Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

01.03.2021
ԱՇԽԱՐՀ


Տարածաշրջանում ընթանում են խմորումներ՝ ռազմական ուժի ցուցադրումով

Հակաթուրքական բլոկի երկրների ռազմական բյուջեները մի քանի անգամ գերազանցում են թուրքականին

Մեր տարածաշրջանում եւ դրանից դուրս այսօր ընթանում են ակտիվ աշխարհաքաղաքական գործընթացներ: Ձեւավորվում են տարբեր շահերի եւ ուժերի կենտրոններ, որոնց միջեւ օրեցօր սրվում են հարաբերությունները: Տեղի են ունենում տնտեսական եւ քաղաքական շահերի լուջ բախումներ: Այս ամենի կիզակետում Թուրքիան է՝ իր ծավալապաշտական քաղաքականությամբ: Տարածաշրջանում խմորվող բոլոր գործընթացներում առկա է ռազմական բաղադրիչը: Այլեւս ակնառու է այն փաստը, որ կողմերի երկխոսությունը վարվում է ուժային դիրքերից: Դրանք կամ բացահայտ պատերազմների տեսքով են ընթանում, կամ զորավարժությունների եւ սպառազինության մրցավազքի գործընթացներում սեփական կարողությունները ցուցադրելու միջոցով:
Այս դեպքում տեղին է համեմատել ուրվագծված ռազմաքաղաքական բլոկներում ընդգրկված երկրների ռազմական բյուջեները: Թուրքիայի շուրջ համախմբված պետությունների ռազմական ընդհանուր բյուջեն համալրում են Պակիստանը՝ 10.3 մլրդ ԱՄՆ դոլարով, Քաթարը՝ 5.91 միլիարդով, Մալայզիան՝ 3.87 միլիարդով, Ադրբեջանը՝ 2.5 մլրդ դոլարով: Թուրքիայի ռազմական ծախսերը 20.4 մլրդ են: Ռազմաքաղաքական այս միավորումում ընդգրկված պետությունների պաշտպանական ընդհանուր ծախսերը կազմում են շուրջ 44 մլրդ դոլար: Սրանք այն երկրներն են, որոնք բացահայտ ներգրավված են տարածաշրջանային պրոթուրքական գործողություններում: Թուրքիան ունի նաեւ այլ դաշնակիցներ, որոնք համապատասխան իրավիճակում կարող են բացահայտ աջակցություն ցուցաբերել վերջինիս: Դրանց թվում է, օրինակ, Գերմանիան, որի ռազմական բյուջեն հասնում է 50 մլրդ դոլարի:
Հակաթուրքական կոալիցիայի մեջ մտնում են Ֆրանսիան (53.9 մլրդ դոլար), Սաուդյան Արաբիան (78.4 մլրդ դոլար), ԱՄԷ-ն (26.6 մլրդ դոլար), Եգիպտոսը (11.1 մլրդ դոլար), Հունաստանը (7.46 մլրդ դոլար) եւ Կիպրոսը (0.38 մլրդ դոլար): Այս ալյանսի ընդհանուր ռազմական բյուջեն կազմում է 178 մլրդ ԱՄՆ դոլար: Այստեղ կարող է հայտնվել նաեւ Իտալիան:
Տարածաշրջանի մյուս ռազմական բեւեռի՝ ՀԱՊԿ-ի ռազմական բյուջեն 2019-ի տվյալներով 71 մլրդ դոլար է: Այս բլոկում ամենամեծ բյուջեն ունի ՌԴ-ն, որն այդ ծախսերի համար հատկացնում է 65.1 մլրդ դոլար, Ղազախստանի ռազմական բյուջեն 4 մլրդ է, Բելառուսինը՝ 0.78 մլրդ, Ղրղզստանինը՝ 0.12 մլրդ, Տաջիկստանինը՝ 0.08 մլրդ եւ Հայաստանինը 0.63 մլրդ ԱՄՆ դոլար:
Այստեղ պետք է արձանագրել, որ Ֆրանսիայի բանակի բյուջեն ավելի մեծ է, քան թուրքական բլոկի ողջ ռազմական բյուջեն, իսկ հակաթուրքական ալյանսի ընդհանուր բյուջեն 7.5 անգամ մեծ է Թուրքիայի բլոկի բյուջեից։ Տարածաշրջանից դուրս հակաթուրքական դիրքերից է հանդես գալիս նաեւ Չինաստանը, որի ռազմական բյուջեն հասնում է 130 մլրդ դոլարի:
Մյուս կողմից էլ Թուրքիան մեծ տեմպերով վատացնում է իր հարաբերությունները ԱՄՆ-ի հետ: Վերջինիս ռազմական բյուջեն 2020 թ. հասել է աննախադեպ ծավալի՝ 738 մլրդ դոլարի: Նրա դիրքորոշումը էական է լինելու ռազմական ուժերի այս «շքերթում»՝ առավել եւս, որ վերջինս նաեւ համակարգում է ՆԱՏՕ-ի անդամ երկրների ռազմական քաղաքականությունը: Բացի քանակական ցուցանիշներից, բանակներում առաջնային են նաեւ որակական ցուցանիշները, որոնք, սակայն, ի հայտ են գալիս ռազմական գործողությունների ժամանակ:

Արմեն ՎԱՐԴԱՆՅԱՆ

16-01-2021





27-02-2021
Խթանվում է Հայաստանի հարուստ արեւային էներգիայի օգտագործումը
Նոր արտոնություններ այս ճյուղի արտադրությամբ զբաղվել ցանկացողների համար



27-02-2021
Ամենամեծ խնդիրը հիմա տնտեսական ճգնաժամն է
Դրա պատճառով Սիրիայի 9.3 մլն քաղաքացիներ սննդի պակաս են ...


27-02-2021
Ալիեւը սպառնում է եռակողմ հայտարարության ողջ տրամաբանությանը
Ադրբեջանի նախագահի բացասական ակնարկները Ռուսաստանի ուղղությամբ

Ադրբեջանի նախագահը ...


27-02-2021
Վրաստանը ՆԱՏՕ-ին միանալու հնարավորություն ունի՞
Թբիլիսին չի դադարում ձգտել դեպի Հյուսիսատլանտյան դաշինք

Վրաստանի՝ ...


27-02-2021
Միրիկ գյուղի մոտակա ամրոցները
Սա Հայաստան է, եւ վերջ...
Լեոնիդ Ազգալդյան



27-02-2021
Երբ հայդուկին հորդորում են վեր կենալ գերեզմանից...
Ելի՛ր, Գեւորգ, ելի՛ր, դուշմանը շատ է,
Հայոց ազգի համար ...


27-02-2021
Նրա ֆիլմերը երբեք չեն ծերանում
«Ինչ ծնվում է, պետք է ծնվի մեր հողից, մեր ...



27-02-2021
Հայտնի է երրորդ հանդիպման օրը
Մոսկվայում այսօր տեղի կունենա Հայաստանի ...

27-02-2021
Պուտինը ՌԴ ԱԽ մշտական անդամների հետ քննարկել է Ղարաբաղի հարցը
Ռուսաստանի նախագահ Վլադիմիր Պուտինն օպերատիվ ...

27-02-2021
Մաշտոցյան Մատենադարանում կներկայացվի արցախյան ձեռագրային արվեստը
Մաշտոցյան Մատենադարանում մարտի 3-ին կբացվի ...

27-02-2021
Արոնյանը որոշեց հեռանալ
Գրոսմայստեր Լեւոն Արոնյանը հայտարարել է Հայաստանից ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO