Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.10.2020
ԼՂՀ


Հանրահավաքի մասնակիցները կրկին հրապարակում են

Փետրվարի 13—ին կայացավ արցախահայության առաջին խաղաղ «ընդվզումը»

Դավիթ ՄԻՔԱՅԵԼՅԱՆ
d.miqayelyan@hhpress.am


32 տարի առաջ էր, երբ փետրվարի 13—ին փոթորկվեց Ստեփանակերտի կենտրոնական (այժմ՝ Վերածննդի) հրապարակը եւ Արցախի պետական համալսարանի, երաժշտական, գյուղատնտեսական քոլեջների դասախոսներն ու ուսանողությունը, մարզի մտավորականության ներկայացուցիչները՝ ժողովվելով այստեղ, առաջին մարդաշատ հանրահավաքը կազմակերպեցին՝ Արցախը մայր Հայաստանին միավորելու կարգախոսով, ազատության դրոշը պարզելով՝ ոգեշնչեցին եւ գոտեպնդեցին ժողովրդին։ Պահանջատիրական բազմամարդ հանրահավաքն ազատագրական շարժման նախերգանքը հանդիսացավ, որին միացան հազարավոր մարդիկ։ Նրանք այդ օրվանից չլքեցին հրապարակը, եւ ցուցարարների շարքերը հետզհետե ընդլայնվեցին։ Փետրվարի 20—ին, երբ պիտի կայանար ԼՂԻՄ մարզխորհրդի պատգամավորների արտահերթ նստաշրջանը, հրապարակում ավելի քան 70 հազար մարդ էր հավաքվել։
Հիշարժան օրվա կապակցությամբ երեկ արցախյան շարժման մի մեծ խումբ ակտիվիստներ, ավանդույթի համաձայն, դարձյալ Վերածննդի հրապարակում էին, տրիբունաների առաջ։ Այս անգամ, սակայն, նրանք ելույթներ չունեցան եւ հիշողություններով կիսվում էին իրար հետ, անցած օրերի մասին դրվագներ պատմում, ափսոսում, որ համարձակություն ու խիզախություն դրսեւորած ընկերներից ոմանք «մարել» են պայքարի տարիներին եւ այսօր իրենց հետ չեն։
«Յոթ տասնյակ տարիներ են պահանջվել, որպեսզի արցախահայությունն անցնի փորձությունների եւ խոչընդոտների միջով, ազատվի ստրուկի կարգավիճակից,–ասում է արցախյան շարժման ակտիվ մասնակից Արկադի Կարապետյանը։–Ազգերի ինքնորոշման գաղափարներով տոգորված դուրս եկանք հրապարակ ու մեր արդար պահանջը ներկայացրինք՝ ամենեւին էլ չպատկերացնելով, թե ինչպիսի զրկանքներ եւ անասելի տառապանքներ, կորուստներ ենք կրելու պայքարի ճանապարհին։ Անչափ թանկ գին վճարեցինք անկախության համար եւ այսօր շատ լավ գիտակցում ենք, որ արցախյան հիմնախնդիրը տակավին մնում է չլուծված։ Իսկ դա նշանակում է, որ մեր երազանքների, իղձերի համար պայքարը դեռ շարունակվում է, եւ այն պետք է հասցնել իր հանգրվանին»։
ՀՀ ԱԺ առաջին գումարման պատգամավոր Սլավիկ Առուշանյանն արցախյան գոյամարտի այն նվիրյալներից է, ում անվերապահորեն վստահում, հավատում էին թե՛ հասարակ շինականն ու մտավորականը, թե՛ պետական այրերը, քանզի նրա խոսքի եւ գործի մեջ երբեւէ հակասություն չի եղել։ Նա հիմա էլ էությամբ չի փոխվել, նույն սկզբունքային անձնավորությունն է, ով շարժման բոլոր փուլերում Բաքվի «սեւ ցուցակում» էր։ Հպարտանալով 80—90—ականների սերնդով, նա երիտասարդներին հորդորում է կրկնապատկել ուժերը եւ զորացնել հայրենիքը, միշտ լինել զգոն, «քանի դեռ հակառակորդը խաղաղության ձեռք չի մեկնում եւ մտադիր չէ ճանաչել Արցախի անկախությունը»։
Նրա խոսքով, Ստեփանակերտի կենտրոնական հրապարակում կայացած առաջին հանրահավաքն իր տեսակի մեջ առաջին ծիծեռնակը դարձավ։ Ս. Առուշանյանը գտնում է, որ արցախյան շարժումը ավելի վաղ փուլ է ունեցել, որը 80—ական թվականների սկզբից դրսեւորվել է ընդհատակյա պայքարի ձեւով։ Այնուհետեւ համազգային զարթոնքի հետ կապված գործընթացների եւ իրադարձությունների կտրուկ զարգացումը ժողովրդին հնարավորություն ընձեռեց հրապարակայնորեն իրենց արդարացի պահանջը ներկայացնել Մոսկվային հասցեագրված նամակներով ու հեռագրերով, ստորագրահավաքներով, բազմամարդ խաղաղ ցույցերով ու հանրահավաքներով, որոնց, ի վերջո, հաջորդեց մարզային խորհրդի պատմական նստաշրջանը։
«Սկզբնական շրջանում շատերին թվում էր, թե ղարաբաղյան հարցը կարող է լուծվել քաղաքական պայքարի միջոցով՝ մոռանալով մեր պապերի այն իմաստուն խոսքը, թե հողը միայն արյամբ է ազատագրվում ու պահպանվում,– ասում է Ս. Առուշանյանը։– Հաշվի առնելով այն իրողությունը, թե ովքեր են մեր հարեւանները, նրանք խորհուրդ էին տալիս, որ ժողովրդի անվտանգությունն ապահովելու համար միշտ պիտի պատրաստ լինել դիմակայելու թշնամուն ու արժանի հակահարված հասցնել։ Եվ շուտով ինքներս դրանում համոզվեցինք։ Իբրեւ մեր խաղաղ ցույցերի եւ հանրահավաքների «պատասխան», Ադրբեջանի իշխանությունները արցախահայության դեմ պատերազմ սանձազերծեցին՝ նպատակ ունենալով բռնի տեղահանել եւ սպանդի ենթարկել բնակչությանը։ Եվ, ինչպես տեսանք, ազերիների առաջին զոհը դարձավ Սումգայիթի հայ բնակչությունը»։
ԱՀ խորհրդարանի պատգամավոր Ալյոշա Գաբրիելյանի կարծիքով, ազգային համախմբման շնորհիվ հնարավոր դարձավ հաղթահարել բոլոր դժվարությունները ու դիմակայել հակառակորդին, արցախահայությանը փրկել զանգվածային տեղահանումից եւ կոտորածներից. «Արցախը, Հայաստանն ու սփյուռքը դարձան կուռ միասնություն եւ համատեղեցին իրենց ուժերը զինված թշնամու դեմ, ինչը ամենալուրջ մարտահրավերը դարձավ համազգային պայքարում։ Քաղաքական նոր իրադարձությունների բերումով Արցախի ժողովուրդն ընտրեց սեփական պետականության ստեղծման ճանապարհը։ Սակայն, ինչպես ասում են, փետրվարի 13—ի եւ 20—ի դասերը զուր չանցան։ Արցախցիները դժվարագույն խնդիրները լուծելու կարողություն, հաստատակամություն եւ վճռականություն դրսեւորեցին։ Համայն հայության աջակցությամբ Արցախը հաղթանակով դուրս եկավ իրեն պարտադրված պատերազմից, նոր ուժ հավաքելով՝ պայքարելու քաղաքական ու դիվանագիտական հարթակներում»։
Արցախի Հանրապետության իշխանությունները բազմիցս ամենաբարձր մակարդակով հայտարարել են, որ պատրաստ են հարեւան երկրի հետ առկա խնդիրները քննարկել բանակցությունների սեղանի շուրջ։ Ցավոք, առայսօր Ադրբեջանի կողմից համարժեք արձագանք չկա։ Ուստի, հիմնախնդրի համապարփակ կարգավորման պատասխանատվությունը ծանրանում է նրանց խղճին, ովքեր 21—րդ դարի իրողությունները շփոթում են թատերաբեմից ընդմիշտ հեռացած Խորհրդային Միության պետական համակարգով ամրագրված դոգմաների հետ։
Ի դեպ, հիշարժան օրվա կապակցությամբ երեկ Բակո Սահակյանը շարժման մի խումբ ակտիվ մասնակիցների հյուրընկալել է նախագահական նստավայրում եւ արժեւորել նրանց վաստակը։
Ստեփանակերտ

14-02-2020





22-10-2020
Պետությանն անհատույց ապրանքներ մատակարարողները կազատվեն հարկերից
Իսկ ռազմական գործողությունների հետեւանքով զոհվածների կամ հաշմանդամ դարձածների վարկերը ...


22-10-2020
Թուրքիան ձգտում է ճողոպրել անխուսափելի պատասխանատվությունից
Ներխուժելով տարածաշրջան եւ բնիկ ժողովուրդների տարածքներում հիմնադրելով սեփական պետությունը՝ ...


22-10-2020
Սարսափելի վատ է Թուրքիայի սոցիալ-տնտեսական վիճակը
Բանտարկված լրագրողների թվով այս երկիրն աշխարհում զբաղեցնում է առաջին ...


22-10-2020
Հայկական թեմատիկայի եւ խորհրդային ագիտացիայի համադրությունը
Կերամիկական արձանիկները կոլեկցիոներների ուշադրության կենտրոնում են

«Անահիտ», «Անուշ», ...


22-10-2020
Ազգային երգարվեստի վեհափառը
Կոմիտաս վարդապետը սկիզբ է, որ վախճան չունի

«Այն ...


22-10-2020
IPSE DIXIT
«Առատության հասարակությունը» ծնում է նաեւ ազատ ժամանակի առատու-թյուն, մի ...


22-10-2020
Եւ ասում էին սարերին եւ ժայռերին. «Վայր ընկէք մեզ վերայ եւ ծածկեցէք մեզ …»:
Երբ հանվի վեցերորդ կնիքը, լինելու է մեծ երկրաշարժը, արեւը ...



22-10-2020
Հաղթանակի կամքը մեզ պետք է ասի, որ մենք չենք նահանջի, չենք կոտրվի
Վարչապետ Փաշինյանի ուղերձը

ՀՀ վարչապետ ...

22-10-2020
Սա նախապես ծրագրված լայնամասշտաբ պատերազմ էր, որը սպառնալիք է ողջ տարածաշրջանին
Վարչապետ Նիկոլ Փաշինյանը հարցազրույց է տվել ...

22-10-2020
ՀՀ-ում կձեւավորվի արցախցի ընտանիքների սոցխնդիրներով զբաղվող շտաբ
ԱՀ նախագահը խորհրդակցություն է հրավիրել

22-10-2020
Հրադադարը բացարձակ անհրաժեշտություն է, Թուրքիան պետք է դուրս գա հակամարտությունից
Աշխատանքային այցով Բրյուսելում գտնվող Հայաստանի ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO