Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2021
ԱՇԽԱՐՀ


Ամենամեծ խնդիրը հիմա տնտեսական ճգնաժամն է

Դրա պատճառով Սիրիայի 9.3 մլն քաղաքացիներ սննդի պակաս են զգում

Մի քանի տարի առաջ Սիրիայի նախագահ Բաշար Ասադին հուզում էին միայն հաջողությունները մարտի դաշտում, որովհետեւ դա իշխանության ամրապնդման ճանապարհին ամենակարեւոր քայլն էր: Բայց այսօր իրականության հետ բախումը բացահայտում է նոր եւ շատ լուրջ խնդիրներ. ներկայումս Սիրիայի տարածքի 65 տոկոսը գտնվում է կենտրոնական իշխանության վերահսկողության տակ, սակայն ամենամեծ սպառնալիքը, որին բախվում է Ասադը, տնտեսական ճգնաժամն է:
Դա ակնհայտ դարձավ այն բանից հետո, երբ Սիրիայի նախագահը հայտարարեց ստեղծված իրավիճակից դուրս գալու անկարողության մասին: Երկրում փոթորկվող ճգնաժամն ընդգրկում է նաեւ ազգային արժույթի փլուզումը, ինչն անդրադարձել է աշխատավարձերի, առաջին անհրաժեշտության ապրանքների գների վրա եւ դարձել է երկրում վառելիքի ու հացի անբավարարության քրոնիկ պատճառ: «Այո, ես գիտեմ, սակայն չեմ կարողանում պատկերացնել կոնկրետ քայլեր, որոնք կկարգավորեն ճգնաժամը»,- Ասադի՝ երկրում տիրող տնտեսական վիճակի վերաբերյալ խոսքերը մեջբերել է ամերիկյան «The New York Times»-ը:
Տնտեսական լուրջ ճգնաժամն ավելի մեծ սպառնալիք է այսօր ներկայացնում Սիրիայի համար, քան զինված խմբավորումները եւ նույնիսկ արտասահմանյան պետությունները, որոնք վերահսկում են երկրի տարածքի որոշակի մասը: Այն խանգարում է քանդված քաղաքների վերականգնմանը, նպաստում է բնակչության աղքատացմանը եւ Սիրիայի 9.3 մլն քաղաքացիներին ստիպում է սննդի պակաս զգալ:
«The New York Times»-ը հաղորդում է, որ Բաշար Ասադի հետ հարցազրույցում, որը վերջերս է կայացել, սիրիական պետության ղեկավարն անօգնական տեսք է ունեցել: Նա սիրիական ժողովրդի դժբախտության մեջ մեղադրել է գլոբալ կապիտալիզմի «դաժանությունը», սոցիալական ցանցերի եւ «նեոլիբերալիզմի» կողմից «ուղեղների լվացումը»: Վերլուծաբանների կարծիքով՝ այդ մեղադրանքները շատ հեռու են սիրիացիների իրական տառապանքներից:
Բաշար Ասադը նշված հայտարարությունը կատարել է, երբ երկրի տնտեսական վիճակը շատ ավելի ծանր էր, քան որեւէ այլ ժամանակ, սկսած 2011-ից, երբ սկսվեց պատերազմը: Այս ամիս ազգային արժույթը՝ սիրիական ֆունտը, դոլարի նկատմամբ «սեւ շուկայում» հասել է իր ռեկորդային ամենացածր ցուցանիշին: Դրա հետեւանքով նվազել են աշխատավարձերը, աճել են արտասահմանյան ապրանքների գները, իսկ սննդամթերքի գներն անցած տարվա համեմատությամբ բարձրացել են ավելի քան երկու անգամ:
«The New York Times»-ի տեղեկատվության համաձայն՝ սիրիացիների մեծամասնությունն այժմ օրեր է նվիրում վառելիքի փնտրտուքին, որպեսզի տաքացնեն իրենց տները, իսկ հացի համար հերթը սարսափելիորեն երկար է: Էլեկտրաէներգիայի պակասը միշտ առկա է, որոշ շրջաններ օրական մի քանի ժամ են հոսանք ստանում, ինչը հազիվ բավարարում է հեռախոսների լիցքավորմանը:
Հաղորդվում է, որ բժշկությունը Սիրիայում ամենաբարձր կարգավիճակն ունեցող մասնագիտությունն է եւ երաշխավորում է լավ վաստակ: Բայց այսօր սիրիացի բժիշկներն ամսական ընդամենը 50 դոլար են վաստակում, ինչը նրանցից շատերին ստիպում է լքել երկիրը եւ լավ կյանք փնտրել դրսում: Պատճառները բոլորին են հայտնի՝ ռազմական գործողություններ, արեւմտյան պատժամիջոցներ եւ ճգնաժամ հարեւան Լիբանանում, որը համավարակի պատճառով փակել է սահմանները:
Դրությունը վատթարացնում է այն փաստը, որ Բաշար Ասադի գլխավոր դաշնակիցները՝ Ռուսաստանը եւ Իրանը, այլեւս չեն կարողանում հումանիտար օգնություն ցուցաբերել սիրիացիներին, քանզի իրենք էլ են տառապում ռեսուրսների պակասից արեւմտյան պատժամիջոցների եւ համավարակի հետեւանքների պատճառով: Սիրիայում Ռուսաստանի դեսպան Ալեքսանդր Եֆիմովը հաստատել է, որ Սիրիայում սոցիալ-տնտեսական դրությունն այսօր շատ ծանր է, իսկ հումանիտար օգնությունն այդ երկրի բնակչությանն ընդհատումներով է հասնում:
Վերջին օրերին Սիրիայում իսկական պայքար է սկսվել դոլարի գնման համար, ինչի հետեւանքով սիրիական ֆունտը շարունակում է նոր հակառեկորդներ սահմանել: Ազգային արժույթի փլուզումը հանգեցրել է ինֆլյացիայի եւ խորացրել սիրիացիների տառապանքները, որոնք ընդամենը ուզում են սնունդ, էներգիա եւ առաջին անհրաժեշտության այլ ապրանքներ ունենալ:
Միավորված ազգերի կազմակերպությունը եւ հումանիտար այլ կազմակերպություններ մեկ անգամ չեն հայտարարել, որ սիրիացիները բախվում են սննդի չտեսնված ճգնաժամի եւ սովի: Նրանց տեղեկություններով՝ Սիրիայի ավելի քան 9.3 մլն քաղաքացիներ սննդի պակաս են զգում:

Պատրաստեց Իշխան ՔԻՇՄԻՐՅԱՆԸ

27-02-2021





22-04-2021
Կմշակվի կրկնակի երկարացման հայեցակարգը
ՀԱԷԿ-ի շահագործման ժամկետի երկարաձգումը՝ Հայաստանի եւ Ռուսաստանի առանցքային նախագիծ


22-04-2021
Պաշտոնական Բաքուն շարունակում է ֆաշիստական քաղաքականությունը
Թշնամական նկրտումներն ավելի բացահայտ բնույթ են ստանում

Նախօրեին ...


22-04-2021
Թեհրանը որոշել է չշտապել
Իրանը ցանկանում է համոզվել, որ ԱՄՆ-ը կկատարի ստանձնած պարտավորությունները


22-04-2021
Ծապաթաղ՝ սահմանամերձ պատմական գյուղ
Սյունիքի 13-րդ դարի պատմիչ Ստեփանոս Օրբելյանը «Սյունիքի պատմություն» գրքում, ...


22-04-2021
Ուշադրության կենտրոնում է նախադպրոցական համակարգը
Նոր մեխանիզմներ՝ կրթական գործընթացը վերահսկելու համար

Կրթության ոլորտը ...


22-04-2021
Նահատակության պսակավոր հերոսը
«Գետաշենը կդատարկվի միայն իմ դիակի վրայով…»

«Երբ պոռթկաց ...


22-04-2021
Առկա է 189 թափուր տեղ
2021 թ. հունվարից ուժի մեջ մտած սահմանամերձ կամ բարձրլեռնային ...



22-04-2021
Խորհրդակցություն Սյունիքի մարզպետարանում
Ալիեւը սադրիչ հայտարարություններով ուզում է հետ ...

22-04-2021
ՀՀ փոխվարչապետը շնորհակալություն է հայտնել ԵՄ-ին
ՀՀ փոխվարչապետ Տիգրան Ավինյանը երեկ ընդունել է ...

22-04-2021
Հավաքներ Թուրքիայի դիվանագիտական ներկայացուցչությունների մոտ
Ֆրանսիայում ապրիլի 24-ին Հայոց ցեղասպանության ...

22-04-2021
Գերմանիան շարունակում է աջակցել ԵԱՀԿ ՄԽ համանախագահությանը
Գերմանիայի Դաշնային Հանրապետության ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO