Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2021
ՏՆՏԵՍՈՒԹՅՈՒՆ


Խթանվում է Հայաստանի հարուստ արեւային էներգիայի օգտագործումը

Նոր արտոնություններ այս ճյուղի արտադրությամբ զբաղվել ցանկացողների համար

Հայաստանում արձանագրվող արեւային օրերի մեծ քանակը բարենպաստ պայմաններ է ստեղծում վերականգնվող, էկոլոգիապես մաքուր էլեկտրաէներգիայի արտադրության նոր ճյուղի՝ արեւային էներգետիկայի զարգացման համար: Այն ստանալու համար օգտագործվող տեխնոոլոգիաներն էժան չեն, այդ պատճառով էլ արեւային էլեկտրակայանների կառուցումը խթանելու համար պետությունը պետք է սահմանի արտոնյալ պայմաններ եւ բարելավի դրանց կառուցումը խթանող իրավանորմատիվային դաշտը:
Ոլորտի պետական լիազոր մարմինների հերթական իրավակարգավորման նախաձեռնությունն ուղղված է Հայաստանում արեւային էներգիայի հոսքի միջին տարեկան 1720 կվտժ/քմ հնարավորությունն օգտագործողների թվի եւ ծավալների մեծացմանը: Հանրային ծառայությունները կարգավորող հանձնաժողովի մշակած եւ իրավական ակտերի նախագծերի հրապարակման միասնական հարթակում տեղադրած իրավական ակտերի փոփոխությունների փաթեթով պարզեցվում են արեւային էլեկտրակայաններ կառուցելու ընթացակարգերը, սահմանվում են լրացուցիչ արտոնություններ:
Արեւային էներգիայի զարգացման խթանման նպատակով «Արեւային ֆոտովոլտային կայանի կառուցման ներդրումային ծրագրի» շրջանակներում Գեղարքունիքի մարզում կառուցվելու է Մասրիկ-1 արդյունաբերական մասշտաբի արեւային ֆոտովոլտային կայան՝ 55 ՄՎտ պիկային հզորությամբ, որին հաջորդելու է նաեւ 5 կայանի կառուցումը՝ ընդհանուր մոտ 60 ՄՎտ հզորությամբ: Հանրապետությունում խթանվում է նաեւ մինչեւ 5 ՄՎտ հզորությամբ արեւային էլեկտրաէներգիայի արտադրության հիմնումը, եւ արդեն մոտ 30 ընկերություն լիցենզավորվել է:
Նախկինում լիազոր մարմնի առաջարկությամբ ՀԾԿՀ-ի որոշումներով ամրագրվել էր, որ մինչեւ 2019 թ. հունվարի 1-ն ընկած ժամանակահատվածի արեւային էլեկտրակայանների մասով տարեկան գումարային հզորությունները պետք է մինչեւ 50 ՄՎտ լինեին, իսկ 2019-ի ընթացքում՝ եւս 50 ՄՎտ դրվածքային հզորության: Հանձնաժողովի որոշումներով նաեւ ամրագրվել էր, որ հնարավորություն է տրվում մինչեւ 2019 թ. հունվարի 1-ը ընդհանուր տրամադրված լիցենզիաներով չլրացված հզորությունները համալրել 2019-ի ընթացքում:
Ներկայում ՀԾԿՀ-ի շրջանառած երեք որոշումներում կատարվող փոփոխություններով վերանայվում է արեւային էներգետիկ ռեսուրսներ օգտագործող էլեկտրակայաններում էլեկտրական էներգիայի արտադրության լիցենզիաների գումարային հզորությունների տրամադրման սահմանափակումը: Տարածքային կառավարման եւ ենթակառուցվածքների նախարարության առաջարկի հիման վրա նախատեսվում է համայնքային ոչ առեւտրային կազմակերպություններին արեւային էլեկտրակայաններում էլեկտրական էներգիայի արտադրության լիցենզիաների տրամադրման համար ամրագրել 15 ՄՎտ գումարային հզորության նոր սահմանաչափ: Այս փոփոխությունը լրացուցիչ խթան կդառնա արեւային նոր էլեկտրակայանների արտադրության համար: Վերջիններիս մասով հանձնաժողովը մինչեւ 5 ՄՎտ տեղակայված հզորություն ունեցող էլեկտրակայանների համար սահմանել է 24.233 ՀՀ դրամ սակագին, իսկ 5 ՄՎտ-ն գերազանցող արեւային էլեկտրակայաններում էներգիայի արտադրության լիցենզիաներ տրամադրվում են պետություն-մասնավոր գործընկերություն գործարքների շրջանակներում։
Առաջարկվող իրավական նորմերի նոր նախագծերի փաթեթով փոփոխվում է էներգետիկայի բնագավառում գործունեության լիցենզիա ստանալու կարգը՝ դրա համար հանձնաժողով ներկայացված փաստաթղթերի փոփոխության դեպքում այդ մասին լիցենզավորված անձի կողմից հանձնաժողովին տեղեկացնելու ժամկետը 15 օրվա փոխարեն սահմանելով 15 աշխատանքային օրը:
Ոլորտը կարգավորելու ընթացքում ի հայտ են եկել տարընկալումներ, որոնցից խուսափելու եւ իրավական որոշակիության ապահովման նպատակով նախագծով հստակ ամրագրվում է, որ գործող կարգով նախատեսված հայտն ուսումնասիրության չընդունվելուց կամ մերժվելուց հետո կրկին ներկայացման դեպքում համարվում է նոր հայտ: Անհարկի վարչարարությունից խուսափելու համար հանձնաժողովը հաստատում է, որ այսուհետ կարելի է «Միասնական հայտ» էլեկտրոնային համակարգի միջոցով իրականացնել բնական գազի ներկրման ու արտահանման լիցենզիաների ստացման հայտի եւ դրան կից փաստաթղթերի ներկայացումը, հայտի մերժումը, այդ լիցենզիայի տրամադրումը, դրա ժամկետի երկարաձգումը, վերաձեւակերպումը, փոփոխությունը, գործողության կասեցումը եւ դադարեցումը:
Նոր որոշմամբ հնարավորություն է տրվում էլեկտրակայանի կառուցման ժամանակահատվածի երկարաձգման դեպքում նույն ժամկետի չափով նաեւ երկարացնելու արտադրություն իրականացնելու համար նախապես տրված ժամանակահատվածը: Ըստ նախագծի՝ հայտատուներն այսուհետ հնարավորություն կունենան կայանի կառուցման ժամանակահատված ներառող էլեկտրական էներգիայի, ջերմային էներգիայի կամ էլեկտրական եւ ջերմային էներգիայի համակցված արտադրության լիցենզիայի ստացման համար գործարար ծրագրի փոխարեն ներկայացնել միայն կայանի կառուցման նախագիծը:

Արմեն ՎԱՐԴԱՆՅԱՆ

27-02-2021





22-04-2021
Կմշակվի կրկնակի երկարացման հայեցակարգը
ՀԱԷԿ-ի շահագործման ժամկետի երկարաձգումը՝ Հայաստանի եւ Ռուսաստանի առանցքային նախագիծ


22-04-2021
Պաշտոնական Բաքուն շարունակում է ֆաշիստական քաղաքականությունը
Թշնամական նկրտումներն ավելի բացահայտ բնույթ են ստանում

Նախօրեին ...


22-04-2021
Թեհրանը որոշել է չշտապել
Իրանը ցանկանում է համոզվել, որ ԱՄՆ-ը կկատարի ստանձնած պարտավորությունները


22-04-2021
Ծապաթաղ՝ սահմանամերձ պատմական գյուղ
Սյունիքի 13-րդ դարի պատմիչ Ստեփանոս Օրբելյանը «Սյունիքի պատմություն» գրքում, ...


22-04-2021
Ուշադրության կենտրոնում է նախադպրոցական համակարգը
Նոր մեխանիզմներ՝ կրթական գործընթացը վերահսկելու համար

Կրթության ոլորտը ...


22-04-2021
Նահատակության պսակավոր հերոսը
«Գետաշենը կդատարկվի միայն իմ դիակի վրայով…»

«Երբ պոռթկաց ...


22-04-2021
Առկա է 189 թափուր տեղ
2021 թ. հունվարից ուժի մեջ մտած սահմանամերձ կամ բարձրլեռնային ...



22-04-2021
Խորհրդակցություն Սյունիքի մարզպետարանում
Ալիեւը սադրիչ հայտարարություններով ուզում է հետ ...

22-04-2021
ՀՀ փոխվարչապետը շնորհակալություն է հայտնել ԵՄ-ին
ՀՀ փոխվարչապետ Տիգրան Ավինյանը երեկ ընդունել է ...

22-04-2021
Հավաքներ Թուրքիայի դիվանագիտական ներկայացուցչությունների մոտ
Ֆրանսիայում ապրիլի 24-ին Հայոց ցեղասպանության ...

22-04-2021
Գերմանիան շարունակում է աջակցել ԵԱՀԿ ՄԽ համանախագահությանը
Գերմանիայի Դաշնային Հանրապետության ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO