Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

25.01.2020
ՄՇԱԿՈՒՅԹ


«…Ա՛յ մարդ, «օյաղացա», մտածում էի՝ էս ո՞ւր եմ ընկել»

Տիգրան Մանսուրյանը «ՀՀ»-ում խոսեց իր հուշերի, զգացողությունների ու երիտասարդների մասին

Թամարա ՄՈՒՐԱԴՅԱՆ
t.muradyan@hhpress.am


Խոսք, ապա լռություն. մեկ՝ մի քիչ երկար, մեկ՝ ավելի կարճ, այնուհետեւ հույզեր, ու մեկ էլ հանկարծ մանկան պարզ ծիծաղ եւ անկեղծ ոգեւորություն. «ՀՀ»-ի գլխավոր խմբագրի աշխատասենյակում աշխատակազմը համակ ուշադրությամբ կոմպոզիտոր, ՀՀ ժողովրդական արտիստ Տիգրան Մանսուրյանին էր լսում։
Բոլորիցս առույգ, բոլորիցս ակտիվ ու ամենակարեւորը՝ նրբանկատ։ Մաեստրոն ամեն ինչին է սրտացավորեն մոտենում։ Հանդիպման ավարտին, քաջատեղյակ լինելով, որ մաեստրոն շտապում է մեկ այլ հանդիպման, փորձեցի հետը սելֆի անել՝ տեղավորվելով մեկ վայրկյանի մեջ։ Ու հետաքրքիր էլ չէր՝ նկարը հաջողվա՞ծ, թե՞ անհաջող էր լինելու. կարեւորը նրա հետ այդ պահն անմահացնելն էր։ Բայց բոլորիս պապիկ մաեստրոյի համար, պարզվեց, որ լուսանկարի «տեսքը» միեւնույն չէր։ «Սպասեցնելով» կարեւոր գործը, իր ձեռքով մազերս ուղղեց ու նորից թեքվեց դեպի օբյեկտիվը։
Այդպիսին է Տիգրան Մանսուրյանը։ Բոլորին է փորձում ժամանակ հատկացնել, թեեւ նկատում է. «Ժամանակս միշտ քիչ է»։ Ու նրա այդ քիչ ժամանակի մեջ երիտասարդներն իրենց ուրույն տեղն ունեն։ Ասում է՝ նոր սերնդին իր երեխաներն է համարում։ Առանձնահատուկ վերաբերմունք ունի նաեւ գրականության մարդկանց հանդեպ։ Մաեստրոն բանաստեղծ Կարեն Անտաշյանից խոսեց։ Նա հավատացնում է, որ եզակիներ շատ կան՝ ամեն մեկն իր տեղն ունեցող, բայց Կարենի հանդեպ առանձնակի ուշադիր է։ Նրան հիացրել է երիտասարդ գրողի «Անտաշատ» գիրքը. «Ես սիրահարվեցի այդ գրքին»։
Կոմպոզիտորը պատմեց, որ իր տպավորությունները կիսելու համար զանգ է տվել գրողին։ Ու հենց դա ասել՝ Մանսուրյանը բարձրաձայնեց. «Ավագը պետք է իմանա իր միջամտելու չափը, որովհետեւ ջահելներն իրենք իրենցով են, շատ չպետք է մտնես նրանց շարքերը»։
Հետո նորից անդրադառնալով գրականությանը՝ ցավով ընդգծեց, որ հայ երաժիշտը, հայ կինոն ելք ունեն դեպի դուրս, բայց գրողները չունեն։ Լեզուն նրանց «տանն» է կապում. «Իրենցը «տան» ընթերցողն է, նրանք լեզվի աղջիկներն ու տղաներն են։ Ո՜նց եմ սիրում նրանց…»։
Ինչպե՞ս է ստացվում Մանսուրյանի համերաշխությունը բոլոր սերունդների, այդ թվում՝ երիտասարդների հետ։ Հարցին պատասխանել մեր հյուրը սկսեց իր երիտասարդ տարիների նկարագրությամբ։ Իր բնորոշմամբ, ըմբոստ է եղել, անհաշտ, «չտեղավորվող»։ «Մեծերին դժվար էր ինձ հասկանալը։ Մի պատմություն պատմեմ։ Այնքան հետաքրքիր է…»,–ասում է ու սկսում պատմել։
Այսպես, իր ուսուցիչը Ղազարոս Սարյանն է եղել։ Սարյանների համար Մանսուրյանը տան տղայի պես է եղել։ Մի օր, «քեֆը» մի փոքր լավ, գնում է նրանց տուն՝ իր կուտակված դժգոհությունները ներկայացնելու։ «Գնացի, սկսեցի բողոքս՝ էս է, էն է… Լսեցին։ Քիչ անց Լուսիկ Լազարեւնան, թե բա՝ էդպես է…, իմ խեղճ հայրն էլ… Իմ հայրը, որ դասագիրքը տպեց…, Թումանյանը Լիսիցյանի գրքին թիկունք կանգնեց, հորս գրքերը… Սկսեց բողոքել։ Ա՛յ մարդ, «օյաղացա», մտածում էի՝ էս ո՞ւր եմ ընկել։ Պատկերացնո՞ւմ եք՝ Թումանյանից բողոք եմ լսում»,–ծիծաղելով պատմեց կոմպոզիտորը, եւ խոսքին ու ծիծաղին էլի հաջորդեց մանսուրյանական լռությունը, որը խոսքերով այսպես մեկնաբանեց. «Ես երիտասարդներին շատ լավ եմ հասկանում»։
Մանսուրյանի կյանքը երեւի թե հագեցած է նաեւ անակնկալներով։ Դրանցից մեկի մասին նա պատմեց. «Ռեքվիեմ»—ի տեւողությունը 25 րոպե էի հաշվել, բայց Բեռլինում առաջին փորձի ժամանակ պարզվեց, որ 45 րոպե տեւողություն ունի։ Ես սխալ էի հաշվել։ Ինձ համար անակնկալ եղավ»։
Հ. Գ. Երբ մաեստրո Մանսուրյանը պատրաստվում էր դուրս գալ խմբագրությունից՝ լրագրողներից մեկը կատակեց. «Փոքրիկ երեխաների պես պետք է ասենք՝ լավ, էլի, մի քիչ էլ մնացեք»։ Նա «մի քիչ» էլ մնաց ու գնաց՝ հաջորդ հանդիպման նախնական պայմանավորվածությամբ։

14-12-2019





25-01-2020
Ճակատամարտ, որը լավ դաս էր թշնամու համար
Քարին տակի հերոսամարտի 28-րդ տարեդարձը

Դավիթ ՄԻՔԱՅԵԼՅԱՆ
d.miqayelyan@hhpress.am


Հունվարի 26-ին ...


25-01-2020
Ադրբեջանի քաղբանտարկյալների հարցը՝ ԵԽԽՎ օրակարգում
Խոշորացույցի տակ կհայտնվի նաեւ Թուրքիան

Լուսինե ՄԽԻԹԱՐՅԱՆ
l.mkhitaryan@hhpress.am


Ստրասբուրգում հունվարի ...


 
25-01-2020
ԱՌՁԵՌՆ ԱՌԱԾԱՆԻ
«Բերնե բերան՝ կելնի գերան

Ասացվածքը պարզում է մարդկային ...


25-01-2020
Գրականագիտությունը, գրականությունը, ժամանակը
Տաղանդավոր գրողներ եւ միջակ գրականություն

Թադեւոս ԽԱՉԱՏՐՅԱՆ
t.khachatryan@hhpress.am


Հնարավոր առարկությունները ...


25-01-2020
Հայ պոեզիայի անլռելի զանգակատունը
Հունվարի 24-ը Պարույր Սեւակի ծննդյան օրն է։ «Պարույր Սեվակ ...


25-01-2020
«Ոստիկանության բարեփոխումների կարեւորագույն նպատակը պետք է լինի ոստիկանություն—քաղաքացի նոր հարաբերությունների հաստատումը»
Վարչապետ Նիկոլ Փաշինյանի մոտ երեկ տեղի ունեցած խորհրդակցության ընթացքում ...


25-01-2020
Քանդակագործի տան ճանապարհի ոդիսական պատմությունը
«Մերօրյա արտառոց իրավիճակներ» շարքից

Օրերս անվանի քանդակագործ Արամ ...



25-01-2020
Ինչպե՞ս կայացավ
32-ամյա Կոմիտասի եւ 29-ամյա Չոպանյանի ...

25-01-2020
Ցանքատարածքների վիճակը մտահոգիչ է
Անցած տարվա հոկտեմբերի վերջին Քաշաթաղի ...

25-01-2020
Կարդարանա՞ն Լիբանանում ճգնաժամը հաղթահարելու հույսերը
«Փրկության խումբը» անցավ ...

25-01-2020
Մենք զբաղված ենք մեր աշխատանքով
Ձգտելով կատարելագործել մեր մարզիկների ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO