Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ՀԱՍԱՐԱԿՈՒԹՅՈՒՆ


Օրվա զարկերակ

Սարդարապատի ճակատամարտից մինչեւ... կորոնավիրուս

Ապրիլյան քառօրյայի ժամանակ հարյուրավոր կամավորներ գրանցվեցին եւ մեկնեցին Արցախ՝ առաջին գիծ։ Մարդկանց ընկալումն այսպիսին էր՝ ով ինչպես եւ ինչով կարող է, պետք է օգտակար լինի բանակին։ Առաջնագիծ մեկնողները մեկնեցին, բայց ով մնաց տանը, ըստ էության, նա էլ էր պատերազմի մասնակից։ Ամեն կերպ, նաեւ՝ հոգեբանորեն, պահում էր սահմանը։
Մեր ժողովուրդն այդպիսին է՝ «սահմանային իրավիճակների» ժողովուրդ է։ Հանգիստ պայմաններում որքան ուզեք՝ կարող ենք մեզ «ազատ» զգալ. ասել—խոսել, անել այն, ինչ սրտներս կուզի։ Բայց վտանգի պահին մի պահ կանգ կառնենք, կլրջանանք ու, ա՛յ, այդ ժամանակ է, որ ինչպես բազմիցս է եղել պատմության մեջ, կանենք մի բան, որն անգամ ըմբռնելի չի լինի սովորական բանականության տեսակետից։ Հաճախ այն բացատրելու ու հասկանալու համար հարկ է լինում մտնել նույնիսկ իռացիոնալ դաշտ։
Տեսեք՝ Առաջին համաշխարհաին պատերազմի պարտությունից բարոյալքված, արդեն քայքայված, սոված, համաճարակի ճիրաններում հայտնված թուրքական զորքի առաջ հետ—հետ գնալով հասանք մինչեւ Ալեքսանդրապոլ ու մեր այս քաղաքի դռներն էլ բացեցինք նրա առաջ։ Մինչդեռ շատ մասնագետների, նաեւ ժամանակի ռազմական գործի մասնագետ–ականատեսների գնահատականներով, եթե հայ ժողովուրդն այդ տարիներին իրեն «նեղություն տար» եւ մեջքը շտկեր, ապա կարող էր սեփական պատմության անիվն այլ ուղղությամբ թեքել։ Օրինա՞կ. բացեք եւ կարդացեք ազգությամբ վենեսուելացի, թուրքական բանակում վարձու սպա Ռաֆայել դե Նոգալեսի «Չորս տարի կիսալուսնի ներքո» հուշագրությունը։
Էլ բան չմնաց պահելու, մի Երեւանն էր՝ իր հարակից տարածք—բնակավայրերով։ Ի՞նչ, վերանա՞նք աշխարհի երեսից։ Երեւի այս հարցն իրենք իրենց տվեցին այն ժամանակների մեր հայրենակիցները, հասկացան, որ արդեն իրենց վարքագծով խաղում են «վերջի» կրակի հետ ու… նետվեցին առաջ։ Սարդարապատի ճակատամարտը տվեցին եւ փրկեցին իրենց էլ, իրենց ոտքի տակի հողն էլ, որը երկիր է կոչվում։
Իսկ ի՞նչ էր Սարդարապատի ճակատամարտն իր տեսակի մեջ։ Ռազմական գիտության տեսակետից հայերս հաղթելու շանս չպետք է որ ունենայինք։ Աշխարհազորը՝ իր հողը թողած գյուղացին, իր դազգահը թողած բանվորը, դասագիրքը թողած ուսուցիչը, խաչը թողած, չէ՛, խաչը իր հետ վերցրած հոգեւորականը սեփական աշխատանքային գործիքները հաճախ զենք դարձրած, կռվում էին թուրքական կանոնավոր բանակի դեմ։ Եվ հաղթեց նա նման կռվի մեջ, նման պայմաններում։ Եվ... այդ հաղթանակի տրամաբանությունը «մարսելու» համար մինչ օրս անգամ միստիկ պատմություններ են շրջում։ Իսրայելցիների՝ Կարմի ծովն անցնելու պատմության նմանությամբ։
Այս ամենն ինչո՞ւ հիշեցի։
Այս օրերին՝ համավարակի օրերին, մեր շատ քաղաքացիներ, հատկապես՝ երիտասարդները, դուրս են եկել կամավորական աշխատանքի։ Տարբեր գործեր են անում. փորձում են հասնել ա՛յս կարիքավորին, ա՛յն կարիքավորին։ Նաեւ՝ ինչ—որ չափով թեթեւացնել պետական կառույցների հոգսը։
Ու… չգիտեմ՝ ուրիշների համար ինչպե՞ս, բայց ինձ համար լուսավոր շողի զգացողություն թողեց այն լուրը, որ հանրապետական կուսակցության երիտասարդները եւս կամավորներ են աշխատում։ Հեչ կարեւոր չէ այս պահին, թե ով ինչ կուսակցական պատկանելություն ունի։ Այն երիտասարդները, որոնք միեւնույն գործն են անում, գուցե նաեւ անում են կողք կողքի, իմքայլակա՞ն են, հանրապետակա՞ն են, դաշնակցակա՞ն են, թե՞ չգիտեմինչական են։ Նրանք, բոլորս ՄԵՆՔ ենք ու կատարում ենք մեր ընդհանուր գործը։
Գոհար ՍԱՐԴԱՐՅԱՆ

02-04-2020





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO