Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.12.2019
ԿՐԹՈՒԹՅՈՒՆ


Մագիստրատուրան՝ բակալավրիատի կրկնությո՞ւն

Հին խնդրի արդիական կարգավորումները

Թամարա ՄՈՒՐԱԴՅԱՆ
t.muradyan@hhpress.am


Մագիստրոսական կրթական ծրագիրը ինչ-որ չափով բակալավրիատի ծրագրի կրկնությունն է։ Սա նորություն չէ, եւ այդ մասին արդեն տեւական ժամանակ է՝ խոսվում է։ Բայց խնդրի կարգավորման ուղղությամբ որոշակի քայլեր արդեն արվել են։
«Կրկնության խնդիրը կա։ Մենք բուհերին հորդորել ենք վերանայել մագիստրոսական կրթական ծրագրերը եւ կրկնություններից հնարավորինս զերծ մնալ»,–«ՀՀ»-ի հետ զրույցում ընդգծեց ՀՀ ԿԳՄՍՆ բարձրագույն եւ հետբուհական մասնագիտական կրթության վարչության մասնագիտական քաղաքականության մշակման բաժնի պետ Էդգար Ալեքսանյանը։
Մասնագիտական կրթության կազմակերպման եւ վերահսկողության բաժնի պետ Սասունիկ Մելիքյանն էլ նկատեց, որ երկաստիճան կրթությանն անցում կատարելու առաջին տարիներին զուտ մեխանիկական կիսում է կատարվել։ Եվ շուրջ մեկ տասնամյակ մագիստրոսական ծրագիրը լուրջ թերթություններ է ունեցել։ Բայց հիմա բուհերը սկսել են այնպիսի ծրագրեր ներառել, որոնք բակալավրում չկան։ «Մագիստրոսական ծրագրի նպատակը ուսանողի  հետազոտական բաղադրիչը զարգացնելն է։ Իսկ դա արվում է ավելի նեղ մասնագիտական կրթական ծրագրերով եւ առարկաներով»,–նշեց Մելիքյանը՝ ավելացնելով, որ մագիստրոսական ծրագրերի զարգացումն ու վերանայումը շատ արդիական են դառնում բուհերի կողմից։ Ասում է՝ շատ բուհեր որակյալ մագիստրոսական ծրագրեր են ստեղծում։
Իսկ պայմանավորված դեպքերով, երբ բակալավրում սովորում են, օրինակ, բանասիրություն, իսկ մագիստրատուրայում՝ ենթադրենք, ծրագրավորում, Սասունիկ Մելիքյանն ասում է. «Կտրուկ անցումները չեն խրախուսվում»։ Նրա խոսքերով՝ կարգավորվող մասնագիտություններ կան, որոնց դեպքում չի կարելի այդպես անել։ Ասում է՝ մանկավարժական կրթության դեպքում եւս այդ քայլին պետք չէ դիմել, որովհետեւ երկու տարվա մագիստրոսական ծրագիրը լիարժեք մանկավարժ չի կարող պատրաստել. «Դասավանդման մեթոդիկաներ չեն անցնում, պրակտիկան լիարժեք չի իրականացվում, մինչդեռ պրակտիկան շատ կարեւոր է»։
Մագիստրոսական կրթության տեւողության մասով էլ Մելիքյանը նշում է, որ բուհերն իրենք պետք է այդ հարցերը կարգավորեն։ Նրա խոսքերով՝ հատկապես այն մասնագիտությունների պարագայում, որոնք կատարողական հմտություններն են զարգացնում՝ թատրոն, կինո եւ այլն, գուցե կարելի է նախատեսել մեկ տարվա կրթություն։ «Նպատակները տարբեր են՝ հետազոտական ծրագիրը մի ուղղություն է, կատարողական հմտությունների զարգացումը՝ մեկ այլ։ Կարող են եւ վերանայել այս սխեմաները»,–նկատեց նախարարության մասնագիտական կրթության կազմակերպման եւ վերահսկողության բաժնի պետը՝ անդրադառնալով նաեւ կրթության մատուցման մեթոդներին։ Հնացած դասախոսությունների խնդիրը դեռեւս կա։ Բայց նոր սերունդն արդեն նոր մոտեցումներ ունի, ուստի մեթոդները պետք է փոխվեն։ Ասում է՝ ավելի շատ ինտերակտիվ դասերին պետք է ուշադրություն դարձվի։ Գերատեսչության ներկայացուցիչը կարեւորում է երկխոսությունը ուսանողի հետ։ Պակաս նշանակություն չունեն նաեւ օնլայն եղանակով դասախոսությունները, որպեսզի ուսանողը նախապես ծանոթանա նյութին, հետո նոր գնա դասի։
Զրույցն ամփոփելով՝ Մելիքյանը նշում է. «Բարձրագույն կրթության ոլորտում եւ հատկապես մագիստրատուրայում դրան ենք գնում»։

12-11-2019





05-12-2019
Ֆինանսական համահարթեցման նոր բանաձեւն ամբողջությամբ կգործի 2022-ից
Առաջարկվում է ներդնել ծնելիությունը խթանող լրացուցիչ գործակից

Լուսինե ՄԽԻԹԱՐՅԱՆ
l.mkhitaryan@hhpress.am




05-12-2019
Օպերային թատրոնը 60 տարի է՝ «լռում էր» սկանդալային սպանության մասին
Այսօր, վերջապես, Ջ. Վերդիի հայտնի օպերան կներկայացվի հայ ...


05-12-2019
«Արմենպրես»-101
Կարեւորագույն օղակներից մեկը

Թարգմանությունների բաժին

«Արմենպրեսի» կարեւորագույն օղակներից մեկը ...


05-12-2019
Թուրքական գումարներն են դրդել Գրեհեմին
Թուրքիայում գտնվելու ընթացքում Էրդողանը սենատոր Գրեհեմին հրավիրել է ...


05-12-2019
«Այս տարի թեթեւ ենք նշելու»
Միֆ՝ Ամանորը տոնելու մասին

Թամարա ՄՈՒՐԱԴՅԱՆ
t.muradyan@hhpress.am


Աչք թարթելու արագությամբ ...


05-12-2019
Արցախը մայր հայրենիքին կապող կյանքի ճանապարհը
Քաշաթաղի շրջանի կազմավորումից անցել է 26 տարի

Սա ...



05-12-2019
Ո՞ր ուղղություններն են «մերժել» դիմորդները
Պահանջված ու չպահանջված ...

05-12-2019
Ինչո՞ւ էին Պաստեռնակի մահվան մեջ մեղադրում Կապուտիկյանին
Ավելին՝ քարկոծում բանաստեղծուհուն ...

05-12-2019
Շոտլանդականը՝ հաջորդ հզոր անկախական շարժումը Եվրոպայում
Անկախության ձգտող երկրամասերը ելք ունեն ...

05-12-2019
Մեր գեղասահորդները հետաքրքիր մրցաշրջան են խոստանում
Հայկական սպորտին ձմեռային երանգներ են հաղորդում ոչ ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO