Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.09.2019
ԼՂՀ


Հանգստի նոր վայր Մոշաթաղում

Քաշաթաղի շրջանը հարուստ է պատմական հուշարձաններով, եւ կան գեղատեսիլ շատ վայրեր, բնական հուշարձաններ, որոնք կարող են իրենց ձգել նաեւ զբոսաշրջիկներին։ Աղավնո գետի հովիտը՝ սկսած համանուն գյուղից, ձգվում է վեր՝ դեպի Հակ գյուղ եւ ավելի հեռու՝ մինչեւ Իշխանասար։ Մոշաթաղի գյուղական համայնքի կազմում են նաեւ Բերդիկ, Հերիկ գյուղերը։ Վերջինս գտնվում է Աղավնոյի աջակողմյան բարձրադիր ձորակներից մեկում։ Այստեղ պահպանվել է 17—րդ դարի Սուրբ Գեւորգ եկեղեցին, որը կառուցվել է ավելի վաղ շրջանի սրբավայրի տեղում։ Գյուղում կան բազում քարանձավներ, որոնք ժամանակին եղել են բնակելի։ Ներքեւում՝ գետի կիրճում, կան տաք ջրեր, իսկ մոտ 1 կմ վերեւում պատմական Աղբաթխերտ գյուղն է եղել, որն այժմ ավերակ է, իսկ մոտի Հայոց հանգստարանը քանդվել է, եւ եղած տապանաքարերն ու խաչքարերը թափված են մի տեղում։ Գյուղի մոտակայքում պահպանվել է միջնադարյան քարե միաթռիչք կամարակապ կամուրջը։ Այստեղ վաղ միջնադարում, դրանից առաջ գոյություն է ունեցել ամրոց—բնակատեղի, որը գտնվում է 3 կողմից գետով պատված բլրակի վրա։ Հերիկից հարավ է Միրիկ գյուղը, որի մոտ են Ք. Ա. առաջին հազարամյակի հզոր ամրոցներից մեկի ավերակները, դամբարանադաշտեր, ամրացված բնակատեղիներ եւ առավել ուշագրավ՝ մի ժայռապատկեր, որը, ըստ հնագետների, տարածքի քարտեզն է։ Միրիկի մուտքի մոտ է 18—րդ դարում կառուցված եռանավ բազիլիկ Սուրբ Աստվածածին եկեղեցին։ Բերդիկը Մոշաթաղից 2—3 կմ հյուսիսում է՝ Աղավնոյի ձախ ափին։ Գյուղից քիչ ներքեւ՝ գետի աջակողմյան ափը խիստ թեքություն ունի եւ անտառապատ է։ Այս անտառներն հարուստ են խմելու ջրի աղբյուրներով։ Որոշները բխում են ժայռերի մեջից, որոշները՝ քարանձավներից։ Մի հսկա քարանձավ կա ձորի վերին մասում, որտեղից բազում աղբյուրներ են բխում, եւ դրանց ջրերը գումարվել, դարձել են գետակ եւ թռչելով քարերի վրայով՝ բազում ջրվեժներ դառած, հասնում են գետ։ Այս մասում մոտ 10 մ բարձրություն ունեցող ջրվեժի մոտ էլ վերջերս հիմնվել է հանգիստ անցկացնելու վայր։ Մոշաթաղ գյուղի բնակիչ Արման Գասպարյանը վարձակալել է տարածքը, մաքրել ավելորդ մացառներից, թփերից եւ հիմնել ժամանակ անցկացնելու գեղեցիկ վայր։ Առայժմ շինարարական որոշ աշխատանքներ են կատարվում։ Կառուցում է փոքր լողավազան, տեղադրում սեղաններ, աթոռներ։ Մոտ մեկ ամսից տարածքը պատրաստ է ընդունելու այցելուներին, ովքեր մեծ դժվարությամբ կհեռանան այստեղից։ Տեղում հնարավոր է կազմակերպել արշավ՝ դեպի լանջի վերին մասում գտնվող մեծ քարանձավ։ Մոտ 700 մ պետք է բարձրանալ նշված գետակի ափով՝ ճանապարհին հանդիպելով մի քանի ջրվեժների։ Ա. Գասպարյանն ասաց՝ որոշել է նաեւ իշխանի եւ կարմրախայտի փոքր ձկնաբուծարան հիմնել։ Այցելուներին, ցանկության դեպքում, կմատուցվի տարբեր ուտեստներ։ Իսկ ովքեր կգան՝ իրենց հետ բերելով սնունդ, կտրամադրվի սեղան, սպասք եւ այլ անհրաժեշտ իրեր՝ իհարկե որոշակի վճարով։ Հաշվի առնելով այն, որ Աղավնոյի ավազանում շատ են պատմական հուշարձանները՝ 4—րդ դարում կառուցված Ծիծեռնավանքով հանդերձ, գեղատեսիլ վայրեր, ամրոցատեղիներ եւ այլն, պետք է կարողանանք տարածքը դարձնել զբոսավայր։ Պարզապես պետք է ունենանք լավ ճանապարհ, եւ նման հանգստի գոտիներ ստեղծվեն, ինչպիսին ձեռնարկել է մոշաթաղցի Արմանը։

Զոհրաբ ԸՌՔՈՅԱՆ

25-06-2019





21-09-2019
Ինքնիշխան պետության ձեռքբերումներն ու մարտահրավերները
Ինչ է սովորեցնում մեզ անկախության արդեն 28 տարվա ...


21-09-2019
Անկախության բանաձեւը
Ո՞րն է պետություն կառուցելու մեր տեսլականը

Լուսինե ՄԽԻԹԱՐՅԱՆ
l.mkhitaryan@hhpress.am


1988-90 ...


 
21-09-2019
IPSE DIXIT
Ամբոխի հոգեբանության ուսումնասիրությունը ցանկալի է դիտվում գործնական առումով, բայց ...


21-09-2019
Տղամարդկանց հագուստ
Սմոքինգ
Բարձրաշխարհիկ պաշտոնական միջոցառումների ժամանակ (օրինակ՝ երեկոյան ընդունելությունների) նախընտրությունը ...


21-09-2019
Պատմության նոր էջ
Ժամանակին Մոսկվայում մի հայ ուսանողի քննությանը հարցրել էին. «Ի՞նչն ...


21-09-2019
Անկախության խորհուրդը պետության համար
Եվ անկախության՝ քաղաքացու ընկալումը

Յուրաքանչյուր դպրոցական գիտի, թե ...


21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե միաձայն քվեով

Թամարա ՄՈՒՐԱԴՅԱՆ
t.muradyan@hhpress.am


«Անկախության ...



21-09-2019
Տնտեսական հեղափոխության ընկալումներն ու իրագործումը
Որքանով է այն պահանջված, եւ որոնք են դրա ...

21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե ...

21-09-2019
Իմ թանձրացական անկախությունը
Այն ինձ համար եթերային երազանք ...

21-09-2019
Անկախության սպորտը. անմոռանալի ապրումների պահեր
Հայաստանի անկախության 28 տարիներին ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO