Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

25.01.2021
ԱՇԽԱՐՀ


Երկակի ստանդարտների անհաջող կիրառում Թուրքիայի կողմից

Դիվանագիտական գործընթացներից այս երկրի մեկուսացումը պարտադիր է

1974 թվականից Եվրոպան կանգնած է Կիպրոսի հյուսիսային հատվածի խնդրի առաջ: Այդ տարի թուրքական զորքերը ներխուժեցին հունական կղզի եւ պատերազմ հրահրեցին՝ զավթելով կղզու 37 տոկոսը:
Այդ պատերազմում թուրքական կողմի զոհերի թիվը գերազանցել է 800-ը, եւս 2 հազար հոգի համարվեց անհետ կորած: Այստեղ դժվար չէ տեսնել զուգահեռներն Ադրբեջանի գործելաոճի հետ, երբ զոհերը պարտակվում են անհետ կորածների անվան տակ: Այդ պատերազմում հունական եւ կիպրոսյան կողմերի կորուստը 4500-6000 էր։ Մեկ տարի անց՝ 1975 թ., Թուրքիան հասնում է նրան, որ Վիեննայում կնքված համաձայնությամբ 140-160 հազար հույն-կիպրոսցիներ լքում են իրենց բնօրրանը՝ Կիպրոսի հյուսիսային հատվածը, իսկ 60 հազ. թուրք-կիպրոսցիներ հարավից տեղափոխվում են հյուսիս:
Այսօր էլ Կիպրոսի հյուսիսում ագրեսիվ քաղաքականությունը շարունակող Թուրքիան իր գործողությունները հիմնավորում է տեղի թուրքական համայնքի իրավունքների պաշտպանության տեսանկյունից: Կիպրոսում նման քաղաքականությանը զուգահեռ Ադրբեջանում Թուրքիան գրավում է հազարամյակներով իր բնօրրանում ապրող արցախցու տարածքները:
Եվրախորհրդարանը հինգշաբթի բանաձեւ էր ընդունել, որով կոչ էր արվում պատժամիջոցներ կիրառել Թուրքիայի դեմ՝ Կիպրոսի խնդրի վերաբերյալ իր դիրքորոշման պատճառով: Դրան անմիջապես հաջորդեց Թուրքիայի ԱԳ նախարարության պատասխանը. «Մենք առաջարկում ենք Եվրախորհրդարանին եւ ԵՄ-ին ընդունել Կիպրոսի իրողությունները եւ այնտեղ թուրքական համայնքի ներկայությունը, ինչպես նաեւ կատարել Կիպրոսի թուրքերի հանդեպ ԵՄ պարտավորությունները: Թուրքիան կշարունակի վճռականորեն պաշտպանել ինչպես իր, այնպես էլ նրանց իրավունքները»:
Հայտարարությունից պարզվում է, որ Թուրքիան գիտակցում է երկրներում ապրող ժողովուրդների իրավունքները, բայց միայն այն դեպքում, երբ այն իր արյունակիցներին է վերաբերում: Ազգությամբ թուրքի համար նա կարողանում է խոսել միջազգայնորեն ընդունված իրավունքների նորմերից, բայց տրամագծորեն հակառակ գործողություններն է անում Արցախի հարցում՝ իր ողջ ռազմական ներուժը կիրառելով իրավունքի բոլոր նորմերով ինքնորոշված ժողովրդի դեմ: Սա խնդիրների երեւացող կողմն է: Իրականում այդ պետությունը երկու դեպքում էլ առաջնորդվում է նույն քաղաքականությամբ՝ ագրեսիվ ծավալապաշտությամբ, որի շնորհիվ մոնղոլական տափաստաններից հասել եւ արդեն թակում է Եվրոպայի դռները:
Թուրքիան Կիպրոսում պաշտպանում է օսմանյան կայսրության տարիներին այդտեղ վերաբնակեցված թուրքերի շահերը, իսկ Արցախում կռիվ տալիս հազարամյակներով իր հողում ապրողի դեմ: Ավելին՝ անցել է տարածաշրջանի էթնիկ կազմը փոխելու գործընթացին՝ Սիրիայից գրավված տարածքներ ջիհադիստ ծայրահեղականների ընտանիքները տեղափոխելու միջոցով:
Եվ այսօր այս կերպարով Թուրքիան ձգտում է մտնել եվրոպական քաղաքակիրթ երկրների ընտանիք՝ չխուսափելով նաեւ նրանց հետ շանտաժի լեզվով խոսելուց, կամ փորձում է միջնորդ լինել արցախյան խնդրի խաղաղ կարգավորման գործընթացում՝ լինելով պատերազմի լիարժեք կողմ: Ու կրկին ճակատագրի հեգնանքով Թուրքիայի այս դարավոր նենգ գործելաոճի դեմ կանգնած է մեր ժողովուրդը: Կանգնեցինք պատերազմում, վաղը պետք է կանգնենք դիվանագիտության ճակատում՝ թշնամու իրական դեմքը ողջ աշխարհին ցույց տալու համար: Սա է մեր միակ ճանապարհը, ուրիշը Աստված չի տվել:

Արմեն ՎԱՐԴԱՆՅԱՆ

28-11-2020





23-01-2021
Առավել քան զգոն լինենք սննդամթերքի հարցում
Թուրքիայի տխրահռչակ համբավն այս ոլորտում նկատի ունենալով



23-01-2021
Թուրքիայի սանձահարումը բխում է մարդկության շահերից
Այս անգամ ո՞ւմ դեմ են ուղղված ադրբեջանաթուրքական զորավարժությունները



23-01-2021
Օրինագծի ընդունման արդյունքում հիմնադրամի մուտքերը կավելանան
ԱՀ Ազգային ժողովն արտահերթ նստաշրջան էր հրավիրել



23-01-2021
Անկարայի՝ հեռուն գնացող նպատակները
Մինչեւ Օսեթիայի պատերազմը տեղի էր ունեցել Թուրքիայի հետ սահմանը ...


23-01-2021
ՌԴ-ն կհեշտացնի աշխատանքային միգրանտների մուտքը երկիր
Առայժմ խոսքը նրանց մասին է, ովքեր պետք է աշխատեն ...


23-01-2021
Բանաստեղծի ծնունդը կամ Աստծու քարտուղարը
Աստծու հետ անձնական զրույց` բոլորի համար` հանուն բոլորի…



23-01-2021
Առակաց խորհուրդները
«Եւ ահա մի կին նորան դիմաւորեց, պոռնկի ծածկոցով եւ ...



23-01-2021
Վարչապետն ընդունել է Բելառուսի նորանշանակ դեսպանին
ՀՀ վարչապետ Նիկոլ Փաշինյանն ընդունել է Հայաստանում ...

23-01-2021
Արմեն Սարգսյանը շնորհավորական ուղերձ է հղել Ջո Բայդենին
Հայաստանի Հանրապետության նախագահ Արմեն Սարգսյանը ...

23-01-2021
«Պատերազմական հանցագործությունները չպետք է անպատիժ մնան»
Հայաստանը մեծապես կարեւորում է, որ Եվրոպական ...

22-01-2021
Տարին՝ «Անուշ» ներկայացմամբ
Ալ. Սպենդիարյանի անվան օպերայի եւ բալետի ազգային ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO