Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.12.2020
ԶԱՆԱԶԱՆ


ՈւԵՖԱ-ի անընկալելի որոշումը

ՈւԵՖԱ կոչվող կազմակերպությունը, դրսեւորելով իր կարգավիճակին անհարիր երկչոտություն, ընդամենը նկատողություն է հայտարարել ադրբեջանական «Ղարաբաղ» ֆուտբոլային ակումբին՝ Եվրոպական ֆուտբոլային ասոցիացիաների միության կանոնակարգի հիմնարար սկզբունքներից եւ գլխավոր կետերից առնվազն երկուսը ցուցադրաբար եւ լկտիորեն խախտելու համար:
Մեր երկրին արեւելքից սահմանակից պետության ակումբը նման «պատժամիջոցի» է արժանացել Եվրոպայի լիգայի փլեյ օֆ փուլի՝ լեհական «Լեգիայի» հետ խաղը զինվորական ողջույնի նշանով ավարտելու համար: Խաղադաշտի կենտրոնում տեղի ունեցած այդ արարողությանը մասնակցել է ակումբի ողջ անձնակազմը՝ ներառյալ տեխնիկական աշխատակիցները (13 ֆուտբոլիստ եւ 14 պաշտոնյա): Եվ դա արվել է հանդգնորեն՝ տեսախցիկների առջեւ: Այդպիսով` ադրբեջանական ակումբը խախտել է նույն ՈւԵՖԱ-ի կանոնակարգի երկրորդ հոդվածի առաջին երկու կետը, որոնցից առաջինում նշվում է, որ կազմակերպության եւ նրա հովանու ներքո անցկացվող մրցումների նպատակն է անդամակցող երկրների ասոցիացիաների միջեւ մարզական բարեկամական հարաբերությունների զարգացումն ու ամրապնդումը՝ խաղաղության եւ փոխըմբռման ոգով: Երկրորդ կետում սեւով սպիտակի վրա նշված է. «Նպատակներից է Եվրոպայում ֆուտբոլի զարգացումն ու պրոպագանդումը ՈւԵՖԱ-ի բոլոր անդամներին հասու միջոցներով՝ բացառելով կրոնական, ռասայական եւ քաղաքական ցանկացած խտրականություն»: Ընդ որում՝ հատուկ շեշտվում է, որ մարզադաշտերում արգելվում է ագրեսիվ ու ռազմատենչ ժեստերի, կոչերի եւ պաստառների միջոցով ազգերի ու պետությունների միջեւ թշնամանք սերմանող քարոզչություն իրականացնելը:
Ժամանակին նույն ՈւԵՖԱ-ն դրա համար խոշոր տուգանք էր սահմանել եւ մի քանի խաղ առանց հանդիսատեսների անցկացնելու պարտադրանք կիրառել գերմանական ակումբներից մեկի նկատմամբ, որի ներկայացուցիչներն ու երկրպագուները միջազգային խաղի ժամանակ հիմարություն էին արել` ձեռքերը պարզելով նացիստական ողջույնի շարժումով: Մի քանի տարի առաջ էլ ռուսական թիմ էր պատժվել այն բանի համար, որ իր երկրպագուները ԽՍՀՄ-ին առնչվող տոտալիտար կոչեր էին հնչեցրել: Ու հարց է ծագում՝ ինչո՞վ է ադրբեջանցիների արածը տարբերվում գերմանացիների եւ ռուսների արարքից: Թե՞ ՈւԵՖԱ-ում կարծում են, որ պատերազմող երկրի ներկայացուցիչները զինվորական ողջույնով այնքան էլ ռազմատենչություն չեն դրսեւորել: Դրսեւորել են, պարոնայք, այն էլ ինչպես են դրսեւորել: Իսկ ձեր արածը կոչվում է երկակի ստանդարտ՝ երկերեսանիություն: Ու ամենազավեշտալին այն է, որ այդ կապակցությամբ ՈւԵՖԱ-ի տարածած հաղորդագրության մեջ արձանագրվում է, որ «կիրառվել է ռազմական ողջույնի նշան, որը տվյալ իրավիճակում քաղաքական կոնտեքստ է ունեցել»: Փաստորեն, դրա համար ընդամենը նկատողությամբ բավարարվելով՝ ՈւԵՖԱ-ն ոչ միայն արհամարհել է սեփական կանոնադրությունը, այլեւ նախադեպ ստեղծել: Արդյո՞ք դրանից հետեւում է, որ միջազգային խաղերում այսուհետ կարելի է նման գործողություն անել՝ վստահ լինելով, որ ամեն ինչ ավարտվելու է սովորական նկատողությամբ: Կամ արդյո՞ք նախկինում համանման արարքի համար ավելի խստորեն պատժված երկրների թիմերը հիմա կարող են դատի տալ ՈւԵՖԱ-ին՝ իրենց նկատմամբ ոչ համարժեք վճիռ կայացնելու համար: Չմոռանանք նշել, որ ՈւԵՖԱ-ն դեռ չի արձագանքել ՀՖՖ-ի ներկայացրած բողոքին այն մասին, որ միջազգային նշված կազմակերպության հովանավոր ադրբեջանական «ՍՕՔԱՐ» ընկերությունը պատերազմի քարոզչության մասին նյութեր է տարածում: Գուցե ՈւԵՖԱ-ում կարծում են, որ դա՞ էլ խաղաղասիրության դրսեւորում է:

24-10-2020





05-12-2020
Փոխհատուցում՝ մատուցվող ծառայությունների դիմաց
Պետությունն աջակցում է տեղահանված ընտանիքներին

Պատերազմից տուժած, մասնավորապես, ...


05-12-2020
Թուրքական զինուժի հատուկ ստորաբաժանումները կարող են սադրանքներ իրականացնել
Ադրբեջանում արդեն տեղակայված են Թուրքիայի զինված ուժերի հատուկ ստորաբաժանումները


05-12-2020
Եվրոպան սեղմում է օղակը Թուրքիայի եւ Ադրբեջանի շուրջ
Եվրոպացիները հոգնել են Անկարայի հետ «մուկ ու կատու» խաղալուց


05-12-2020
Պատմություն եւ ժամանակ
«ՀԱՅԱՍՏԱՆ» պարբերականը 100 տարեկան է

Հայ մամուլի պատմության ...


05-12-2020
«Կյանքն է ղեկավարում աշխարհը, ոչ անձնական ազատ կյանքը»
Վիլյամ Սարոյանի հարուստ գրական ժառանգությունից փորձենք առանձնացնել այն էսսեները, ...


05-12-2020
Քարտեզագրում. սահմանագի՞ծ, թե՞ թռչկոտող «նապաստակ»
Պատերազմը կազմված է չնախատեսված իրադարձություններից:
Նապոլեոն Բոնապարտ

Այո, ...


05-12-2020
«Ես տվի իմ ժողովրդին ոչ թե մեծ բան, այլ մեծապես ցանկացա տալ մի բան…»
«…Եվ մի ձգտում՝ հեռանալ աշխարհից այնպես, որ նա մնա ...



05-12-2020
Մեծ կարեւորություն կունենա ԵԱՏՄ ընդհանուր գազի շուկայի վերաբերյալ միջազգային պայմանագրի ընդունումը
Եվրասիական միջկառավարական խորհրդի հերթական ...

05-12-2020
Ստեփանակերտում կշահագործվի շուրջ 300 բնակարան
Արցախի Հանրապետության նախագահ Արայիկ ...

05-12-2020
Ընդդեմ Արցախի ժողովրդի հանդեպ իրականացված ագրեսիայի
ՀՀ ԱԳՆ մամուլի խոսնակը մեկնաբանել է Ֆրանսիայի ԱԺ ...

05-12-2020
Դիվանագիտությունը կարող է երկիրը դուրս բերել ծանր վիճակից
ՀՀ արտաքին գործերի նախարար Արա Այվազյանը խնդրում է ...
USD
EURO
RUR
GEL
Եղանակը Երևանում
գիշերը +2... +4
ցերեկը +4... +7

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO