Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.11.2020
ԱԳՆ


Ինքնորոշման իրավունքի ճանաչումն առաջնային է

ՀՀ արտաքին գործերի նախարար Զոհրաբ Մնացականյանն արտաքին քաղաքականության առաջնահերթ խնդիր է համարում Արցախի ժողովրդի ինքնորոշման իրավունքի ճանաչումը: «Արմենպրեսի» փոխանցմամբ՝ այս մասին Մնացականյանն ասաց Հունաստանի արտաքին գործերի նախարարի հետ համատեղ մամուլի ասուլիսի ընթացքում:
«Հայաստանի համար հարցը եղել եւ մնում է առավել քան պարզ` խոսքը գոյութենական անվտանգությանն է վերաբերում: Մեր հայրենակիցների ինքնորոշման իրավունքի իրականացման ճանաչումն առաջնային, գերակա խնդիրն է, այսօր նաեւ արտահայտվում է այն փաստով, որ սա ամենից բացի նաեւ պաշտպանության միջոց է: Մենք շարունակելու ենք աշխատել միջազգային հանրության ու մեր գործընկերների հետ, հավատարիմ ենք հոկտեմբերի 10-ին Մոսկվայում հասած պայմանավորվածությանը, մենք շարունակում ենք պնդել, որ ուժի միջոցով այս խնդիրը հանգուցալուծում չի ունենալու: Այս հանգամանքն ի ցույց են դնում մեր հայրենակիցները, խիզախները, որոնք Արցախում վճռականություն են ցուցաբերում` պաշտպանելու հողը, հայրենիքը, կյանքը, ընտանիքը: Նրանք բացառելու են թշնամուն ենթադրելու, որ երբեւէ այս խնդիրը կարող է ունենալ ռազմական լուծում: Հակառակորդն ունենալու է ավելի խորը ճգնաժամ»,- ասաց Մնացականյանը:
Անդրադառնալով միջազգային հանրության կոչերին, որոնք նշում են, որ հակամարտությունը ունի միայն խաղաղ եւ բանակցային լուծում, Մնացականյանը նշեց, որ Հայաստանը բարձր է գնահատում այդ կոչերը, սակայն դրանք անտեսվում են Ադրբեջանի կողմից:
«Մենք շատ բարձր ենք գնահատում այն ընդհանուր ընկալումը եւ գնահատականը, որ ձեւավորվել է մեր գործընկերների եւ միջազգային հանրության մոտ, որ անհնար է թաքցնել իրողությունը, որ սա իրականացված ագրեսիա է մեր հայրենակիցների նկատմամբ` Արցախի բնակչության նկատմամբ, որի թիրախ են մարդիկ, քաղաքացիական բնակչությունը, որի միջոցով ընտրված է ուժի կիրառմամբ, ագրեսիայի, պատերազմի ճանապարհը` հիմնախնդրին լուծում տալու: Հայաստանը` հանդիսանալով մեր հայրենակիցների անվտանգության միակ երաշխավորը, եղել եւ մնում է նրանց պաշտպանը եւ աջակիցը: Ամենահիմնական խնդիրներից մեկն այն է, որ երկու նոր հանգամանքները` Թուրքիայի գործոնը եւ միջազգային ահաբեկիչների գործոնը, ստեղծել են ամենավտանգավոր հաշվարկը Բաքվում, որ իրենք կարող են չլսել միջազգային հանրության մոտեցումն այս խնդրում: Դա, բնականաբար, վտանգավոր է ու միեւնույն ժամանակ, վստահաբար, ունի իր հետեւանքները»,- նշեց ԱԳ նախարարը:
Զոհրաբ Մնացականյանը հավելեց, որ Հայաստանը շարունակելու է աշխատել ԵԱՀԿ Մինսկի խմբի համանախագահության շրջանակում, ինչպես նաեւ իր բոլոր գործընկերների հետ, որպեսզի էլ ավելի ուժեղացնի քաղաքական եւ դիվանագիտական անհրաժեշտ գործիքների կիրառումը՝ հասնելու խաղաղ հանգուցալուծմանը:


Հունաստանի արտգործնախարարն իր համերաշխությունն է հայտնել հայ ժողովրդին

Հունաստանի արտաքին գործերի նախարար Նիկոս Դենդիասն իր համերաշխությունն է հայտնել հայ ժողովրդին: Այս մասին Հայաստանի եւ Հունաստանի արտաքին գործերի նախարարների համատեղ մամուլի ասուլիսի ընթացքում ասաց ՀՀ արտաքին գործերի նախարար Զոհրաբ Մնացականյանը:
«Մենք այսօր ունեցանք արդյունավետ ու կառուցողական քննարկում մեր ընդգրկուն օրակարգի շուրջ: Մեր հանդիպումը տեղի է ունենում մի իրավիճակում, երբ Արցախում մեր հայրենակիցները կանգնած են գոյութենական վտանգի առջեւ: Ցանկանում եմ շնորհակալություն հայտնել Հունաստանի իմ գործընկերոջը՝ այս իրավիճակում Հայաստան այցելելու եւ իր համերաշխությունը հայ ժողովրդին հայտնելու համար: Մեր տարածաշրջանները՝ Արեւելյան միջերկրականն ու Կովկասը, այս պահին բախվում են նույն սպառնալիքին, որի հիմքում Թուրքիայի ծավալապաշտական քաղաքականությունն է»,- ասաց Մնացականյանը:
ՀՀ արտգործնախարարը նշեց, որ Հայաստանի եւ Հունաստանի հարաբերությունն ավանդաբար աչքի են ընկել ջերմությամբ ու բարեկամական բնույթով:
«Մեր երկու բարեկամական հարաբերությունները զարգանում են դինամիկ կերպով: Շատ կարեւոր է, որ մեր երկրները միջազգային օրակարգի բազմաթիվ հարցերի շուրջ ունեն համահունչ մոտեցում: Մեր երկկողմ հարաբերությունները նաեւ կարեւորվում են Հայաստան-ԵՄ գործընկերության համատեքստում»,- նշեց ՀՀ ԱԳ նախարարը:

17-10-2020





25-11-2020
Արցախի հիմնախնդիրը՝ միջազգային իրավունքի համատեքստում
Անկախության ճանաչումը հանուն փրկության

Պատերազմի օրերից սկսած ...


25-11-2020
«Իմ կենացը մի խմեք, այլ շարունակեք իմ գործը»
«Յուրաքանչյուր ժողովրդի հաղթանակ առաջին հերթին ազգային համախմբվածության արդյունք է»


25-11-2020
Անկարան վերահսկում է Ֆրանսիայի 2600 մզկիթից 320-ը
Երբ ավելանում են «գայլերը», քաղաքակիրթ աշխարհի խնդիրն է մտածել ...


25-11-2020
Եռակողմ հայտարարության նախաձեռնողն ամեն կերպ կձգտի պահպանել այն
ՌԴ-ն մատնանշում է Արցախում խաղաղությունը խաթարելու փորձ անողներին



25-11-2020
Առկա իրողություններում չի կարելի բացառել տարածաշրջանային զարգացման որեւէ սցենար
Պետականության ուժեղացման ռեսուրսները հնարավոր է ապահովել միայն ազգային ներուժի ...


25-11-2020
Ռազմավարական ակնարկ Իրանին
ԱՄՆ-ը կործանիչներ է ուղարկել Մերձավոր Արեւելք

Իրաքում ...


25-11-2020
Ամրոցները՝ Որոտանի ափերին
Սա Հայաստան է, եւ վերջ...
Լեոնիդ ԱԶԳԱԼԴՅԱՆ




25-11-2020
Արմեն Սարգսյանն հանդիպում է ունեցել Հորդանանի հայ համայնքի ներկայացուցիչների հետ
Աշխատանքային այցով Հորդանանի Հաշիմյան ...

25-11-2020
ՀՀ վարչապետը ներկայացրել է ԿԳՄՍ նորանշանակ նախարարին
ՀՀ վարչապետ Նիկոլ Փաշինյանն այցելել է ՀՀ կրթության, ...

25-11-2020
Ռուսական կենտրոնն սկսել է աշխատանքը
Լեռնային Ղարաբաղում իր աշխատանքն է սկսում ...

25-11-2020
Մխիթարյանի նոր ռեկորդները եւ հնարավոր պայմանագիրը
Իտալական «Ռոման» պատրաստվում է երկարաձգել ...
USD
EURO
RUR
GEL
Եղանակը Երևանում
գիշերը +2... +4
ցերեկը +4... +7

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO