Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.04.2020
ՆԵՐՔԻՆ ԿՅԱՆՔ


Ռեժիմի խախտման համար՝ վարչական ու քրեական պատասխանատվություն

Իսկ ՔԿՀ–ներում տեսակցություններն արգելված են

Ոստիկանության պետի տեղակալ Հայկ Մհրյանն ու արդարադատության նախարարության հակակոռուպցիոն եւ քրեակատարողական քաղաքականության մշակման վարչության պետ Արփինե Սարգսյանը երեկ անդրադարձան երկրի տարածքում անձանց տեղաշարժի սահմանափակումներին եւ սահմանափակումների կանոնները խախտելու դեպքերում վարչական պատասխանատվությանը։
«Որպես լրագրող տարբեր ժամերի ուզում եմ քաղաքի տարբեր մասերում այս օրերին քաղաքացիների վարքագծի դիտարկում անել։ Եվ, կարգի համաձայն, ամեն անգամ պետք է տեղաշարժի թերթիկ լրացնեմ։ Չե՞ք կարծում, որ ոստիկանների, բժիշկների օրինակով լրագրողներին էլ պետք է բացառություն տրվեր։ Ի վերջո, նույն ձեր այդքան մատնանշած միջազգային ընդհանրական փորձը վկայում է, որ լրագրողների գործողությունները չեն սահմանափակվում ոչ մի արտակարգ վիճակում». «ՀՀ»–ի հարցին ի պատասխան Հայկ Մհրյանը համառոտեց. «Լրագրողների պարագայում մենք կսահմանափակվենք բեյջի առկայությամբ։ Եթե նա բեյջ ունի, մենք կարող ենք աջակցել նրան, օգնել»։
Ոստիկանությունը քաղաքացիներին խնդրում է պահպանել պարետի ցուցումները։ Ոստիկանությունը նաեւ երեկվանից միջոցներ է ձեռնարկել այդ պահանջներն իրագործելու համար։ Ամբողջ ուժերն ուղղել է այդ պահանջների կատարմանը։ Առավոտյան մարզերից դեպի Երեւան ճանապարհներին հսկող ոստիկաններ չկային, այդ դեպքում ինչպե՞ս են վերահսկում մարդկանց տեղաշարժը։ Հարցին ի պատասխան Հ. Մհրյանն ասաց, թե ոստիկաններն իրենց ուժերի սահմաններում Հայաստանի ամբողջ տարածքում իրականացնում են ծառայություն, փորձում են, որքան հնարավոր է, ամբողջական փակել շղթաները, որպեսզի կարողանան ապահովել որոշումների պահանջները։
Մինչ այս պահը (երեկ ժամը 13։00—ի դրությամբ) եղե՞լ են պարետի որոշումը չկատարող քաղաքացիներ, եթե այո, ապա ի՞նչ պատասխանատվության են ենթարկվել նրանք։ Պարզվեց՝ երեկ դեռ մինչեւ 16։00—ն այսպես ասած ժամանակ է եղել. հրահանգ է իջեցվել բացատրական աշխատանքների միջոցով պրոցեսը կարգավորել։ Եվ միայն դրանից հետո ոստիկանությունը կանցներ օրենքով սահմանված կարգով իրենց գործողություններին։ Բայց արդեն 92 հոգու մինչ այդ պահը (դարձյալ ժամը 13։00—ի դրությամբ) դուրս են հրավիրել մեքենաներից որպես երրորդ անձ, 2 ընդհանուր օգտագործման տրանսպորտային միջոցի նկատմամբ կիրառվել է միջոց։ «Ոստիկանությունը պարեկային ծառայության ու հաղորդագրությունների միջոցով հորդորում է քաղաքացիներին պահպանել պարետի ցուցումները, քաղաքացիներից պահանջում է պահպանել այն կարգը, որը սահմանել է պարետը։ Պահանջներն ունեն բացառություններ, որոնք սահմանված են պարետի ցուցմամբ։ Մեր ուժերն այժմ ամբողջովին ուղղված են այդ պահանջների կատարմանը, հուսով եմ՝ կկարողանանք ապահովել դրանք»,–նշեց փոխոստիկանապետը։
ԱՆ հակակոռուպցիոն եւ քրեակատարողական քաղաքականության մշակման վարչության պետը, խոսելով սահմանափակումների քրեական եւ վարչական պատասխանատվությունից, ասաց, որ նախարարության կողմից մշակվել եւ արդեն մարտի 23—ից ԱԺ—ի կողմից ընդունվել են վարչական իրավախախտումների վերաբերյալ ՀՀ օրենսգրքում փոփոխություններ եւ լրացում կատարելու մասին ՀՀ օրենքը եւ քրեական օրենսգրքում լրացումներ կատարելու մասին ՀՀ օրենքը։
Ըստ այդմ, վարչական պատասխանատվության են ենթարկվելու լրատվական գործունեություն իրականացնողները, որոնք չեն պահպանել արտակարգ իրավիճակի հիմքով հայտարարված արտակարգ դրության ժամանակ տեղեկատվության տարածման կանոնները։ Որպես պատասխանատվություն նախատեսվել է տուգանք՝ նվազագույն աշխատավարձի 100—300—ապատիկի չափով։ Եթե դրանից հետո լրատվամիջոցները չհեռացնեն տեղեկատվությունը, ապա տուգանք կկիրառվի նվազագույն աշխատավարձի 500—1000—ապատիկի չափով։
Վարչական պատասխանատվություն է նախատեսվել նաեւ ազատ տեղաշարժվելու իրավունքի սահմանափակման, ինքնամեկուսացման կամ մեկուսացման կանոնները խախտելու համար։ Մեկուսացման կամ ինքնամեկուսացման ռեժիմի խախտման համար սահմանվում է տուգանք՝ նվազագույն աշխատավարձի 100—250—ապատիկի չափով։ Այլ անձանց վարակելու, առողջությանը վնաս կամ մահ հասցնելու դեպքում քրեական պատասխանատվություն է նախատեսված։
ԱՆ ներկայացուցիչը վստահեցրեց՝ քրեակատարողական հիմնարկներում կորոնավիրուսի հետ կապված իրավիճակը վերահսկվում է։ Հաշվի առնելով համակարգի առանձնահատկությունները՝ մտցվել են սահմանափակումներ, արգելված են տեսակցությունները եւ հանձնուկները։ Առողջապահության նախարարության հետ համատեղ անցկացվում են կանխարգելիչ միջոցառումներ, վարչական շենքերի եւ բնակելի գոտու մշակում, գնվել են էլեկտրոնային ջերմաչափեր։ Չափում են բոլոր ելումուտ անողների ջերմությունը։ Ի դեպ, թեստեր են անցկացվել, արդյունքները բացասական էին։ Դրականի դեպքում կմեկուսացնեն եւ, ինչպես մյուսներին, կբուժեն։
Հավելենք, որ երեկ ժամը 15։00—ի դրությամբ արդեն ոստիկանները հսկողություն էին իրականացնում քաղաքացիների տեղաշարժը վերահսկելու ուղղությամբ։ Նրանք քաղաքացիներին իրազեկում էին պարետի՝ անձանց տեղաշարժը սահմանափակող որոշման դրույթները՝ հորդորելով պահպանել կարգը։
Արմենուհի ՄԵԼՔՈՆՅԱՆ
a.melqonyan@hhpress.am

26-03-2020





02-04-2020
Արցախում ապրիլի 14-ին կանցկացվի նախագահի ընտրության երկրորդ փուլ
ԱՀ համապետական ընտրությունները՝ դիտորդների գնահատմամբ

Նախօրեին մինչեւ ...


02-04-2020
Հաճընցին էլի նույն մարտիկն է՝ պատրաստ կյանքը դնելու հայրենիքի զոհասեղանին
Հաճընի ութամսյա հերոսամարտի 100-ամյակի առթիվ

1920 թ. մարտի ...


02-04-2020
Խրիմյան Հայրիկի սոցիալ-փիլիսոփայական դիտարկումները
4. «Ինքնաշխատ յառաջադիմութիւն»

Մարդոյն կոչումն եւ գործ
շատ մեծ է ...


02-04-2020
Օրվա զարկերակ
Սարդարապատի ճակատամարտից մինչեւ... կորոնավիրուս

Ապրիլյան քառօրյայի ժամանակ հարյուրավոր ...


02-04-2020
Ֆինանսական աջակցություն են ստանում վերջին մեկ տարում Հայաստանում գործող տնտեսավարողները
Առաջնայնություն է տրվում արտադրության միջոցների եւ պարենի ներմուծմանը



02-04-2020
Աշխարհավարակի սոցիա–տնտեսական սանիտարիան
COVID-19-ը անվերապահորեն կփոխի աշխարհը եւ իր լոկալ ու ...


02-04-2020
Հեռավար կրթությո՞ւն, թե՞ առցանց դասախոսություն
Ինչ առանձնահատկություններ ունի կրթության այս եղանակը

Հայաստանում արտակարգ ...



02-04-2020
Հայաստանը ձեռք է բերել 23 օդերեւութաբանական գերժամանակակից ավտոմատ կայան
Այս ոլորտի տեղեկատվությունը հասանելի ...

02-04-2020
Մարդկությունը կշահի միայն միասնականության շնորհիվ
Ինչպիսին կլինի աշխարհը կորոնավիրուսից ...

02-04-2020
Արցախում ընտրությունները մրցակցային էին
Ժողովրդի մեջ ընտրությամբ փոփոխության ...

02-04-2020
Տոկիոյի օլիմպիադան վերջնականապես վտանգված է
Համաճարակի պայմաններում, երբ թվում է մարդկությունը ...
USD
EURO
RUR
GEL
Եղանակը Երևանում
գիշերը +3... +5
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO