Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ՏՆՏԵՍՈՒԹՅՈՒՆ


Թարմ մսի սպանդանոցային ծագման պահանջ՝ այսօրվանից

Տեսչական մարմինը մշտադիտարկում է սկսում հանրային սննդի կետերում

Արմենուհի ՄԵԼՔՈՆՅԱՆ
a.melqonyan@hhpress.am


2019թ. օգոստոսի 1-ից հանրային սննդի կետերի, իսկ 2020թ. հունվարի 15-ից արդեն սննդի շղթայի բոլոր օպերատորների համար թարմ մսի սպանդանոցային ծագման պահանջը կլինի պարտադիր։
Սպանդանոցների քանակը բավարա՞ր է արդյոք թարմ մսի պահանջարկն ապահովելու համար։
Կառավարությանը ենթակա սննդամթերքի անվտանգության տեսչական մարմնից նախ տեղեկացանք, որ այսօրվանից տեսչական մարմինը սկսում է մշտադիտարկում հանրապետության հանրային սննդի բոլոր խոշոր օբյեկտներում՝ ստուգելու օգտագործվող թարմ մսի սպանդանոցային ծագման հավաստիությունը։ Այն օբյեկտները, որոնք չեն ունենա մսի սպանդանոցային ծագումը հավաստող փաստաթղթեր, կկրեն օրենքով սահմանված վարչական պատասխանատվություն։ Որովհետեւ մեր երկրի օրենսդրությունն ամրագրում է սպանդանոցային նորմի պարտադիր պահանջը, եւ տնտեսավարողների հետ հանդիպումներն ու հաշվարկները հանգեցրել են այն եզրակացության, որ «հանրապետությունում գործող սպանդանոցների քանակը բավարար է պետպատվերի եւ հանրային սննդի օբյեկտների թարմ մսի պահանջարկը բավարարելու համար»։
Սննդամթերքի անվտանգության տեսչական մարմնի տեղեկատվության եւ հասարակայնության հետ կապերի բաժնի պետ Անուշ Հարությունյանը մեզ հայտնեց, որ այս պահին երկրի տարածքում 16 գործող մեծ սպանդանոց ունենք՝ տրամադրելով դրանց ցանկը։
Ըստ այդմ, Արագածոտնի մարզում 1 սպանդանոց կա՝ Հարթավան գյուղում, միայն մանր եղջերավոր կենդանիների մորթ է անում։
8 սպանդանոց կա Կոտայքի մարզում։ Այստեղ Նոր Գեղիի սպանդանոցը միայն թռչունների մորթ է անում։ Ձորաղբյուրի սպանդանոցը՝ մանր եւ խոշոր եղջերավոր կենդանիների մորթ։ Զորավան գյուղում, Աբովյան քաղաքում (Ա/Ձ Կարինե Առաքելյան), Հրազդան քաղաքում («Հանիավան սփրինգս» ՍՊԸ) գործող սպանդանոցները զբաղվում են ե՛ւ մանր, ե՛ւ խոշոր եղջերավոր կենդանիների մորթով։ Հրազդան քաղաքում գործող մեկ այլ սպանդանոց էլ կա (Ա/Ձ Աշոտ Ղազարյան), սակայն իր սեփական կենդանիներին է մորթում՝ խոզերի։ Աբովյանում էլ այդպիսի մի սպանդանոց կա՝ սեփական խոզերին մորթող («Ֆերմա» ՍՊԸ)։ Մանր եւ խոշոր եղջերավոր կենդանիների մորթ անող սպանդանոց կա Արզնի գյուղում։
2 սպանդանոց կա Լոռու մարզում՝ Օձուն եւ Դարբաս գյուղերում։ Երկուսն էլ իրականացնում են մանր եւ խոշոր եղջերավոր կենդանիների ու խոզերի մորթ։
2 սպանդանոց կա նաեւ Սյունիքի մարզում՝ Սյունիք գյուղում եւ Կապան քաղաքում։ Կապանի սպանդանոցը միայն մանր եւ խոշոր եղջերավոր կենդանիների մորթ է անում, իսկ Սյունիք գյուղինը՝ միայն խոշոր եղջերավոր կենդանիների եւ խոզերի մորթ։
1—ական սպանդանոցներ կան Վայոց ձորի, Արարատի եւ Արմավիրի մարզերում։ Վայոց ձորի մարզի Զառիթափ գյուղի սպանդանոցը միայն մանր եւ խոշոր եղջերավոր կենդանիների մորթ է անում, Արարատի մարզի Մասիս քաղաքինը՝ նույնպես, Արմավիրի մարզի Էջմիածին քաղաքինը՝ նմանապես։
Այս ամենից զատ՝ այս պահին կան կառուցվող սպանդանոցներ։
Հիշեցնենք, որ սննդամթերքի անվտանգության տեսչական մարմինը 2019թ. հուլիսին լայնածավալ վերահսկողական միջոցառումներ էր սկսել հանրապետության ողջ տարածքում գործող թարմ մսի իրացման կետերում։ Օրենսդրության պահանջներին ու սանիտարահիգիենիկ նորմերին համապատասխանող են եղել Կապանի թարմ մսի իրացման կետերը։ Սանիտարահիգիենիկ պայմանների խախտումներ են արձանագրվել Գյումրիի շուկայի մսի իրացման կետերում (Լաչինի միջանցք)։ Տեսչական մարմնի կողմից տրվել են խախտումները վերացնելու հանձնարարականներ, սահմանվել է դրանց կատարման ժամկետ։ Հանաձնարարականներն ամբողջությամբ կատարվել են, եւ այժմ Գյումրիի շուկայի թարմ մսի բոլոր տաղավարներն ունեն սառնարաններ, հոսող ջուր, սանիտարահիգիենիկ համապատասխան պայմաններ։
Ինչեւէ, այսօրվանից եթե թարմ միս, ուրեմն՝ սպանդանոցային պահանջ։ Տեսչական մարմինը հանրային սննդի ոլորտում գործունեություն ծավալող տնտեսավարողներին հորդորում է կապ հաստատել սպանդանոցների կամ բացառապես սպանդանոցային ծագման թարմ միս վաճառող երկրորդային օղակների հետ։

Եթե սպանդանոցներ, ուրեմն՝ այս պահանջներով

Մեզ հետաքրքրեց նաեւ, թե սպանդանոցներ կառուցելու համար ինչ պահանջներ են ներկայացվում։
Տեսչական մարմնից տեղեկացանք, որ սպանդանոցը պետք է կառուցվի եւ շահագործվի զոոհիգիենիկ նորմերի եւ անասնաբուժասանիտարական ու բնապահպանական պահանջների պահպանմամբ։ Սպանդանոցները պետք է կառուցվեն բնակելի վայրերից, ֆերմաներից, արոտավայրերից, հասարակական վայրերից, բժշկական հաստատություններից 300 մ (500) հեռավորության վրա։ Սպանդանոցը կարող է լինել առանձին շինության, շինությունների համալիրի տեսքով կամ կենդանական ծագման մթերք արտադրող, վերամշակող կազմակերպությունների կազմում։
Սպանդանոցի տարածքը պետք է ստորաբաժանվի 3 հիմնական գոտիների՝ 1. կենդանիների նախասպանդային պահման բազա՝ սանիտարական սպանդանոցով, կարանտինային բաժնով եւ մեկուսարանով, 2. տնտեսական՝ օժանդակ կառույցներով, վառելիքի, շինարարական նյութերի պահեստներով, 3. արտադրական՝ հիմնական արտադրական մասնաշենքերով։
Ըստ հերթափոխում իրականացվող մորթի քանակության կամ սպանդային միավորի՝ սպանդանոցները լինում են՝ խոշոր (հերթափոխում 300—ից ավելի սպանդային միավոր հզորությամբ), միջին (30—300 սպանդային միավոր հզորությամբ), փոքր (մինչեւ 30 սպանդային միավոր հզորությամբ)։
Սանդանոցի տարածքում կառույցների, մասնաշենքերի տեղակայումը պետք է բացառի հետեւյալ հանդիպակաց հոսքերը. ա) հումքի եւ պատրաստի արտադրանքի,
բ) սննդամթերքի եւ կենդանիների, գոմաղբի, արտադրական թափոնների, գ) առողջ եւ հիվանդ, ինչպես նաեւ կասկածելի հիվանդ կենդանիների։
Սննդամթերքի ընդունման եւ բացթողման վայրը կարանտինային բաժնից, մեկուսարանից, սանիտարական սպանդանոցից պետք է գտնվի 100 մ—ից ոչ պակաս հեռավորության վրա։
Եվ, բնականաբար, սպանդանոցները պետք է ապահովված լինեն, ըստ կենդանու տեսակի, սպանդի իրականացման համար անհրաժեշտ սարքավորումներով։ Դրա համար էլ վերեւում ներկայացրել էինք, թե որ սպանդանոցը ինչ կենդանու մորթով է զբաղվում։

01-08-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO