Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.03.2021
ՀԱՍԱՐԱԿՈՒԹՅՈՒՆ


Հայկական հաղթանակների խորհրդանիշ Շուշին կվերածվի պանթուրքիզմի որջի՞

Այստեղ «Գորշ գայլերի» դպրոցի հիմնումն ուղղված է արցախյան հիմնահարցի խաղաղ կարգավորման դեմ

Թուրքիան ոչ միայն երկարաժամկետ առումով ապահովել է իր ռազմական ներկայությունն Ադրբեջանում, այլեւ պարզվում է, որ լրջորեն տրամադրված է զբաղվելու ադրբեջանական հասարակության դաստիարակությամբ: Թուրքիայում աջակողմյան ուժերը ներկայացնող եւ «Գորշ գայլերի» քաղաքական թեւը համարվող «Ազգայնական շարժում» կուսակցության նախագահ Դեւլեթ Բահչելին հայտարարել է, որ բռնազավթած Շուշիում կառուցվելու է ազգայնական դպրոց։
Այս հայտարարությունը մեկ անգամ եւս փաստում է, որ արցախյան պատերազմի ելքը մեծապես որոշած Թուրքիան պլանավորում է այդ տարածքները բնակեցնել Սիրիայի թուրքմեններով եւ այն վերածել իր ռազմական հենակետի: Վերջինս հարմար պլատֆորմ է Հայաստանի եւ, անհրաժեշտության դեպքում, նաեւ Իրանի ու Ռուսաստանի դեմ գործողությունների համար:
Սակայն Թուրքիան ցանկանում է ամբողջովին իր ազդեցության տակ վերցնել Ադրբեջանը եւ նախատեսում է այդ նպատակով զբաղվել նաեւ ադրբեջանական հասարակության դաստիարակությամբ: Գաղտնիք չէ, որ բազմազգ եւ ընդամենը 100 տարվա կյանք ունեցող Ադրբեջանի հասարակությունը չունի ընդհանուր գաղափարախոսություն: Վերջին 30 տարիներին այդ պետության ժողովրդին դաստիրարակում էին հակահայկական քարոզչությամբ եւ Արցախը վերադարձնելու տեսլականով: Ներկայում ստացվում է, որ ադրբեջանցի ժողովրդի ձեւավորման գործն իր ձեռքն է վերցնում Թուրքիան: Իսկ վերջինիս հարկավոր է նեոօսմանյան գաղափարախոսության համար պատերազմելու եւ շեհիդ դառնալու պատրաստ ադրբեջանցի, ինչպես Սիրիայում գրաված տարածքների թուրքմենները, որոնց Էրդողանն այսօր օգտագործում է տարբեր պատերազմներում:
Սա է հիմնական նպատակը, որ որոշել են Շուշիում՝ հայ ժողովրդի նորագույն պատմության հաղթանակների խորհրդանիշ քաղաքում, հիմնել թուրքական ազգայնական դպրոց: Նույնիսկ բուն Թուրքիայում, ժողովրդավարության կեղծ շղարշ ապահովելու համար, այս ազգայնական շարժման տարածումը չի խթանվում, եւ այդ իրողության պայմաններում 9-ամյա դպրոց է բացվում Շուշիում: Թուրքիայի այս ագրեսիվ պահվածքը ուղղված է նաեւ քաղաքակիրթ Եվրոպայի դեմ, որտեղ արգելվում է «Գորշ գայլեր» կազմակերպության գործունեությունը: Մասնավորապես, նման սահմանափակող գործողությունների են դիմել Ֆրանսիան եւ Գերմանիան, որտեղ հատկապես շատ են այդ ծայրահեղական շարժման հետեւորդները:
Մյուս կողմից էլ այդ քայլն ուղղված է Արցախյան հիմնահարցի խաղաղ կարգավորման գործընթացի դեմ: Վերջինիս շրջանակներում նախատեսված է փախստականների վերադարձ իրենց բնակության վայրեր, եւ այս դեպքում դժվար է պատկերացնել Շուշիի հայկական բնակչության վերադարձն ու խաղաղ գոյակցությունը մի քաղաքում, որտեղ ազգայնական, նաեւ հակահայկական ոգով սերունդ է դաստիարակվում:
Այս ամենը փաստում է, որ չնայած հնչող հայտարարություններին՝ Թուրքիան չի նախապատրաստվում տարածաշրջանի ժողովուրդների խաղաղ գոյակցությանը:

Արմեն ՎԱՐԴԱՆՅԱՆ

28-01-2021





05-03-2021
ԱՄՆ-ը որոշել է չվիճել Թուրքիայի հետ
Բայդենի վարչակազմը մտադիր է շարունակել համագործակցությունն Էրդողանի հետ



05-03-2021
Մասնավորեցվում է «Ընդերքաբանի Աղբյուրակի տեղամասը»
100 տոկոս պետական սեփականության բաժնեմասը կվաճառվի աճուրդով

«Ընդերքաբանի ...


05-03-2021
Իտալացի ժողովուրդը կանգնած է արցախցու կողքին
Իտալիայում համայնքային մակարդակով շարունակում են ճանաչել Արցախի անկախությունը



05-03-2021
Կբացի՞, արդյոք, ՆԱՏՕ-ն իր դռները Ուկրաինայի ու Վրաստանի առջեւ
Թուրք-ադրբեջանական ուսումնական վարժանքներ, այս անգամ` Սպարտայում

ՆԱՏՕ-ի գլխավոր ...


05-03-2021
Համանախագահ երկրների դեսպանատների մոտ
Արցախի Հադրութի շրջանն ամբողջությամբ մնացել է ադրբեջանական տիրապետության տակ, ...


05-03-2021
Ձախորդ օրերի հանճարեղ երգիչը
«…Անհետ չկորչեի մահիցս հետո»

Այսպիսին են մեծերը՝ ինչ ...


05-03-2021
«Աճեցէք եւ շատացէք, եւ լցրէք երկիրը, եւ տիրեցէք նորան...»
Աստծո արարածներից՝ Ադամից եւ Եվայից, անցնենք մեր՝ սովորական ընտանիքներին: ...



05-03-2021
Կարող ենք հարցը լուծված համարել
Եթե խորհրդարանական ուժերը կայացնեն արտահերթ ...

05-03-2021
Եռաբլուրում կստեղծվի հուշահամալիր
«Եռաբլուր» զինվորական պանթեոնում կստեղծվի ...

05-03-2021
Օպտիմալ ձեւաչափը՝ «Բոլորը՝ բոլորի դիմաց»
Գերիների փոխանակման օպտիմալ ձեւաչափը հնչում է ...

05-03-2021
Սենատորի կոչը
ԱՄՆ Սենատի Արտաքին հարաբերությունների ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO