Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

08.04.2020
ԿՐԹՈՒԹՅՈՒՆ


Երեխաների կրթությունը՝ ժամանակակից պայմաններում

Վաղարշապատի Վ. Ռշտունու անվան թիվ 11 հիմնական դպրոցը վերազինվել է 32 նոր համակարգչով

Լիանա ՍԱՐԳՍՅԱՆ
l.sargsyan@hhpress.am


Վաղարշապատի Վ. Ռշտունու անվան թիվ 11 հիմնական դպրոցը, հուրախություն կրթական հաստատությունում սովորող սաների, վերազինվել է 32 նոր համակարգչով։ Աշակերտներն այսուհետ կկարողանան ինֆորմատիկա առարկայի շրջանակներում ստացած գիտելիքները գործնականում կիրառել հագեցած տեխնիկական սարքավորումներով, դիզայներական հետաքրքիր լուծումներով վերանորոգված 4 դասասենյակում։
Համակարգիչներից բացի, դասասենյակները հագեցված են նաեւ համապատասխան գույքով՝ սեղաններ, աթոռներ, գրատախտակներ, անհրաժեշտ այլ պարագաներ։ Լուսավոր ու ընդարձակ սենյակներում փոխված են պատուհանները, անցկացվել է ջեռուցման նոր համակարգ։ Իսկ միջանցքներում սպասող ծնողներին՝ հայկական չքնաղ բնաշխարհով, սուրբ քաղաքի եկեղեցիներով պատկերված նկարները, ծաղիկներն ու հարմարավետ նոր նստարանները ձանձրանալու առիթ չեն տա։
Դպրոցի այս հարկաբաժնի վերանորոգումն ու ժամանակակից տեխնիկական միջոցներով կահավորումն իրականացվել են բարեգործական հիմունքներով՝ «Արթուր Ասատրյան» բարեգործական հիմնադրամի աջակցությամբ։ Համակարգչային նոր դասասենյակների հանդիսավոր բացումը տեղի ունեցավ երեկ, որին ներկա էին նաեւ Արմավիրի մարզպետարանի կրթության, մշակույթի եւ սպորտի վարչության աշխատակիցները, դպրոցի տնօրինությունն ու ուսուցչական անձնակազմը։
Վաղարշապատի Վ. Ռշտունու անվան թիվ 11 հիմնական դպրոցի տնօրենի ժամանակավոր պաշտոնակատար Աստղիկ Վիրաբյանի խոսքով՝ 2019 թ. փետրվարին, երբ սկսվեցին սանհանգույցների վերանորոգման աշխատանքները, հիմնադրամի տնօրինությունը հանձն առավ ստուգելու դպրոցի այդ մասնաշենքի սեյսմակայունությունը եւ առաջարկեց այն դարձնել ինֆորմացիոն տեխնոլոգիաների դասասենյակներ։ «Փետրվարից սկսվեցին նաեւ դասասենյակների շինարարական աշխատանքները։ Ընդհանուր առմամբ, դպրոց է բերվել 32 համակարգիչ, որոնք տեղադրվել են 4 ընդարձակ դասասենյակում։ Մինչեւ պայմանավորվածություն կհաստատենք մարզպետարանի եւ նախարարության հետ, երեխաներն առաջիկայում կանցնեն ինֆորմատիկա։ Ինֆորմատիկայի ուսուցչուհին կսկսի նախապատրաստել երեխաներին՝ հետագայում ՏՏ ոլորտում առավել խորացված ուսուցման համար։ Նախկինում ունեինք մեկ—երկու հին համակարգիչ, որոնք, կարելի է ասել, այլեւս չէին ծառայում նպատակին»,–ասաց Վիրաբյանը։
Բարեգործական հիմնադրամի նախագահ Արթուր Ասատրյանը նշեց, որ վերանորոգվելու եւ նոր համակարգիչներ են ունենալու Էջմիածնի եւս 12 դպրոց։ Ինֆորմատիկա առարկայի գործնական ուսուցումը զարգացման ծրագրի նախնական, առաջնային փուլն է։ Կազմակերպիչները նպատակ ունեն հետագայում դասավանդման կամ պարզապես փորձի փոխանակման համար դպրոցներ հրավիրել տեղեկատվական տեխնոլոգիաների ոլորտի հմուտ մասնագետների։ «Սուրբ քաղաքն ունենալով հազարամյակների պատմություն՝ դպրոցներում չունի ուսման համար հարմարավետ պայմաններ։ Էջմիածին քաղաքի կրթօջախները ոչ բարվոք վիճակում են։ Այս ամենի հետ մեկտեղ ինձ համար առաջնահերթություն է նաեւ երեխաների զարգացվածության մակարդակի բարձրացումը։ «Թումո» կենտրոնի մասնագետների հետ նախնական համաձայնություն ունենք։ Լսարանների բացումից հետո առաջին մեկ տարին ուսուցիչների աշխատավարձը կապահովի հիմնադրամը, որից հետո, եթե ԿԳՄՍ նախարարությունը կամ Արմավիրի մարզպետարանը պատրաստակամ կլինեն վճարել, շնորհակալ կլինենք։ Իսկ եթե ոչ, ֆինանսավորումը կշարունակի իրականացնել հիմնադրամը՝ արժանապատիվ աշխատավարձով՝ արժանապատիվ աշխատանք մատուցելու ակնկալիքով»,—նշեց հիմնադրամի նախագահը։
Արմավիրի մարզպետարանի կրթության, մշակույթի եւ սպորտի վարչության պետի պաշտոնակատար Սոնյա Բուդաղյանը շեշտեց՝ դպրոցաշինության ոլորտում արվող ցանկացած ներդրում ողջունելի է. «Արված աշխատանքին գնահատանքի խոսք ասելու խնդիր չկա։ Ինչպես արդեն նշեց պարոն Ասատրյանը, այս գործն արվում է կիրթ, բանիմաց եւ զարգացած սերունդ ունենալու հեռանկարով։ Այն, որ մենք հետագայում կաջակցենք, հստակ է, իսկ թե ինչպես՝ պարզ կլինի մարզպետի հետ քննարկումներ ունենալուց հետո։ Պետք է դեռ հստակեցնենք ուսման գործընթացի կազմակերպումը, որպեսզի այն լինի արդյունավետ եւ հասանելի բոլորի համար»։
Ս. Բուդաղյանը մտահոգություն հայտնեց մարզի մյուս դպրոցների վերաբերյալ՝ նշելով, որ բազմաթիվ կրթօջախներ այսօր վատթարագույն պայմաններում են. «Այս տարի մարզի վեց դպրոցում հիմնանորոգում պիտի իրականացվի։ Դպրոցաշինությունը սկսվել է շատ մեծ թափով զարգանալ։ Ունենք դպրոցներ, որոնք ընդգրկված են տարբեր ծրագրերի մեջ։ Այս դպրոցը եւս առաջիկայում կընդգրկվի այդօրինակ մի ծրագրում, իսկ թե երբ, առայժմ հստակ չեմ կարող ասել»։

08-11-2019





08-04-2020
Imagine, there's no newsroom… Լրատվամիջոցները համավարակից հետո
Ճգնաժամային պայմանները կարծրատիպեր են կոտրում

Եթե չլինեին լրատվամիջոցները, ...


08-04-2020
Հայկական կոնյակը՝ հայկական սպիրտից, սա էլ՝ ՀՀ-ի եւ Արցախի խաղողի հատուկ սորտերից
Իսկ ինչ են վկայում այդ խմիչքի ու դրա ...


08-04-2020
Հայաստանում հաստատված դեպքերի թիվը հասել է 881. ապաքինվել է ևս 27 քաղաքացի
Հայաստանում արձանագրվել է կորոնավիրուսով վարակվելու 28 նոր դեպք: Այս ...


08-04-2020
Հողի, գյուղացու ու կորոնավիրուսի մասին
Տարիներ առաջ զրուցում էի գյուղատնտեսության ոլորտի մի բարձրաստիճան պաշտոնյայի ...


08-04-2020
Հոգեւոր անկյուն
Ցանկանում ենք ներկայացնել, որ իմունիտետ ունենում է ոչ միայն ...


08-04-2020
Մաքսերի իջեցում, վարկերի տոկոսադրույքների զրոյացում…
Վարչապետ Նիկոլ Փաշինյանը պատասխանել է օգտատերերի հարցերին

Նախօրեին ...


08-04-2020
ՌԴ-ում աշխատանքային միգրանտների թիվը կնվազի
Հզոր հարվածի տակ հայտնված փոքր բիզնեսը չի կարողանա ...



08-04-2020
Իտալիան արդեն ոչ թե վիրուսից, այլ աղքատությունից է վախենում
Այս երկիրը հասել է սովի եւ սոցիալական ...

08-04-2020
Կունենանք թոքերի օդափոխման սարքերի սեփական արտադրություն
Հայ մասնագետներն արդեն գործի են ...

08-04-2020
Բանականության սահմանից այն կողմ
Կամ՝ երբ մշակույթն անգամ իր բարձրությամբ ...

08-04-2020
Հրապարակվել է ՖԻՖԱ-ում կոռուպցիայի գործով մեղադրական եզրակացությունը
ԱՄՆ Նյու Յորք նահանգի Արեւելյան շրջանի դաշնային ...
USD
EURO
RUR
GEL
Եղանակը Երևանում
գիշերը +2... +4
ցերեկը +11... +13

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO