Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.09.2019
ՊՆ


Ֆլեշմոբն արեցին ու փախան

ԱԱԽ քարտուղարը պատմում է Զաքիր Հասանովի «հերոսության» մասին

Ադրբեջանը լավ կանի չհոխորտա, մեր զինուժը պատրաստ է իր առաջադրանքները հավուր պատշաճի իրականացնելու։ Երեկ կրկին ու կրկին այս փաստն արձանագրվեց ԱԱԽ քարտուղար Արմեն Գրիգորյանի հետ կառավարության նիստից հետո լրագրողների ճեպազրույցում։
Լրագրողներն անդրադարձան ադրբեջանական վերջին ակտիվացումներին, երբ անգամ Շուշին գրավելու մասին ֆլեշմոբերով էին հանդես գալիս։ Ի պատասխան Ազգային անվտանգության խորհրդի քարտուղարը հայտարարեց. «Ինչ վերաբերում է Ադրբեջանում արվող հայտարարություններին, կարող եմ ասել՝ մեր զինված ուժերը պատրաստ են եւ կկարողանան կատարել իրենց առջեւ դրված բոլոր առաջադրանքները»։
ԱԱԽՔ—ն ավելին ասաց ադրբեջանական «հերոսությունների» մասին. «Ֆլեշմոբերի եւ այլնի մասով իրենց պաշտպանության նախարարը հայտարարել էր, որ ՀՀ պաշտպանության նախարարին կդիմավորի Երեւանում եւ կամ այլ տեղ։ Իրականում նա (Զաքիր Հասանովը) այս վերջերս առաջնագիծ գալով՝ փախուստի էր դիմել մեր զինվորների կողմից վերահսկվելուց հետո։ Այնպես որ, նրանց ֆելշմոբերը ազդեցություն չեն ունենա»։

Հայ-ռուսական հարթակում խնդիր չկա

Լրագրողները ԱԱԽՔ-ին խնդրեցին պարզաբանել նաեւ այն լուրերը, որ ՌԴ կողմից ինքն ընդունված չէ։ Հնչեց հետեւյալ պատասխանը. «Հայ-ռուսական հարաբերություններում ես որեւէ խնդիր չեմ տեսնում։ Իմ մակարդակում ակտիվ աշխատում եմ, ես իմ գործընկերոջ հետ ակտիվ կապերի մեջ եմ։ Իմ գործընկերոջ հետ ունեցել ենք արդեն 3 հանդիպում, շուտով՝ հունիսի 18-ին կունենանք հանդիպում ՌԴ—ում, հետո կլինի Պատրուշեւի (ՌԴ անվտանգության խորհրդի քարտուղար) այցը Հայաստան, դա բանակցությունների փուլում է»։
Հետո շեշտեց. «Այս առումով որեւէ խնդիր չկա, ավելի շատ մամուլում շահարկվող գործընթաց է՝ իրականության հետ որեւէ կապ չունեցող»։
Գործընկերներիցս մեկը դիտարկեց, որ Արմեն Գրիգորյանը նախկինում հակառուսական ակցիաներ է արել, պաստառներ պահել։ Արմեն Գրիգորյանն էլ թե՝ ինքն այդ հարցերին վաղուց պատասխանել է, եւ հիմա էլ թեման կրկին շահարկելու փորձ է արվում։ «Եթե դուք կբերեք ու ցույց կտաք պաստառներ, որտեղ ես հակապուտինյան ակցիաներ եմ արել, այդ ժամանակ կշարունակենք խոսակցությունը»,– դիմեց նա դիտարկումը հնչեցրած լրագրողին։

21-րդ դարում արտաքին ու ներքին չկա

Լրագրողներս ցանկացանք իմանալ Արմեն Գրիգորյանի կարծիքը վարչապետի այն ասածի հետ կապված, թե Հայաստանի դեմ դավադրություն է պատրաստվում։ «Վարչապետը հնարավորինս դրա մասին խոսել է։ Իրականում նման մտահոգություններ մենք ունենք, բայց դրա մասին բաց խոսելը որոշակի սահմանափակումներ ունի։ Այն, ինչ հնարավոր է եղել, բաց խոսվել է։ Մնացածի մասին, եթե անհրաժեշտություն լինի, մանրամասն կխոսվի»,–նշեց նա։
Իսկ դավադրությունը արտաքի՞ն ուժերի կողմից է, թե՞ ներքին։ ԱԱԽՔ—ի պատասխանը հետեւյալն էր. «21—րդ դարում դավադրության ներքինն ու արտաքինը տարանջատելը մի քիչ դժվար է, որովհետեւ դրանք որոշակի չափով փոխկապակցված են։ Շատ հաճախ ներքին գործընթացներն արտաքին ազդեցություն են ունենում, այդ պատճառով այս մասին մանրամասն խոսելու անհրաժեշտություն չկա այս պահին, ինչ կարողացել ենք, ասել ենք»։
Բանախոսն անդրադարձավ նաեւ վարչապետի՝ ԱԺ—ում քննիչ հանձնաժողով ստեղծելու՝ ապրիլյան պատերազմի բոլոր հանգամանքները քննելու հարցին։ Արմեն Գրիգորյանի խոսքերով՝ մինչեւ 2016թ. ապրիլը Հայաստանում կարծիք կար, որ գոնե անվտանգության հարցում մենք մեծ խնդիրներ չունենք։ Բայց, դարձյալ ըստ Ա. Գրիգորյանի, ապրիլյան պատերազմը ցույց տվեց, որ մենք ունենք այդպիսի խնդիր, «եւ այդ խնդիրները լուրջ են»։ Իսկ հանձնաժողովի հետաքննությունը հնարավորություն կտա բարձրացնել այն բոլոր խնդիրները, որոնք եղել են ապրիլյան պատերազմի ընթացքում։ Հնարավորություն կտա լուծում տալու այդ խնդիրներին, այնպես անել, որ հետագայում չհայտնվենք այդ իրավիճակում։ «Դա պաշտպանողական եւ անվտանգության համակարգերի արդյունավետությունը բարձրացնելու նպատակ ունի, որպեսզի ունենանք առավել լավ անվտանգության համակարգ»,—հավելեց նա։

«Հեղափոխությունը մտել է 3-րդ փուլ»

Որպես ԱԱԽ քարտուղար՝ ինչպե՞ս է վերաբերում վարչապետի՝ դատարանների ելքերն ու մուտքերը արգելափակելու կոչին, եւ ի՞նչ հետեւանքներ դա կունենա Հայաստանի վրա։
«Միջազգային արձագանքները հիմնականում դրական են եղել,–ասաց Ա. Գրիգորյանը,–Հայաստանում դեռ անցած տարի մայիսին սկսված հեղափոխությունը, կարելի է ասել, մտել է երրորդ փուլ։ Առաջին փուլում գործադիր իշխանությունում հեղափոխություն տեղի ունեցավ, երկրորդ փուլում՝ օրենսդիր մարմնում։ Կարելի է ասել, որ փորձը ցույց է տալիս՝ երրորդ փուլի անհրաժեշտություն կա՝ դատական համակարգում հեղափոխություն անցկացնելու։ Կարծում եմ՝ ակցիան ծառայել է իր նպատակին, եւ ավելի ակտիվ խոսակցություններ են սկսվել՝ այս ոլորտում բարեփոխումներ կատարելու։ Ստացել ենք միջազգային հանրության կողմից աջակցության մեսիջներ։ Համոզված եմ, որ շուտով մենք կունենանք բարեփոխումներ այս ոլորտում»։
Բայց ոչ մի դատավոր դեռ հրաժարական չի տվել, ինչպե՞ս է ակցիան հաջողված գնահատում։ Դիտարկմանն ի պատասխան ԱԱԽՔ—ն եզրափակեց. «Հաջողությունը չի գնահատվում դատավորների հրաժարականով»։
Արմենուհի ՄԵԼՔՈՆՅԱՆ

24-05-2019





21-09-2019
Ինքնիշխան պետության ձեռքբերումներն ու մարտահրավերները
Ինչ է սովորեցնում մեզ անկախության արդեն 28 տարվա ...


21-09-2019
Անկախության բանաձեւը
Ո՞րն է պետություն կառուցելու մեր տեսլականը

Լուսինե ՄԽԻԹԱՐՅԱՆ
l.mkhitaryan@hhpress.am


1988-90 ...


 
21-09-2019
IPSE DIXIT
Ամբոխի հոգեբանության ուսումնասիրությունը ցանկալի է դիտվում գործնական առումով, բայց ...


21-09-2019
Տղամարդկանց հագուստ
Սմոքինգ
Բարձրաշխարհիկ պաշտոնական միջոցառումների ժամանակ (օրինակ՝ երեկոյան ընդունելությունների) նախընտրությունը ...


21-09-2019
Պատմության նոր էջ
Ժամանակին Մոսկվայում մի հայ ուսանողի քննությանը հարցրել էին. «Ի՞նչն ...


21-09-2019
Անկախության խորհուրդը պետության համար
Եվ անկախության՝ քաղաքացու ընկալումը

Յուրաքանչյուր դպրոցական գիտի, թե ...


21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե միաձայն քվեով

Թամարա ՄՈՒՐԱԴՅԱՆ
t.muradyan@hhpress.am


«Անկախության ...



21-09-2019
Տնտեսական հեղափոխության ընկալումներն ու իրագործումը
Որքանով է այն պահանջված, եւ որոնք են դրա ...

21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե ...

21-09-2019
Իմ թանձրացական անկախությունը
Այն ինձ համար եթերային երազանք ...

21-09-2019
Անկախության սպորտը. անմոռանալի ապրումների պահեր
Հայաստանի անկախության 28 տարիներին ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO