Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

10.12.2019
ՀԱՍԱՐԱԿՈՒԹՅՈՒՆ


«Արմենպրես»-101

Մենք ՏԱՍՍ-ի բաժանմունք ենք…

Տեղական մամուլի խմբագրություն

Թվում է, թե այնքան էլ կարեւոր չի եղել այս ծառայության դերը «Արմենպրեսի» կյանքում։ Սակայն չշտապենք եզրակացություն անել։ Նախ՝ այդ ծառայությունը «Հայհեռագործի» հասակակիցն է, ավելին, այն հենց «Հայհեռագործն» է, քանի որ ստեղծվել է առաջին հանրապետության օրերին եւ ուներ մեկ առաքելություն՝ երկրի ընթերցողներին թարմ տեղեկատվություն հաղորդել։ Հասկանալի է, որ այդ ծառայության անելիքները շատացան Հայաստանի երկրորդ հանրապետության տարիներին։
Խորհրդային կարգերի օրոք հանրապետության բոլոր շրջաններում, ինչպես նաեւ որոշ քաղաքներում հիմնվեցին տեղական մամուլի օրգաններ, որոնց «սնուցել», այսինքն՝ թարմ նյութերով էր պետք ապահովել։ Այդ նպատակով էլ ՀՀԳ—ում ստեղծվեց տեղական մամուլի խմբագրություն։ Հասկանալի է, որ այդ ծառայության գործունեությանը հատկացվող հատվածում չենք կարող ներառել նրա ողջ պատմությունը, բայց շեշտենք, որ այն հետաքրքիր ուղի է անցել։ Հետաքրքիր էր՝ նյութերն առաքելու իր տարբեր ձեւերով։ Սկզբում հեռագրով էին ուղարկում, հետո անցան ռադիոյի օգնության։ «Արմենպրեսի» աշխատակիցն ամեն օր որոշակի ժամի ռադիոյով հաղորդում էր արմենպրեսյան նյութերը, թելադրության յուրօրինակ դաս էր տալիս շրջանային թերթերի համապատասխան աշխատողներին։ Այդ թերթերի աշխատակիցները տեղերում լսում էին այդ ինֆորմացիաները եւ… Մի խոսքով, թերթերը գոհ էին մնում։ Ընթերցողներից շատերը, երեւի, հիշում են կամ լսել են ռադիոյի հանրաճանաչ հաղորդավար Հրաչուհի Ջինանյանի «Երեւանն է խոսում» արտահայտությունը, որով ամեն օր սկսվում էին հայկական ռադիոյի հաղորդումները։ ՀՀԳ—ի աշխատակից Բելլա Ավետիսյանն այդ թերթերի համար դարձել էր յուրօրինակ Հրաչուհի Ջինանյան։ Նրա ձայնն էլ էր հարազատ դարձել շատերի համար։ Դա այն Բելլան էր, ում տարիներ անց վիճակվեց ղեկավարելու հենց այդ բաժինը։
Հետո սկսեցինք գլանատիպի (ռոտատոր) օգնությամբ մոմաթղթի վրա տպագրել նյութերը եւ փոստով առաքել թերթերին։ Այդ գործի մեծագույն վարպետ էր Մարգո Ավոյանը, մեր սիրելի «Մարգո տյոտյան»։ Այդ կինը հումորի այնպիսի զգացում ուներ, որ երգիծաբաններից շատերը կնախանձեին։ Նա եւ մեքենագրուհի Վանուհի Ղարիբյանը «Արմենպրեսի» յուրօրինակ «սրբապատկերն» էին, ասել կուզե՝ «Արմենպրեսի» հնագույն աշխատողները։ Երկուսն էլ ՀՀԳ էին եկել տակավին աղջնակ։ Վանուհին՝ 1939 թ., իսկ Մարգո Ավոյանը՝ մի քանի տարի ուշ։ Երկուսն էլ չափազանց սիրելի էին, մանավանդ՝ Վանուհին, ում մոտ հաճախ էին գալիս հայ անվանի բանաստեղծներ, մասնավորապես՝ Սիլվա Կապուտիկյանը, ով միայն Վանուհուն էր վստահում իր բանաստեղծությունների մեքենագրումը։ Մի անգամ Վանուհու մոտ էր եկել զորավար Անդրանիկի այրին՝ ինչ—որ հուշեր մեքենագրելու։ Սիլվա Կապուտիկյանն էր երաշխավորել։ Մենք բավականին երկար զրուցեցինք նրա հետ։ Պարզ է, որ խոսակցության թեման մեծն Անդրանիկն էր։
Հետագայում մի շարք շրջանային թերթերում տեղադրվեցին հեռատիպային ապարատներ, ինչի շնորհիվ այդ խմբագրություններն արմենպրեսյան նյութերն ստանում էին դրանց թողարկումից րոպեներ անց։
Երկար տարիներ ծառայությունը ղեկավարել է Վիկտորյա Գրիգորյանը, ապա՝ Բելլա Ավետիսյանը։ Որոշ ժամանակ այս ծառայությունում թողարկիչ է աշխատել Լեւոն Տիտանյանը, ով այսօր էլ աշխատում է «Արմենպրեսում»՝ թարգմանիչ։ Այս բաժնի աշխատակիցները հանրապետական եւ ՏԱՍՍ—ի տեղեկագրերից ընտրում էին օրվա հրատապ նյութերը եւ առաքում բաժանորդներին, այսինքն՝ հանրապետության բոլոր շրջանային թերթերին։ Միայն Հայաստանի թերթերին նյութեր առաքելով չեն բավարարվել «Արմենպրեսում»։ Այդ ծառայությունը նյութեր էր առաքում նաեւ հարեւան հանրապետություններում եւ Ռուսաստանի հայաշատ կենտրոններում լույս տեսնող հայերեն թերթերին։
Ցավոք, ծառայությանը վիճակված չէր «Արմենպրեսի» հարյուրամյակի հետ տոնելու նաեւ իր մեկդարյա հոբելյանը, քանզի Հայաստանի անկախացումից հետո, երբ շրջանների փոխարեն ստեղծվեցին մարզեր, քսանից ավելի շրջանային թերթ փակվեց։ Իհարկե, այսօր իրենց գործունեությունը շարունակող թերթերը օգտվում են «Արմենպրեսի» նյութերից։ Բայց ոչ «ռադիոյով թելադրություններից» կամ մոմաթղթի վրա տպագրված հեռագրերից, այլ՝ համացանցից։
Շարունակելի
Լեւոն ԱԶՐՈՅԱՆ

03-12-2019





07-12-2019
Հեղափոխական նշանակության կարեւոր իրադարձություններ
Որոնք անմիջականորեն առնչվում են պատմական արդարության վերականգնման հետ



07-12-2019
Կոմիտասը՝ Թումանյանին. «Ջահել ջիվան ջանիդ ափսոսացի, էս անգամ ձեռիցս պրծար»
Լիանա ՍԱՐԳՍՅԱՆ
l.sargsyan@hhpress.am


Կոմիտասի ստեղծագործության, նրա կյանքի եւ, մասնավորապես, Թումանյանի ...


07-12-2019
Գյումրու քյալլան, ֆռռիկն ու ընկեր Ղազարյան-Ջղեր Խաչիկը
Գյումրեցին առաջ է նայում ու լիաթոք ծիծաղում

Թամարա ՄՈՒՐԱԴՅԱՆ
t.muradyan@hhpress.am




07-12-2019
Նեոօսմանականությունը Թուրքիայի գերնպատակն է
Ծավալապաշտական նկրտումներին հագուրդ տալու համար

Էմմա ԲԵԳԻՋԱՆՅԱՆ
e.begijanyan@hhpress.am


Այսօր արդեն ...


07-12-2019
Կառավարությունում շարունակվում են գերատեսչությունների բյուջետային հատկացումների հայտերի քննարկումները
Վարչապետ Նիկոլ Փաշինյանի գլխավորությամբ կառավարությունում շարունակվում են գերատեսչությունների բյուջետային ...



07-12-2019
«Միշտ ունենալու ենք ատոմակայան, անկախ այն հանգամանքից, թե ով ինչ խորհուրդ կտա»
Հարցազրույց տարածքային կառավարման եւ ...

07-12-2019
Սահմանամերձ գյուղը նոր ջրատար կունենա
Այն լիովին կհագեցնի Ուղտասարի այգիների ...

07-12-2019
Աշխարհի քարտեզը 30 տարի առաջ այսպիսին չէր, կփոխվի նաեւ առաջիկա 30 տարում
Եվրոպան կկանգնի՞ ազգային պետությունների ...

07-12-2019
Գրանցվեց ՀՖՖ նախագահի 3 թեկնածու
Ժամանակավոր կասեցման որոշում է ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO