Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.07.2020
ՄԱՐԶԵՐ


Գյուղի 120 հեկտար վարելահողից 100-ը չի մշակվում

Այստեղ հիմնականում զարգացած է անասնապահությունը

«ՀՀ»-ի հարցազրույցը Սիսիան համայնքի Շենաթաղ վարչական կենտրոնի ղեկավար Երջանիկ Մուսայելյանի հետ։
—Երբ է խոշորացվել Սիսիան համայնքը, եւ երբվանից եք ղեկավարում Շենաթաղը։
—Շենաթաղը խոշորացվել է Սիսիան համայնքի մեջ երկու տարի առաջ։ Երկար, մոտ 30 տարի եղել եմ Շենաթաղի գյուղապետը, այնուհետեւ համայնքի ղեկավարը։ Այս տարիների ընթացքում բազմաթիվ ծրագրեր ենք իրականացրել գյուղում։ Ներկայում հիմնական խնդիրները լուծված են։ Ասեմ, որ գյուղը բարձրլեռնային է, ծովի մակերեսից բարձր է 1760 մետր։ Հեռավոր գյուղ է։ Համայնքի կենտրոնից հեռու է 30 կմ, իսկ մարզկենտրոնից՝ 120 կմ։
—Քանի՞ բնակիչ ունի գյուղը, ո՞րն է նրա հիմնական զբաղմունքը։
—Գյուղն ունի 350 բնակիչ, բայց մշտական ապրում են 320—ը, մյուսները ժամանակավոր են գալիս։ Վարչական գյուղի տարածքը 7800 հեկտար է, որից վարելահողը՝ 120 հեկտար։ Գյուղում հիմնականում զբաղվում են անասնապահությամբ ու հողագործությամբ։ Հողագործության հիմնական ուղղվածությունն անասնապահության խթանումն է։
—Քանի՞ գլուխ խոշոր եւ մանր եղջերավոր անասուն կա։
—Գյուղում կա 620 գլուխ խոշոր եղջերավոր եւ 700 գլուխ մանր եղջերավոր անասուն։ Բնակչությունը հիմնականում զբաղվում է խոշոր եղջերավոր անասունների բուծմամբ, քանի որ այն եկամտաբեր է, հիմնական եկամուտն այնտեղից է ստանում։
—120 հեկտար վարելահողից ինչքանն է մշակվում։
—120 հեկտար վարելահողից մշակվում է 100 հեկտարը։ Այդ հողերը սեփականաշնորհված են։ Հնարավոր է՝ սեփականատերը ֆինանսական պատճառներով չվարի, բայց այդ հողերն օգտագործվում են որպես խոտհարքներ։ Գյուղացին իր անասունի համար այդտեղից խոտ է հնձում։
—Գյուղը ջրի խնդիր ունի՞։
—Խմելու ջուրը մեր հիմնական խնդիրն էր, բայց 2 տարի առաջ պետությունը 350 մլն դրամ ներդրեց եւ գյուղի ջրի հարցը լուծեց։ Ոռոգման ջուր կա, օգտվում ենք գետերից, առուներից, եւ դա լիովին բավարարում է։
—Ի՞նչ խնդիր ունի գյուղը։
—Մեր գյուղը չունի մանկապարտեզ, նախկինում ունեցել է, հիմա չունի։ Սիսիան համայնքի ղեկավարի հետ պայմանավորվել ենք, մենք կապահովենք շենքային պայմանները, ինչն առայժմ չունենք, ուստի կգնենք անհատից կամ կկառուցենք, երեխաների թիվը կներկայացնենք եւ, ենթադրում եմ, երկու ամսից մանկապարտեզ կունենանք։ Գյուղի դպրոցը տեղափոխել ենք կուլտուրայի տան երկրորդ հարկ։ Առաջին հարկը գյուղապետարանն է։ Շենքը մեր միջոցներով վերանորոգել ենք։
—Քանի՞ աշակերտ կա դպրոցում, եւ մանկապարտեզի տարիքի քանի՞ երեխա կա գյուղում։
—Մեր դպրոցն ունի 24 աշակերտ։ Գյուղում կա 22 երեխա, որից 5—ն այս տարի կգնան դպրոց։ Մանկապարտեզի տարիքի, այսինքն՝ 2—5 տարեկան, կմնա 17 երեխա։
—Բացի անասնապահությունից գյուղում այլ զբաղմունք չկա՞։
—Գյուղում նաեւ մեղվաբուծությամբ ենք զբաղվում, բայց փոքր ծավալով։ Հիմնականն անասնապահությունն է։ Գյուղացի կա՝ 20 գլուխ է պահում, գյուղացի կա՝ 40, 90 գլուխ։ Բայց անասնապահության համար էլ պայմանները դժվար են, ինչպես նշեցի՝ բարձր լեռնային գյուղ է, խիստ կլիմայով։
—Գյուղից շա՞տ են արտագաղթել։
—Այդքան շատ չէ, հիմնականում արտագնա աշխատանքի են մի մասը։ Ասեմ, որ գյուղ եկող ճանապարհն ասֆալտապատված է, գյուղի փողոցները՝ նույնպես։ Պայմանները բավարար են, հնարավորություն կա, ուղղակի գյուղացին պետք է աշխատի, ապրի։
Հարցազրույցը վարեց
Արմեն ՎԱՐԴԱՆՅԱՆԸ

28-02-2020





04-07-2020
Ջրերի որակի մոնիտորինգի նոր դիտացանց է առաջարկվում
Եվ մակերեւութային ջրերում էլ թունաքիմիկատների դիտարկման կարիք կա



04-07-2020
ՀՀ ոչ մի բուժհաստատություն չպետք է անմասն մնա համավարակի դեմ պայքարից
Մասնագետը հորդորում է մահճակալային ֆոնդն ավելացնել

ՀՀ-ում նոր ...


04-07-2020
Հայաստանում հաստատվել է COVID-19-ի 580 նոր դեպք, առողջացել է 451 քաղաքացի
Հայաստանում հուլիսի 4-ի ժամը 11:00-ի դրությամբ հաստատվել է կորոնավիրուսային ...


04-07-2020
Ծնողների օրհնության ուժը երեխաների կյանքում
Աստվածաշնչում բազմիցս կոչ է արվում աղոթել։ Դա չի նշանակում, ...


04-07-2020
ՀՀ ոչ մի բուժհաստատություն չպետք է անմասն մնա համավարակի դեմ պայքարից
Մասնագետը հորդորում է մահճակալային ֆոնդն ավելացնել

ՀՀ-ում նոր ...


04-07-2020
Պոեզիան՝ որպես աղոթք եւ հոգու ժամանակ
«Քի՜չ մըն ալ դեռ, ա՜հ, շողա՜, շողա՜, բարի՜ ...


04-07-2020
Ամենածիծաղելի ողբերգակը
«Ինձի ձեռ չտաս՝ Աստծուն կըսեմ...» («Հին օրերի երգը»)




04-07-2020
Կենսոլորտը պետք է պաշտպանվի
Մարդն ինչպես է հարաբերվում մայր բնության ...

04-07-2020
Մհեր Մկրտչյան փառահեղ լեգենդը
Նրա արվեստում որտեղ է վերջանում ...

04-07-2020
Էրդողանի հերթական ոտնձգությունը
Նրա ձգտումը՝ վերանայելու տաճարի ...

04-07-2020
Աննախադեպ կոռուպցիոն բացահայտում հայկական ֆուտբոլում
Նախօրեին Հայաստանի ֆուտբոլի ֆեդերացիայի գործկոմը ...
USD
EURO
RUR
GEL
Եղանակը Երևանում
գիշերը +17... +19
ցերեկը +30... +32

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO