Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

01.03.2021
ԱՇԽԱՐՀ


Շարժում դեպի գազի միասնական շուկա

Պայմանագիրը կարող է պատրաստ լինել այս տարի եւ ստորագրվել 2022 թ.

Եվրասիական տնտեսական միությունում տիրող իրավիճակի վերաբերյալ ամսական տեղեկագիրն ընդգրկում է այնպիսի թեմաներ, ինչպիսիք են պրոտեկցիոնիզմը, կենսաթոշակային բարեփոխումները եւ շարժումը դեպի գազի միասնական շուկա: Միեւնույն ժամանակ ամերիկյան «Eurasianet»-ի հոդվածում նշվում է, որ այդպիսի շուկա ստեղծելու մասին խոսակցությունները կորցնում են խթանը շահավետ երկկողմ գործարքների կնքումից հետո:
Դեկտեմբերի 24-ին ռուսական «Գազպրոմը», ինչպես եւ կանխատեսվում էր, հայտարարեց իր համաձայնության մասին՝ 1000 խմ գազի դիմաց 127 դոլար գնով Բելառուսին գազի մատակարարումները շարունակելու համար: Դա ավելին է, քան կցանկանար Մինսկը, բայց ավելի քիչ է, քան վճարում է ԵԱՏՄ-ի մյուս անդամը՝ Հայաստանը (165 դոլար):
Ղրղզստանը գազը գնում է Ղազախստանի հետ սահմանին՝ 150 դոլարով, սակայն բանակցություններ է վարում սակագնի իջեցման վերաբերյալ: Ղրղզստանի վարչապետի ժամանակավոր պաշտոնակատար Արտեմ Նովիկովի խոսքերով՝ իջեցված գները երկրին կթույլատրեն Բիշքեկի ՋԷԿ-ում ածուխից անցնել էկոլոգիապես մաքուր գազի:
Միեւնույն ժամանակ Միխայիլ Մյասնիկովիչը՝ Եվրասիական տնտեսական հանձնաժողովի՝ ԵԱՏՄ-ի մշտական կարգավորիչ մարմնի նախագահը, անցած ամիս հայտարարել է, որ գազի միասնական շուկայի վերաբերյալ պայմանագիրը կարող է պատրաստ լինել այս տարի եւ ստորագրվել 2022 թ.:
«Մենք հույսեր ունեինք, որ, հնարավոր է, այն կստանանք դեռ 2020 թ. վերջին, բայց, հավանաբար, նախագիծը կունենանք 2021 թ. սկզբին»,- ասել է նա՝ հաստատելով պլանը, որ ընդհանուր գազային շուկան կգործարկվի 2025 թ. հունվարի 1-ից:
Զուգահեռ երկկողմ գործարքներին միտված բանակցություններ վարելով՝ Բելառուսը, սակայն, շարունակում է հաստատել, որ հավատարիմ է ԵԱՏՄ-ի շրջանակներում ինտեգրացիային:
Ելույթ ունենալով դեկտեմբերի 19-ին՝ այն բանից հետո, երբ Մինսկն ստանձնեց ԱՊՀ-ի նախագահությունը, Բելառուսի արտգործնախարար Վլադիմիր Մակեյը հայտարարել է, որ ինչպես ԱՊՀ-ում, այնպես էլ ԵԱՏՄ-ում հետագա ինտեգրման խթանումը կլինի 2021 թ. առաջնահերթությունը:
Բելառուսի փոխվարչապետ Իգոր Պետրիշենկոն այդ թեմային վերադարձել է հունվարի 4-ին` նշելով, որ իր երկիրը կփորձի ապահովել, որ մինչեւ 2025 թ. ԵԱՏՄ-ն դառնա լիարժեք տնտեսական միություն` ապահովելով ապրանքների, ծառայությունների, կապիտալի եւ աշխատուժի տեղաշարժի ազատություն:
Դատելով ամեն ինչից՝ Մինսկն անհրաժեշտություն է զգում հաստատել իր դիրքորոշումն այս հարցում: Ռուսաստանի նախագահ Վլադիմիր Պուտինն իր բելառուս գործընկերոջ՝ Ալեքսանդր Լուկաշենկոյի Ամանորի շնորհավորանքում չի զլացել նշել, որ այս տարի հարկ է ակտիվացնել ինտեգրացիան ոչ միայն ԵԱՏՄ-ի եւ ԱՊՀ-ի, այլեւ ռազմական դաշինքի՝ Հավաքական անվտանգության պայմանագրի կազմակերպության շրջանակներում:
ԱՊՀ-ի եւ ԵԱՏՄ-ի օրակարգերի միաձուլումը չափազանց զարմանալի է թվում, քանի որ ԱՊՀ-ն ավելի լայն կազմ ունի եւ ներառում է այնպիսի երկրներ, ինչպիսիք են Ադրբեջանը, Մոլդովան, Տաջիկստանը, Ուզբեկստանը եւ նույնիսկ Թուրքմենստանը, որն ասոցացված անդամի կարգավիճակ ունի:
Վերը նշված ցուցակից ԵԱՏՄ-ն շատ կցանկանար իր շարքերում ներգրավել 33 մլն բնակիչ ունեցող Ուզբեկստանին: Անցյալ ամիս այս դաշինքում ստանալով դիտորդի կարգավիճակ՝ Տաշքենդը ոչ մեծ քայլ կատարեց լիիրավ անդամակցության ուղղությամբ:
Ուզբեկստանի նախագահ Շավքաթ Միրզիյոեւն ասել է` 2021 թ. «մենք պետք է արագացնենք աշխատանքը՝ ԵԱՏՄ պահանջներին համապատասխան տեխնիկական կարգավորման ստանդարտներ ներդնելու համար»: Դեկտեմբերի 29-ին Ուզբեկստանի խորհրդարանի համատեղ նիստում արտասանած նույն ելույթում Ուզբեկստանի ղեկավարը նշել է, որ այս տարի երկիրը կակտիվացնի նաեւ աշխատանքը Առեւտրի համաշխարհային կազմակերպությանը անդամակցելու եւ Եվրամիության հետ փոխգործակցության խորացման ուղղությամբ:
ԵԱՏՄ-ում կցանկանային, որ անդամներն ավելի հաճախ միասնական ճակատով բանակցություններ վարեն մյուս գործընկերների հետ: Նման ամենակարեւոր գործընկերներից մեկը Հնդկաստանն է:
Միխայիլ Չերեկաեւը՝ Եվրասիական տնտեսական հանձնաժողովի առտրային քաղաքականության դեպարտամենտի փոխտնօրենը, ասել է, որ առաջիկա 6 ամսում բանակցություններ կվարվեն Դելիի հետ Հնդկաստանի ու ԵԱՏՄ-ի միջեւ ազատ առեւտրի գոտու ստեղծման մասին: Նրանց միջեւ առեւտրային շրջանառությունը 2020 թ. առաջին երեք եռամսյակում հասել է 9 մլրդ դոլարի, սակայն ԵԱՏՄ-ում կարծում են, որ աճի ներուժ կա:
Ի թիվս այլ բաների, ԵԱՏՄ-ն նաեւ պաշտպանական կառույց է: Բայց, չնայած հետխորհրդային շատ երկրներում հակաարեւմտյան հռետորաբանությանը, դաշինքի համար ամենամեծ սպառնալիքը ներկայացնում է Չինաստանը:
Միեւնույն ժամանակ բլոկը կենտրոնացած է դիմացկուն պողպատից պատրաստված անխափան խողովակների վրա, որոնք օգտագործվում են նավթի եւ գազի հորատանցքերի հորատման եւ շահագործման մեջ: Դեկտեմբերին Եվրասիական տնտեսական հանձնաժողովը հայտարարեց, որ ներքին շուկայի պաշտպանության իր վարչությունը կերկարաձգի ԵԱՏՄ տարածք ներմուծված խողովակների հակադեմպինգային հետաքննությունը մինչեւ 2021 թ. փետրվարի 23-ը: Նոյեմբերին նույն գերատեսչությունը եզրակացրեց, որ խողովակների չինական խոշոր արտադրողների վրա պետք է մաքս դրվի՝ 14,6 տոկոս «Foshan Vinmay Stainless Steel»-ի եւ 17,3 տոկոս «Guangdong Sumwin New Material Group» եւ մյուս ընկերությունների վրա՝ 5 տարի ժամկետով:
Այսպիսի հովանավորությունը նորմ է ամբողջ աշխարհում: ԵԱՏՄ-ի կողմից սահմանված սակագները մոտավորապես համեմատելի են ԱՄՆ-ի եւ ԵՄ-ի կողմից ներդրված սակագների հետ, որպեսզի պաշտպանեն պողպատի իրենց շուկաները Չինաստանի դեմպինգից:
ԵԱՏՄ-ին հաջողվեց այս ամիս նախաձեռնել ինտեգրման մեկ խոշոր նախաձեռնություն. հունվարի 12-ին ուժի մեջ մտավ ԵԱՏՄ երկրներում աշխատողների կենսաթոշակների մասին համաձայնագիրը: Համաձայն այս փաստաթղթի՝ օտարերկրյա աշխատողը, ով աշխատել եւ հարկեր է վճարել դաշինքի անդամ այլ երկրում, այժմ իրավունք կստանա կենսաթոշակ ստանալ այդ երկրում՝ անկախ այնտեղ մնալուց կամ իր երկիր վերադառնալուց: Հաշվի առնելով ԵԱՏՄ-ում աշխատանքային միգրացիայի մասշտաբները, հատկապես՝ Ռուսաստանի ուղղությամբ, սա մեծ օգնություն կլինի նրանց համար, ովքեր տարիներ շարունակ աշխատում են այլ պետությունում:

Պատրաստեց Իշխան ՔԻՇՄԻՐՅԱՆԸ

20-01-2021





27-02-2021
Խթանվում է Հայաստանի հարուստ արեւային էներգիայի օգտագործումը
Նոր արտոնություններ այս ճյուղի արտադրությամբ զբաղվել ցանկացողների համար



27-02-2021
Ամենամեծ խնդիրը հիմա տնտեսական ճգնաժամն է
Դրա պատճառով Սիրիայի 9.3 մլն քաղաքացիներ սննդի պակաս են ...


27-02-2021
Ալիեւը սպառնում է եռակողմ հայտարարության ողջ տրամաբանությանը
Ադրբեջանի նախագահի բացասական ակնարկները Ռուսաստանի ուղղությամբ

Ադրբեջանի նախագահը ...


27-02-2021
Վրաստանը ՆԱՏՕ-ին միանալու հնարավորություն ունի՞
Թբիլիսին չի դադարում ձգտել դեպի Հյուսիսատլանտյան դաշինք

Վրաստանի՝ ...


27-02-2021
Միրիկ գյուղի մոտակա ամրոցները
Սա Հայաստան է, եւ վերջ...
Լեոնիդ Ազգալդյան



27-02-2021
Երբ հայդուկին հորդորում են վեր կենալ գերեզմանից...
Ելի՛ր, Գեւորգ, ելի՛ր, դուշմանը շատ է,
Հայոց ազգի համար ...


27-02-2021
Նրա ֆիլմերը երբեք չեն ծերանում
«Ինչ ծնվում է, պետք է ծնվի մեր հողից, մեր ...



27-02-2021
Հայտնի է երրորդ հանդիպման օրը
Մոսկվայում այսօր տեղի կունենա Հայաստանի ...

27-02-2021
Պուտինը ՌԴ ԱԽ մշտական անդամների հետ քննարկել է Ղարաբաղի հարցը
Ռուսաստանի նախագահ Վլադիմիր Պուտինն օպերատիվ ...

27-02-2021
Մաշտոցյան Մատենադարանում կներկայացվի արցախյան ձեռագրային արվեստը
Մաշտոցյան Մատենադարանում մարտի 3-ին կբացվի ...

27-02-2021
Արոնյանը որոշեց հեռանալ
Գրոսմայստեր Լեւոն Արոնյանը հայտարարել է Հայաստանից ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO