Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

10.12.2019
ԱՅԼՔ...


Վտանգներ՝ փաթեթավորված վառ գույներով

Ինչպիսի՞ն է լինելու վաղվա թվային աշխարհը

Լուսինե ՄԽԻԹԱՐՅԱՆ
l.mkhitaryan@hhpress.am


Սոցիալական ցանցերն այնքան մեծ տեղ են զբաղեցնում մարդկանց կյանքում, որ կգա մի ժամանակ, երբ կենսագրականների փոխարեն կբացենք մարդու էլեկտրոնային էջը՝ իմանալու համար, թե ինչպիսի քաղաքացի է, ի՞նչ հետաքրքրություններ եւ վարքագիծ ունի։ Արդյունքում, օրինակ, ֆեյսբուքյան էջը ավելի կարեւոր եւ որոշիչ կարող է դառնալ մարդուն աշխատանքի ընդունելիս, քան այն, թե ինչ է գրված ինքնակենսագրականում։
«Մեր երկիրը, որն ուզում է տեխնոլոգիական առաջընթաց ունենալ, պետք է կարողանա հանրությանն ուղղորդել եւ ցույց տալ, թե ապագան ինչպիսին է լինելու։ Այսօր, երբ ծնողները ֆեյսբուք են ներբեռնում իրենց երեխաների նկարները, պետք է հստակ գիտակցեն, թե հետագայում երեխան ինչ է ստանալու դրանից»,– «ՀՀ»—ի հետ զրույցում ասաց թվայնացման եւ կիբերանվտանգության ռազմավարությունների փորձագետ, քաղաքական գիտությունների թեկնածու Անահիտ Պարզյանը՝ նշելով, որ դրական թվային հետքը կիբերանվտանգության այն բաժինն է, որը ցույց է տալիս, որ նախ՝ ցանկալի չէ այդքան շատ եւ տարատեսակ տեղեկություններ ներբեռնել երեխաների եւ, ինչու չէ, նաեւ մեր մասին, եւ երկրորդ՝ ցանկալի է ձեւավորել այնպիսի թվային պատմություն, որի շնորհիվ երեխան կկարողանա շահեկան վիճակում հայտնվել։
«Որպես օրինակ կարելի է բերել եվրոպացի պատգամավորների երիտասարդ տարիների ակումբային որոշ լուսանկարներ, որոնք տարածվել են լրատվամիջոցների կողմից եւ բացասաբար ազդել իրենց ընտրազանգվածի վրա։ Բայց, ի տարբերություն Եվրոպայի, որտեղ մարդիկ մոռացված լինելու իրավունք ունեն (the right to be forgotten), երբ շատ տեղեկություններ ջնջվում են որոնման գործիքների հիշապահոցից, մեզ մոտ նման օրենսդրական կարգավորում դեռեւս չի քննարկվում»,–հավելեց նա։
Մեր ապագան կարծես թե անհնար է պատկերացնել առանց ժամանակակից տեխնոլոգիաների, բայց մինչեւ ու՞ր կարող է այն զարգանալ, ո՞րն է այն սահմանագիծը, որից այն կողմ տեխնոլոգիական առաջընթաց չենք կարողանա արձանագրել, կա՞, արդյոք, այդ սահմանը։ Ի վերջո, ու՞ր է մեզ տանում այս զարգացումը։ Սրանք այն հարցերն են, որոնց առջեւ կանգնած է ժամանակակից մարդկությունը։
Փորձագետի խոսքով՝ տեխնոլոգիաների մուտքն ամբողջովին փոխելու է մեր պատկերացումները աշխատանքի, աշխատաշուկայի, կրթության եւ մասնագիտությունների մասին։ Հստակ է այն, որ յուրաքանչյուր ոլորտում կարեւոր եւ առանցքային է դառնալու ստեղծագործ բաղադրիչը, քանի որ տեղեկատվությունը լինելու է ավտոմատացված։ «Եթե անհատը կարողանա հետաքրքրություն ստեղծել իր բնագավառում, ապա կլինի մրցունակ»,–ասաց նա։
Այսօր որոշ երկրներում արդեն մուտք է գործել 5G–ն, որը համարվում է տեխնոլոգիական հեղափոխություն։ Այն շատ ավելի արագ բջջային ծառայություններ մատուցելու հնարավորություն է տալիս, քան նախորդ կապի տեսակները։ 5G–ն նախագծված է որպես միասնական, ավելի ունակ պլատֆորմ, որը ոչ միայն նպաստում է բջջային լայնաշերտ կապի որակի բարձրացմանը, այլեւ նոր ծառայությունների ստեղծմանը։ «Պատկերացրեք, որ այդ կապով հնարավոր կլինի, օրինակ, Հայաստանից Գերմանիա վիրահատություն իրականացնել՝ առցանց հաղորդակցվելով ու խորհրդակցելով բժիշկների հետ, առցանց կրթություն ստանալ աշխարհի ցանկացած համալսարանում, անգամ առանց սենյակից դուրս գալու եւ այդ ամենը՝ իրականությանը հավասար արագության ինտերնետով»,–մանրամասնեց Պարզյանը։
Ցանցային աշխարհը մարդկությանը մի կողմից հնարավորություններ եւ առավելություններ է ընձեռում, բայց մյուս կողմից ստեղծում է խնդիրներ։ Պետությունները որպես միավորներ դառնում են ավելի երկրորդական։ Անահիտ Պարզյանն անդրադարձավ նաեւ թվային ուժին, երբ նորագույն տեխնոլոգիաների մուտքը էապես փոխում է հասարակության եւ պետության կառավարման մոդելները։ «Այստեղ, իհարկե, կարող ենք երեւակայել ապագայի մասին։ Ասում են, որ այն ավելի տեխնոլոգիական է, բայց վախենալ եւ խուսափել դրանից պետք չէ, պարզապես, անհրաժեշտ է այնպես անել, որ հայտնվենք շահեկան դիրքերում»,–շեշտեց զրուցակիցս։
Մեր երկիրը պետք է հստակ ընտրի, թե տեղեկատվական տեխնոլոգիաների ո՞ր ուղղություններն ենք պատրաստվում զարգացնել, կամ անգամ լինել դրանցում առաջատարը։ Փորձագետի խոսքով, շատ ընդհանրական է, երբ նշում ենք, թե ուզում ենք զարգացնել տեղեկատվական տեխնոլոգիաները, որովհետեւ մրցակիցներ ունենք Չինաստանում, Հնդկաստանում, Կորեայում, ԱՄՆ—ում, Եվրոպայում եւ այլուր։ «Որպեսզի ավելի արդյունավետ իրականացնենք մեր առջեւ դրված խնդիրներն ու արդյունավետ օգտագործենք առկա ռեսուրսները՝ թե՛ մարդկային եւ թե՛ ֆինանսական, լավ կլինի կանոնակարգենք մեր անելիքները եւ հստակեցնենք մեր ուղղությունները»,–հավելեց Պարզյանը։

03-12-2019





07-12-2019
Հեղափոխական նշանակության կարեւոր իրադարձություններ
Որոնք անմիջականորեն առնչվում են պատմական արդարության վերականգնման հետ



07-12-2019
Կոմիտասը՝ Թումանյանին. «Ջահել ջիվան ջանիդ ափսոսացի, էս անգամ ձեռիցս պրծար»
Լիանա ՍԱՐԳՍՅԱՆ
l.sargsyan@hhpress.am


Կոմիտասի ստեղծագործության, նրա կյանքի եւ, մասնավորապես, Թումանյանի ...


07-12-2019
Գյումրու քյալլան, ֆռռիկն ու ընկեր Ղազարյան-Ջղեր Խաչիկը
Գյումրեցին առաջ է նայում ու լիաթոք ծիծաղում

Թամարա ՄՈՒՐԱԴՅԱՆ
t.muradyan@hhpress.am




07-12-2019
Նեոօսմանականությունը Թուրքիայի գերնպատակն է
Ծավալապաշտական նկրտումներին հագուրդ տալու համար

Էմմա ԲԵԳԻՋԱՆՅԱՆ
e.begijanyan@hhpress.am


Այսօր արդեն ...


07-12-2019
Կառավարությունում շարունակվում են գերատեսչությունների բյուջետային հատկացումների հայտերի քննարկումները
Վարչապետ Նիկոլ Փաշինյանի գլխավորությամբ կառավարությունում շարունակվում են գերատեսչությունների բյուջետային ...



07-12-2019
«Միշտ ունենալու ենք ատոմակայան, անկախ այն հանգամանքից, թե ով ինչ խորհուրդ կտա»
Հարցազրույց տարածքային կառավարման եւ ...

07-12-2019
Սահմանամերձ գյուղը նոր ջրատար կունենա
Այն լիովին կհագեցնի Ուղտասարի այգիների ...

07-12-2019
Աշխարհի քարտեզը 30 տարի առաջ այսպիսին չէր, կփոխվի նաեւ առաջիկա 30 տարում
Եվրոպան կկանգնի՞ ազգային պետությունների ...

07-12-2019
Գրանցվեց ՀՖՖ նախագահի 3 թեկնածու
Ժամանակավոր կասեցման որոշում է ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO