Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԱՇԽԱՐՀ


Անկարան դուրս է գալիս ընդհատակից

Թուրքիան, որպեսզի չթույլատրի իր դաշնակցի պարտությունը, դիմել է ռազմական ակնհայտ միջամտության

Վերջին օրերին Անկարան ակտիվացրել է իր մասնակցությունը լիբիական բախմանը։ Թուրքիայի ռազմածովային ուժերն սկսել են աջակցել Ազգային համաձայնության կառավարությանը (ԱՀԿ), որը պարտություններ է կրում։ Թուրքիան ավելի վաղ փորձել է տպավորություն ստեղծել, թե ուղղակիորեն չի մասնակցում բախմանը Հյուսիսային Աֆրիկայում։ Սակայն իրավիճակը ռազմաճակատներում այնպես է դասավորվում, որ Անկարան ստիպված է օգնել ԱՀԿ—ի հակաօդային պաշտպանությանն ուղղակիորեն՝ իր նավերի միջոցով։
Ինչպես տեղեկացնում է «Իզվեստիան»՝ հենվելով իրավիճակին ծանոթ աղբյուրների վրա, Ֆաիզ Սարաջի կառավարության դրությունը ծայրահեղ ծանր է։ ԼԱԲ—ի ուժերը գործնականում մայրաքաղաքային շրջանը կտրել են Թունիսի հետ սահմանից։ Որպեսզի չթույլատրի իր դաշնակցի ռազմական պարտությունը, Թուրքիան դիմել է ռազմական ակնհայտ միջամտության։
Ապրիլի 1—ին տարածված տեսագրությունում երեւում է ռազմական մեծ նավից զենիթային հրթիռի արձակումը Տրիպոլիից 55 կմ հեռավորության վրա։ Շուտով հրթիռի բեկորները գտել են Ալ—Աջայլատ քաղաքի շրջանում։ Դրանց վրա երեւում են «RIM—66E—5», «Standard missile» գրությունները։ Մեծ հեռահարության զենիթահրթիռային այդ համակարգով հագեցած են թուրքական «Oliver Perry» հածանավերը, որոնք հիմա պարեկություն են անում ռազմական գործողությունների գոտուց ոչ շատ հեռու։
Անկարան ոչ մի հայտարարություն չի արել իր նավատորմի կողմից կիրառված զենքի մասին։ Դրա փոխարեն ԱՀԿ—ի բանակի հրամանատար Սարաջը հայտարարել է, որ իրենք սեփական ուժերով խփել են Հաֆթարի բանակի հետախուզահարվածային մեծ անօդաչու ոչ հեռու այն հատվածից, որտեղ գտնվել են հրթիռի բեկորները։ Ամենայն հավանականությամբ, հրթիռի թիրախը հենց անօդաչուն է եղել։
Չնայած ռազմական գործողություններին ու օդանավակայանների պարբերական գնդակոծությանը, օդային ճանապարհով ուղեւորափոխադրումները Լիբիայում շարունակվում են։
Անկասկած, նման հզոր զենիթահրթիռային համակարգի միջոցով գործողությունները քաղաքացիական թռիչքների գոտում իրենց մեջ վտանգ են պարունակում։
«Նավատորմի ՀՕՊ միջոցները պետք է ներառված լինեն հետախուզության եւ ահազանգի համակարգում,— այս կարծիքին է Ռուսաստանի զենիթահրթիռային զորքերի նախկին ղեկավար Ալեքսանդր Գորկովը։— Եթե դա չի արվել, ուրեմն մեծ է սխալի հավանականությունը։ ՀՕՊ—ի ռադարը տեսնում է ինքնաթիռը, բայց չի կարող որոշել, թե ինչ օբյեկտ է այն»։
1988 թ. ամերիկյան «Vincennes»—ը Պարսից ծոցում խփեց իրանական «Airbus 300» քաղաքացիական ինքնաթիռը՝ կարծելով, թե այն ռազմական է։ Այն ժամանակ էլ «RIM—66E—5» է օգտագործվել, ինչպես թուրքական հածանավի դեպքում։
Վերջին տասնամյակում հազվադեպ են դեպքերը, երբ ռազմական նավատորմներն իրենց հրթիռները կիրառում են ռեալ հակառակորդի դեմ։ Անցած տարի ԱՄՆ—ի ռազմածովային ուժերը հայտարարեցին Օրմուզի նեղուցում իրանական ոչ մեծ անօդաչուի ոչնչացման մասին, որը մոտեցել էր նավատորմին։ Բայց դա խփվել էր ոչ թե հրթիռներով, այլ ռադիոէլեկտրոնային պայքարի միջոցներով։
Թուրքիան ավելի վաղ փորձել է տպավորություն ստեղծել, թե ուղղակիորեն չի մասնակցում բախմանը Հյուսիսային Աֆրիկայում։ Նույնիսկ հարվածային անօդաչուները ձեւականորեն վաճառվել են ԱՀԿ—ին։ Նրանց վրա լիբիական տարբերանշաններ կան։ Այժմ ԱՀԿ—ի ուժերը Տրիպոլիից արեւմուտք սեղմված են ծովափին եւ ոչնչով չեն կարող պաշտպանվել Հաֆթարի ինքնաթիռներից ու անօդաչուներից։ Թուրքիան մայրաքաղաք է նետել «Hawk» զենիթահրթիռային համակարգի մարտկոցներ, որոնք վնասվել են հրետակոծությունից, բացի այդ, համակարգը չունի այնպիսի հեռահարություն, որ կարողանա փակել մարտերի ողջ շրջանը։ Դա է պատճառը, որ Թուրքիան որոշել է աջակցել իր դաշնակցին նավատորմով։ Եվ դժվար թե ապրիլի 1—ին արձակված հրթիռը վերջինը լինի։
Այն բանից հետո, երբ խախտվեց ժամանակավոր հրադադարի ռեժիմը, Լիբիայում մարտերը ծավալվեցին երեք հիմնական ոըղղությամբ։ Մայրաքաղաքում Հաֆթարին ենթակա ուժերը դանդաղ շարժվում են Աբու Սալիմ շրջանում։ Տրիպոլիից արեւելք նրանց ստորաբաժանումները շարունակում են հարձակվել Միսուրատ քաղաքի ուղղությամբ։ ԱՀԿ—ի վերահսկողության տակ գտնվող՝ իր մեծությամբ երկրորդ բնակավայրի անկումը վճռորոշ դեր կարող է խաղալ այս քաղաքացիական պատերազմում։
Մայրաքաղաքից արեւմուտք՝ Տրիպոլիի ու Թունիսի հետ սահմանի միջեւ, մարտեր են ընթանում ծովափի համար։ ԼԱԲ—ի զորքերը փորձում են լիովին արգելափակել ցամաքային ուղիները դեպի հարեւան պետություն, որտեղից ԱՀԿ—ն զենք է ստանում մաքսանենգ ճանապարհով։ Դա նույնպես շատ է բարդացնում Սարաջի դրությունը։
Տրիպոլիի թուրքամետ կառավարությունը շարունակում է հույսեր կապել հարվածային անօդաչուների հետ՝ ԼԱԲ—ի հարձակումը կանխելու համար։ Չնայած հաջողությանը, Հաֆթարին չի հաջողվի լիովին արգելափակել անօդաչուները։ Վերջին երեք օրվա ընթացքում հայտարարվել է 5 ԱԹՍ—ի ոչնչացման մասին, սակայն ներկայացվել են միայն թուրքական արտադրության «Bayraktar»—ի լուսանկարներ։
Ավելի վաղ հաղորդվել է, որ ԼԱԲ—ի ուժերն անօդաչուների դեմ պայքարի համար օգտագործում են «Պանցիր» զենիթահրթիռային համակարգեր, որոնք ստացել են ԱՄԷ—ից։
Անօդաչուների մի մասը տեղափոխվել է Միսուրատի մոտ գտնվող օդանավակայան, որը թույլ կտա կանխել ԼԱԲ—ի հարձակումն այդ քաղաքի վրա եւ հաջողությամբ գրոհել Հաֆթարի տեխնիկայի շարասյուները, որոնք տեղաշարժվում են անապատային ճանապարհներով։
Ֆելդմարշալ Հաֆթարի զինանոցում մնում են մի քանի հնացած ինքնաթիռներ, որոնք օգտագործում են ռումբերով հարձակման ժամանակ։ Դրանց թվում են հարվածային Սու—22—ները, ինչպես նաեւ ՄիԳ—23 եւ ՄիԳ—21 կործանիչները։ Ալ—Վաթիայի ավիաբազայի վրա մարտի 5—ին ԱՀԿ—ի ուժերի հարձակումը հետ մղելու ժամանակ գործարկվել են նաեւ L—39 մարտական պատրաստության ինքնաթիռներ։
Այդ ինքնաթիռներն ու ԱԹՍ—ները պարբերաբար հարվածներ են հասցնում Միսուրատին եւ տեղի օդանավակայանին՝ անօդաչուների գործողությունները դժվարացնելու կամ դրանք ոչնչացնելու համար։ Մարտի 31—ին ԼԱԲ—ի ներկայացուցիչները հայտարարեցին, որ իրենց հաջողվել է ոչնչացնել մի շարք թուրք սպաների եւ մասնագետների։ Անկարան, սակայն, չի մեկնաբանել այդ տեղեկատվությունը։
Հաֆթարի ուժերի՝ վերջին ամիսներին գրանցած ռազմական հաջողությունների հիմնական պատճառը, անշուշտ, օդում գերազանցությունն է...
Պատրաստեց Իշխան ՔԻՇՄԻՐՅԱՆԸ

04-04-2020





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO