Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.03.2021
ԶԱՆԱԶԱՆ


Փոքր-ինչ բարդ է լինելու օլիմպիական ուղեգրեր նվաճել

Ազատ ոճի ըմբշամարտում Հայաստանի դիրքերն այնքան ամուր չեն, որքան հունահռոմեականում։ Այդ առումով մշուշոտ են նաեւ մեր ազատոճայինների օլիմպիական հեռանկարները։ Մինչդեռ, տարեսկզբին Իրանում անցկացված միջազգային հեղինակավոր մրցաշարին հայ մարզիկների մասնակցության արդյունքները լավատեսության որոշակի տեղիք են տալիս։ Մնում է միայն, որ այդ սպասումներն արդարանան օլիմպիական վարկանիշային մրցաշարերում։
Նոր մրցաշրջանում առաջիններից մեկը միջազգային ասպարեզ դուրս եկան ըմբշամարտի այդ ձեւում մասնագիտացող մեր մարզիկները։ Նրանք 2 արծաթե եւ 4 բրոնզե մեդալ նվաճեցին 1956 թվականի օլիմպիական չեմպիոն Գոլամրեզա Թախտիի հերթական հուշամրցաշարում։ Երկրորդ տեղը գրավեցին Արսեն Հարությունյանը (57 կգ քաշային կարգ) եւ Գեւորգ Մխեյանը (70 կգ)։ Իսկ երրորդ մրցանակակիր դարձան Արման Անդրեասյանը եւ Միհրան Ջաբուրյանը (երկուսն էլ՝ 57 կգ), Խաչատուր Պապիկյանը (74 կգ) ու Մհեր Մարկոսյանը (86 կգ)։ Թիմային հաշվարկում էլ Հայաստանի հավաքականը զիջելով միայն տանտերերին՝ ճանաչվեց 2—րդը եւ առաջ անցավ Ռուսաստանի ընտրանուց։
Մրցաշարի արդյունքների եւ 2020 թվականի կարեւորագույն մեկնարկից ակնկալիքների մասին զրուցեցինք ազատ ոճի ըմբշամարտի Հայաստանի ազգային հավաքականի գլխավոր մարզիչ Հաբեթնակ Կուրղինյանի հետ։
—Ինչպե՞ս եք գնահատում մասնակցության արդյունքները։
—Տարեսկզբի համար արդյունքները բավարար են։ Այս մրցաշարում մեր հիմնական նպատակն էր ստուգել տղաների մարզավիճակը եւ դրանից ելնելով շարունակել նախապատրաստական աշխատանքները։ Ըստ այդմ՝ այս ժամանակահատվածի համար ըմբիշները նորմալ պատրաստականություն դրսեւորեցին։ Ուրվագծվեցին այն թերություններն ու բացերը, որոնք պետք է շտկենք մինչեւ Եվրոպայի առաջնությունը։ Իրականում այդ ուղղությամբ աշխատանքները սկսել ենք դեկտեմբերին՝ Հայաստանի առաջնությանը հաջորդած ծաղկաձորյան հավաքի ընթացքում։ Այնուհետեւ կարճատեւ հավաք անցկացրեցինք Երեւանում եւ մասնակցեցինք այս մրցաշարին։ Դա միջին կարգի մրցաշար էր՝ այնպիսին, ինչպիսին մեզ պետք էր։ Բավականին հետաքրքիր մրցակցություն ծավալվեց, քանզի իրանցիներն ավանդաբար ուժեղ են ազատ ոճի ըմբշամարտում։
—Ի՞նչը չբավականացրեց Արսեն Հարությունյանին եւ Գեւորգ Մխեյանին՝ եզրափակիչ գոտեմարտում հաղթելու համար։
—Նրանց պարտությունները պայմանավորված են տարբեր գործոններով։ Արսենը հանդիպման վերջին վայրկյաններին ոչ միայն բաց թողեց հաղթանակը, այլեւ պարտվեց։ Ճիշտ է, դրանում որոշակի դերակատարություն ունեցավ նաեւ մրցավարը, քանզի նույն հաջողությամբ հաշիվը կարող էր լինել ոչ թե 2։2, այլ 3։0 հօգուտ մեր ըմբիշի։ Սակայն չեմ արդարացնում Արսենին, որը կարեւոր պահին թուլացրեց զգոնությունը եւ արդեն չհասցրեց շտկել իրավիճակը։ Դա նրա համար դաս կլինի, որպեսզի հետագայում ավելի ուշադիր լինի։ Իսկ Գեւորգը դեռ որոշակի աշխատանք ունի կատարելու՝ տակտիկական եւ տեխնիկական որակները բարելավելու ուղղությամբ։
—Կարելի՞ է ասել, որ Հայաստանի հավաքականում Հարությունյանն այսօր մրցակցությունից դուրս է 57 կգ քաշային կարգում։
—Չէի ցանկանա նման ձեւակերպում տալ, բայց փաստ է, որ նա ամենից բարձր արդյունքներ է գրանցում միջազգային ասպարեզում։ Եվրոպայի գործող չեմպիոնն է ավելի բարձր՝ 61 կգ քաշային կարգում։ Մրցումները վկայում են, որ նա ավելի մեծ ներուժ ունի։ Այդ առումով, կարծում եմ, նպատակահարմար չի լինի, որ Եվրոպայի առաջնությանը նա մասնակցի 57 կգ քաշային կարգում, քանզի դրանից ավելի կարեւոր են սպասվող օլիմպիական վարկանիշային մրցաշարերը։
—Իրանում մրցանակակիրներ ունեցանք նաեւ 74 եւ 86 կգ քաշային կարգերում։ ԻնչպիսիÕ՞ հեռանկարներ ունենք դրանցում։
—Օլիմպիական ուղեգրեր նվաճելու առումով փոքր—ինչ բարդ կլինի, բայց ոչ անհնարին։
—Իսկ քանի՞ ուղեգրի ակնկալիք ունեք։
—Առնվազն 1—2—ը պետք է լինի։ Եթե հաջողվի ավելին անել՝ շատ լավ։ Սակայն, դատելով նախորդ մրցումների արդյունքներից՝ շատ դժվար է լինելու։ Հատկապես, 74 եւ 86 կգ քաշայինների պայքարում։ Նույնը, օրինակ, չեմ ասի Արսեն Հարությունյանի մասին, որը ելույթ է ունենում կայուն բարձր մակարդակով։ Այնուհանդերձ, սպորտում ամեն ինչ հնարավոր է։
—Սա միա՞կ մրցումն էր Եվրոպայի առաջնությունից առաջ։
—Ոչ, փորձարկումների ժամանակ այլեւս չկա։ Նախատեսել ենք ուսումնամարզական հավաք Երեւանի «Օլիմպավանում»։ Իսկ եվրոպական ստուգատեսից շուրջ մեկ ամիս անց մեկնարկելու են վարկանիշային մրցաշարերը, որոնց նախապատրաստվելուն էլ, ըստ էության, ծառայելու է Եվրոպայի առաջնությունը։

Հրայր ՆԱԶԱՐՅԱՆ

14-01-2020





27-02-2021
Խթանվում է Հայաստանի հարուստ արեւային էներգիայի օգտագործումը
Նոր արտոնություններ այս ճյուղի արտադրությամբ զբաղվել ցանկացողների համար



27-02-2021
Ամենամեծ խնդիրը հիմա տնտեսական ճգնաժամն է
Դրա պատճառով Սիրիայի 9.3 մլն քաղաքացիներ սննդի պակաս են ...


27-02-2021
Ալիեւը սպառնում է եռակողմ հայտարարության ողջ տրամաբանությանը
Ադրբեջանի նախագահի բացասական ակնարկները Ռուսաստանի ուղղությամբ

Ադրբեջանի նախագահը ...


27-02-2021
Վրաստանը ՆԱՏՕ-ին միանալու հնարավորություն ունի՞
Թբիլիսին չի դադարում ձգտել դեպի Հյուսիսատլանտյան դաշինք

Վրաստանի՝ ...


27-02-2021
Միրիկ գյուղի մոտակա ամրոցները
Սա Հայաստան է, եւ վերջ...
Լեոնիդ Ազգալդյան



27-02-2021
Երբ հայդուկին հորդորում են վեր կենալ գերեզմանից...
Ելի՛ր, Գեւորգ, ելի՛ր, դուշմանը շատ է,
Հայոց ազգի համար ...


27-02-2021
Նրա ֆիլմերը երբեք չեն ծերանում
«Ինչ ծնվում է, պետք է ծնվի մեր հողից, մեր ...



27-02-2021
Հայտնի է երրորդ հանդիպման օրը
Մոսկվայում այսօր տեղի կունենա Հայաստանի ...

27-02-2021
Պուտինը ՌԴ ԱԽ մշտական անդամների հետ քննարկել է Ղարաբաղի հարցը
Ռուսաստանի նախագահ Վլադիմիր Պուտինն օպերատիվ ...

27-02-2021
Մաշտոցյան Մատենադարանում կներկայացվի արցախյան ձեռագրային արվեստը
Մաշտոցյան Մատենադարանում մարտի 3-ին կբացվի ...

27-02-2021
Արոնյանը որոշեց հեռանալ
Գրոսմայստեր Լեւոն Արոնյանը հայտարարել է Հայաստանից ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO