|
Նոր բնակավայր՝ տեղահանված ընտանիքների համար 
Արցախում մեկնարկել է բնակարանաշինության եւս մեկ ծրագիր
Ադրբեջանի իշխանությունների կողմից Արցախի դեմ սանձազերծված պատերազմի պատճառով մշտական բնակավայրերից տեղահանված ընտանիքների բնակարանային խնդիրը շարունակում է առաջնահերթ մնալ ԱՀ կառավարության նախանշած ծրագրերում: Հաշվի առնելով երկրում ստեղծված բարդ իրավիճակը, քայլեր են ձեռնարկվում լարվածությունը մեղմելու, անապաստան մարդկանց պահանջմունքները բավարարելու ուղղությամբ:
Եթե քաղաքաբնակների (մասնավորապես՝ հադրութցիների) համար նախատեսվում է Ստեփանակերտում կառուցվող բազմաբնակարան շենքերից կամ «ֆիննական տնակներից» բնակարաններ հատկացնել, ապա գյուղաբնակների պարագայում խնդիրը բոլորովին այլ է: Բնակարանաշինության ծրագիրը քննարկելու ժամանակ անպայմանորեն հաշվի են առնվում գյուղական համայնքներից բռնի տեղահանվածների առաջարկությունները: Այդ «համատեքստում» է հենց ծնունդ առել Ասկերանի շրջանի մի շարք հարթավայրային տարածքներում նոր բնակավայրեր հիմնելու գաղափարը, որին երկրի իշխանություններն ըմբռնումով են մոտեցել եւ տվել իրենց համաձայնությունը:
Երկու-երեք սենյականոց, երկհարկանի շուրջ 150 առանձնատուն է ընդգրկելու Աստղաշեն-Պատարա գյուղերի միջեւ ընկած հարթ տարածքում (մայրուղու հարեւանությամբ) մեկնարկած շինծրագիրը, որի համաձայն՝ նորակառույց բնակավայրը տրամադրվելու է Ասկերանի շրջանի Ջրաղացներ, Մոշխմա, Մադաթաշեն եւ Սղնախ գյուղերի անապաստան ընտանիքներին: Քաղաքաշինության նախարար Արամ Սարգսյանի խոսքով՝ նոր բնակատեղին զբաղեցնում է մոտ 650 հազար քառ. մետր հողատարածք: Այն կունենա ժամանակակից բոլոր ենթակառուցվածքները, կկառուցվեն հասարակական շինություններ, համայնքապետարան, դպրոց եւ մանկապարտեզ, փոքրիկ շուկա՝ հաշվի առնելով բնակավայրը մայրուղուն մոտ լինելու հանգամանքը: Նա նշեց նաեւ, որ յուրաքանչյուր ընտանիքի 1500 քառ. մետր տնամերձ հողամաս կհատկացվի, որպեսզի «մարդիկ բերրի հողի վրա նոր այգի եւ բանջարանոց հիմնադրեն», մանավանդ որ խմելու եւ ոռոգման ջրի խնդիր նրանք չեն ունենալու:
Արդեն մեկ շաբաթ է, ինչ հողի հարթեցման աշխատանքներ են ընթանում, եւ համապատասխան շինանյութեր են տեղափոխվում տեղանք: Էկոնոմիկայի եւ տարածքային կառավարման նախարար Հայկ Խանումյանի հավաստմամբ՝ շուտով վիճակահանություն կարվի, եւ մարդիկ կկատարեն իրենց ընտրությունը: Մինչեւ տարեվերջ կշահագործվեն առաջին նորակառույց տները, իսկ ծրագիրն ամբողջովին ավարտին կհասցվի 2022 թվականին:
«Կապավոր» շինարարական ընկերության պատասխանատուները վստահեցնում են, որ նոր բնակավայրի կառուցման գործընթացը եղանակային պայմանները բարելավվելուն պես արագ թափ կստանա, եւ շինաշխատանքներին կներգրավվեն նաեւ շահառու ընտանիքների անդամները, ովքեր զբաղմունք կունենան սեփական տանիքները կառուցելու ժամանակ եւ, բնականաբար, աշխատավարձ կստանան:
Հավելենք, որ նոր ծնունդ առնող բնակավայրը բավականաչափ մոտ է Ստեփանակերտին, եւ մայրաքաղաք հասնելու համար ընդամենը 20 րոպե ժամանակ կպահանջվի: Եվս մեկ ուշագրավ մտահղացման մասին են իրազեկում նախագծի հեղինակները. նորաբնակների խնդրանքով թաղամասերը կկոչվեն՝ Ջրաղացներ, Մոշխմա, Մադաթաշեն եւ Սղնախ, որպեսզի երբեք չխամրեն իրենց ծննդավայրերի վերաբերյալ մարդկանց մշտապես ուղեկցող հիշողությունները…
Դ. ՄԻՔԱՅԵԼՅԱՆ
Ստեփանակերտ 20-02-2021
|
Նոր բնակավայր՝ տեղահանված ընտանիքների համար Արցախում մեկնարկել է բնակարանաշինության եւս մեկ ծրագիր
Ադրբեջանի իշխանությունների կողմից Արցախի դեմ սանձազերծված պատերազմի պատճառով մշտական բնակավայրերից տեղահանված ընտանիքների բնակարանային խնդիրը շարունակում է առաջնահերթ մնալ ԱՀ կառավարության նախանշած ծրագրերում: Հաշվի առնելով երկրում ստեղծված բարդ իրավիճակը, քայլեր են ձեռնարկվում լարվածությունը մեղմելու, անապաստան մարդկանց պահանջմունքները բավարարելու ուղղությամբ:
Եթե քաղաքաբնակների (մասնավորապես՝ հադրութցիների) համար նախատեսվում է Ստեփանակերտում կառուցվող բազմաբնակարան շենքերից կամ «ֆիննական տնակներից» բնակարաններ հատկացնել, ապա գյուղաբնակների պարագայում խնդիրը բոլորովին այլ է: Բնակարանաշինության ծրագիրը քննարկելու ժամանակ անպայմանորեն հաշվի են առնվում գյուղական համայնքներից բռնի տեղահանվածների առաջարկությունները: Այդ «համատեքստում» է հենց ծնունդ առել Ասկերանի շրջանի մի շարք հարթավայրային տարածքներում նոր բնակավայրեր հիմնելու գաղափարը, որին երկրի իշխանություններն ըմբռնումով են մոտեցել եւ տվել իրենց համաձայնությունը:
Երկու-երեք սենյականոց, երկհարկանի շուրջ 150 առանձնատուն է ընդգրկելու Աստղաշեն-Պատարա գյուղերի միջեւ ընկած հարթ տարածքում (մայրուղու հարեւանությամբ) մեկնարկած շինծրագիրը, որի համաձայն՝ նորակառույց բնակավայրը տրամադրվելու է Ասկերանի շրջանի Ջրաղացներ, Մոշխմա, Մադաթաշեն եւ Սղնախ գյուղերի անապաստան ընտանիքներին: Քաղաքաշինության նախարար Արամ Սարգսյանի խոսքով՝ նոր բնակատեղին զբաղեցնում է մոտ 650 հազար քառ. մետր հողատարածք: Այն կունենա ժամանակակից բոլոր ենթակառուցվածքները, կկառուցվեն հասարակական շինություններ, համայնքապետարան, դպրոց եւ մանկապարտեզ, փոքրիկ շուկա՝ հաշվի առնելով բնակավայրը մայրուղուն մոտ լինելու հանգամանքը: Նա նշեց նաեւ, որ յուրաքանչյուր ընտանիքի 1500 քառ. մետր տնամերձ հողամաս կհատկացվի, որպեսզի «մարդիկ բերրի հողի վրա նոր այգի եւ բանջարանոց հիմնադրեն», մանավանդ որ խմելու եւ ոռոգման ջրի խնդիր նրանք չեն ունենալու:
Արդեն մեկ շաբաթ է, ինչ հողի հարթեցման աշխատանքներ են ընթանում, եւ համապատասխան շինանյութեր են տեղափոխվում տեղանք: Էկոնոմիկայի եւ տարածքային կառավարման նախարար Հայկ Խանումյանի հավաստմամբ՝ շուտով վիճակահանություն կարվի, եւ մարդիկ կկատարեն իրենց ընտրությունը: Մինչեւ տարեվերջ կշահագործվեն առաջին նորակառույց տները, իսկ ծրագիրն ամբողջովին ավարտին կհասցվի 2022 թվականին:
«Կապավոր» շինարարական ընկերության պատասխանատուները վստահեցնում են, որ նոր բնակավայրի կառուցման գործընթացը եղանակային պայմանները բարելավվելուն պես արագ թափ կստանա, եւ շինաշխատանքներին կներգրավվեն նաեւ շահառու ընտանիքների անդամները, ովքեր զբաղմունք կունենան սեփական տանիքները կառուցելու ժամանակ եւ, բնականաբար, աշխատավարձ կստանան:
Հավելենք, որ նոր ծնունդ առնող բնակավայրը բավականաչափ մոտ է Ստեփանակերտին, եւ մայրաքաղաք հասնելու համար ընդամենը 20 րոպե ժամանակ կպահանջվի: Եվս մեկ ուշագրավ մտահղացման մասին են իրազեկում նախագծի հեղինակները. նորաբնակների խնդրանքով թաղամասերը կկոչվեն՝ Ջրաղացներ, Մոշխմա, Մադաթաշեն եւ Սղնախ, որպեսզի երբեք չխամրեն իրենց ծննդավայրերի վերաբերյալ մարդկանց մշտապես ուղեկցող հիշողությունները…
Դ. ՄԻՔԱՅԵԼՅԱՆ
Ստեփանակերտ 20-02-2021
փակել >>
|
