Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

31.03.2020
ԱԶԳԱՅԻՆ ԺՈՂՈՎ


ՀՀ 2018թ. պետական բյուջեի կատարողականը

ՀՀ ԱԺ մշտական հանձնաժողովներում սկսվել են տարեկան հաշվետվության քննարկումները

ՀՀ Ազգային ժողովի մշտական հանձնաժողովների համատեղ նիստում երեկ մեկնարկել են «ՀՀ 2018թ. պետական բյուջեի կատարման մասին» տարեկան հաշվետվության քննարկումները, որին ներկա են եղել ՀՀ վարչապետ Նիկոլ Փաշինյանը, ՀՀ ԱԺ փոխնախագահներ Լենա Նազարյանը, Ալեն Սիմոնյանը, ՀՀ ԱԺ պատգամավորներ, ՀՀ կառավարության անդամներ, հայտնում են ՀՀ ԱԺ լրատվության եւ հանրության հետ կապերի վարչությունից։
Պետական բյուջեի կատարողականի վերաբերյալ ելույթ է ունեցել ՀՀ վարչապետ Նիկոլ Փաշինյանը։
Հաշվետվության հիմնական մակրոտնտեսական ցուցանիշները, բյուջետային եկամուտների ձեւավորումը, հարկային եւ մաքսային քաղաքականությունը, ծախսերը, պակասուրդը եւ ֆինանսների նախարարության հաշվետվությունը ներկայացրել է ՀՀ ֆինանսների նախարար Ատոմ Ջանջուղազյանը։
Հաշվետվության համաձայն՝ 2018 թվականին տեղի ունեցած քաղաքական փոփոխությունները կարող էին հանգեցնել տնտեսական աճի էական դանդաղման եւ մակրոտնտեսական անկայունության։ Սակայն առաջացած ռիսկերը հնարավոր է եղել հաղթահարել եւ խելամիտ մակրոտնտեսական քաղաքականության արդյունքում ապահովել մակրոտնտեսական կայունություն, գրանցել 5.2 տոկոս տնտեսական աճ։ 2018 թվականին պետական բուջեի պակասուրդը կազմել է ՀՆԱ—ի 1.8 տոկոսը՝ նախորդ տարվա համեմատ նվազելով 3.0 տոկոսային կետով։
2018 թվականին եկամուտների փաստացի ցուցանիշը կազմել է շուրջ 1,342.3 մլրդ դրամ, կատարողականը եղել է 98.3 տոկոս։
Ատոմ Ջանջուղազյանի տեղեկացմամբ՝ 2018 թվականի հունվարի 1—ից ուժի մեջ է մտել ՀՀ հարկային օրենսգիրքը, որի համաձայն հարկ վճարողների հարկային պարտավորությունների հաշվառման նպատակով կիրառվում է հարկերի միասնական հաշիվ։ Քանի որ պետական բյուջեի հաշվառումն իրականացվում է դրամարկղային սկզբունքով, նախորդ տարիներին պետական բյուջեի մուտքեր (եկամուտներ) էին համարվում առանձին հարկատեսակների գծով եկամուտները հաշվառող գանձապետական հաշիվներին հարկ վճարողների կողմից կատարված վճարումները։ Վերոնշյալ համակարգի ներդրման արդյունքում՝ 2018 թվականից պետական բյուջեի եկամուտներ են համարվում հարկային հաշվետվություններով հիմնավորված հարկային պարտավորությունների չափով հարկերի միասնական հաշվից եկամտատեսակների գանձապետական ենթահաշիվներին ուղղորդվող գումարները։
Հաշվետու ժամանակահատվածում ընթացիկ ծախսերը կազմել են 1,447 մլրդ դրամ, որոնց տարեկան ծրագիրը կատարվել է 94.7 տոկոսով։
2018 թ. գրանցված իրական ՀՆԱ—ի 5.2 տոկոս աճին դրական են նպաստել ծառայությունների (4.7 տոկոսային կետ), արդյունաբերության (0.7 տոկոսային կետ) եւ շինարարության (0.1 տոկոսային կետ) ճյուղերը։
Հաշվետվության վերաբերյալ ՀՀ կենտրոնական բանկի եզրակացությունը եւ ԿԲ 2018թ. վարչական ծախսերի ու կապիտալ ներդրումների կատարման հաշվետվությունը ներկայացրել է կառույցի նախագահ Արթուր Ջավադյանը։ Նա նշել է, որ 2018 թվականի պակասուրդի ու ստվերային տնտեսության կրճատումը եւ ծախսային քաղաքականության բարեփոխումները դրական են արտահայտվել պարտքի եւ մակրոտնտեսական կայունության ապահովման, ինչպես նաեւ տնտեսական միջավայրի բարելավման ու կայուն տնտեսական աճի հիմքերի ապահովման համար։ ԿԲ նախագահի խոսքով՝ կայուն տնտեսական աճի համար նաեւ շատ կարեւոր է ապահովել տնտեսությանն անհրաժեշտ արդյունավետ պետական կապիտալ ներդրումներ՝ բնականաբար պահպանելով հարկաբյուջետային կանոններով ամրագրված պետական պարտքի կայունություն։
Հաշվետվության վերաբերյալ ՀՀ հաշվեքննիչ պալատի եզրակացությունը ներկայացրել է պալատի նախագահ Լեւոն Յոլյանը՝ մասնավորապես նշելով, որ տարեկան հաշվետվությունում եկամուտներին, ծախսերին եւ դեֆիցիտին ամրագրված ցուցանիշները համապատասխանում են «ՀՀ 2018 թվականի պետական բյուջեի մասին» ՀՀ օրենքով սահմանված դրույթներին եւ արտացոլում են պետական բյուջեի փաստացի կատարողականը։ Բարձրաձայնելով Հաշվեքննիչ պալատի եզրակացությամբ ներկայացված առաջարկները եւ նկատառումները՝ նա տեղեկացրել է, որ կառույցը փաստաթղթի վերաբերյալ տվել է դրական եզրակացություն։
Զեկուցողները պատասխանել են նաեւ պատգամավորներին հետաքրքրող հարցադրումներին։

06-06-2019





31-03-2020
Արցախն այսօր նախագահ եւ խորհրդարան է ընտրում
Դիտարկումներ նախընտրական բանավեճի առիթով

Այսօր՝ մարտի 31-ին, Արցախում ...


31-03-2020
Հայկականը համաշխարհային գանձի բաղկացուցիչն է
Այն ոչ միայն մշակութային ժառանգություն է, այլեւ հզոր ...


31-03-2020
Հայտարարվեցին օլիմպիական խաղերի նոր ժամկետները
Ամառային օլիմպիական խաղերը կմեկնարկեն 2021 թ. հուլիսի 23-ին, իսկ ...


31-03-2020
Կարող են փոխանակել Պոգբային եւ Ռեմսիին
Անգլիական «Մանչեսթեր Յունայթեդ» եւ իտալական «Յուվենթուս» ակումբներն այս ամառ ...


31-03-2020
Ատլետիկայի աշխարհի առաջնությունը կկայանա 2 տարուց ոչ շուտ
Օլիմպիական խաղերի անցկացման նոր ժամկետների հրապարակումից հետո Համաշխարհային ատլետիկական ...


31-03-2020
Արվեստագետները խիստ լավատես են
ՀՀ ԳԱԱ արվեստի ինստիտուտը՝ արտակարգ դրության պայմաններում

Հանրապետությունում ...


31-03-2020
Բուժքույրեր՝ գթության քույրեր
Պատանեկությանս տարիներին, երբ գեղարվեստական գրքեր էի կարդում, հատկապես՝ ...



31-03-2020
Ապագան ՏՏ ոլորտինն է
Ըստ կանխատեսումների, այս ուղղությունն ...

31-03-2020
Ապրելով հոգու, մտքի եւ ֆիզիկական դրսեւորումների ներդաշնակության մեջ
Շռայլ նվիրումի, հավատարմության ու ...

31-03-2020
Հերթապահությունը շարունակվում է
Արցախում նոր տիպի կորոնավիրուսային ...

31-03-2020
ԱՄՆ-ն Իրաքում իրանամետ ուժերի դեմ ռազմական գործողություններ կիրականացնի՞
Իրաքը Միջին Արեւելքի այն երկրներից է, ...
USD
EURO
RUR
GEL
Եղանակը Երևանում
գիշերը +3... +5
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO