Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.09.2020
ԿՐԹՈՒԹՅՈՒՆ


Նույն ընտանիքից՝ տարբեր դպրոցներ

Նախարարը վստահեցնում է, որ մյուս տարի խնդիրը կշտկվի

Արմենուհի ՄԵԼՔՈՆՅԱՆ
a.melqonyan@hhpress.am


Երեւանի պետական հանրակրթական դպրոցներում առաջին դասարանցիների ընդունելությունը այս տարի կատարվեց բացառապես էլեկտրոնային գրանցման եղանակով։ Խնդիրներ ծագեցին առցանց հայտագրման հենց առաջին օրն իսկ։ Պատկան մարմինը՝ կրթության, գիտության, մշակույթի եւ սպորտի նախարարությունը, վստահեցրեց՝ դրանք տեխնիկական են, կշտկվեն։ Բայց արդյո՞ք տեխնիկական էր, օրինակ, այն, որ ընտանիքի երեխաներից մեկը Ավանում է սովորում, իսկ մյուսը, որ նոր պետք է դպրոց գնար, կարողացավ գրանցվել Շենգավիթ վարչական շրջանի դպրոցներից մեկում։ Այսպիսի օրինակներ էլի կան։
Ինչո՞ւ այդպես եղավ։ Համակարգը գործարկելիս հաշվի չէ՞ր առնվել այս պարագան, արդյո՞ք հնարավոր չէր այնպես անել, որ կրտսեր երեխան սովորեր ավագի հետ՝ նույն դպրոցում։ Չէ՞ որ նույն ընտանիքի երեխաների՝ տարբեր դպրոցներում սովորելը բազում անհարմարություններից զատ նաեւ ֆինանսական խնդիրներ է ստեղծում։ Այդ խնդիրներն, ի դեպ, կան, եթե նույնիսկ երեխաները գրանցվել են նույն թաղամասի տարբեր դպրոցներում…
Հիմա՝ ի՞նչ է լինելու։ Նախարար Արայիկ Հարությունյանը վստահեցնում է՝ մյուս տարի խնդիրը կշտկվի։ Ի դեպ, խնդրին տեղյակ էր նաեւ փոխվարչապետ Տիգրան Ավինյանը, որը կառավարության նախորդ շաբաթվա նիստում բարձրաձայնեց այդ մասին։
Բանն այն է, որ համակարգի գործարկման հենց առաջին օրը՝ մայիսի 15—ին իմ զրուցակիցը, ում կրտսերը Ավանի փոխարեն պիտի Շենգավիթում դպրոց գնա, առավոտյան ժամը 9։10 մուտք է գործել հայտագրման համակարգի էջ՝ hayt.emis.am։ Ընտրել է համայնքը, դպրոցը, որտեղ սովորում է ավագը, մուտքագրել անհրաժեշտ տվյալները (ծնողներից մեկի հանրային ծառայությունների համարանիշը, ծնողի անունը, ազգանունը, գործող էլեկտրոնային փոստի հասցեն, երեխայի սոցքարտի համարանիշը)։ Մի խոսքով, բոլոր գործողություններն անելուց հետո սպասել է, որ էկրանին հայտնվի հայտի հաստատումը հավաստող էջը։ Սպասել է՝ չի եկել։ Հետո լրատվական հաղորդումներից տեղեկացել է, որ տեխնիկական խնդիր կա ծանրաբեռնվածության պատճառով, ծանուցումը կստանա երկու օրվա ընթացքում։ Չի ստացել։ Տեղեկացել է, որ այն դպրոցում, որտեղ սովորում է ավագը, կրտսերը սովորել չի կարող, տեղ չկա։ Հետո դիմել է համայնքի այլ դպրոցներ, չի եղել, հետո համայնքին մոտ դպրոցներ, դարձյալ չի եղել եւ այդպես հասել է Շենգավիթ։ Ստիպված հաստատել է հայտը, երեխային դպրոց չուղարկել չէր կարող։
Փորձում եմ հասկանալ՝ գուցե ինչ—որ բան սխալ է արել, գուցե իր հայտը հաստատվել է, չի՞ իմացել։ Պարզվում է՝ ոչ, տեղյակ էր, չի սխալվել, քանզի փորձել է գրանցման հաստատումը ստուգել «stugum.emis.am» հասցեի միջոցով։
«Երեխա դպրոց ուղարկելը ուրախություն է, ինձ համար տանջանք եղավ»,—զրուցակիցս արցունքները թաքցնել չէր կարողանում։ Ի՞նչ է անելու։ Ինչպե՞ս է ամեն առավոտ երկրորդ դասարանցի երեխային նույն ժամին Ավանի դպրոց տանելու, առաջին դասարանցուն՝ Շենգավիթի դպրոց։ Ավագին անտեսելու է, որ կրտսերի՞ն տեղ հասցնի…
Նկատենք, որ կառավարության նախորդ նիստում, երբ գործադիրը որոշեց, որ գումար կտրամադրվի կրթական տեխնոլոգիաների ազգային կենտրոնին՝ դպրոց ընդունվելու էլեկտրոնային հայտագրման եւ կրթության կառավարման տեղեկատվական միասնական համակարգերի ներդրման եւ սպասարկման նպատակով, ԿԳՄՍ նախարար Արայիկ Հարությունյանը տեղեկացրեց, որ դպրոց ընդունվելու հայտագրման էլեկտրոնային համակարգը հաջորդ տարվանից ՀՀ բոլոր դպրոցների համար կգործի։ Նախարարը հայտնեց, որ «պիլոտային ծրագրի գործարկման արդյունքում հայտագրումների 1 տոկոսը հիմնականում տեխնիկական խնդիր է ունեցել, եւ այդ խնդիրները լուծվել են։ Խոսքը ոչ թե տեղային լուծումների, այլ համակարգային լուծումների մասին է, որոնց արդյունքում այդպիսի թերություններ արդեն չեն լինի»։
Եվ հենց այս պահին էլ փոխվարչապետ Տիգրան Ավինյանը նախարարին հիշեցրեց, որ խնդիրների միայն մի մասն էր տեխնիկական, բայց կային նաեւ այլ խնդիրներ, ու կարծես հենց մեր օրինակն էլ մեջբերեց՝ կրտսեր զավակին ավագ զավակի դպրոց ուղարկելու խնդիրը։
Ի պատասխան Արայիկ Հարությունյանը նախ հայտնեց, որ կարգի փոփոխության նախագիծ է մշակվում, քանի որ գործող օրենքը հավասար պայմաններ է պահանջում բոլոր երեխաների համար, եւ ավագ եղբայր կամ քույր ունեցողները արտոնություն չունեն իրենց եղբոր կամ քրոջ դպրոց գնալու համար։
Հետո մանրամասնեց, թե այո, այդ խնդիրը կա եւ այն լուծելու համար քննարկումներ եղել են։ «Արդարադատության նախարարության հետ էլ են քննարկումներ եղել։ Կարգի փոփոխության նախագիծ ենք մշակում, որպեսզի ապագայում նման խնդիրների չբախվենք։ Իրականում «Կրթության մասին» օրենքը հավասար պայմաններ է պահանջում բոլոր դիմողների համար», եւ այդ առումով որոշակի սահմանափակումներ ունեինք սույն կարգը գրելիս եւ համակարգը գործարկելիս։ Բայց առաջացած խնդիրները բովանդակային առումով էլ քննարկվել են։ Կարծում եմ եւ վստահ եմ, որ հաջորդ տարվա համակարգում նման խնդիրներ գրեթե չեն լինի»,—եզրափակեց Արայիկ Հարությունյանը։
Հաջորդ տարի նման խնդիրներ չեն ծագի։ Սա լավ է, իհարկե։ Բայց այս տարվա խնդրի հե՞տ ինչ ենք անելու։ Այլ կերպ՝ զրուցակիցս կկարողանա՞ հաջորդ տարի գոնե իր երեխային Շենգավիթից Ավան բերել։ Առայժմ պարզ չէ։ Սպասենք կարգի փոփոխություններին։ Կարծում ենք՝ նմանատիպ խնդիրներն էլ պետք է հաշվի առնվեն։

25-06-2019





26-09-2020
Կտրուկ քայլ՝ տեղական արտադրությունը պաշտպանելու համար
Արգելվում է Հայաստանի համար ռազմավարական նշանակության սեւ եւ գունավոր ...


26-09-2020
Ճնշում է գործադրվում Կիպրոսի վրա
ԱՄՆ-ը պնդում է այլեւս չարգելափակել Բելառուսի նկատմամբ ԵՄ-ի պատժամիջոցների ...


26-09-2020
Իդլիբը՝ Մոսկվայի ու Անկարայի միջեւ
Ստատուս-քվոն պահպանվում է

Մոսկվան ու Անկարան որոշում են ...


26-09-2020
Էներգախնայողությունը` էներգիայի նոր աղբյուր
Ինչ ներուժ ունի Հայաստանը եւ ինչ քայլեր է ձեռնարկում ...


26-09-2020
Նա՝ մեր անլռելի զանգակատունը
Սերմ էր, որ ընկնելու էր հողի մեջ, որպեսզի հողը ...


26-09-2020
Հումանիտար ականազերծման կենտրոն՝ Արցախում
Հիմնադիրներն արցախյան պատերազմի մարտական սպաներն են

Երկրորդ ամիսն ...


26-09-2020
Ինչպես ենք մենք վայելում Աստծուն
Որպեսզի ընդունենք Աստծուն, մենք պարտավոր ենք դեմքով շրջվել դեպի ...



26-09-2020
«Հայաստանի հետ պետք չէ խոսել ուժի եւ սպառնալիքի լեզվով»
ՀՀ վարչապետ Նիկոլ Փաշինյանը կառավարությունում ...

26-09-2020
Դավիթ Տոնոյանը ՌԴ-ում ներկա է «Կովկաս-2020» զորավարժության հիմնական փուլին
ՀՀ պաշտպանության նախարար Դավիթ Տոնոյանն ...

26-09-2020
ՀՀ նախագահը շնորհավորել է «Ավրորա» մրցանակաբաշխության 5-ամյակը
Հայաստանի Հանրապետության նախագահ Արմեն Սարգսյանը ...

26-09-2020
Արոնյանը ձգտում է եզրափակիչ
Լեւոն Արոնյանը երկրորդ հաղթանակը տանելով ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO