Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.01.2020
ԱՅԼՔ...


Կբարձրացվի գույքի օրինականության ծագման հարցը

Արդարադատության նորանշանակ նախարարը պարզաբանում է

Արմենուհի ՄԵԼՔՈՆՅԱՆ
a.melqonyan@hhpress.am


Արդարադատության նորանշանակ նախարար Ռուստամ Բադասյանին կառավարության երեկվա նիստից հետո լրագրողները հարց ուղղեցին. ՀՀ երկրորդ նախագահ Ռոբերտ Քոչարյանի գործով դատավոր Արմեն Դանիելյանը անսպասելիորեն հեռացավ խորհրդակցական սենյակ, մինչդեռ Քոչարյանի պաշտպանները որեւիցե դիրքորոշում չէին հայտնել ներկայացված բողոքների վերաբերյալ։ Սա հաշվի առնելով՝ հնարավո՞ր է արդարադատության նախարարը դատավորին կարգապահական պատասխանատվության ենթարկելու համար ԲԴԽ—ին դիմելու հարց քննարկի։
Ի պատասխան՝ նախարարն ասաց. «Դատավորին կարգապահական պատասխանատվության ենթարկելու համար անհրաժեշտ են դատական օրենսգրքով սահմանված առիթներ։ Իսկ ձեր նկարագրած իրավիճակում ես որեւէ հիմք չեմ տեսնում կարգապահական վարույթ սկսելու»։
Լրագրողներս ցանկացանք ճշտել. պաշտպաններից որեւէ մեկը դիրքորոշում չէր հայտնել, դա իր համար հիմք չէ՞։ «Դուք հիմա անուղղակիորեն ինձ փորձում եք ներքաշել, որ ես փորձեմ մեկնաբանել՝ դատավորի վարքագիծը ճիշտ էր, թե սխալ։ Նույնիսկ կարգապահական վարույթը հարուցելու որոշման մեջ ես նման եզրահանգումներ չեմ կարող անել ուղղակիորեն։ Ես այդ հարցին չեմ կարող պատասխանել»,–ասաց Ռ. Բադասյանը։
Փոխարենը նա խոսեց այն հարցից, որ նախարարությունում շատ խնդիրներ ու բաց թողնված հարցեր կան, որոնք պետք է լուծել, օրինակ՝ առանց մեղադրական դատավճռի գույքի բռնագանձման ինստիտուտի ներդրումը։ Ըստ նրա՝ առանց մեղադրական դատական վճռի գույքի բռնագանձման նախագիծն արդեն պատրաստ է, հիմա միջազգային փորձաքննության փուլում է, ԵԽ կողմից փորձագիտական միջանկյալ կարծիք արդեն ստացվել է, կառավարությունը սպասում է նաեւ մյուս միջազգային գործընկերների կարծիքին։
Հարց է ծագում՝ իսկ այս ինստիտուտի ներդրումն ինչպե՞ս կանդրադառնա ներդրումների, տնտեսական զարգացման վրա։ Արդյո՞ք հավանական ներդրողները չեն խուսափի ներդրումներից, քանի որ հնարավոր է՝ ինչ—որ պահի իրենց գույքը կասկածի տակ կդրվի։ «Ո՛չ,–շեշտեց նախարարը,–քանի որ դա ներդրողի վրա ոչ մի կերպ չի կարող տարածվել»։
Նախարարի կարծիքով՝ դա «պարզ շահարկում է» ընդամենը. «Այն շահարկումները, թե դա ուղղված է հարուստ մարդկանց դեմ, զավեշտների շարքից են, որովհետեւ դա ներդրողների դեմ ուղղված չի կարող լինել»։ Այնուհետեւ միանգամից պարզաբանեց, թե նման հանցագործությունների շրջանակը սահմանափակված է ակնհայտ կոռուպցիոն բնույթի հանցանքներով՝ թմրամիջոցների շրջանառությամբ եւ թրաֆիքինգով։ Եթե օտարերկրյա ներդրողը դրանցով չի զբաղվելու, ակնհայտորեն գույքը կորցնելու մտավախություն էլ չի կարող ունենալ։
Այդ դեպքում ինչպես է ի վերջո ապացուցվելու՝ մարդն անօրինակա՞ն է ձեռք բերել գույքը, թե՞ ոչ։ Պատասխանը հետեւյալն էր. «Այդ մեխանիզմները դրված են օրենքում»։
Լավ, հապա ո՞վ է որոշելու՝ անձի գույքն անօրինակա՞ն է, թե՞ ոչ։ Այս դեպքում էլ էր նախարարի արձագանքը հակիրճ. «Որոշվելու է դատարանի վճռով, իսկ դեռ դատարանը ընտրված չէ»։
Թեմայի շուրջ հարցադրումները շարունակվում էին։ Լրագրողներս հավելյալ ճշգրտումներն էինք ուզում։ «Եկեք մեկընդմիշտ ֆիքսենք,–նկատեց Բադասյանը,–քանի որ դատավճիռը քրեական գործերին է վերաբերում, այս՝ «առանց դատավճռի» տերմինը նշանակում է, որ անձի մեղավորությունը քրեական դատավարության կարգով հաստատված լինելու մասին է, ոչ թե նրա, թե ՀՀ—ում հնարավոր է, որ երբեւէ որեւէ մեկի սեփականության իրավունքին միջամտել առանց դատարանի»։ Բացի այդ՝ այդ գործերով հարցը ներկայացվելու է ոչ թե անձի, այլ գույքի դեմ։ Եվ դատարանում որպես պատասխանող հանդես է գալու ցանկացած անձ, ով կարծում է, որ այդ գույքի հետ կապված իրավունք ունի. «Այսինքն՝ այս դեպքում ոչ թե սահմանվում է պատճառահետեւանքային կապ արարքի եւ հետեւանքի միջեւ, այլ բարձրացվում է գույքի օրինականության ծագման հարցը»։
Ի դեպ, նախարար Ռուստամ Բադասյանն անդրադարձավ այն խոսակցություններին, թե իր նշանակումը պայմանավորված է Սորոսի կողմից ֆինանսավորվող «Բաց հասարակության հիմնադրամների» ղեկավարի միջնորդությամբ։ Նա հայտնեց, թե իր մասին երկու «ակնհայտ սուտ նորություն է տարածվել, որոնց մեջ կան զրպարտություն պարունակող տարրեր. առաջինը՝ ծառայության հետ կապված լուրերն են, երկրորդը՝ Սորոսի հետ կապված լուրերը»։
Հատկապես՝ ի՞նչն է սուտ. հետաքրքրվեցին լրագրողները։ «Երբ ասում եք՝ Սորոսի հետ կապեր, ես չեմ հասկանում դա ինչ է, ինչի մասին է խոսքը։ Ամեն դեպքում, ձեր նշած անձին (հիմնադրամի ղեկավարին,—Ա.Մ.) չեմ ճանաչել, չեմ հանդիպել, ծանոթ չեմ։ Ընդամենը շահարկումներ են, որի նպատակները տարբեր կարող են լինել, բայց ինձ չեն հետաքրքրում»,–նշեց նախարարը։

28-06-2019





18-01-2020
Պահանջը չի փոխվելու
«Միսը չի թանկանա, հակառակը, նույնիսկ իջեցում կարող է ...


18-01-2020
Տեւական երաշտը փորձությունների առաջ է կանգնեցրել հողագործներին
Ինչպես հաղթահարել բնական արգելքները

Դավիթ ՄԻՔԱՅԵԼՅԱՆ
d.miqayelyan@hhpress.am


«Աշնան ամիսների եւ ...


18-01-2020
Մեջքով... դեպի հանդիսատեսը
Դիրիժորը, թերեւս, միակն է, որ հանդիսատեսին կանգնում է մեջքով, ...


18-01-2020
Կաշեգործի մասնագիտությունը մերժած, նավապետի երազանքով մեծն նվագավարը
Մի ողջ դիվանագիտություն՝ թաքնված մաեստրո Չեքիջյանի կենսագրության թվերի ու ...


18-01-2020
Ինչո՞ւ Չեքիջյանի երազանքը մնաց անկատար…
Մաեստրոյի խոսքով՝ ամբողջ կյանքում ջանացել է, որ իրեն ...


18-01-2020
Աշխարհի առաջնակարգ նվագախմբեր ղեկավարած երաժշտություն մատուցողը
Որ հաշվի է առնում անգամ դահլիճի աթոռների գույնը

Արմենուհի ...


18-01-2020
Ամեն դիրիժոր իր ակնոցով է նայում նոտաներին
Դժվար է ասել, թե 91 տարի առաջ ի՞նչ եղանակ ...



18-01-2020
Անմահների ուղին փշոտ է, բայց հաղթական
Ադրբեջանական նենգության հերթական ...

18-01-2020
Հայաստանի մարզիկները ռուսական սպորտում լեգեոներներ չեն համարվի
Նոր հեռանկարներ հավաքական եւ ակումբային ...

18-01-2020
«Վարպետ Հակոբից բարեւներ եմ բերել ձեզ...»
Դուդուկահար Էրթան Թեկինը «ՀՀ»-ի հետ ...

18-01-2020
Ազգային երաժշտարվեստի զուլալ ակունքներից
Սասուն Պասկեւիչյանի երգերը շարունակում ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO