Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

12.07.2020
ԱՅԼՔ...


Ինչպես փրկել ներքին տուրիզմը

Սոցփաթեթի շրջանակներում հանգստացողների մեծ հոսք առայժմ չի արձանագրվել

Զբոսաշրջությունը կորոնավիրուսի պատճառով ամենամեծ վնասները կրած ոլորտներից է։ Արտակարգ դրության ռեժիմը, տնտեսական գործունեության սահմանափակումները, երկրների միջեւ թռիչքների դադարեցումն ու փակ սահմաններն ուղղակիորեն հարվածեցին երկրի զբոսաշրջային ոլորտի զարգացմանը։ Այնինչ նախորդ տարվա ձեռքբերումներն ու զբոսաշրջիկների մեծ հոսքը հաշվի առնելով, այս տարին ավելի խոստումնալից էր թվում։
Պաշտոնական վիճակագրական տվյալների համաձայն՝ 2019—ի հունվար—դեկտեմբեր ամիսներին դեպի Հայաստան զբոսաշրջիկների թիվը կազմել է շուրջ 1.9 մլն, որը մոտ 15 տոկոսով բարձր էր 2018—ի նույն ժամանակահատվածի համեմատ։ Իսկ այս տարվա առաջին եռամսյակում նախորդ տարվա նույն ժամանակահատվածի համեմատ զբոսաշրջիկների թիվը նվազել է 15 տոկոսով։
Այս պայմաններում Հայաստանը, ինչպես եւ աշխարհի գրեթե բոլոր երկրները, քայլեր են ձեռնարկում ներքին տուրիզմը զարգացնելու ուղղությամբ։ Արտակարգ դրության ժամանակ փակ սահմանների պայմաններում որքանո՞վ է ակտիվացել ներքին տուրիզմը, արդյոք նկատվո՞ւմ է սոցփաթեթի շրջանակներում հանգստացողների շարժ։ «Հայաստանի Հանրապետություն» օրաթերթի թղթակցի հետ զրույցում տուրիստական կազմակերպությունների, հյուրանոցների եւ հանգստյան տների ներկայացուցիչները հիմնականում փաստում էին, որ չնայած ակնկալվում էր դրական դինամիկա ներքին տուրիզմի մասով, սակայն նման միտումներ դեռեւս չկան։ Արտերկիր մեկնողներն այս տարի կարծես թե զրկված են լինելու իրենց հանգիստը հանրապետության սահմաններից դուրս անցկացնելու հնարավորությունից։
«Անռիվա տուր» ընկերության ներգնա եւ ներքին տուրիզմի տուրմենեջեր Ժաննա Հարությունյանը նշեց, որ վարակվելու վախը մարդկանց ստիպում է ձեռնպահ մնալ հանգստի մեկնելուց, եւ էական նվազում է նկատվում նախկինի համեմատ։ «Մարդիկ այլընտրանք չունեն։ Նրանք, ովքեր միշտ գնում էին դրսում հանգստանալու, ճանապարհորդում են Հայաստանում։ Իսկ այստեղ երկու—երեք օրը բավական է»,– ասաց նա՝ հավելելով, որ վարակվածության թվերը մեծ են, եւ մարդիկ խուսափում են անգամ Հայաստանում շրջագայել։ Նույն պատկերն է նաեւ սոցփաթեթի շահառուների դեպքում։ Ուղղությունները տարբեր են, օրինակ՝ փոշոտման սեզոնին, որն արդեն վերջացել է, մարդիկ նախընտրել են Սոճուտը, Դենդրոպարկը։ «Մնացած դեպքերում նախընտրությունն անհատական է՝ սկսած բաց լողավազանով հանգստյան տներից մինչեւ անտառի մեջ հանգստի կազմակերպումը»,– նշեց Ժ. Հարությունյանը։
«Անի տուր» զբոսաշրջային ընկերության ներքին տուրիզմի սոցփաթեթների գծով պատասխանատու Արփինե Սարգսյանը նույնպես նշեց, որ սպասումներն ավելի մեծ էին ներքին տուրիզմի մասով, սակայն, ցավոք, այս պահին դեռեւս շարժ չկա։ Հիմնականում օգտվում են սոցփաթեթի շահառուները, այն էլ՝ շատ քիչ օրեր են վերցնում, որովհետեւ տարբեր մտավախություններ ունեն։ «Հիվանդության պատճառով շարժը շատ չէ, բավականին քչացել է, նույնիսկ սոցփաթեթի շրջանակներում»,– ասաց զրուցակիցս։ Նախորդ տարիների համեմատ ավելի քան 70 տոկոսով կրճատվել է։ Սոցփաթեթի շահառուների նախընտրած հիմնական ուղղությունները Ջերմուկն են, Աղվերանը, Սեւանը։
«Կրիստալ ռեզորթ» հանգստի տան ադմինիստրատոր Լիլիթ Նիկողոսյանի խոսքով, սոցփաթեթի շրջանակներում նախորդ տարիների համեմատ մարդկանց հոսքն ավելի քիչ է։ «Ունենք հանգստացողներ, բայց նրանք շատ քիչ են մյուս տարիների համեմատ»,–շեշտեց նա։
Գրեթե նույն պատկերն էր մի շարք այլ զբոսաշրջային ընկերություններում եւ հանգստի տներում, որոնց ներկայացուցիչները չցանկացան ներկայանալ, սակայն ընդգծեցին, որ շարժ գրեթե չկա։ Վարակվելու վախը մարդկանց ստիպում է ձեռնպահ մնալ հանգստյան տներ եւ հյուրանոցներ այցելելուց։ Այս պատկերը բավականին մտահոգիչ է, քանի որ զբոսաշրջային ոլորտում ներգրավված են մեծաթիվ մարդիկ՝ աշխատողներ, որոնց աշխատանքից զրկվելը լրացուցիչ սոցիալական եւ տնտեսական խնդիրներ կարող է առաջացնել։
Լուսինե ՄԽԻԹԱՐՅԱՆ
l.mkhitaryan@hhpress.am

27-06-2020





11-07-2020
10 տարի անց բարեփոխվում է հանրակրթության բովանդակությունը
Դպրոցից դուրս է մղվում անբավարար գնահատման համակարգը

Ժամանակակից ...


11-07-2020
Թվային քաղաքակրթություն
Իսկ իրական աշխարհը մեզ է սպասում իր ամենավառ ...


11-07-2020
Հայաստանում հաստատվել է COVID-19-ի 489 նոր դեպք․ապաքինվել է ևս 710, մահացել 13 քաղաքացի
Հայաստանում հուլիսի 11-ի դրությամբ հաստատվել է կորոնավիրուսային հիվանդության ընդհանուր ...


11-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
1991 թվականի ապրիլի 30-ին սանձազերծվեց Խորհրդային Միության (ԽՍՀՄ) ...


11-07-2020
Հարկային բարենպաստ պայմաններ են ստեղծվում փոքր եւ միջին բիզնեսի համար
Տոկոսադրույքների նվազեցումը բիզնեսի խթանիչ ուժն է

Զարգացած երկրների ...


11-07-2020
Դիք. չաստվածների պաշտամունք
Ավարառության եւ գերեվարության ոգու հետ մեկտեղ Տիգրանն ու ...


11-07-2020
«Նա 40 տարի առաջ բարձրացել է իր խավար հայրենիքի բլուրները ու իր բարձրությունից ինչե՜ր, ինչե՜ր է տեսել…»
Հովհ. Թումանյան, «Քառասուն տարի»

1862 թվի գարնանը մի ...



11-07-2020
Ջերմոցային գազերի արտանետումների մեր բաժինն ու դրանք կրճատելու ներուժը
Հրապարակվել է կլիմայի փոփոխության մասին ...

11-07-2020
Մեծ Պեպոն
Գաբրիել Սունդուկյանը միշտ հաճոյախոսել է ...

11-07-2020
Սիրիայում կփոխվե՞ն խաղի կանոնները
Կողմերը պահանջել են այդ երկրից դուրս ...

11-07-2020
Ռեւանշի հնարավորություն
Հայաստանի եւ Քուվեյթի ֆուտբոլի ֆեդերացիաներն ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO