Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.06.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Եվրահանձնաժողովի նորընտիր նախագահն ու եվրոպական նոր օրակարգը

Հայաստանը հավատարիմ է մնալու իր հանձնառություններին

Լուսինե ՄԽԻԹԱՐՅԱՆ
l.mkhitaryan@hhpress.am


Եվրահանձնաժողովի նոր կազմը՝ հանձնաժողովի նորընտիր նախագահ Ուրսուլա ֆոն դեր Լեյենի գլխավորությամբ դեկտեմբերի 1-ից 5 տարի ժամկետով ստանձնել է իր պարտականությունները։ ԵՄ գործադիր մարմնի՝ Եվրոպական հանձնաժողովի նոր կազմի օգտին կողմ էր քվեարկել 461 պատգամավոր, դեմ՝ 157-ը, իսկ ձեռնպահ՝ 89-ը։
Գերմանիայի պաշտպանության նախկին նախարար Ուրսուլա ֆոն դեր Լեյենը վերահաստատել է հուլիսին խորհրդարանի լիագումար պալատում ստանձնած իր պարտավորությունները, որոնք լինելու են իր նախագահության շրջանում Եվրոպայի օրակարգի առաջնահերթությունները։ Դրանք են՝ շրջակա միջավայրի պաշտպանության եւ կլիմայի փոփոխությունների խնդիրները, կամ այլ կերպ ասած՝ «կանաչ Եվրոպայի» տեսլականը, Եվրոպան թվային դարաշրջանում, մարդակենտրոն տնտեսությունը, եվրոպական ապրելակերպի պաշտպանությունը, Եվրոպայի եւ եվրոպական արժեքների առաջմղումն աշխարհում եւ այլն։
ԱԺ եվրոպական ինտեգրման հարցերի մշտական հանձնաժողովի անդամ Վիկտոր Ենգիբարյանի կարծիքով, արտաքին քաղաքականության մասով էական փոփոխություններ չեն սպասվում, քանի որ այսօր բավականին շատ խնդիրներ կան Եվրոպայի ներսում։ Տարբեր երկրներում գնալով ավելի են հզորանում այն քաղաքական ուժերը, որոնք ունեն աջակողմյան, ազգայնական հայացքներ։ Այդ առումով Եվրոպան կանգնած է ներքին մարտահրավերների առջեւ, որոնք պետք է ապագայում հաղթահարի։ «Աջակողմյան քաղաքական ուժերի ակտիվությունը պայմանավորված է նախեւառաջ միգրանտների մեծ ներհոսքի հետեւանքով առաջացած մարտահրավերներով։ Դժգոհությունները նկատելիորեն աճել են տարբեր մակարդակներում՝ թե ազգային խորհրդարաններում, թե եվրոպական խորհրդարանում, ինչն էլ նպաստել է աջակողմյան ուժերի ներկայության մեծացմանը, որոնք մասամբ դեմ են միասնական Եվրոպային։ Եվրախորհրդարանում միշտ եղել են պատգամավորներ, որոնք դեմ են եղել միասնական եվրոպական օրակարգին, բայց ներկայումս դրա ծավալները շատ ավելի մեծ են»,–«ՀՀ»—ի հետ զրույցում ասաց պատգամավորը՝ նշելով, որ այդ ամենն ուղիղ կերպով Հայաստանին չի առնչվում։ Մյուս կողմից, որքան էլ այդ ամենը եվրոպական ներքին խնդիրներ են, ամեն դեպքում՝ առնչվում են ամբողջ աշխարհին, քանի որ միջազգային հարթակներում մեծ է Եվրամիության դերը։
Հաճախ են հնչում տեսակետներ, թե Հայաստանը գնում է դեպի Եվրոպա, Ռուսաստան կամ Միացյալ Նահանգներ։ Ի վերջո, ո՞ր ուղղությամբ է շարժվում հետհեղափոխական Հայաստանը, ինչպիսի՞ն են հետհեղափոխական Հայաստանի եւ ԵՄ—ի հարաբերությունները։ «Հայաստանը որեւէ տեղ չի պատրաստվում գնալ, բայց միեւնույն ժամանակ մեր երկիրը հանձնառու է զարգացնելու իր հարաբերությունները գործընկեր երկրների եւ միջազգային կազմակերպությունների, այդ թվում՝ Եվրամիության հետ։ ԵՄ—ի հետ ինտեգրացիոն գործընթացները բարեփոխումների մեծ հարթակ են մեզ համար, որովհետեւ այս կառույցն ունի 70 տարվա կուտակված գիտելիք պետությունների բարեփոխումների վերաբերյալ, հատկապես Արեւելյան Եվրոպայում։ Այդ փորձն ուսումնասիրելով մենք պատրաստվում ենք բարեփոխել մեր քաղաքական, կրթական համակարգերը, ներդրումային քաղաքականությունն ու թե հանրային ոլորտի կառավարումը։ Չկա մի ոլորտ, որտեղ մենք Եվրոպական միության հետ հարաբերություն չունենանք, սակայն դա աշխարհաքաղաքական կողմնորոշում չէ»,–ասաց Ենգիբարյանը՝ ընդգծելով, որ մենք անդամակցում ենք ԵԱՏՄ—ին, որը Հայաստանի համար ոչ պակաս կարեւոր միջազգային ինտեգրացիոն հարթակ է։
ԵՄ—ն ունի տարբեր ֆինանսական գործիքներ, որից այս կամ այն չափով օգտվում է նաեւ Հայաստանը։ Օրինակ՝ այս տարի ԵՄ—ի «Umbrella fund» կոչվող գործիքից Հայաստանին է հատկացվել 30 մլն եվրո ուղիղ բյուջետային ֆինանսավորում։ Զրուցակցիս խոսքով, այդ ֆոնդն ընդհանրական է եւ նախատեսված չէ կոնկրետ որեւէ տարածաշրջանի կամ երկրի համար։ «Այն, որ Հայաստանը կարողանում է նման բյուջետային աջակցություն ստանալ, շատ մեծ ձեռքբերում է։ Այդ ֆոնդի գումարները տրամադրվում են, դիտարկելով պետությունների առաջընթացը տարբեր հարցերում՝ ժողովրդավարություն, ընտրություններ եւ այլն։ Հայաստանի պարագայում դեր է խաղացել ընտրությունների անցկացման լավ ընթացքը»,–ասաց նա։

03-12-2019





05-06-2020
Սեւանա լիճն այս տարի եւս կկանաչի
Միայն համալիր միջոցառումները կփրկեն Սեւանի էկոհամակարգը

Սեւանի էկոհամակարգը ...


05-06-2020
Վարակը չպետք է ազգային սպառնալիք դառնա
Կմտցվեն մուտքի եւ ելքի լրացուցիչ սահմանափակումներ

Պաշտոնական տվյալների ...


05-06-2020
Հայաստանում հաստատվել է COVID-19-ի 596 նոր դեպք․ ապաքինվել է 45, մահացել 7 քաղաքացի
Հայաստանում հունիսի 5-ին, ժամը 11:00-ի դրությամբ հաստատվել է կորոնավիրուսային ...


05-06-2020
Սուտ
Միգուցե, յուրաքանչյուրը կմտածի այս մասին եւ իր համար ...


05-06-2020
345 հանրային ծառայողներ նորակառույց բնակարաններ կունենան
Գործադիրը հաստատեց այդ բնակարանների վաճառքի կարգը

Բնակարանային շինարարությունը ...


05-06-2020
Սուսերամարտ՝ բացասական եւ դրական հույզերի միջեւ
Մշակութային թերապիա եւ առողջություն

Կյանքը բոլոր ժամանակներում եղել ...


05-06-2020
Ճամփաբաժան
Կենսոլորտը պետք է պաշտպանվի, եւ նրա պաշտպանվելու հետեւանքները ...



05-06-2020
Խաչիկ Դաշտենցի կենսագրական ոչ հայտնի մանրամասները
Նորերս լույս տեսած «Կորուսյալ երկրի ...

05-06-2020
Երես առած երեխայի լուրջ քմահաճույքը
Թատրոնը նրա համար զուտ թամաշա չդարձավ, ...

05-06-2020
Հետահայաց վերլուծության փորձ
Թե ինչպես Կիեւում մայդանը դարձավ ...

05-06-2020
Սխալ հաշվարկի հետեւանքը
Արագ շախմատի Եվրոպայի անդրանիկ առցանց առաջնության ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO