ եվրոպական պետությունների վրա։ «Սրանք շատ հետաքրքիր ազդակներ են, ինչը նշանակում է, որ նման դիսկուրսը կարող է ավելի բարձր մակարդակի բարձրանալ, եւ չի բացառվում, որ ապագայում արեւմտյան պետությունները գան այն եզրահանգման, որ այդ պատժամիջոցները ակնկալվող արդյունքները չեն տալիս»,–շեշտեց նա։
Վեհաժողովի լիագումար նիստի ժամանակ Վիկտոր Ենգիբարյանն անդրադարձել է կիբերանվտանգությանը վերաբերող խնդիրներին, ֆեյքերի ակտիվ օգտագործմանը եւ դրանց կանխարգելման հնարավորություններին։ Ընդ որում՝ ֆեյքային պատերազմները մարտահրավեր են ոչ միայն Հայաստանում, այլեւ ամբողջ աշխարհում, երբ մարդը չի երեւում, սակայն կարողանում է ստանալ քաղաքական տրամադրություններ ձեւավորող համակարգ։ «Այդ խնդիրը պետք է լուծվի, քանի որ կարող է վտանգ ներկայացնել ցանկացած երկրի անվտանգության համակարգին»,–ընդգծեց Քոչարյանը։
ՀՀ ԱԺ պատվիրակությունը հանդիպում է ունեցել ՆԱՏՕ—ի ԽՎ—ի նախագահ Մադլեն Մունի հետ, որին մասնակցել են բոլոր այն պետությունների պատվիրակությունները, որոնք առաջին անգամ էին մասնակցում ԽՎ—ին։

19-06-2019





30-05-2020
Հայաստանում ներդրվում է համայնքային միասնական էլեկտրոնային կառավարման հարթակ
Կբարձրացվեն ՏԻՄ-երի աշխատանքների արդյունավետությունը եւ թափանցիկությունը

Ֆիզիկական եւ ...


30-05-2020
«Հայը լինի իր երկրին մեջ տերը, Հայը լինի իր ազատության տերը»
Դրոն հայոց պատմության էջերը հարստացրել է հաղթանակներով

Հայ ...


30-05-2020
Հայաստանում հաստատվել է COVID-19-ի 251 նոր դեպք, առողջացել է ևս 20 պացիենտ
Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային ...


30-05-2020
Ո՞րն է ճշմարտությունը։ Աստծո խոսքը
Ի՞նչը կարող է մեզ ազատագրել։ Աստծո խոսքը։ Ե՞րբ է ...


30-05-2020
Առանց կուսակցությունների զարգացման չկա ժողովրդավարություն
Ի՞նչ փոփոխություններ են նախատեսվում ՏԻՄ ընտրություններում

4000 եւ ...


30-05-2020
Թանգարանի գիտական բաժինն անցել է աշխատանքի
Չի գործելու միայն ցուցադրության հատվածը

ԿԳՄՍ նախարարի հրամանով, ...


30-05-2020
Երեխաներին գնահատել է պետք գիտելիքով
Անցումը նոր համակարգին կնպաստի ինքնակրթության զարգացմանը

ՀՀ կրթության, ...



30-05-2020
«Մենք միակ ժողովուրդն ենք, որի գիրն ու կրոնը զուտ ազգային երեւույթներ են»
Ֆրանսահայ պատմաբան Կլոդ Մութաֆյանի հետ «ՀՀ»—ն ...

30-05-2020
Կարմիր գիրքը՝ բնական սահմանների խախտման ուղղակի ցուցիչ
Եվ համավարակի այս օրերին՝ բնության հետ ...

30-05-2020
Նորընտիր խորհրդարան-կառավարություն համագործակցությո՞ւն, թե՞…
2020 թ. փետրվարի 21-ին Իրանում տեղի ունեցան խորհրդարանի ...

30-05-2020
Չեմպիոնների չեմպիոնը կարող է որոշվել միասնական մրցաշարում
ՈւԵՖԱ-ն շարունակում է ուսումնասիրել եվրագավաթների ...
USD
EURO
RUR
GEL
Եղանակը Երևանում
գիշերը +12... +14
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO