Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2021
ՆԵՐՔԻՆ ԿՅԱՆՔ


Ընկավ Արցախի սահմանին

Քաշաթաղի շրջանի Աղավնո գյուղում էր ընտանիքով բնակվում Արմեն Արամի Իսախանյանը, ով այս բնակավայրի առաջին բնակիչներից էր եւ կարեւոր դեր ունեցավ համայնքի կայացման գործում։ Արցախյան առաջին պատերազմի երիտասարդ մասնակիցն անմասն չէր մնում Հայոց սահմանի պաշտպանության գործում նաեւ հրադադարից հետո, երբ նման անհրաժեշտություն կար։ Այսպես եղավ նաեւ 2020 թ. սեպտեմբերի 27-ին։
Արմենը ծնվել է 1972 թ. հունիսի 1-ին, ՀՀ Նոր Հաճն քաղաքում։ 17 տարեկան էր, երբ առաջին անգամ զենք վերցրեց ու կամավորական ջոկատի կազմում անցավ Արցախ՝ Բերդաձոր։ Մինչեւ 1994 թ. գարունը մարտնչեց Արցախի տարբեր վայրերում, մասնակցեց Մարտակերտի, Ֆիզուլիի, Հորադիզի եւ այլ տարածքների ազատագրական ու պաշտպանական մարտերին։ 1993 թ. Մատաղիսում որովայնի հատվածում ստացել է բեկորային վիրավորում: Կազդուրվելուց հետո նորից մարտական ընկերների հետ էր, եւ կերտում էին Արցախի ազատագրումը: Պատերազմի ավարտից հետո ամուսնացել է եւ շուտով դարձյալ Արցախում էր՝ Քաշաթաղի շրջանի Աղավնո գյուղում՝ արդեն բնակիչ ու շենացնող։ Ազատագրած հայրենիքը պետք է վերահայանար։
1996-ից ճանաչել եմ Արմենին, իր բնակավայրի հոգսերով էր ապրում, աշխատում։ 2020 թ. ամռանը հանդիպեցի նրան. ուղեկցեց իրենց գյուղում կառուցվող նոր բնակելի տների շինհրապարակ։ Ուրախ էր՝ թեկուզ կար համավարակի խնդիրը, բայց գյուղում տուն ու դպրոց էր կառուցվում։ «Հորեղբայրս՝ Արմենը, բնավորությամբ բարի, կատակասեր եւ շատ հոգատար անհատականություն էր: Նրա համար հայրենիքն սկսվում էր իր ընտանիքից: Արմենի նվիրվածությունն իր հարազատներին, ընկերներին եւ բարեկամներին սահմաններ չէր ճանաչում, բայց միեւնույն ժամանակ չէր հանդուրժում սուտն ու անարդարությունը: Նա իր առանձնահատուկ հատկանիշներով մարդկային փոխհարաբերություններում մեծի հետ մեծ էր, փոքրի հետ՝ փոքր: Այն մարդկանցից էր, ովքեր պատրաստ էին ամբողջ աշխարհի բեռը տանելու իրենց ուսերի վրա»,-ասում է եղբոր դուստրը՝ Լենա Իսախանյանը:
2020 թ. սեպտեմբերյան պատերազմը դարձյալ ոտքի հանեց շատ քաշաթաղցիների՝ պահեստազորայինների ու կամավորականների, աշխարհազորայինների։ Պատերազմի հենց առաջին օրը շատերը վերստին դարձան հայրենիքի պաշտպանության զինվորը, ինչպես՝ 2014-ի օգոստոսին, 2016-ի ապրիլին։ Առաջնագիծ մեկնեց նաեւ Արմենը՝ հաշվի չառնելով առողջական խնդիրները (ձախ երիկամի բացակայության փաստը), մարտադաշտում էին նաեւ երկու որդիները՝ Միքայելն ու Արմանը, եղբայրն ու եղբորորդիները։ Ջաբրայիլի ու Ֆիզուլիի հատվածներում է մարտնչել: Մարտերի ընթացքում իրենց ջոկատով բազմիցս հայտնվել են հակառակորդի շրջափակման մեջ, սակայն պայքարել են՝ մահ կամ ազատություն սկզբունքով:
Արմենը հարազատների հետ վերջին անգամ խոսել է հոկտեմբերի 15-ին, իսկ 2 օր անց Ֆիզուլիի Ղարղաբազար կոչվող վայրում որովայնի հատվածում ստացել է բեկորային վնասվածք եւ ընկել հերոսի մահով: Որդիների կողմից 4 ամսից ավելի տեւած որոնողական աշխատանքներից հետո հերոս Արմենի աճյունը գտնվել եւ ճանաչվել է 2021 թ. փետրվարի 24-ին ադրբեջանցիների կողմից տրված 106 մարմինների միջից: Աստծո կամքով վերջապես հողին հանձնվելուց հետո մեր հերոսի հոգին կվերագտնի իր հանգստությունը։ Արմենի հուղարկավորությունը տեղի ունեցավ Տեղ գյուղի հանգստարանում՝ հերոսների շիրիմների մոտ։
Լիբանանի «Արցախ Ֆոնտ» կազմակերպության ներկայացուցիչ Մարալ Մահսէրէճեանը բարեգործական ծրագրերով հաճախ էր այցելում Քաշաթաղ, նաեւ Աղավնո, նրան իր գործում օգնում էր Արմենը։ Ցավ է հայտնում՝ գրելով. «Աստուած հոգիդ լուսաւորէ Արմէն ճան։ Փառք մեր հերոսներուն»։ Պատերազմի օրերին Արմենի ընտանիքը մոր՝ Էմմայի հետ, դուրս էր եկել Աղավնոյից։ Այժմ նորից իրենց տանն են։ Մայրն ասում է, որ ամուսնու ու որդիների կառուցած, որդու արյան գնով պահած տունը չի կարող թողնել թուրքին ու մինչեւ վերջին շունչը պետք է ապրի իր գյուղում ու իր տանը։

Զոհրաբ ԸՌՔՈՅԱՆ

04-03-2021





22-04-2021
Կմշակվի կրկնակի երկարացման հայեցակարգը
ՀԱԷԿ-ի շահագործման ժամկետի երկարաձգումը՝ Հայաստանի եւ Ռուսաստանի առանցքային նախագիծ


22-04-2021
Պաշտոնական Բաքուն շարունակում է ֆաշիստական քաղաքականությունը
Թշնամական նկրտումներն ավելի բացահայտ բնույթ են ստանում

Նախօրեին ...


22-04-2021
Թեհրանը որոշել է չշտապել
Իրանը ցանկանում է համոզվել, որ ԱՄՆ-ը կկատարի ստանձնած պարտավորությունները


22-04-2021
Ծապաթաղ՝ սահմանամերձ պատմական գյուղ
Սյունիքի 13-րդ դարի պատմիչ Ստեփանոս Օրբելյանը «Սյունիքի պատմություն» գրքում, ...


22-04-2021
Ուշադրության կենտրոնում է նախադպրոցական համակարգը
Նոր մեխանիզմներ՝ կրթական գործընթացը վերահսկելու համար

Կրթության ոլորտը ...


22-04-2021
Նահատակության պսակավոր հերոսը
«Գետաշենը կդատարկվի միայն իմ դիակի վրայով…»

«Երբ պոռթկաց ...


22-04-2021
Առկա է 189 թափուր տեղ
2021 թ. հունվարից ուժի մեջ մտած սահմանամերձ կամ բարձրլեռնային ...



22-04-2021
Խորհրդակցություն Սյունիքի մարզպետարանում
Ալիեւը սադրիչ հայտարարություններով ուզում է հետ ...

22-04-2021
ՀՀ փոխվարչապետը շնորհակալություն է հայտնել ԵՄ-ին
ՀՀ փոխվարչապետ Տիգրան Ավինյանը երեկ ընդունել է ...

22-04-2021
Հավաքներ Թուրքիայի դիվանագիտական ներկայացուցչությունների մոտ
Ֆրանսիայում ապրիլի 24-ին Հայոց ցեղասպանության ...

22-04-2021
Գերմանիան շարունակում է աջակցել ԵԱՀԿ ՄԽ համանախագահությանը
Գերմանիայի Դաշնային Հանրապետության ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO