Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

29.02.2020
ՏՆՏԵՍՈՒԹՅՈՒՆ


Ձիթապտուղ կարտահանենք ԵԱՏՄ եւ երրորդ երկրներ

Ընկերությունը հարկային արտոնություն ստացավ

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությունը երեկվա նիստում ներդրումային ծրագրի շրջանակներում հարկային արտոնություն տրամադրեց «Նիկոլա ինթերնեյշնլ, Արմենիա» ՍՊԸ-ին։ Իսկ եթե ավելի որոշակի, ապա ներմուծման մաքսատուրքից ազատեց ընկերության կողմից ներմուծված (ներմուծվող) տեխնոլոգիական սարքավորումները, հումքը, նյութերը։
Ի դեպ, էկոնոմիկայի փոխնախարար Ավագ Ավանեսյանը նկատեց, որ այս ընկերությունն արդեն օգտվում էր նման արտոնությունից, այժմ փոփոխություն է կատարվում նախկինում ընդունված որոշման մեջ։ Ըստ այդմ, առաջարկվում է ապրանքների արժեքն ավելացնել 1,6 մլրդ դրամով, որի արդյունքում ներդրումային ծավալը կազմելու է 3,3 մլրդ դրամ։ Այլ կերպ՝ հետեւյալ լրացումներն ու փոփոխությունը կատարվեցին։ Թուրքիայից, Իրանից եւ Չինաստանից բերվելու են 20 մլն հատ սննդամթերքի պահածոյացման սեւ մետաղյա տարաներ (լաքապատ՝ տպագրված եւ չտպագրված, մետաղական կափարիչներով եւ առանց կափարիչների, 1 լիտրից ոչ ավելի տարողությամբ)՝ 1 մլրդ 330 մլն դրամ արժողությամբ։ Նաեւ՝ 206 հազար կգ կափարիչներ՝ սեւ մետաղյա, պտուտակավոր եւ ոչ պտուտակավոր, լաքապատ, սննդային, դարձյալ նույն երկրներից եւ 302 մլն դրամ արժողությամբ։
«Նիկոլա ինթերնեյշնլ, Արմենիան» գործում է 2002—ից, առաջին արտոնությունը ստացել է 2019 թ. մարտի 14—ին։
Ընկերությունն առաջին փուլով ներմուծել է հումք՝ ձիթապտղի վերամշակման եւ արտադրության համար, որոնց համար նախատեսված գումարը կազմել է շուրջ 1,7 մլրդ դրամ։ Հիմա էլ, ինչպես ասացինք, անհրաժեշտություն է առաջացել երկրորդ փուլով ներմուծել մոտ 1,6 մլրդ դրամի ապրանքների լրացուցիչ խմբաքանակ։ Ընկերության տրամադրած տեղեկատվության համաձայն՝ ներդրումային ծրագրի շրջանակում ընկերությունում ստեղծվել է 15 նոր աշխատատեղ եւ իրականացվել 25 մլն դրամի կապիտալ ներդրում։
Էկոնոմիկայի նախարարության կարծիքով՝ այս արտոնությունը լուրջ խթան կդառնա նոր ներդրումային ծրագրերի իրականացման եւ, որպես հետեւանք, նոր աշխատատեղերի ստեղծման, ներդրումների ներգրավման, տեղական արտադրության եւ արտահանման համար։
Ավագ Ավանեսյանը նշեց, որ մաքսատուրքի արտոնությունը կազմելու է 431,5 մլն դրամ, որից բյուջե մուտք չի լինելու 5,2 մլն դրամ։ Ընկերության արտադրանքի արտահանման հիմնական շուկան լինելու են ԵԱՏՄ երկրները, սակայն նա փորձելու է նաեւ արտահանել երրորդ երկրներ։
Երբ հարցի քննարկումն ավարտվեց, տարածքային կառավարման եւ ենթակառուցվածքների նախարար Սուրեն Պապիկյանը հարցրեց. ձիթապտուղը հայկակա՞ն ծագման է, թե՞ ներկրված։ Պատասխանը երկրորդն էր։
«Հայաստանում ձիթապտուղ աճեցնելու փորձեր արդեն կան, բայց դեռեւս չեմ կարծում, որ արդյունաբերական ծավալների կարող ենք աճեցնել,–արձագանքեց վարչապետ Նիկոլ Փաշինյանը,–թեեւ եղանակը եթե այս տեմպերով փոխվի, մյուս տարվա վերջին երեւի կսկսենք ՀՀ—ում ձիթապտուղ աճեցնել։ Կիվի արդեն աճեցնում են, եւ բավականին լուրջ ծավալներով»։

17-01-2020





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO