Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

11.07.2020
ԼՂՀ


Արցախյան ազատամարտի հերոսներից մեկը

Արցախյան գոյամարտը շատ հերոսներ ծնեց։ Նրանց մի մասն անմահացավ ռազմի ճամփաներին, շատերը վիրավորվեցին ու դարձան հաշմանդամ, շատերը տուն վերադարձան ողջ ու առողջ, անցան խաղաղ ու ստեղծագործ աշխատանքի։
Շենացնել էր պետք ավերված, պատերազմի պատճառով տնտեսությունը կորցրած մայր հայրենիքը։ Կար այլ խնդիր եւս՝ պետք է վերահայանար ազատագրված մեր պատմական հայրենիքը՝ Օմարից մինչեւ Արաքս ընկած մի հատված, որը 2 դարից ավելի հայաթափ էր եղել, դարձել էր Արցախը մայր հայրենիքից անջատող տարածք, թշնամու որջ։ Ու պատերազմում հաղթանակ տարած հերոսների մի մասն էլ անցավ այս սրբազան առաքելությանը։ Նրանցից էր ՀՅԴ անդամ Սմբատ Աղաբեկի Թաթոսյանը, ով 1997 թ. կնոջ, մանկահասակ դստեր ու 2 որդու հետ թողեց ծննդավայրը՝ Արարատի մարզի Նոր Կյանք գյուղն ու եկավ նորաստեղծ Քաշաթաղի շրջանի վարչական կենտրոն Բերձորի հարեւանությամբ գտնվող Քարեգահ գյուղ։ 1992 թ. մայիսյան հերոսամարտերի մասնակիցը նաեւ Բերձոր—Լաչինի ազատարարներից է եւ գիտեր այդ հողը շենացնելու խնդիրը։
Սմբատ Թաթոսյանը ծնվել է 1961 թ. մայիսի 23—ին։ Ավարտել է տեղի միջնակարգ դպրոցը, ծառայել խորհրդային բանակում, այնուհետեւ ուսանել ու ավարտել Երեւանի պետական համալսարանի աշխարհագրության ֆակուլտետը։ Ուսանողական տարիներին Սմբատն ամուսնացավ նույն կուրսում սովորող Մարինե Պետոյանի հետ, 1986—ին ծնվեց նրանց առաջնեկը՝ Նելլին։ Համալսարանն ավարտելուց հետո ուսուցիչ է աշխատել։ 1988 թ. Արցախյան շարժումը ոտքի հանեց ողջ հայությանը, եւ շատերի հետ շարժման կիզակետում էր Սմբատը, ով շուտով դարձավ Արարատի տարածքի ռազմական կամավորական ջոկատների կազմակերպիչներից։
1990 թ. հունվարի 19—ից զինակիցների հետ պաշտպանեց Երասխավանը։ Այնուհետեւ՝ նույն թվականի կեսերից Շահումյանում էր, Բուզլուխում։ Թաթուլ Կրպեյանի զոհվելուց հետո եղել է նույն ջոկատի հրամանատարը։ Պատմում են՝ շատ ծանր է տարել Թաթուլի նահատակությունը՝ ասելով. «Ինչու՞ հենց Թաթուլը, նա դեռ շատ անելիքներ ուներ մեր ազգի համար… Ինչու՞ նրա փոխարեն ինձ չխլեց թշնամու գնդակը»։ 1992—ին մասնակցել է Խոջալուի գործողությանը, Շուշիի, Ասկերանի, Հադրութի, Լաչինի ազատագրմանը։ Գետաշեն—Մարտունաշեն ռազմական խորհրդի անդամ էր, զենք—զինամթերքի պատասխանատուն Գետաշենում, Շուշիի առանձնակի գումարտակի առաջին վաշտի գրոհային դասակի հրամանատարն էր։
Հերոսի մասին իր հուշերում Սվետա Ագիյանը, ով պատերազմի տարիներին եղել է Քերոլայն Քոքսի թարգմանչուհին, նաեւ շատ մոտիկից ճանաչել է Սմբատին ու նրա զինակից ընկերներին, պատմել է. «Սմբատը քչախոս էր, համեստ, չէր սիրում մի բանը մի քանի անգամ կրկնել։ Նա պատկառելի կերպար էր, բոլորը սիրում էին նրան։ Սմբատի հետ առաջին անգամ ծանոթացա 1992—ի ապրիլին։ Իր ընկերոջ՝ Արշավիրի հետ Հայաստանից նյութական օգնություն էին բերել Ստեփանակերտ, ինձ ճանաչելով ու վստահելով՝ հանձնարարեցին բաժանել կարիքավոր ընտանիքներին։ Նրանց աչքերում տխրություն էի տեսնում, խոր տխրություն, բայց նաեւ հավատ կար, հավատում էին գալիք հաղթանակին»։ Եվ այս հավատով անցավ պատերազմի ողջ շրջանը, անցավ հերոսաբար, տուն եկավ, որտեղ սպասում էին կինն ու զավակները, հարազատները։ Սակայն ազատագրված հողը կանչում էր։
Վերաբնակվելով Քաշաթաղում՝ սկզբում աշխատում էր անտառտնտեսությունում, նաեւ պատմություն եւ աշխարհագրություն առարկաներն էր դասավանդում գյուղի դպրոցում կնոջ՝ Մարինե Պետոյանի հետ։ Նույն թվականի գարնան սկզբին նշանակվեց Քարեգահի գյուղապետ, որն այն ժամանակ մեծ պարտավորություն էր։ Գյուղապետի աշխատանքից էին կախված բնակավայրի կայացումը, շենացումը։ Շատ էին դժվարությունները, հատկապես մեծ էր տրանսպորտային միջոցների կարիքը։ 1998 թ. ապրիլի 8—ին Սմբատը մանկահասակ որդիների՝ Հայկի ու Դավիթի հետ կիսասարք բեռնատարով վթարի ենթարկվեց։ Գյուղի բնակիչների համար ապրանք էին տեղափոխում։ Որդիները ողջ մնացին, այսօր շարունակում են հոր կիսատ թողածը, սակայն բազում փորձությունների միջով անցած հերոսի համար այդ օրը վերջինը եղավ։
Այսօր Քարեգահում գործում է Ս. Թաթոսյանի անվան երիտասարդական կենտրոնը։ Սմբատ Թաթոսյանը հետմահու արժանացել է «Արիության», «Շուշիի ազատագրման համար» եւ «Երախտագիտության» մեդալների։

Զոհրաբ ԸՌՔՈՅԱՆ

28-05-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO