Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.01.2021
ԱՇԽԱՐՀ


Պարետային ժա՞մ կհայտարարվի

Թուրքիան փորձում է միասնություն ստեղծել ներքաղաքական կյանքում

Թամարա ՄՈՒՐԱԴՅԱՆ
t.muradyan@hhpress.am


«Ակնհայտ է, որ Թուրքիայի իշխանությունն անհանգստացած է սեփական իշխանության պահպանման հեռանկարով, դրա համար ոչ ավել, ոչ պակաս՝ ռազմական գերատեսչության ղեկավարն է շտապ հանդիպումներ անցկացրել ներքին քաղաքական կյանքում առավել ակտիվ խաղացող կուսակցությունների ղեկավարների հետ»,–տեղեկացնում է թուրքագետ Կարեն Հովհաննիսյանը։
«ՀՀ»—ի հետ զրույցում նա նկատեց, որ Թուրքիայում ներքաղաքական իրավիճակը սրվել է դեռեւս տեղական ինքնակառավարման մարմինների ընտրություններից հետո, երբ իշխանությունը փաստացի պարտություն կրեց։ Դրանից հետո Էրդողանի վարած հատկապես արտաքին քաղաքականությունը կտրուկ փոխվեց։ Հովհաննիսյանի դատարկմամբ, նա ավելի շատ փորձեց խաղալ ռազմահայրենասիրական ռեսուրսի վրա։ Արդյունքում թիրախավորեց քրդերին։ Իսկ արդեն վերջին գործողությունները, նրա խոսքերով, պատրվակ էին, որպեսզի լուծեր իր ներքին քաղաքական հարցերը՝ վերականգներ երբեմնի հզորությունը, ուժը ներքաղաքական կյանքում։
Հովհաննիսյանն ավելացնում է նաեւ, որ պայմանավորված վերջին ռազմական գործողություններով, որտեղ, կարելի է ասել՝ Թուրքիան դիվանագիտական անհեռատեսության պատճառով պարտություն կրեց (Սիրիայում քրդերը եւ կառավարությունը համախմբվեցին), փորձում է միասնություն ստեղծել ներքին քաղաքական կյանքում։ Եվ այն ընդդիմադիրներին, որոնք ժամանակին բուռն ու անխնա քննադատում էին իրենց, թուրքական իշխանությունները փորձում են համախմբել եւ տեսադաշտ բերել. «Իմ կարծիքով, մոտակա օրերին խորհրդարան են բերելու նախագծեր, որոնք դեմ են լինելու քրդերին։ Դրանցով, ըստ իս, հարավ—արեւելյան նահանգներում կհայտարարվի պարետային ժամ, եւ հավանաբար որոշվելու է այս ռազմական գործողությունները Սիրիայի տարածքում առավել ընդգրկուն դարձնել»,–նշեց մեր զրուցակիցը՝ ավելացնելով, որ կառավարական զորքերի միջամտությունից հետո, իրավիճակը փոխվեց։
Նա նկատում է, որ քրդերի եւ Սիրիայի կառավարության միասնական ճակատով հանդես գալու արդյունքում բավականին մեծ հաջողություն է գրանցվել. «Արեւմուտքից դեպի արեւելք սահմանագծով սկսեցին շարժվել Սիրիայի կառավարական ուժերը՝ մեկը մյուսի հետեւից ազատագրելով բնակավայրերը։ Եվ այնպես էր ստացվում, որ բնակավայրերում դնում էին Սիրիայի դրոշակն ու առաջ շարժվում։ Նույնիսկ զինվորները չեն մնում։ Այսինքն՝ միայն Սիրիայի դրոշը բավական է, որ այդ տարածքների վրա այլեւս չհարձակվեն»։
Երկու բնակավայր դեռեւս չեն ներառվել Սիրիայի կառավարական զորքերի եւ քրդերի ռազմական միավորումների համաձայնագրերի շրջանակում։ Եվ Կարեն Հովհաննիսյանը նշում է, որ, մեր զրույցի պահի դրությամբ, այդ երկու բնակավայրի ուղղությամբ Թուրքիան ռազմական գործողություններ է իրականացնում։
Իսկ, ընդհանուր առմամբ, նա արձանագրում է. «Այդ համագործակցությունը բավական արդյունավետ էր, եւ, փառք Աստծո, կարող ենք ասել՝ տեղի չունեցավ մեծ աղետը, որը կախված էր քաղաքացիների գլխին»։
Համեմատելով Ադրբեջանի կողմից սանձազերծված ապրիլյան պատերազմի եւ թուրք—սիրիական ռազմական գործողությունների ժամանակ միջազգային հանրության արձագանքը՝ Կ. Հովհաննիսյանը նշում է, որ տեղեկատվության մասով մենք ավելի լավ վիճակում էինք եւ առաջին գծից կարողանում էինք տեղեկատվություն տարածել տեղի ունեցածի մասին, սակայն մասշտաբները բավականին տարբեր են. «Սիրիայի ռազմական գործողությունների մասշտաբները շատ ավելի մեծ են։ Եվ այստեղ հրթիռակոծվում են հենց բնակավայրերը, թիրախավորվում են դպրոցները, գործարանները, հիվանդանոցները։ Այս առումով միջազգային հանրությունն ավելի լայն արձագանք տվեց։ Իսկ թե ինչու սկզբում տեղեկատվությունը մատնանշեցի, որովհետեւ Սիրիայում տեղեկատվությունը շատ վատ էր աշխատում։ Կարելի է ասել՝ տեղեկատվական բլոկադա էր, եւ աշխարհը չէր իմանում՝ ինչ էր իրականում կատարվում։ Եվ երբ Սիրիայի դեմոկրատական ուժերը վերանայեցին քաղաքականությունը եւ հայտարարություն տարածեցին՝ համապատասխան տարածքներում աշխատելու պատրաստակամություն ունեցող լրագրողներին հրավիրելով, ամեն մի երկիր իր սեփական աղբյուրից իմացավ կատարվածի մասին, եւ հանդես եկան հայտարարությամբ»։
Միայն թե միջազգային հարթակներից հնչող հայտարարություններից թուրքագետը ոչինչ չի ակնկալում։ Ասում է՝ կյանքը ցույց է տվել, որ դա արվում է քաղաքակիրթ աշխարհի կողմից, որպեսզի ժողովրդավարության դեմքը պահպանվի։ Նա հակված է մտածելու, որ այդ հարցը կարող են լուծել ոչ թե հայտարարությունները, այլ կոնկրետ գործողությունները։

16-10-2019





26-01-2021
Ռիսկեր եւ հնարավորություններ
Խոսքը ոչ թե միասնական սակագնի, այլ սակագների գոյացման միասնական ...


26-01-2021
Նոր արտոնություններ արցախյան պատերազմի հերոսների համար
Պետությունը կամբողջացնի պատերազմի հերոսների եւ նրանց հարազատների համար սահմանված ...


26-01-2021
Պատերազմի ուրվականը հավերժ կուղեկցի Ադրբեջանին
Հաղթանակ, որը միտումներ ունի մոտ ապագայում վերածվելու ծանր պարտության


26-01-2021
Պատվիրված է ձերբակալել
Ռուս դեսպան Կառլովի սպանության հետքերը տանում են դեպի Էրդողանի ...


26-01-2021
ԿԱՌԱՎԱՐՈՒՄ - Ինչո՞ւ ձախողվեց Մկների ժողովը
Ինչպես չանցկացնել գործնական խորհրդակցություն

Աթաբեկ Խնկոյանի՝ բոլորիս հայտնի ...


26-01-2021
Հայոց պատմությունը խեղաթյուրելու փորձեր արվել են
Սակայն ճշմարտությունը մինչեւ վերջ կեղծելու ջանքերն, ի վերջո, անօգուտ ...


26-01-2021
Առակաց խորհուրդը. առաքինություն
«Շատ աղջիկներ են առաքինութիւուն գործել, բայց դու նորանց ամենից ...



26-01-2021
Հայաստանում է ՌԴ ԶՈՒ պատվիրակությունը
Երեկ Հայաստանի Հանրապետություն է ժամանել ...

26-01-2021
ՄԻՊ-ը հրապարակել է տեղեկատվական ուղեցույց
Հայաստանի մարդու իրավունքների պաշտպան Արման ...

26-01-2021
Արցախի Շոշ գյուղի դպրոցը բացել է դռները
Արցախի Շոշ գյուղի դպրոցը որոշ վերանորոգման ...

26-01-2021
Վստահեցին յուրայինին
Հայաստանի մարմնամարզության ֆեդերացիայի նոր ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO