Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.11.2019
ՏՆՏԵՍՈՒԹՅՈՒՆ


Երբ դժվար իրացվող գույքը էժան էլ չի վաճառվում

Օտարման ինչ փուլեր է առաջարկում պետգույքի կառավարման կոմիտեն

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ենթակառուցվածքների նախարարության պետական գույքի կառավարման կոմիտեն առաջարկում է օտարման ենթակա պետական անշարժ գույքի վաճառքը կազմակերպել գնորդների գնային առաջարկների հիման վրա։ Համապատասխան որոշման նախագիծը (վաճառքի կազմակերպման կարգի հետ միասին) քննարկման է դրված։ Հստակեցնենք՝ ըստ պատկան մարմնի, խոսքը վերաբերում է պետական սեփականություն համարվող այն անշարժ գույքին, որ օտարման տարբեր ձեւերով՝ աճուրդով, մրցույթով եւ ուղղակի ձեւով վաճառքի է ներկայացվել եւ գնահատված արժեքի 40 տոկոսով նվազեցված գնի պարագայում էլ չի վաճառվել։ Այլ կերպ՝ դժվար իրացվող անշարժ գույքին։
Օտարման ենթակա պետական սեփականության գույքը գնային առաջարկների հիմամբ վաճառելու գործընթացն իրականացնելու նպատակով կոմիտեն ուսումնասիրել է օտարերկրյա պետությունների փորձը։ Եվ որոշվել է գույքի օտարման գործընթացը կազմակերպել 2 փուլով եւ դրան համապատասխան մշակել մեթոդական ու իրավական դաշտ։
Առաջին փուլը աճուրդի մասնակիցների որակավորման փուլը կլինի, որի ընթացքում հանրային իրազեկման ճանապարհով, օտարման ենթակա յուրաքանչյուր գույքի վերաբերյալ գնային առաջարկների ստացման եւ դրանց քննարկման ճանապարհով կսահմանվի օտարման ենթակա գույքի վաճառքի մեկնարկային գինը։ Նաեւ՝ մասնակիցների շրջանակը։
Ի դեպ, վաճառքի մեկնարկային գինը կսահմանվի՝ ելնելով ներկայացված ամենաբարձր գնային առաջարկից։
Իսկ երկրորդ փուլը՝ սահմանված մեկնարկային գնով՝ դասական աճուրդի միջոցով գույքի վաճառքի կազմակերպումը կլինի։
Առաջին փուլի համար կստեղծվի վաճառքի կազմակերպման հանձնաժողով, որը կկազմի եւ կհրապարակի վաճառքի ենթակա գույքի մասին տեղեկությունները, կընդունի գույքի վաճառքի հայտերը, կվարի հայտերի ընդունման գրանցամատյանը, կքննարկի ներկայացված գնային առաջարկները, կորոշի օտարման ենթակա պետական գույքի վաճառքի մեկնարկային գինը։
Կոմիտեի տվյալների համաձայն, հանձնաժողովը սահմանված ժամկետում կքննարկի հայտատուների առաջարկները։ Եթե բոլոր հայտերում ներկայացված գնային առաջարկները ցածր են տվյալ գույքի համար կառավարության կողմից նախօրոք սահմանված նվազագույն գնից, ապա պետք է բանակցի հայտատուների հետ տվյալ գույքը նվազագույն գնով վաճառելու նպատակով։ Եթե բանակցությունների ժամանակ միայն մեկ հայտատուի հետ է համաձայնություն ձեռք բերվում, ապա հանձնաժողովը հավանական գնորդին ուղղակի ձեւով գույքը վաճառելու առաջարկ կներկայացնի։ Իսկ եթե գույքի համար համաձայնություն ձեռք բերվի մեկից ավելի հայտատուի հետ, ապա հանձնաժողովը գույքը կներկայացնի աճուրդի եւ մեկնարկային գին կսահմանի տվյալ գույքի նվազագույն գինը։
Բացի այդ՝ եթե նվազագույն գնից մեկից ավելի գնային առաջարկներ են ներկայացվել, ապա հանձնաժողովը գույքն աճուրդով վաճառելու որոշում կընդունի եւ մեկնարկային գին կսահմանի։ Ընդ որում՝ մեկնարկային գինը կսահմանվի՝ հաշվի առնելով գույքի ձեռք բերման նպատակով առաջարկվող գներից առավելագույնը։
Գանք աճուրդներին։
Դարձյալ ըստ նույն պատկան կառույցի, աճուրդը կարվի դասական եղանակով՝ երբ գինն ավելացվում է։ Եվ աճուրդային նվազագույն քայլի չափը կսահմանվի գույքի մեկնարկային գնի 5 տոկոսի չափով։ Աճուրդին կարող են մասնակցել բոլոր հայտատուները, որոնք ստացել են մասնակցի կարգավիճակ։ Գույքի համար առավելագույն գին առաջարկողն էլ հաղթող կճանաչվի։
Իսկ ինչ կլինի, եթե այս բոլոր պայմաններից եւ ոչ մեկով էլ գույքը չվաճառվի։ Այս դեպքում նախատեսում են գույքը վաճառել կադաստրային արժեքով գնահատված՝ գումարած 100 դրամ։
Մեկ այլ հարց է ծագում՝ իսկ եթե այս վերջին՝ կադաստրային արժեքի չափով էլ չվաճառվի, ի՞նչ է առաջարկում պետգույքի կառավարման կոմիտեն։ Տնտեսական շրջանառությունից դու՞րս է թողնելու գույքը։
Պարզվում է՝ ոչ, դուրս չեն թողնելու. տնտեսական շրջանառության մեջ դնելու համար անհատույց կօտարեն համապատասխան համայնքներին՝ վերջիններիս կարիքների համար օգտագործելու նպատակով։
Եվ վերջում ընթերցողի համար մեկ հստակեցում. դժվար իրացվող գույք ասվածը տարածագնահատման իններորդից տասնվեցերերդ գոտիներում է։ Կոմիտեն հույս ունի վաճառել այս գույքը եւ ավելացնել պետբյուջեի մուտքերը։

17-10-2019





16-11-2019
Հայաստանի հավակնոտ հայտը ռազմարդյունաբերության ոլորտում
Ոլորտին հատկացվող գումարը հաջորդ տարի կկազմի 6.3 մլրդ ...


16-11-2019
Իրանի տնտեսարդյունաբերական ազատ եւ հատուկ գոտիները
Նպաստավոր պայմաններ են ապահովում հատկապես օտարերկրացի ներդրողների համար

Էմմա ...


16-11-2019
Ինչ ստացավ Անկարան Վաշինգտոնից եւ ինչ կստանա Մոսկվայից
Հայկական հարցը՝ միջազգային վերադասավորումների համապատկերում

Արմենուհի ՄԵԼՔՈՆՅԱՆ
a.melqonyan@hhpress.am


Մեր ենթադրությունների ...


16-11-2019
Ձկնարտադրությունից մինչեւ սեւ խավիար
Արցախի ձկնկիթն առաջին անգամ կարտահանվի Եվրոպա

Լուսինե ՆԱԶԱՐՅԱՆ
l.nazaryan@hhpress.am


Առաջնագծից ...


16-11-2019
ՊԵԿ-ը 253 միլիոն դրամի խախտում է արձանագրել
Կառույցն անցում է կատարում իրավախախտումների դեմ պայքարի նոր ...


 
16-11-2019
IPSE DIXIT
«Նախանձ» մենք համարում ենք մարդկային բնույթի այն ստորությունը, որը ...


 
16-11-2019
Հորդորակ
Հայերեն ընդունելի համարժեքներ ունեցող օտար բառերից խուսափելու մասին




16-11-2019
Ինչն է գրավում զբոսաշրջիկներին մեր երկրում
Քննարկման փուլում է ոլորտի զարգացման ...

16-11-2019
Մանկապարտեզների ու դպրոցների սնունդը
Ի՞նչ խնդիրներ կան, որո՞նք են չիմացության ...

16-11-2019
Հայաստանում աճում է սուսերամարտի նկատմամբ հետաքրքրությունը
Հանգստյան օրերին Նորագավիթի սուսերամարտի ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO