Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.12.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Պատերազմական հանցագործներին պատժելը յուրաքանչյուրի պարտականությունն է

Գերմանահայ իրավաբանները դիմել են գլխավոր դաշնային դատախազին

Գերմանահայ իրավաբանները դիմել են Գերմանիայի իրավապահ մարմիններին` Արցախում Ադրբեջանի զինվորականների կողմից կատարված պատերազմական հանցագործությունների փաստի առնչությամբ։ «Հայաստանի Հանրապետություն» օրաթերթի թղթակիցը զրուցել է Հայ-գերմանական իրավաբանների միության նախագահ Գուրգեն Պետրոսյանի հետ։
-Պրն Պետրոսյան, Ադրբեջանի կողմից կատարված պատերազմական հանցագործությունների վերաբերյալ դիմել եք դաշնային դատախազին։ Այս պահին ի՞նչ ընթացք է ստացել Ձեր դիմումը։ Ի՞նչ ժամկետներում է այն քննվելու։
-Գերմանիայի գլխավոր դաշնային դատախազը պատասխանատու է միջազգային հանցագործությունների, այդ թվում` պատերազմական հանցագործությունների, մարդկության դեմ կատարված հանցագործությունների եւ ցեղասպանության համար։ Ներկա դրությամբ դատախազությունը կատարում է ուսումնասիրություններ։ Այս ուսումնասիրությունները հստակ ժամկետներ չունեն եւ կարող են տեւել ինչպես օրեր, այդպես էլ շաբաթներ։ Բայց իրենց ուսումնասիրությունների շրջանակներում կարող են սկսել համակարգված հետաքննություններ իրականացնել Արցախում Ադրբեջանի զինված ուժերի կողմից կատարված հանցագործությունների վերաբերյալ։ Այդպիսի նախադեպ կա արդեն Սիրիայի եւ Իրաքի վերաբերյալ։ 2018 թվականից ի վեր Գերմանիայի գերագույն դատարանի կողմից կա նախագահ Ասադի խորհրդական Ջամիլ Հասանի վերաբերյալ ձերբակալման որոշում, ով մինչ օրս Սիրիայում է։ Գերմանիայում գործում է միջազգային քրեական օրենսգիրքը։ Միջազգային հանցագործություններն ունեն ունիվերսալ բնույթ, այսինքն՝ անկախ այն հանգամանքից թե որտեղ են կատարվել հանցագործությունները, մեղավորները ենթակա են պատժի։ Այս առաքելությունը Գերմանիան կատարում է այն պատճառով, որ Միջազգային քրեական դատարանի անդամ պետություն է։ Նույն առաքելությունը պարտավոր են կատարել նաեւ մյուս անդամ պետությունները։ Ողջունելի կլինի նաեւ այն հանգամանքը, որ ԵՄ տարածքում մեր գործընկերները նույնպես իրենց ազգային ատյաններում նմանատիպ գործընթացներ սկսեն։
-Կմանրամասնե՞ք, թե հատկապես ո՞ր հանցագործությունների մասով եք դիմել արդարադատության համար։
-Հայ-գերմանական իրավաբանների միությունը ներկայացրել է այն բոլոր նյութերը եւ ապացույցները, որոնք բաց աղբյուրներում են եւ պարունակում են ակնհայտ պատերազմական հանցագործության հատկանիշներ, որոնց թվում են ինչպես խոշտանգումը, գնդակահարությունը, այդպես էլ՝ «post-mortal» նվաստացումը։ Մյուս ապացույցները եւ պատերազմական հանցագործությունների մասին վկայող ապացույցները շարունակաբար տրամադրվելու են գլխավոր դաշնային դատախազին։
-Ի՞նչ հետեւանքներ կարող է ունենալ Ադրբեջանի իրականացրած պատերազմական հանցագործությունների մասով գերմանական դատարանի դատական որոշումը։ Պատասխանատվության են ենթարկվելու հանցանքը կատարած անձի՞նք, թե՞ պետությունը։ Կա՞ն նախադեպեր այս մասով։
-Խոսքը բացառապես անձնական քրեական պատասխանատվության մասին է։ Այստեղ հարկ է հիշատակել, որ անձնական պատասխանատվության կարող են ենթարկվել ոչ միայն շարքայինները, այլեւ նույն հանցագործության համար շղթայական կապով իրենց վերադասները։
-Ինչպիսի՞ն են ներկայումս Գերմանիայի հանրության շրջանում տրամադրությունները։ Որքանո՞վ են տեղյակ, թե ինչ է կատարվում Արցախում։
-Կդժվարանամ հստակ պատասխանել տրամադրությունների վերաբերյալ։ Համավարակի շրջանակներում փորձ է արվում լռեցնել այս խնդիրը, բայց միեւնույն ժամանակ պետք է նշեմ, որ պատկան մարմինները տեղյակ են եւ պարբերաբար տեղեկացվում են գործողությունների վերաբերյալ։

Լուսինե ՄԽԻԹԱՐՅԱՆ

24-10-2020





05-12-2020
Փոխհատուցում՝ մատուցվող ծառայությունների դիմաց
Պետությունն աջակցում է տեղահանված ընտանիքներին

Պատերազմից տուժած, մասնավորապես, ...


05-12-2020
Թուրքական զինուժի հատուկ ստորաբաժանումները կարող են սադրանքներ իրականացնել
Ադրբեջանում արդեն տեղակայված են Թուրքիայի զինված ուժերի հատուկ ստորաբաժանումները


05-12-2020
Եվրոպան սեղմում է օղակը Թուրքիայի եւ Ադրբեջանի շուրջ
Եվրոպացիները հոգնել են Անկարայի հետ «մուկ ու կատու» խաղալուց


05-12-2020
Պատմություն եւ ժամանակ
«ՀԱՅԱՍՏԱՆ» պարբերականը 100 տարեկան է

Հայ մամուլի պատմության ...


05-12-2020
«Կյանքն է ղեկավարում աշխարհը, ոչ անձնական ազատ կյանքը»
Վիլյամ Սարոյանի հարուստ գրական ժառանգությունից փորձենք առանձնացնել այն էսսեները, ...


05-12-2020
Քարտեզագրում. սահմանագի՞ծ, թե՞ թռչկոտող «նապաստակ»
Պատերազմը կազմված է չնախատեսված իրադարձություններից:
Նապոլեոն Բոնապարտ

Այո, ...


05-12-2020
«Ես տվի իմ ժողովրդին ոչ թե մեծ բան, այլ մեծապես ցանկացա տալ մի բան…»
«…Եվ մի ձգտում՝ հեռանալ աշխարհից այնպես, որ նա մնա ...



05-12-2020
Մեծ կարեւորություն կունենա ԵԱՏՄ ընդհանուր գազի շուկայի վերաբերյալ միջազգային պայմանագրի ընդունումը
Եվրասիական միջկառավարական խորհրդի հերթական ...

05-12-2020
Ստեփանակերտում կշահագործվի շուրջ 300 բնակարան
Արցախի Հանրապետության նախագահ Արայիկ ...

05-12-2020
Ընդդեմ Արցախի ժողովրդի հանդեպ իրականացված ագրեսիայի
ՀՀ ԱԳՆ մամուլի խոսնակը մեկնաբանել է Ֆրանսիայի ԱԺ ...

05-12-2020
Դիվանագիտությունը կարող է երկիրը դուրս բերել ծանր վիճակից
ՀՀ արտաքին գործերի նախարար Արա Այվազյանը խնդրում է ...
USD
EURO
RUR
GEL
Եղանակը Երևանում
գիշերը +2... +4
ցերեկը +4... +7

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO