Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.09.2020
ՍՈՑԻՈՒՄ


«Այս տարի թեթեւ ենք նշելու»

Միֆ՝ Ամանորը տոնելու մասին

Թամարա ՄՈՒՐԱԴՅԱՆ
t.muradyan@hhpress.am


Աչք թարթելու արագությամբ առաջիկա օրերն էլ կանցնեն, եւ, ինչպես միշտ, հայերիս տներում մեծ ու ճոխ սեղաններ կբացվեն։ Իհարկե, կռահում եք՝ խոսքն Ամանորի մասին է։ Այն տոնելու հայկական ձեւն այդպես էլ չի հնանում, ու անգամ որեւէ փոփոխության ենթարկվելու միտում չի նկատվում, որովհետեւ ինչ—որ մի բան նշելը մեզ մոտ դրսեւորվում է ուտել—խմելով։ Դա կարծես թե մեր բնավորության մեջ է, ու ինչ—որ չափով նաեւ բարդույթի խնդիր է։ Հայերս կարծում ենք, որ հյուրին, խոսակցականով ասած, հաց տալը նրան հարգելու նշան է։ Ինչպես հայտնի ֆիլմի կոլխոզի ղեկավար կերպարն է ասում. «Նաջարյանի տուն մտնողը պետք է մոռանա՝ ինչի համար է եկել»։ Ահա այդ սկզբունքով էլ առաջնորդվում ենք։
Դրա հիմքում նաեւ մեր ազգի՝ աշխարհին հայտնի հյուրասիրությունն է։ Բայց դա մեզ հաճախ ծայրահեղությունների մեջ է գցում։ Հյուրասեր ու հյուրասիրություն ասվածը պատահում է, որ չենք ընկալում ըստ էության։
Այսպես, Նոր տարվան ավելի քան 25 օր դեռ կա, բայց մարդկանց շրջանում սթրեսն արդեն գլուխ բարձրացնելու նշաններ է ցույց տալիս։ Տնային տնտեսուհիները սկսել են միմյանց տեղեկացնել, օրինակ, թե որտեղ քանի կիլոգրամանոց ու ինչ արժողությամբ խոզի ազդր է վաճառվում։ Նախապես գնում կատարելը, ճիշտ է, հիմնականում տոնի շեմին գների բարձրացման հետ է կապված, բայց մյուս կողմից էլ՝ իներցիայով գործընթացի պես մի բան է դարձել։
Կարծես թե չգրված օրենք են սեղանի կենտրոնում դրված ազդրը, անկյուններում դասավորված խմիչքի շշերը, նույն ուտեստից երկու տեղ դնելու ձեւաչափը, եւ մրգամանի կենտրոնում՝ ամենաբարձր դիրքի վրա դրվող արքայախնձորը, որը, որպես կանոն, կտրում են կամ ամենաթանկ հյուրի համար, կամ էլ Ամանորի ավարտին։
Չմոռանանք նաեւ անձեռոցիկների մասին։ Ըստ «սահմանված ձեւաչափի»՝ դրանց երկու տեսակ է օգտագործվում. տոնական նախշերովն ու նկարներովը՝ սեղանը զարդարելու համար, ավելի համեստ տեսքովն էլ՝ դասական օգտագործման նպատակով։
Իսկ նախատոնական օրերի մշտական լոզունգն է՝ «այս տարի թեթեւ ենք նշելու»։ Դա, սակայն, խոսքից այն կողմ չի անցնում։ Բավական է բարեկամական որեւէ շրջանակում ազդեցիկ կամ մեծահարուստ մեկ կամ երկու ընտանիք տոնը նշելիս ոչ թե սեղանի, այլ իրական զվարճանքի եւ ուրախության վրա կենտրոնանա՝ անտեսելով չունեւորության կամ ժուժկալության մասին հնարավոր բամբասանքները, մյուսներն աստիճանաբար կհետեւեն նրանց օրինակին։ Միայն թե նմանօրինակ դեպքեր դեռեւս չեն գրանցվում կամ էլ ուղղակի դեռ շատ քիչ են։
Ամանորն ուտել—խմելու ձեւաչափից դուրս տոնելը հնարավոր է՝ հաջորդ սերունդները տեսնեն։ Մեր օրերում այդ տարբերակը դեռեւս անտեսանելի ու անգամ աներեւակայելի է։ Սա նշանակում է՝ 2020 թ. եւս դիմավորելու ենք ծանրացած սեղանների շուրջ՝ անընդհատ ուտելով ու վերջում շտապօգնության կանչերի թիվը ամփոփելով։

05-12-2019





25-09-2020
Ասֆալտապատման փոխարեն՝ սալարկում
Գյուղական ճանապարհների բարեկարգման համար շինթույլտվություն չի պահանջվի

Գործադիրը ...


25-09-2020
Հանրության դատին է ներկայացվել ինտեգրված կադաստրի ստեղծման ռազմավարական ծրագիրը
Կգործարկվի կադաստրային գործարքները եւ գործողությունները ապահովող միասնական էլեկտրոնային հարթակ


25-09-2020
«Հարություն վարդապետ, եթե դու ողջ լինեիր…»
«Գիտնական, ուսուցիչ, զինվոր եւ բանաստեղծ». գրված է նրա շիրմաքարին


25-09-2020
Նա ընկավ հսկա կաղնու նման
Եվ ծանր լռություն տիրեց անտառում

Այդ տխուր օրը ...


25-09-2020
Աստված կյանքի Հոգին է
Սկզբից Նա ծնվեց մարմնով, որպես մարդ՝ Հիսուս անունով: ...


25-09-2020
Համավարակի կորի իջնելը պետք է զորացնի մեր կամքը
Պայքարը դեռ չի ավարտվել

Վերացվել է հատուկ դրության ...


25-09-2020
Իրականացնում է «Քաշաթաղի ջրամատակարարում» ընկերությունը
Քաշաթաղի շրջանում մի շարք աշխատանքներ՝ շինարարություն, ճանապարհաշինություն, ջրամատակարարում եւ ...



25-09-2020
Արարատ Միրզոյանն առանձնազրույց է ունեցել Արցախի ԱԺ նախագահի հետ
Պաշտոնական այցով Հայաստանի Հանրապետություն ...

25-09-2020
Հայկական եւ ռուսական ուժերը համահունչ են գործել
«Կովկաս-2020» զորավարժություն
«Ալագյազ» ...

25-09-2020
Իտալացի մեծանուն նկարիչների գլուխգործոցները
Ժամանակավոր կզարդարեն ՀՀ նախագահի նստավայրը

25-09-2020
ՌԴ-ի դաշնակիցների շարքում ՀՀ-ն արժանացել է շատ բարձր գնահատականի
Ռուսական վերլուծական կենտրոններից մեկը հրապարակել ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO