Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.10.2019
ԶԱՆԱԶԱՆ


Մարմնամարզիկները պատրաստ են արդարացնելու սպասելիքները

Սպորտային մարմնամարզության աշխարհի առաջնության մեկնարկից ուղիղ երեք շաբաթ առաջ ստուգատեսին պատրաստվող հայ մարզիկներն անցկացնում են ամփոփիչ հավաքը։ Վերջին հղկումները, ինչպեսեւ եվրոպական ստուգատեսից առաջ, կատարվում են Թբիլիսիում, որի մարզահանգրվանի պայմանները հնարավորություն են ընձեռում հղկելու այն բարդ վարժությունները, որոնք մեր եռյակը պատրաստվում է ներկայացնել հոկտեմբերի 4—13—ը գերմանական Շտուտգարտում։
Պատասխանատու գործընթացը սովորականի պես հսկում եւ ուղղորդում են տղամարդկանց ազգային հավաքականի գլխավոր մարզիչ Հակոբ Սերոբյանը եւ նրա օգնական Սոս Սարգսյանը։ «Այստեղ մեզ զգում ենք ինչպես տանը, քանզի ստեղծված են բոլոր պայմանները արդյունավետ մարզվելու համար։ Մարզաբազայի անձնակազմն էլ շատ լավ է տրամադրված մեր նկատմամբ եւ որեւէ խնդիր չի ծագում։ Բացի այդ, Թբիլիսիի մարզադահլիճում մարզասարքերը տեղադրված են մրցահարթակի վրա, ինչը տղաներին հնարավորություն է տալիս մրցակցայինին մոտ պայմաններում։ Շատ կարեւոր է, որ մարզվելիս մարմնամարզիկները ճիշտ ընկալեն տարածությունը, որպեսզի հետո կարողանան համապատասխան վարժությունները հստակորեն վերարտադրել մրցումների ժամանակ։ Ի դեպ, հնարավոր է այս տարվա մեր լավ ելույթները պայմանավորված են նաեւ այդ գործոնով»,–նշեց Հ. Սերոբյանը։
Հարկ է նշել, որ երկշաբաթյա հավաքին առաջին անգամ ընդգրկված են նաեւ մեր երկրի երիտասարդական ու աղջիկների հավաքականների անդամները։ Դա հնարավոր է դարձել ՀԱՕԿ—ի աջակցության եւ մարզաձեւի հանրապետական ֆեդերացիայի խնայած միջոցների շնորհիվ։ Բանն այն է, որ Գերմանիան ստանձնել է համաշխարհային ստուգատեսի մասնակիցների ծախսերի մի մասը, եւ դա մեր ֆեդերացիային հնարավորություն է տվել լրացուցիչ գումար ուղղել նման ընդգրկուն հավաքի կազմակերպմանը։ Գլխավոր մարզիչը գտնում է, որ համատեղ հավաքը՝ այն էլ նման պայմաններում կխթանի երիտասարդ մարզիկ—մարզուհիների ոգեւորությունը եւ կնպաստի նրանց հետագա աճին։
Աշխարհի առաջնությունում Հայաստանը ներկայացնելու են Արթուր Դավթյանը, Հարություն Մերդինյանը, Արթուր Թովմասյանը, իսկ կանանց պայքարում՝ Անահիտ Ասադուրյանը, որն իրեն աջակցող Հուռի Գեբեշյանի հետ թիմին միանալու է ԱՄՆ—ից։ Հավաքականի գլխավոր մարզիչը գտնում է, որ իդեալական տարբերակում բոլորն էլ օլիմպիական ուղեգրեր նվաճելու հնարավորություն ունեն, սակայն ավելի լավ ծանոթ լինելով տղաների պատրաստականությանը՝ մեր զրուցակիցն ընդգծեց. «Ես, իհարկե, զերծ կմնամ Անահիտի շանսերը գնահատելուց, քանզի չեմ մասնակցել նրա նախապատրաստությանը։ Իսկ տղաների մասին կարող եմ ասել, որ երկու Արթուրները եւ Հարությունը բազմիցս ապացուցել են իրենց վարպետությունը համապատասխանաբար հենացատկերում, օղակների եւ նժույգթափի վրա վարժություններում։ Այդ առումով բացահայտում արած չեմ լինի, եթե ասեմ, որ երեքից էլ հիմնավոր սպասելիքներ ունեմ։ Բոլորն էլ ի վիճակի են անցնելու իրենց վարժությունների եզրափակիչ փուլ, քանի որ պատրաստ են դրան։ Չեմ ասում, որ հենց այդպես էլ կլինի, որովհետեւ, ինքներդ էլ գիտեք, թե որքան անկանխատեսելի է սպորտը եւ հատկապես մարմնամարզությունը։ Թեպետ, իհարկե ամենաերջանիկ մարդը կլինեմ, եթե մեր սպասելիքները լիարժեք արդարանան»։
Ինքը՝ Հակոբ Սերոբյանը առաջնությանը մասնակցելու է մրցավարի կարգավիճակով եւ առարկայորեն է գնահատելու սաների ելույթները։ Բայց այնտեղ՝ Շտուտգարտում նա այլեւս իրավասու չի լինելու միջամտել նրանց մարզումներին։ Վերջին նախապատրաստությունը կատարելու է արդեն նրա օգնականը։ Իսկ գլխավոր մարզիչը խոստովանում է, որ անչափ դժվար է կողքից հետեւել այդ ամենին եւ տղաների ելույթների ժամանակ զսպվածություն պահպանել։ «Պատկերացրեք, որ հաջողության դեպքում բոլորը գրկախառնվում, շնորհավորում են միմյանց ու արտահայտում իրենց հույզերը կամ հակառակը՝ ձախողման դեպքում ինչ—որ կերպ դուրս են ցայտում կուտակվածը, իսկ դու ստիպված ես ներքուստ վերապրել այդ ամենը, քանզի մրցավարը պետք է անաչառ ու չեզոք լինի։ Չեմ թաքցնում՝ դժվարին պահեր են։ Պատահում է, որ ինքնամոռաց ուզում ես ցատկել եւ դրսեւորել էմոցիաներդ, սակայն լռելայն համակերպվում ես իրականությանը»,–մանրամասնում է նա եւ հավաստիացնում, որ աշխարհի առաջնությանը մեր մարզիկները կներկայանան պահանջվող մարզավիճակում։
Մնում է միայն, որ անսխալ եւ առանց սայթաքումների դրսեւորեն իրենց ունակությունները, որովհետեւ հակառակը վտանգելու է արդեն տարիների քրտնաջան ու ծանր աշխատանքը եւ օլիմպիական հույսերը։

Հրայր ՆԱԶԱՐՅԱՆ

14-09-2019





19-10-2019
Հայաստանն ընտրվել է ՄԱԿ-ի մարդու իրավունքների խորհրդի անդամ
Ի՞նչ անելիք ունենք այդ կարգավիճակում

Թամարա ՄՈՒՐԱԴՅԱՆ
t.muradyan@hhpress.am


Մեր ...


19-10-2019
Լրագրողական կրթության խոստումնալից ընթացքը
Նշվեց ԵՊՀ ժուռնալիստիկայի ֆակուլտետի 20-ամյակը

Լուսինե ՄԽԻԹԱՐՅԱՆ
l.mkhitaryan@hhpress.am


ԵՊՀ գիտական ...


 
19-10-2019
ԱՌՁԵՌՆ ԱՌԱԾԱՆԻ
«Աղբը քանի իրար տաս՝ հոտը կելնե»

Իմաստուն խորհուրդ ...


19-10-2019
Նոր ու ժամանակակից գրապահարաններ թանգարան-ինստիտուտին
Հայ բարեգործի շնորհիվ Հայոց ցեղասպանության պատմությունը ամփոփող գրականությունն ...


19-10-2019
Չկենտրոնացնել, չկուտակել ամեն ինչ մեկ վայրում եւ մեկ ձեռքում
Էրեբունի-Երեւանի տոնակատարությունների կազմակերպման տրամաբանությունը փոխվել է

Լիանա ՍԱՐԳՍՅԱՆ
l.sargsyan@hhpress.am


Դժվարին ...


19-10-2019
Զգացմունքների մաքրությունը...
Օրերս ՀԲԸՄ համերգասրահում ՀՀ կրթության, գիտության, մշակույթի եւ սպորտի ...


19-10-2019
Լրագրողական կրթության խոստումնալից ընթացքը
Նշվեց ԵՊՀ ժուռնալիստիկայի ֆակուլտետի 20-ամյակը

Լուսինե ՄԽԻԹԱՐՅԱՆ
l.mkhitaryan@hhpress.am


ԵՊՀ գիտական ...



19-10-2019
Գյումրիի թանգարաններն էլ կոտրեցին կարծրատիպերը
Շիրազի հուշատուն-թանգարանը՝ որպես ...

19-10-2019
«Կուզենայի, որ երեւանցիներն ավելի շատ զբաղվեն սպորտով»
«Էրեբունի-Երեւան» տոնից ավանդաբար անմասն չեն ...

19-10-2019
Երջանկության բանաձեւը
Հայը, hայերենն ու Հայաստանը անխզելի միասնություն ...

19-10-2019
Այն, ինչ անվերահսկելի է, միշտ վտանգավոր է
Թուրքիան տոնայնությունը փոխելով՝ ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO