Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.06.2020
ԼՂՀ


Աշնան ամենաանուշ օրը

Բերքի ավանդական տոնն Արցախում

Դավիթ ՄԻՔԱՅԵԼՅԱՆ
d.miqayelyan@hhpress.am


Գյուղատնտեսության աշխատողի օրվա կապակցությամբ արդեն 9—րդ տարին է, ինչ տոնախմբություն է կազմակերպվում Ստեփանակերտում, որից անմասն չի մնում հանրապետության ոչ մի համայնք։ Այս անգամ իրենց աճեցրած բերքն ու բարիքը տոնավաճառում ներկայացնելու առիթ էր ընձեռվել նաեւ Հայաստանի մարզերի գյուղացիական տնտեսություններին եւ ֆերմերներին։
Բերքի տոնը, որ վերածվել էր յուրահատուկ հաշվետվության եւ նշվեց շուքով, նաեւ մեր ժողովրդի հարուստ ավանդույթներն ու սովորությունները պահպանելու, զարգացնելու եւ սերունդներին փոխանցելու միտում ունի։ Պատահական չէ, որ Ստեփանակերտի Վերածննդի հրապարակում ուրախ տոնահանդես էր բացվել, եւ բարիքներ արտադրող գյուղացին ու ֆերմերը մայրաքաղաքի բնակչությանն էին բաժին հանել աշնան գույներն ու բույրերը։ Հյուրասիրության պակաս չէր զգացվում։ Մշակութային բազմապիսի միջոցառումները, ժողովրդական երգն ու նվագը, պարը եւս ոգեւորել, բարձրացրել էին մարդկանց տրամադրությունը։
Նախորդ տարիների օրինակով, այս անգամ եւս գյուղատնտեսության նախարարությունը աջակցություն է ցուցաբերել համայնքներին՝ արտադրած մթերքները մայրաքաղաք հասցնելու համար՝ նրանց տրամադրելով դիզվառելիք եւ ճաշակով կահավորված տաղավարներ։ Բերքի տոնին մասնակցում էին ավելի քան 250 համայնք, շուրջ հինգ տասնյակ ֆերմերային տնտեսություն, գյուղմթերքների վերամշակման ձեռնարկություններ եւ ընկերություններ։ Անցյալ տարվա համեմատությամբ եւս 100—ով ավելացել է սպասարկող տաղավարների թիվը ու հասցվել 520—ի։
Գյուղմթերքների առատությունն ու բազմազանությունը չվրիպեց սպառողների տեսադաշտից, որոնց համոզմամբ՝ 2019թ. գյուղմթերքների տոնավաճառն «ամենաներկայացուցչականն է» անցած տարիների կտրվածքով։ Նույն կարծիքն էր իշխում նաեւ վաճառքի հանված մթերքների որակական ցուցանիշների մասով։ Պատահական չէ, որ արագ սպառվում էին գյուղից բերված անարատ միսն ու կաթնամթերքը, մեղրն ու անուշաբույր մրգեղենը, հատապտուղները, պատրաստված հյութերը։ Արտերկրից ժամանած զբոսաշրջիկները, մասնավորապես «Արցախի բարեկամները» համաժողովի մասնակիցները, հյուրասիրվելով, չէին թաքցնում իրենց ոգեւորությունը եւ անպայման անարատ բարիքներ (մասնավորապես՝ մեղր եւ չորացրած մրգեր) էին գնում իրենց հետ տուն տանելու համար։
«Շատ երկրներում խնդրահարույց է էկոլոգիապես մաքուր գյուղմթերքներ ձեռք բերելը։ Մինչդեռ մեր հանրապետությունում, այդ առումով, մտահոգության առիթներ չկան, եւ բոլոր համայնքներում բնական մթերքներ են արտադրվում,–զրույցի ժամանակ նշեց գյուղատնտեսության նախարար Ժիրայր Միրզոյանը։–Ուշագրավ է եւ այն հանգամանքը, որ գեղարվեստորեն ձեւավորված տաղավարներն աչքի են ընկնում արտադրանքի տեսականու բազմազանությամբ եւ առատությամբ, գեղագիտական գրավչությամբ»...
Բերքի տոնին պետական այրերի ուղեկցությամբ ներկայացել էր նաեւ հանրապետության նախագահ Բակո Սահակյանը, ով շրջելով տաղավարներում, ծանոթացավ վաճառվող արտադրանքին, հետաքրքրվեց հողագործների եւ անասնապահների, ֆերմերների, մթերքներ վերամշակող ձեռնարկությունների գործունեությամբ, գնումներ կատարեց՝ նախընտրելով հեռավոր բնակավայրերից բերված հողի բարիքները։
Արցախի հոգեւոր թեմի առաջնորդ Պարգեւ արքեպիսկոպոս Մարտիրոսյանն օրհնեց հողի մշակի արարած բերքն ու բարիքը, զորություն, արեւշատություն եւ անփորձանք ծառայություն մաղթեց հողի մշակներին, դիրքապահ զինվորներին, խաղաղություն՝ ամբողջ հայ ժողովրդին։
Տոնավաճառին, ինչպես միշտ, գյուղմթերքների հետաքրքիր տեսականիով էին ներկայացել Քաշաթաղի շրջանի հողագործներն ու երկրագործները, որոնց ապրանքները մեծ պահանջարկ են վայելում գնորդների կողմից, առաջին հերթին՝ որակի եւ մատչելի գների տեսանկյունից։
Առավոտից մինչ երեկո Վերածննդի հրապարակում հնչել են ազգագրական երգեր եւ խրոխտ պարեր։ Ստեփանակերտցիներն ու երկիր ժամանած հյուրերը՝ երգ—երաժշտության, արեւի ջերմության հետ վայելել են աշնան ամենագեղեցիկ ու ամենաանուշ օրը։
Ստեփանակերտ

15-10-2019





30-05-2020
Հայաստանում ներդրվում է համայնքային միասնական էլեկտրոնային կառավարման հարթակ
Կբարձրացվեն ՏԻՄ-երի աշխատանքների արդյունավետությունը եւ թափանցիկությունը

Ֆիզիկական եւ ...


30-05-2020
«Հայը լինի իր երկրին մեջ տերը, Հայը լինի իր ազատության տերը»
Դրոն հայոց պատմության էջերը հարստացրել է հաղթանակներով

Հայ ...


30-05-2020
Հայաստանում հաստատվել է COVID-19-ի 251 նոր դեպք, առողջացել է ևս 20 պացիենտ
Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային ...


30-05-2020
Ո՞րն է ճշմարտությունը։ Աստծո խոսքը
Ի՞նչը կարող է մեզ ազատագրել։ Աստծո խոսքը։ Ե՞րբ է ...


30-05-2020
Առանց կուսակցությունների զարգացման չկա ժողովրդավարություն
Ի՞նչ փոփոխություններ են նախատեսվում ՏԻՄ ընտրություններում

4000 եւ ...


30-05-2020
Թանգարանի գիտական բաժինն անցել է աշխատանքի
Չի գործելու միայն ցուցադրության հատվածը

ԿԳՄՍ նախարարի հրամանով, ...


30-05-2020
Երեխաներին գնահատել է պետք գիտելիքով
Անցումը նոր համակարգին կնպաստի ինքնակրթության զարգացմանը

ՀՀ կրթության, ...



30-05-2020
«Մենք միակ ժողովուրդն ենք, որի գիրն ու կրոնը զուտ ազգային երեւույթներ են»
Ֆրանսահայ պատմաբան Կլոդ Մութաֆյանի հետ «ՀՀ»—ն ...

30-05-2020
Կարմիր գիրքը՝ բնական սահմանների խախտման ուղղակի ցուցիչ
Եվ համավարակի այս օրերին՝ բնության հետ ...

30-05-2020
Նորընտիր խորհրդարան-կառավարություն համագործակցությո՞ւն, թե՞…
2020 թ. փետրվարի 21-ին Իրանում տեղի ունեցան խորհրդարանի ...

30-05-2020
Չեմպիոնների չեմպիոնը կարող է որոշվել միասնական մրցաշարում
ՈւԵՖԱ-ն շարունակում է ուսումնասիրել եվրագավաթների ...
USD
EURO
RUR
GEL
Եղանակը Երևանում
գիշերը +12... +14
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO