Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.02.2020
ԼՂՀ


«Ժամանակն է, որպեսզի Արցախի սահմանները միջազգայնորեն ճանաչվեն»

«Ֆրանսիա-Արցախ» բարեկամության շրջանակի պատվիրակությունը Ստեփանակերտում է

Դավիթ ՄԻՔԱՅԵԼՅԱՆ
d.miqayelyan@hhpress.am


«Ինձ համար մեծ պատիվ է հերթական անգամ լինել Արցախում ու ելույթ ունենալ երկրագնդի այս բարդ տարածաշրջանի խորհրդարանում։ Պատիվ է, որովհետեւ դուք մոդել եք եւ պայքարի ու դիմադրության, ժողովրդավարության վառ օրինակ եք ազատության եւ անկախության համար ձգտող ազգերի եւ ժողովուրդների համար,–երեկ ԱՀ խորհրդարանի արցախցի գործընկերների հետ հանդիպման ժամանակ, որին ներկա են գտնվել նաեւ կառավարության անդամներ, պետական կառույցների եւ հասարակական կազմակերպությունների ներկայացուցիչներ, նշել է Ֆրանսիայի Ազգային ժողովի պատգամավոր, «Ֆրանսիա—Արցախ» բարեկամության շրջանակի հիմնադիր Վալերի Բուայեն։–Այսօր առավոտյան, երբ Ստեփանակերտի հուշահամալիրում ծաղիկներ էինք խոնարհում արցախյան պատերազմում նահատակված ազատամարտիկների շիրիմներին, Հայոց ցեղասպանության զոհերի հիշատակին կառուցված կոթողին, մտածում էի, որ պատմության էջերը որքան էլ որ դաժան են եղել, հայ ժողովուրդը, արցախահայությունը ազատության համար պայքարը երբեք էլ չեն թուլացրել եւ միշտ էլ հավատարիմ են մնացել իրենց համոզմունքներին ու ավանդույթներին»։
Ֆրանսիացի պատգամավորը անկախության հռչակման 28—րդ տարեդարձի կապակցությամբ շնորհավորելով ԱԺ պատգամավորներին, բոլոր արցախցիներին, շեշտել է. «Դուք մեզ ուժ եք տալիս եւ վստահ եղեք, որ Եվրոպա՝ տուն վերադառնալուց, անպայման արձանագրելու եւ վկայելու ենք այն մասին, ինչ որ տեսնում եւ զգում ենք այս երկրում, պատմական այս հողում։ Հուսով եմ, որ մեր պատվիրակության ներկայությունն Արցախում եւս մի քայլ կհանդիսանա արցախյան հիմնախնդրի, հակամարտության խաղաղ եւ արդար լուծման ճանապարհին։ Լուծում, որն ազատություն է ապահովելու ձեր ժողովրդին»։
Իր ելույթում ափսոսանք հայտնելով, որ «այսօր աշխարհում տարբեր ուժեր ու երկրներ ջանքեր չեն խնայում, որպեսզի Արցախը վերադառնա Խորհրդային Միության կողմից որոշված սահմաններին», Ֆրանսիայի խորհրդարանի պատգամավոր, «Ֆրանսիա—Արցախ» բարեկամության շրջանակի նախագահ Գի Տեսիեն էլ նշեց, որ այդ նեղլիկ հեռանկարն իր կարծիքով անհնար է, որովհետեւ բավական է այցելել Արցախ ու համոզվել, որ այդ հինավուրց հողի վրա ամեն ինչ վկայում է հայերի վաղեմի բնակության մասին։ «Ես գտնում եմ, որ ժամանակն է, որպեսզի Արցախի ամրագրված սահմանները միջազգայնորեն ճանաչվեն։ Մենք չենք կարող թույլ տալ, որ աշխարհում լինեն ձգձգվող եւ մոռացության մատնված հակամարտություններ,–ընդգծեց Գի Տեսիեն։–Ֆրանսիացիներից շատերի համար սա իրավունքի, արդարության եւ ազատության խնդիր է, ու մենք մեր հնարավորությունների շրջանակում շարունակելու ենք աշխատանքներ տանել Ֆրանսիայի կառավարության դիրքորոշումը մեր պատվիրակության անդամների դիրքորոշմանը նույնացնելու համար»։
Ֆրանսիայի խորհրդարանի հայազգի պատգամավոր Դանիել Կազարյանն առաջին անգամ է Արցախում։ Եվ հասկանալի է նրա անթաքույց հուզմունքը ԱԺ ամբիոնից. «Ես եկել եմ տեսնելու եւ լսելու, հանդիպելու այն մարդկանց հետ, ովքեր իրենց ամենօրյա աշխատանքով վերափոխում, վերակենդանացնում եւ զորացնում են այս հրաշք երկիրը,–նշեց նա։–Ժողովուրդն այստեղ շատ է կենսունակ ու ստեղծագործ, ինչը հազվադեպ երեւույթ է տարածաշրջանում, եթե հաշվի առնենք բռնապետական վարչակարգերով Արցախի շրջափակման հանգամանքը։ Եվ սա պատիվ է բերում արցախցիներին, ամբողջ հայ ժողովրդին»։
ԱՀ Ազգային ժողովի նախագահ, «Արցախ—Ֆրանսիա» բարեկամության շրջանակի նախագահ Աշոտ Ղուլյանը բարձր է գնահատել ֆրանսիացի բարեկամների կատարած հետեւողական աշխատանքը՝ Արցախի ժողովրդի իրավունքների մասին բարձրաձայնելու ուղղությամբ։ «Այսօր վստահ կարող եմ ասել, որ Արցախի խորհրդարանի արտաքին կապերի մեջ ֆրանսիական ուղղությունն ամենաակտիվն է, իսկ բարեկամության շրջանակում՝ ամենակայացած ինստիտուցոնալ կառույցը»,–ասել նա։
Խորհրդարանում կայացած հանդիպումից հետո ԱԺ ղեկավար Ա. Ղուլյանը եւ Ֆրանսիայի խորհրդարանի պատգամավոր Գ. Տեսիեն Ստեփանակերտի նորակառույց «Ազատամարտիկների պուրակում» հանդիսավորությամբ բացել են Արցախի ու Ֆրանսիայի բնակավայրերի միջեւ բարեկամության ցուցանակը։ Աշոտ Ղուլյանը համոզմունք է հայտնել, որ կարճ ժամանակում ցուցանակը կլրացնեն Արցախի հետ Ֆրանսիայի մյուս քույր-քաղաքները։
Ստեփանակերտ

12-09-2019





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO