|
Եռակողմ հայտարարության նախաձեռնողն ամեն կերպ կձգտի պահպանել այն 
ՌԴ-ն մատնանշում է Արցախում խաղաղությունը խաթարելու փորձ անողներին
Չնայած ընդամենը երկու շաբաթ է անցել եռակողմ հայտարարության ընդունման օրից, բայց բազմաթիվ են դրա դրույթներն աղճատելու եւ գործընթացները նախանշված ձեւաչափերից շեղելու փորձերը:
Վերոնշյալ փաստն արձանագրեց նաեւ հայտարարության նախաձեռնող կողմի՝ Ռուսաստանի արտաքին գործերի նախարար Սերգեյ Լավրովը Վլադիմիր Պուտինի հետ աշխատանքային խորհրդակցության ժամանակ:
«Ցավոք, միտում կա: Մենք զգում ենք դա, որ փորձում են կանգնեցնել Ռուսաստանի, Հայաստանի եւ Ադրբեջանի ղեկավարների միջեւ նոյեմբերի 9-ին ստորագրված հայտարարության կատարումը, փորձում են թույլ չտալ, որ այդ հայտարարությունն ամբողջությամբ կատարվի, թեեւ բոլորը ստիպված են ընդունել, որ այն հաջողությամբ իրականացվում է: Խաղաղապահ առաքելության բնույթը փոխելու փորձերը մենք նույնպես տեսնում ենք, դեռ թաքուն, բայց դրանք նույնպես տեղի են ունենում»,- խորհրդակցության ժամանակ նկատել է Լավրովը:
Նույն օրը «Reuters»-ը տեղեկություն տարածեց, որ Թուրքիայի եւ Ռուսաստանի միջեւ տարաձայնություններ են առաջացել՝ կապված Արցախում խաղաղապահների տեղակայման հետ։ Ըստ լրատվական գործակալության՝ թուրքերը ցանկանում են ռուս-թուրքական միասնական համակարգող կենտրոնից բացի բացել նաեւ մեկ այլ՝ անկախ դիտակետ։
Սա նշանակում է, որ Թուրքիան ցանկանում է խաղաղապահ գործընթացներում հանդես գալ որպես առանձին կողմ: Վերջինիս այս ձգտումը հակասում է հրադադարի հաստատման եւ խաղաղապահների ներգրավման հիմնական սկզբունքին, այն է՝ դրանք պետք է ընդունելի լինեն հակամարտության երկու կողմի համար: Այն, որ հայկական կողմը երբեք չի համաձայնի կարգավորման գործընթացում թուրքական առանձին մանդատի գոյության հետ՝ անքննելի է: Թուրքիան այդ ձգտումները վերջնականորեն խորտակեց պատերազմ հրահրելով եւ դրանում անմիջական մասնակցություն ունենալով: Այս կետի վրա վերջինիս պնդումները եւ պարտադրող քայլերը կարող են դիտարկվել միայն որպես ագրեսիայի դրսեւորում, քանի որ դրան ակնհայտորեն հակադրվելու է հայկական կողմը:
Ռուսաստանի իշխանությունները բարձրագույն մակարդակով շեշտում են, որ հայտարարության դրույթներից շեղման այլընտրանքը պատերազմն է լինելու: Պարզ է, որ այդ խոսքերի հասցեատերերը Ադրբեջանն ու Թուրքիան են, քանի որ այս պահի դրությամբ միայն վերջիններս են փորձում հայտարարության դրույթները ձեւափոխել կամ սեփական շահերի դիրքերից մեկնաբանել: Առաջին հայացքից թվում է, թե պատերազմի վերսկսումը ձեռնտու է վերջիններիս: Սակայն նման զարգացման խորքային դիտարկումը ցույց է տալիս, որ պատերազմի հնարավոր վերսկսումը Ռուսաստանի խաղաղապահների ներկայությամբ բոլորովին այլ բան է նշանակում, ինչը եւ փորձում է հասկացնել ռուսական կողմը:
Այդ դեպքում այլ իրավիճակ կլինի նաեւ հայկական բանակի համար, որն ստացել է իր ուժերը վերախմբավորելու եւ համալրելու այնքան անհրաժեշտ ժամանակը, ինչն այդպես էլ չունեցավ պատերազմի ողջ ընթացքում:
Բայց մյուս կողմից էլ, չնայած պարբերաբար նկատվող նմանատիպ փորձերին, խաղաղապահ բուն գործընթացներն Արցախի Հանրապետության տարածքում հարթ են ընթանում: Սա խոսում է այն մասին, որ հրադադարի ռեժիմը կպահպանվի, իսկ այդ գործընթացում թուրքական կողմի՝ ավելիին հասնելու պարբերական ձգտումներին կհակադրվեն եռակողմ հայտարարության հիմքում դրված փաստարկները:
Արմեն ՎԱՐԴԱՆՅԱՆ 25-11-2020
|
Եռակողմ հայտարարության նախաձեռնողն ամեն կերպ կձգտի պահպանել այն ՌԴ-ն մատնանշում է Արցախում խաղաղությունը խաթարելու փորձ անողներին
Չնայած ընդամենը երկու շաբաթ է անցել եռակողմ հայտարարության ընդունման օրից, բայց բազմաթիվ են դրա դրույթներն աղճատելու եւ գործընթացները նախանշված ձեւաչափերից շեղելու փորձերը:
Վերոնշյալ փաստն արձանագրեց նաեւ հայտարարության նախաձեռնող կողմի՝ Ռուսաստանի արտաքին գործերի նախարար Սերգեյ Լավրովը Վլադիմիր Պուտինի հետ աշխատանքային խորհրդակցության ժամանակ:
«Ցավոք, միտում կա: Մենք զգում ենք դա, որ փորձում են կանգնեցնել Ռուսաստանի, Հայաստանի եւ Ադրբեջանի ղեկավարների միջեւ նոյեմբերի 9-ին ստորագրված հայտարարության կատարումը, փորձում են թույլ չտալ, որ այդ հայտարարությունն ամբողջությամբ կատարվի, թեեւ բոլորը ստիպված են ընդունել, որ այն հաջողությամբ իրականացվում է: Խաղաղապահ առաքելության բնույթը փոխելու փորձերը մենք նույնպես տեսնում ենք, դեռ թաքուն, բայց դրանք նույնպես տեղի են ունենում»,- խորհրդակցության ժամանակ նկատել է Լավրովը:
Նույն օրը «Reuters»-ը տեղեկություն տարածեց, որ Թուրքիայի եւ Ռուսաստանի միջեւ տարաձայնություններ են առաջացել՝ կապված Արցախում խաղաղապահների տեղակայման հետ։ Ըստ լրատվական գործակալության՝ թուրքերը ցանկանում են ռուս-թուրքական միասնական համակարգող կենտրոնից բացի բացել նաեւ մեկ այլ՝ անկախ դիտակետ։
Սա նշանակում է, որ Թուրքիան ցանկանում է խաղաղապահ գործընթացներում հանդես գալ որպես առանձին կողմ: Վերջինիս այս ձգտումը հակասում է հրադադարի հաստատման եւ խաղաղապահների ներգրավման հիմնական սկզբունքին, այն է՝ դրանք պետք է ընդունելի լինեն հակամարտության երկու կողմի համար: Այն, որ հայկական կողմը երբեք չի համաձայնի կարգավորման գործընթացում թուրքական առանձին մանդատի գոյության հետ՝ անքննելի է: Թուրքիան այդ ձգտումները վերջնականորեն խորտակեց պատերազմ հրահրելով եւ դրանում անմիջական մասնակցություն ունենալով: Այս կետի վրա վերջինիս պնդումները եւ պարտադրող քայլերը կարող են դիտարկվել միայն որպես ագրեսիայի դրսեւորում, քանի որ դրան ակնհայտորեն հակադրվելու է հայկական կողմը:
Ռուսաստանի իշխանությունները բարձրագույն մակարդակով շեշտում են, որ հայտարարության դրույթներից շեղման այլընտրանքը պատերազմն է լինելու: Պարզ է, որ այդ խոսքերի հասցեատերերը Ադրբեջանն ու Թուրքիան են, քանի որ այս պահի դրությամբ միայն վերջիններս են փորձում հայտարարության դրույթները ձեւափոխել կամ սեփական շահերի դիրքերից մեկնաբանել: Առաջին հայացքից թվում է, թե պատերազմի վերսկսումը ձեռնտու է վերջիններիս: Սակայն նման զարգացման խորքային դիտարկումը ցույց է տալիս, որ պատերազմի հնարավոր վերսկսումը Ռուսաստանի խաղաղապահների ներկայությամբ բոլորովին այլ բան է նշանակում, ինչը եւ փորձում է հասկացնել ռուսական կողմը:
Այդ դեպքում այլ իրավիճակ կլինի նաեւ հայկական բանակի համար, որն ստացել է իր ուժերը վերախմբավորելու եւ համալրելու այնքան անհրաժեշտ ժամանակը, ինչն այդպես էլ չունեցավ պատերազմի ողջ ընթացքում:
Բայց մյուս կողմից էլ, չնայած պարբերաբար նկատվող նմանատիպ փորձերին, խաղաղապահ բուն գործընթացներն Արցախի Հանրապետության տարածքում հարթ են ընթանում: Սա խոսում է այն մասին, որ հրադադարի ռեժիմը կպահպանվի, իսկ այդ գործընթացում թուրքական կողմի՝ ավելիին հասնելու պարբերական ձգտումներին կհակադրվեն եռակողմ հայտարարության հիմքում դրված փաստարկները:
Արմեն ՎԱՐԴԱՆՅԱՆ 25-11-2020
փակել >>
|
