Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

10.07.2020
ԼՂՀ


Թալիշի նորակառույց դպրոցը բացեց հյուրընկալ դռները

Վերածնված գյուղը գրկաբաց է ընդունում իր զավակներին

Դավիթ ՄԻՔԱՅԵԼՅԱՆ
d.miqayelyan@hhpress.am


Թալիշի միջնակարգ դպրոցի բակը տեւական լռությունից հետո վերստին լցվել է երեխաների հորդաբուխ ծիծաղով եւ ժպիտներով։ 2016 թ. ապրիլյան ողբերգական իրադարձությունների պատճառով մարդիկ ստիպված էին ընտանիքներով հեռանալ հարազատ օջախներից եւ ժամանակավորապես բնակվել տարբեր վայրերում։ Նրանց մի մասը բնավորվել էր Ալաշանում եւ, չկորցնելով նորից ծննդավայր վերադառնալու հույսը, կարոտով սպասում էր բարի օրվան։ Եվ ահա եռամյա դեգերումներից հետո վերջապես մարդիկ Թալիշում են, իրենց նորոգ, ոմանք էլ՝ նոր կառուցված հարմարավետ տներում։ Իսկ նորակառույց կրթօջախն իր հյուրընկալ դռներն է բացել աշակերտների առաջ։
Դպրոցի տնօրեն Տանյա Մեժունցն ուրախությունից չի կարողանում թաքցնել հուզմունքը. «Շենքի պատերն էլ են ջերմացել դպրոցականների ներկայությունից։ Երկար ենք սպասել այս օրվան։ Չեք պատկերացնում, թե ինչպիսի երանություն է դաժան պատերազմ ու զրկանքներ ապրած երեխաներին հայրենի գյուղի դպրոցում վերստին տեսնելը։ Մենք այլեւս իրարից չենք բաժանվի։ Նորից միասին ենք, կողք կողքի եւ միմյանց ասելիք շատ ունենք»։
Առայժմ ուսումնական պարապմունքները միավորված դասարաններում են անցկացվում։ Տնօրենը լավատես է եւ հավատացած, որ «առաջիկայում հեռուներից իրենց կմիանան դպրոցի սաները», մանավանդ որ կրթօջախը հիմնականում համալրված է ուսուցիչներով, եւ միայն օտար լեզվի եւ ֆիզիկայի մասնագետների կարիք է զգացվում։ Իներորդցիները գրականությունից Համո Սահյանի ստեղծագործություններն են ուսումնասիրում, երրորդ եւ չորրորդ դասարաններում երեխաները խանդավառված երաժշտության հերթական դասն են սերտում... Տանյա Մեժունցը հպարտությամբ է տեղեկացնում, որ ավագ դասարանների սովորողներն ընդարձակ դահլիճում պատրաստվում են «Վերադարձ հայրենիք» խորագրով առաջին հանդեսին։
Հարեւան դասասենյակում ռազմագիտության ուսուցիչ Ֆեդյա Ապրեսյանն աշակերտներին ծանոթացնում է պատերազմի ժամանակ հրետակոծությունների հետեւանքով ավերված դպրոցից փրկված կաբինետի գույքի «մասունքներին», որ «հետագա թանգարանի համար եզակի ցուցանմուշներ են դառնալու»։ Նա կարծում է, որ Արցախում, երբ դեռ լիովին խաղաղություն չի հաստատվել, երեխաներին ռազմագիտություն ուսուցանելը պարտադիր պահանջ է, եւ «աղջիկ լինի, թե տղա, բոլորն անպայմանորեն պիտի տիրապետեն ռազմագիտության գաղտնիքներին»։
Առօրյա հոգսերով ապրող գյուղը, որ բարեկարգվել, վերակառուցվել, միանգամայն նոր տեսք է ստացել, կարոտով պահում է թալիշցիների ճամփան՝ լուսավոր ու պայծառ գալիք խոստանալով նրանց։ «Վերածնված Թալիշը, հայացքը ապագային հառած, մոր պես գրկաբաց ընդունում եւ գուրգուրում է իր զավակներին, թեւերի տակ առնելով՝ ջերմացնում նրանց»,–ասում է համայնքի ղեկավար Վիլեն Պետրոսյանը՝ տուն հրավիրելով բոլոր թալիշցիներին։  
Ստեփանակերտ

12-11-2019





10-07-2020
«Լիճք» ենթակայանի ամբողջական վերակառուցումն անհրաժեշտություն է
Այն նաեւ Արցախի էներգետիկ անվտանգության հետ կապված կարեւոր ...


10-07-2020
Գյուղոլորտի ապագա կադրերը՝ Շուշիի տեխնոլոգիական համալսարանից
Ուսուցում՝ նաեւ լսարանից դուրս, «գործնական դաշտում»

Շուշիի տեխնոլոգիական ...


10-07-2020
Հայաստանում հաստատվել է COVID-19-ի 557 նոր դեպք․ապաքինվել է ևս 709, մահացել 11 քաղաքացի
Հայաստանում հուլիսի 10-ի դրությամբ հաստատվել է կորոնավիրուսային հիվանդության ընդհանուր ...


10-07-2020
Ժառանգելու են ե՛ւ գենետիկ, ե՛ւ հոգեւոր, ե՛ւ նյութական արժեքները
Այն, ինչ այսօր պատկանում է մեզ՝ ծնողներիս, վաղը պատկանելու ...


10-07-2020
«Առողջ անդամները հոսանքին հակառակ են ծնվում»
Կամ որտե՞ղ փնտրենք Ռուբեն Հախվերդյանին

Երգիչ-երգահանի հետ «ՀՀ»-ն ...


10-07-2020
Ազգի եւ մարդկության բարերարը
Ալեք Մանուկյանը տաժանակիր աշխատանքից հետո հայոց լեզվի դասընթացներ ...


10-07-2020
Պետությունը պատասխանատվություն է ստանձնում
Զոհված զինծառայողների ընտանիքների անդամներն անվճար սովորելու հնարավորություն կունենան




10-07-2020
«Թուֆենկյանը»՝ Քաշաթաղի շրջանին
«Ազատագրված տարածքները պիտի բնակեցվեն, ...

10-07-2020
«Դերասանուհին, որը դերասանություն չի անում...»
«Նա երբեք չի ստել, չի կեղծել, նրա ոչ մի ...

10-07-2020
Տուֆով սալարկումն ընդօրինակելի է
Անցած տարի սուբվենցիոն միջոցներով Ջրաշեն ...

10-07-2020
Ալոյանը կվիճարկի աշխարհի չեմպիոնի կոչումը
Ռուսաստանցի Միխայիլ Ալոյանը հոկտեմբերի 15-ին ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO