Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

29.02.2020
ԱՇԽԱՐՀ


Բեռլինյան համաժողովը եւս խաղաղություն չբերեց Լիբիային

Էմմա ԲԵԳԻՋԱՆՅԱՆ
e.begijanyan@hhpress.am


Հունվարի 19-ին Գերմանիայի կանցլեր Անգելա Մերկելի հրավերով Բեռլինում տեղի է ունեցել Լիբիայի հիմնահարցին նվիրված միջազգային համաժողով, որին մասնակցել են 10 երկրի, այդ թվում՝ Ռուսաստանի, Ֆրանսիայի, Եգիպտոսի, Թուրքիայի, Ալժիրի եւ Կոնգոյի նախագահները, Մեծ Բրիտանիայի վարչապետը, ԱՄՆ պետքարտուղարը, Արաբական Միացյալ Էմիրությունների (ԱՄԷ), Հորդանանի, Չինաստանի եւ Կատարի ԱԳ նախարարները, տարածաշրջանային 2 կազմակերպության՝ Աֆրիկայի միության եւ Արաբական լիգայի, Եվրամիության ու ՄԱԿ—ի առաջին դեմքերը, ինչպես նաեւ հակամարտ կողմերի ներկայացուցիչներ, գեներալ Հաֆթարն ու Ֆաիզ Սարաջը։
Համաժողովի գլխավոր նպատակն էր հակամարտ կողմերի միջեւ ժամանակավոր հրադադարը մշտական դարձնելը, ինչը նպաստավոր հող կպատրաստեր՝ բանակցությունների միջոցով լուծելու նաեւ ռազմական, տնտեսական ու քաղաքական հարցերը։ Լիբիայում ներքին բախումների շարունակական բնույթը, ինչպես Սիրիայում, Աֆղանստանում եւ այլուր, պայմանավորված է բազմաթիվ երկրների շահերի հակասություններով։ Էներգակիրներով հարուստ Լիբիան դասվում է նավթ արտահանող 10 խոշոր երկրների թվին, նաեւ տնօրինում է բնական գազի մեծ պաշարներ։ Բացի այդ, Միջերկրականում շուրջ 2000 կմ երկարությամբ ափ ունենալով, Աֆրիկայից Եվրոպա արտագաղթելու գլխավոր դարպասն է։
Անդրադառնալով համաժողովի ձեռքբերումներին, նշենք, որ համաժողովի ավարտից հետո Ա. Մերկելը եւ ՄԱԿ—ի գլխավոր քարտուղար Անտոնիո Գուտերեշը, հանդես գալով համատեղ մամուլի ասուլիսով, հայտարարել են, թե մասնակիցները միահամուռ կարծում են, որ պետք է հարգեն Լիբիայի դեմ կիրառված զենքի ու զինամթերի սահմանափակումները եւ դրա վրա վերահսկողություն իրականացնեն։ Համաժողովի մասնակիցները նաեւ համաձայնել են հրադադարը խախտողներին պատժելու հարցում։ Մամուլի ասուլիսում կարեւորվել է նաեւ ՄԱԿ—ի Լիբիայի հարցի քաղաքական լուծման առնչությամբ նախագծի իրականացման հովանավորումը։ Բայց եւ այնպես, հաշվի առնելով, որ համաժողովում որեւէ համաձայնություն չի ստորագրվել, եւ այն համատեղ հայտարարությամբ հանդես չի եկել, կարելի է նշել, որ ձեռքբերումները մեծ չեն եղել։ Դա է վկայում նաեւ հունվարի 20—ին Տոբրուկի ու Թրիպոլիի ուժերի միջեւ բախումների վերսկսումը։
Լիբիայում 2011—ից Մուամար Քադաֆիի վարչակարգի տապալումից հետո խաղաղություն չի հաստատվել։ Ներկա դրությամբ ավելի քան 1 մլն 700 քմ տարածք ունեցող, միաժամանակ աշխարհի ամենանոսր բնակեցված երկիրը՝ շուրջ 7 մլն բնակչությամբ, բաժանված է երեք մասի։ Թուրքիան, մարտահրավեր նետելով արաբական աշխարհին, ջանքերը կենտրոնացրել է Լիբիան իր ազդեցության գոտին դարձնելու ուղղությամբ։ Ինչպես բացահայտել է բրիտանական «Գարդիան» օրաթերթը, Թուրքիան 2019 թ. դեկտեմբերի 24—ից սկսած Սիրիայում իր հովանու ներքո գտնվող՝ Սիրիայի թուրքմեններից (ադրբեջանցի թուրքերի ցեղակիցներ) ու սունի արաբներից բաղկացած ուժերին օդանավով տեղափոխում է Տրիպոլի։ Նրանք ամսական 2000 դոլար աշխատավարձ են ստանում, ըստ նույն աղբյուրի՝ արդեն զոհվածներ կան նրանց շարքերում։
«Գարդիանը» գրել է, որ այդպիսով նախատեսված է Լիբիա ուղարկել 2000 ապստամբի։ Իսկ արաբական «Ալ Արաբիա» հեռուստատեսության տվյալներով, Սիրիայի ապստամբներից, որոնց Դամասկոսը ահաբեկիչ է համարում, 8000 մարդ է ուղարկելու Տրիպոլի։ Բացի այդ, ինչպես հայտնի է, 2019 թ. նոյեմբերի 27—ին ստորագրվել է Անկարա—Տրիպոլի 2 համաձայնագիր, որոնցից մեկը ռազմական համագործակցությանը, իսկ մյուսը Միջերկրական երկրների սահմաններին է վերաբերում։ Համաձայնությունը 2020 թ. հունվարի 2—ին հաստատել է Թուրքիայի խորհրդարանը, որից հետո Անկարան զորք է ուղարկել Տրիպոլի։ Համաձայնությունը խիստ բացասական հակազդեցության է արժանացել Հունաստանում։ Աթենքը, դիմելով ՄԱԿ—ին, պահանջել է ապօրինի հայտարարել համաձայնությունը։
Մյուս կողմից «Ալ Ջազիրա» հեռուստատեսությունը հայտնել է, թե հունվարի 16—ին Հաֆթարը գաղտնի ժամանել է Աթենք, որտեղ կողմերը բանակցել են նաեւ Միջերկրականում համագործակցության վերաբերյալ համաձայնության շուրջ, որի շուտափույթ ստորագրման շուրջ պայմանավորվածություն է ձեռք բերվել։ Այլ կերպ ասած՝ Լիբիայում բախումները շարունակվելու են։ Փաստորեն, հրադադարը, որին ողջ ուժով ձգտում է Թուրքիան՝ հաշվի առնելով Հաֆթարի նկատելի առավելությունը ռազմադաշտում, առայժմ հաջողությամբ չի պսակվում։

21-01-2020





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO