Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.01.2020
ԱՇԽԱՐՀ


Լիբանանը փորձում է հաղթահարել ճգնաժամը

Ազգային շարժման ներկայացուցիչները կընդգրկվեն նոր կառավարության կազմում

Քաղաքական տարբեր ուժերի, այդ թվում՝ ազգային շարժման ներկայացուցիչները կընդգրկվեն Լիբանանի նոր կառավարության կազմում։ Այս մասին հայտարարել է երկրի նախագահ Միշել Աունը Լիբանանում ՄԱԿ—ի մշտական համակարգող Յան Կուբիշի հետ հանդիպման ժամանակ։
«Նախագահ Միշել Աունը Լիբանանում ՄԱԿ—ի մշտական համակարգող Յան Կուբիշին տեղեկացրել է իր ջանքերի ու շփումների մասին նոր կառավարության ձեւավորման համար՝ այդ գործընթացին հաղորդելով քաղաքական անհրաժեշտ կշիռ։ Կազմում կընդգրկվեն քաղաքական տարբեր հաստատությունների եւ «ազգային շարժման» ներկայացուցիչները»,–նշված է նախագահի մամուլի ծառայության հայտարարության մեջ։
Նախագահ Աունն ավելացրել է, որ խորհրդարանական խորհրդակցություններ կնշանակվեն այն ժամանակ, երբ երկրի քաղաքական առաջնորդների հետ կավարտվի կառավարության ձեւավորումը։ «Նպատակը կառավարության ձեւավորման ճանապարհին խոչընդոտների հաղթահարումն է եւ նշանակված վարչապետի աշխատանքների պարզեցումը՝ երկրում կառավարական վակուումից խուսափելու համար»,–շեշտել է մամուլի ծառայությունը։
Հակակառավարական միտինգի մասնակիցները Բեյրութի կենտրոնում խափանել են խորհրդարանի նիստը՝ փակելով դեպի շենք տանող բոլոր ճանապարհները եւ կառուցելով բարիկադներ, ինչի պատճառով խորհրդարանի խոսնակ Նաբիխ Բերիին ստիպված է եղել նիստը հետաձգել անորոշ ժամանակով։ Հավաքված քաղաքացիները դեմ են եղել համընդհանուր ամնիստիայի մասին օրենքին՝ վախենալով, որ դրա շնորհիվ պատասխանատվությունից կխուսափեն կոռուպցիոն սխեմաներին մասնակցած պաշտոնյաները։ Այս մասին հայտնում է «ՌԻԱ նովոստին»։
«Նախագահ Աունը շեշտել է, որ տնտեսական ու ֆինանսական վիճակը վերահսկողության տակ է եւ աստիճանաբար կարգավորվում է։ Վերջինը, որին հաջողվել է հասնել, կենտրոնական բանկի հետ համակարգմամբ բանկերի աշխատանքի վերականգնումն է՝ նրանց աշխատակիցներին անվտանգության անհրաժեշտ պայմանների ապահովումից հետո»,–գրված է հայտարարության մեջ։
Հակակառավարական ելույթները Լիբանանի բոլոր քաղաքներում շարունակվում են հոկտեմբերի 17—ից։ Երկրում բոլոր բանկերը միտինգի ժամանակ փակ են եղել եւ բացվել են միայն երկու շաբաթ անց՝ Սաադ Հարիրիի կառավարության հրաժարականից հետո (հոկտեմբերի 29—ին)։ Սակայն ընդամենը մեկ շաբաթից էլ պակաս ժամանակից հետո Լիբանանում ցույցերի նոր ալիք է սկսվել, որն ուղեկցվել է երկրի պետական հաստատությունների աշխատանքի խափանմամբ ու հիմնական ճանապարհների փակմամբ, ինչը բանկային ոլորտին կրկին ստիպել է փակել դռներն այցելուների առջեւ։
Տնտեսական ու ֆինանսական վիճակը Լիբանանում շարունակում է մնալ ճգնաժամային վիճակում։ Երկրի նախագահ Միշել Աունը դեռ հոկտեմբերի սկզբին հայտարարել էր, որ պետությունը տառապում է ֆինանսական բլոկադայից ու սանկցիաներից։ Բանկային ոլորտում զգացվում է տարադրամի դեֆիցիտ։ Դադարեցվել են ֆինանսական փոխանցումները միջազգային հաշիվներին, միաժամանակ սահմանվել է, որ շաբաթվա ընթացքում մեկ հաշվից հնարավոր չէ 1000 դոլարից ավելի կանխիկացնել։ Զուգահեռաբար՝ որոշ մասնավոր ձեռնարկություններ, այդ թվում՝ լցակայանները, դեղատները եւ սովորական խանութները, հրաժարվում են բանկային քարտեր ընդունել այցելուներից՝ պահանջելով վճարել կանխիկ գումարով։

20-11-2019





22-01-2020
Կարող ենք մուտք գործել ԵՄ-ի, Միջին Արեւելքի, Ճապոնիայի եւ Հյուսիսային Ամերիկայի շուկաներ
Իսկ ամենակարեւորը՝ ունենալ կայուն զարգացող, էկոլոգիապես մաքուր արտադրանք ...


22-01-2020
Անհրաժեշտ է միասնական քաղաքականություն մշակել
Խորհրդարանական քննարկումներ՝ Բաքվի ջարդերի 30-ամյա տարելիցի կապակցությամբ

Դավիթ ՄԻՔԱՅԵԼՅԱՆ
d.miqayelyan@hhpress.am




22-01-2020
Շարունակվել են վարչապետի աշխատակազմի 2020 թ. նախատեսվող ծրագրերի ու միջոցառումների վերաբերյալ քննարկումները
Վարչապետ Նիկոլ Փաշինյանի մոտ շարունակվել են վարչապետի աշխատակազմի 2020թ. ...


22-01-2020
Ինչպե՞ս է լուծվելու զրոյից վեց տարեկան երեխաների զբաղվածության հարցը
Լիանա ՍԱՐԳՍՅԱՆ
l.sargsyan@hhpress.am


Ազգային ժողովում ընթանում է հերթական քառօրյա նստաշրջանը։ ...



22-01-2020
Ջերմատների կառուցումը կսուբսիդավորվի
Ինչ մոդելով է պետությունն աջակցելու ...

22-01-2020
Կոմունալ վճարները կտա պետությունը
Օրենքն ընդունված է, որոշումը կլինի ...

22-01-2020
Հենրիխ Մխիթարյանը 31 տարեկան է
Պրոֆեսիոնալ ֆուտբոլիստ՝ համառության, ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO